← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00306_7 ܪܲܓ ܗ̄ܘܵܐ ܟܲܪܡܵܐ ܕܠܲܘ ܕܝܼܠܸܗ ܗ̄ܘܵܐ ܘܚܵܒ ܡܵܪܕܽܘܬܵܐ܃
00306_8 ܕܲܦܩܝܼܕ ܗ̄ܘܵܐ ܠܸܗ ܕܠܵܐ ܢܸܪܲܓ ܗ̄ܘܵܐ ܘܕܵܫ ܦܽܘܩܕܵܢܵܐ܀
00306_9 ܥܸܠܲܬ ܪܸܓܬܵܐ ܘܦܸܬܚܲܬ ܬܲܪܥܵܐ ܠܥܲܘܠܵܐ ܪܲܒܵܐ܃
00307_0 ܘܲܒܓܲܘ ܢܲܦܫܸܗ ܥܒܵܪ ܢܵܡܽܘܣܵܐ ܐܸܫܬܲܡܲܫ ܗ̄ܘܵܐ܀
00307_1 ܘܫܲܪܝܼ ܕܢܲܦܸܩ ܡܸܢ ܬܲܪܥܝܼܬܵܐ ܕܠܸܒܸܗ ܪܽܘܫܥܵܐ܃
00307_2 ܘܪܸܓܬܵܐ ܟܣܝܼܬܵܐ ܢܲܝܬܸܝܗ݀ ܠܓܸܠܝܵܐ ܘܢܸܚܙܸܝܗ݀ ܟܽܠܢܵܫ܀
00307_3 ܘܸܐܬܢܲܚܲܬ ܗ̄ܘܵܐ ܕܢܸܗܘܸܐ ܣܢܝܼܩܵܐ ܨܹܝܕ ܡܸܣܟܼܢܵܐ܃
00307_4 ܘܢܸܫܐܲܠ ܡܸܢܸܗ ܟܲܪܡܵܐ ܕܪܲܓ ܗ̄ܘܵܐ ܕܢܸܗܘܸܐ ܕܝܼܠܸܗ܀
00307_5 ܫܲܦܸܠܬܸܗ ܗ̄ܘܵܬ ܪܸܓܬܸܗ ܘܲܢܚܸܬ ܡܸܢ ܪܲܒܽܘܬܸܗ܃
00307_6 ܘܲܚܠܵܦ ܡܲܠܟܵܐ ܗܘܵܐ ܫܵܐܽܘܠܵܐ ܐܲܝܟ ܚܲܣܝܼܪܵܐ܀
00307_7 ܐܸܡܲܪ ܗ̄ܘܵܐ ܠܸܗ ܒܪܸܓܬܵܐ ܠܢܵܒܽܘܬ ܗܲܒ ܠܝܼ ܟܲܪܡܵܟ܃
00307_8 ܕܢܸܗܘܸܐ ܠܝܼ ܠܲܡ ܠܓܲܢܲܬ ܝܲܪܩܵܐ ܘܣܲܒ ܠܵܟ ܛܝܼܡܲܘ̈ܗ̄ܝ܀
00307_9 ܐܲܘ ܬܲܚܠܽܘܦܸܗ ܐܲܘ ܟܸܣܦܵܐ ܕܡܲܘ̈ܗ̄ܝ ܝܵܗܸܒ ܐ̄ܢܵܐ ܠܵܟ܃
00308_0 ܘܲܕܩܲܪܝܼܒ ܠܝܼ ܘܲܕܚܵܫܲܚ ܠܝܼ ܗܲܒ ܠܝܼ ܕܸܐܩܢܝܼܘܗ̄ܝ܀
00308_1 ܫܐܸܠ ܗ̄ܘܵܐ ܝܲܥܢܵܐ ܕܢܸܩܢܸܐ ܟܲܪܡܵܐ ܕܠܲܘ ܕܝܼܠܸܗ ܗ̄ܘܵܐ܃
00308_2 ܘܠܵܐ ܨܒܵܐ ܟܼܐܢܵܐ ܕܢܲܪܦܸܐ ܕܝܼܠܸܗ ܨܹܝܕ ܥܲܘܵܠܵܐ܀
00308_3 ܐܸܬܬܫܝܼܛܲܬ ܗ̄ܘܵܬ ܡܸܠܬܵܐ ܕܡܲܠܟܵܐ ܕܲܒܣܝܼܪܵܐ ܗ̄ܘܵܬ܃
00308_4 ܡܸܢ ܡܲܟܝܼܟܵܐ ܕܲܒܟܼܐܢܽܘܬܵܐ ܡܸܬܚܲܫܲܚ ܗ̄ܘܵܐ܀
00308_5 ܠܵܐ ܨܒܵܐ ܬܪܝܼܨܵܐ ܕܢܸܬܸܠ ܟܲܪܡܸܗ ܠܚܲܢܦܵܐ ܕܲܒܥܵܝܗ̄ܝ܃
00308_6 ܕܠܵܐ ܢܸܫܬܲܠܲܛ ܥܲܠ ܝܵܪܬܽܘܬܸܗ ܥܲܘܵܠܵܐܝܼܬ܀
00308_7 ܩܲܦܚܵܗ݀ ܠܪܸܓܬܵܐ ܘܲܟܠܵܝܗ̄ܝ ܟܲܪܡܵܐ ܕܲܒܥܵܐ ܡܸܢܸܗ܃
00308_8 ܕܠܵܐ ܢܸܬܸܠ ܗ̄ܘܵܐ ܐܲܬܪܵܐ ܒܕܝܼܠܸܗ ܠܥܵܠܽܘܒܽܘܬܵܐ܀
00308_9 ܘܲܚܙܵܐ ܡܲܠܟܵܐ ܕܲܟܠܵܝܗ̄ܝ ܥܲܒܕܸܗ ܒܥܵܬܸܗ ܘܲܪܓܸܙ܃
00309_0 ܐܸܬܕܲܠܲܚ ܗ̄ܘܵܐ ܘܚܸܫܟܲܬ ܢܲܦܫܸܗ ܒܟܲܪܝܽܘܬ ܠܸܒܸܗ܀
00309_1 ܘܸܐܬܵܐ ܠܒܲܝܬܸܗ ܟܲܕ ܡܸܬܡܲܪܡܲܪ ܥܲܘܵܠܵܐܝܼܬ܃
00309_2 ܘܲܗܦܝܼܟ ܘܲܙܥܝܼܦ ܘܲܡܠܸܐ ܥܵܩܬܵܐ ܘܚܲܫܵܐ ܪܲܒܵܐ܀
00309_3 ܘܲܐܦܢܝܼ ܐܲܦܲܘ̈ܗ̄ܝ ܠܸܐܣܬܵܐ ܒܟܼܐܒܵܐ ܪܲܒܵܐ ܕܲܡܛܵܝܗܝ܃
00309_4 ܘܲܕܢܸܐܟܽܘܠ ܗ̄ܘܵܐ ܠܲܚܡܵܐ ܗܵܝܕܸܝܢ ܠܵܐ ܡܸܫܟܲܚ ܗ̄ܘܵܐ܀
00309_5 ܪܸܓܬܸܗ ܠܥܵܩܬܵܐ ܐܸܬܗܲܦܟܲܬ ܗ̄ܘܵܬ ܡܲܪܝܼܪܵܐܝܼܬ܃
00309_6 ܘܲܐܛܡܲܬ ܢܲܦܫܸܗ ܡܸܢ ܡܸܐܟܽܘܠܬܵܐ ܘܠܵܐ ܫܵܩܸܠ ܗ̄ܘܵܐ܀
00309_7 ܗܵܝܕܸܝܢ ܐܝܼܙܒܸܠ ܚܲܒܪܲܬ ܥܸܓ̈ܠܸܐ ܚܵܫܠܲܬ ܨܲܠܡܸ̈ܐ܃
00309_8 ܪܚܽܘܡܬܵܐ ܕܕܲܝܘܸ̈ܐ ܘܚܵܬܵܐ ܕܟܽܠܗܸܝܢ ܐܲܠܵܗ̈ܵܬܵܐ܀
00309_9 ܥܵܒܕܲܬ ܚܲܓܸ̈ܐ ܠܟܽܠ ܐܲܠܵܗܝܼ̈ܢ ܕܲܣܪܝܼܩܽܘܬܵܐ܃