← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00325_7 ܦܫܝܼܩ ܠܸܗ ܕܝܼܠܸܗ ܕܵܐܦ ܡܸܢ ܟܽܘ̈ܒܸܐ ܚܸ̈ܛܸܐ ܢܸܟܢܽܘܫ܃
00325_8 ܘܡܸܢ ܙܝܼ̈ܙܵܢܸܐ ܢܸܥܒܸܕ ܟܲܪܝܵܐ ܕܙܲܪ̈ܥܸܐ ܛܵܒܸ̈ܐ܀
00325_9 ܥܲܡ ܥܲܘ̈ܵܠܸܐ ܡܢܲܐܽܘܗ̄ܝ ܒܝܼ̈ܫܸܐ ܘܲܠܚܲܕ ܫܲܩܠܸܗ܃
00326_0 ܘܝܲܗ̄ܒ ܠܸܗ ܩܠܝܼ̈ܕܸܐ ܘܥܲܒܕܸܗ ܫܠܝܼܚܵܐ ܠܓܲܘ ܦܲܪܕܲܝܣܵܐ܀
00326_1 ܐܲܝܟܵܐ ܕܲܐܠܨܲܬ ܥܒܲܕ ܡܸܢ ܡܲܝ̈ܵܐ ܚܲܡܪܵܐ ܛܵܒܵܐ܃
00326_2 ܘܲܐܝܟܵܐ ܕܲܒܥܵܐ ܡܸܢ ܠܸܣܛܵܝܵܐ ܝܵܪܬܵܐ ܠܲܥܕܸܢ܀
00326_3 ܦܵܫ ܠܸܗ ܢܵܒܽܘܬ ܡܸܢ ܦܽܘܚܵܡܸܗ ܕܒܲܪ ܐܲܠܵܗܵܐ܃
00326_4 ܕܪܲܒ ܗ̄ܽܘ ܨܲܠܡܸܗ ܡܸܢ ܨܲܝܵܪܸ̈ܐ ܘܡܸܢ ܣܲܡ̈ܡܵܢܸܐ܀
00326_5 ܠܲܘ ܡܸܨܥܵܝܵܐ ܡܨܸܐ ܗ̄ܘܵܐ ܕܢܸܗܘܸܐ ܐܲܝܟ ܦܵܪܽܘܩܲܢ܃
00326_6 ܘܠܵܐ ܒܝܲܡܝܼܢܸܗ ܚܲܝܸ̈ܐ ܐܝܼܬ ܗ̄ܘܵܐ ܠܲܕܩܵܪܼܒ ܠܸܗ܀
00326_7 ܬܪ̈ܲܝܗܽܘܢ ܓܲܒܪ̈ܲܘܗ̄ܝ ܒܚܲܕ ܗ̄ܘܲܘ ܓܲܒܵܐ ܡܸܢ ܣܸܡܵܠܵܐ܃
00326_8 ܘܗܲܘ ܙܲܕܝܼܩܵܐ ܒܓܲܒܵܐ ܐ̄ܚܪܼܢܵܐ ܕܡܸܢ ܝܲܡܝܼܢܵܐ܀
00326_9 ܡܸܨܥܵܝܵܐ ܕܹܝܢ ܐܝܼܬ ܗ̄ܘܵܐ ܬܲܡܵܢ ܘܲܟܣܸܐ ܡܸܢ ܟܽܠ܃
00327_0 ܕܚܵܙܸܐ ܘܬܵܒܲܥ ܠܲܕܡܸܗ ܕܢܵܒܽܘܬ ܡܸܢ ܥܲܘ̈ܵܠܸܐ܀
00327_1 ܐ̄ܬܲܘ ܟܝܼܬ ܗܵܠܸܝܢ ܓܲܒܪܸ̈ܐ ܢܟܝܼ̈ܠܸܐ ܘܲܒܢ̈ܲܝ ܥܲܘܠܵܐ܃
00327_2 ܘܲܒܪܝܼܫ ܥܲܡܵܐ ܝܼܬܸܒܘ ܨܸܐܕܲܘܗ̄ܝ ܐܲܝܟ ܕܸܐܬܦܲܩܲܕܘ܀
00327_3 ܐ̄ܬܲܘ ܛܲܪ̈ܟܵܢܸܐ ܘܸܐܣܟܼܡ̈ܬܵܢܸܐ ܨܢܝܼ̈ܥܸܐ ܘܒܝܼ̈ܫܸܐ܃
00327_4 ܡܕܲܪ̈ܫܸܐ ܒܥܲܘܠܵܐ ܡܢܲܦܩܸ̈ܐ ܒܟܽܠܵܗ݀ ܕܲܓܵܠܽܘܬܵܐ܀
00327_5 ܚܵܫ̈ܠܲܝ ܢܸܟܠܵܐ ܡܗܝܼܪܸ̈ܐ ܒܩܸܛܠܵܐ ܘܪ̈ܵܚܡܸܐ ܒܲܕܡܵܐ܃
00327_6 ܒܢܲܝܵܐ ܕܥܲܘܠܵܐ ܘܚܲܒܪܸ̈ܐ ܕܟܽܠܵܗ݀ ܣܵܪܽܘܒܽܘܬܵܐ܀
00327_7 ܓܒܝܼܬܵܗ݀ ܕܼܐܝܙܒܸܠ ܘܲܒܪܸܥܝܵܢܗܽܘܢ ܠܵܗ݀ ܕܵܡܸܝܢ ܗ̄ܘܲܘ܃
00327_8 ܣܵܢ̈ܝܲܝ ܢܲܟ̈ܦܸܐ ܘܨܲܗ̈ܝܲܝ ܠܲܕܡܵܐ ܕܟܽܠ ܬܲܡܝܼ̈ܡܸܐ܀
00327_9 ܒܢܲܝܵܐ ܣܪ̈ܝܼܚܸܐ ܕܪܲܒܝܼ ܥܲܘܠܵܐ ܘܢܲܦܸܩ ܐܸܢܽܘܢ܃
00328_0 ܒܲܗ̈ܦܵܟܵܬܵܐ ܟܲܕܵܒ̈ܵܬܵܐ ܕܪܽܘܫܥܵܐ ܪܲܒܵܐ܀
00328_1 ܣܵܒܸ̈ܐ ܒܲܫܡܵܐ ܘܲܠܣܽܘܥܪ̈ܵܢܸܐ ܛܠܵܝܸ̈ܐ ܒܝܼ̈ܫܸܐ܃
00328_2 ܚܵܦܪ̈ܲܝ ܓܽܘܒܵܐ ܕܩܸܛܠܵܐ ܒܢܸܟܠܵܐ ܠܚܲܕ ܬܲܡܝܼܡܵܐ܀
00328_3 ܐ̄ܬܲܘ ܟܝܼܬ ܗܵܠܸܝܢ ܣܵܗ̈ܕܸܐ ܕܥܲܘܠܵܐ ܒܢ̈ܲܝ ܣܸܡܵܠܵܐ܃
00328_4 ܢܲܟܦܝܼܢ ܢܟܝܼܠܝܼܢ ܐܵܦ ܩܵܛܽܘܠܝܼܢ ܟܲܕ ܬܲܡܝܼܡܝܼܢ܀
00328_5 ܛܥܝܼܢܝܼܢ ܚܲܫܵܐ ܘܝܲܩܝܼܪܽܘܬܵܐ ܒܪܝܼܫ ܒܵܥܽܘܬܵܐ܃
00328_6 ܢܟܸܦ ܐܸܣܟܼܡܗܽܘܢ ܘܟܲܣܝܵܐ ܚܲܪܒܵܐ ܒܓܲܘ ܥܽܘܒܲܝ̈ܗܽܘܢ܀
00328_7 ܠܡܲܢ ܕܵܡܸܝܢ ܗ̄ܘܲܘ ܐܸܠܵܐ ܠܥܲܘܠܵܐ ܕܲܐܘܠܸܕ ܐܸܢܽܘܢ܃
00328_8 ܘܲܠܗܲܘ ܚܸܘܝܵܐ ܕܲܢܟܲܠ ܘܲܩܛܲܠ ܒܲܥܪܝܼܡܽܘܬܸܗ܀
00328_9 ܩܕܵܡ ܥܸܕܵܢܵܐ ܝܼܠܸܦܘ ܡܲܪܩܽܘܗ݀ ܠܕܲܓܵܠܽܘܬܵܐ܃
00329_0 ܕܡܵܐ ܕܸܐܬܒܲܥܝܲܬ ܬܸܗܘܸܐ ܫܟܝܼܚܵܐ ܒܠܸܫܵܢܲܝ̈ܗܽܘܢ܀
00329_1 ܝܼܠܸܦܘ ܟܲܒܫܽܘܗ̄ܝ ܠܗܵܝ ܣܵܗܕܽܘܬܵܐ ܕܡܲܠܝܵܐ ܫܽܘܩܪܵܐ܃
00329_2 ܕܲܒܥܸܕܵܢܵܗ݀ ܠܵܐ ܢܸܬܕܲܘܕܽܘܢ ܡܵܐ ܕܬܵܢܸܝܢ ܠܵܗ݀܀
00329_3 ܣܵܡܘ ܗ̄ܘܲܘ ܡܸ̈ܠܸܐ ܕܡܵܢܵܐ ܢܼܐܡܪܽܘܢ ܥܲܠ ܙܲܕܝܼܩܵܐ܃
00329_4 ܕܠܵܐ ܢܸܬܦܲܠܓܽܘܢ ܡܵܐ ܕܲܡܕܲܓܠܝܼܢ ܐܲܝܟ ܕܸܐܬܦܲܩܲܕܘ܀
00329_5 ܥܒܲܕܘ ܫܲܘܝܽܘܬܵܐ ܕܲܚܕܵܐ ܡܸܠܬܵܐ ܒܲܬܪܸܝܢ ܦܽܘ̈ܡܝܼܢ܃
00329_6 ܕܬܸܗܘܸܐ ܫܟܝܼܚܵܐ ܕܢܸܗܘܸܐ ܦܫܝܼܩ ܠܵܗ݀ ܬܲܪܡܸܐ ܩܸܛܠܵܐ܀
00329_7 ܝܼܬܸܒܘ ܗܵܠܸܝܢ ܐܲܝܟ ܝܲܩܝܼܪܸ̈ܐ ܒܪܝܼܫ ܒܵܥܽܘܬܵܐ܃
00329_8 ܥܲܡ ܬܲܡܝܼܡܵܐ ܕܲܚܫܝܼܠ ܥܠܲܘܗ̄ܝ ܐ̄ܪܵܙܵܐ ܕܲܕܡܵܐ܀
00329_9 ܘܡܸܢ ܓܲܘ ܫܸܠܝܵܐ ܓܥܲܪܘ ܒܸܗ ܒܢܵܒܽܘܬ ܥܲܙܝܼܙܵܐܝܼܬ܃