← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00330_0 ܘܲܐܝܟ ܕܲܒܚܸܡܬܵܐ ܢܦܲܨܘ ܥܽܘܒܲܝ̈ܗܽܘܢ ܠܽܘܩܒܲܠ ܡܸܠܲܘ̈ܗ̄ܝ܀
00330_1 ܣܟܲܪܘ ܐܸܕܢܲܝ̈ܗܽܘܢ ܒܽܐܘܡܵܢܽܘܬܵܐ ܡܸܢ ܓܽܘܕܵܦܸܗ܃
00330_2 ܘܟܲܕ ܠܵܐ ܡܲܠܸܠ ܐܽܘܗ ܡܵܢ ܡܲܠܸܠܬ ܐܵܡܪܝܼܢ ܗ̄ܘܲܘ ܠܸܗ܀
00330_3 ܚܲܘܝܼܘ ܐܲܦܸ̈ܐ ܕܡܲܠܝ̈ܵܢ ܙܲܘܥܵܐ ܘܲܪܗܝܼܒܽܘܬܵܐ܃
00330_4 ܘܲܐܝܟ ܡܸܣܬܲܪܕܝܼܢ ܡܸܢ ܓܽܘܕܵܦܵܐ ܕܚܝܼܠܵܐ ܕܲܫܡܲܥܘ܀
00330_5 ܥܲܠ ܡܵܢ ܓܲܒܪܵܐ ܬܨܲܚܸܐ ܠܡܲܠܟܵܐ ܐܵܡܪܝܼܢ ܗ̄ܘܲܘ ܠܸܗ܃
00330_6 ܘܡܸܛܽܠ ܡܵܢܵܐ ܬܓܲܕܸܦ ܗܵܟܲܢ ܥܲܠ ܐܲܠܵܗܵܐ܀
00330_7 ܙܵܥܘ ܒܸܐܣܟܼܡܵܐ ܘܲܐܝܟ ܛܲܢܵܢܸ̈ܐ ܕܡܵܪܝܵܐ ܐܲܝܠܸܠܘ܃
00330_8 ܥܲܠ ܓܽܘܕܵܦܵܐ ܕܲܫܡܲܥܘ ܗ̄ܘܲܘ ܠܲܡ ܘܲܐܪܗܸܒ ܐܸܢܽܘܢ܀
00330_9 ܗܵܢܵܐ ܓܲܒܪܵܐ ܨܲܚܝܼ ܠܡܲܠܟܵܐ ܐܵܦ ܠܲܐܠܵܗܵܐ܃
00331_0 ܬܸܗܪܵܐ ܗ̄ܘ ܕܲܐܝܟܲܢ ܡܲܨܝܵܐ ܬܣܲܝܒܲܪ ܐܲܪܥܵܐ ܡܸܠܲܘ̈ܗ̄ܝ܀
00331_1 ܟܢܲܫ ܗ̄ܘܵܐ ܥܲܡܵܐ ܥܠܲܘܗ̄ܝ ܕܲܛܠܝܼܡܵܐ ܡܸܢ ܡܸܠܲܝ̈ܗܽܘܢ܃
00331_2 ܘܲܒܣܵܗܕܽܘܬܗܽܘܢ ܡܸܬܩܲܛܪܲܓ ܗ̄ܘܵܐ ܒܟܸܢܫܵܐ ܛܲܡܐܵܐ܀
00331_3 ܘܲܕܦܲܪ̈ܨܽܘܦܸܐ ܝܲܩܝܼܪܝܼܢ ܗ̄ܘܲܘ ܐܸܬܩܲܒܲܠܘ ܗ̄ܘܲܘ܃
00331_4 ܕܵܐܦ ܗܝܼ ܐܝܼܙܒܸܠ ܡܸܛܽܠ ܗܵܕܸܐ ܓܒܵܬ ܗ̄ܘܵܬ ܐܸܢܽܘܢ܀
00331_5 ܥܲܠ ܗܵܝ ܣܵܒܸ̈ܐ ܫܸܐܠܲܬ ܢܼܐܬܽܘܢ ܒܲܨܢܝܼܥܽܘܬܵܐ܃
00331_6 ܕܲܠܣܵܗ̈ܕܘܵܬܗܽܘܢ ܠܵܐ ܐ̄ܢܵܫ ܢܲܣܠܸܐ ܕܫܲܪܝܼܪܸ̈ܐ ܐ̄ܢܽܘܢ܀
00331_7 ܩܵܡܘ ܬܲܠܡܝܼ̈ܕܸܐ ܕܪܲܒܬܵܐ ܡܲܠܦܲܬ ܟܽܠ ܒܝܼ̈ܫܵܬܵܐ܃
00331_8 ܘܲܒܣܵܗܕܽܘܬܗܽܘܢ ܗܲܘ ܙܲܟܵܝܵܐ ܡܸܬܚܲܝܲܒ ܗ̄ܘܵܐ܀
00331_9 ܟܢܲܫ ܗ̄ܘܵܐ ܥܲܡܵܐ ܥܠܲܘܗ̄ܝ ܕܲܛܠܝܼܡܵܐ ܡܸܢ ܟܽܠ ܓܲܒܝܼ̈ܢ܃
00332_0 ܘܲܬܘܲܪ ܠܸܗ ܗܽܘ ܘܡܵܢܵܐ ܢܼܐܡܲܪ ܠܵܐ ܝܵܕܲܥ ܗ̄ܘܵܐ܀
00332_1 ܡܸܬܩܲܛܪܲܓ ܗ̄ܘܵܐ ܒܚܲܓܵܐ ܕܒܝܼ̈ܫܸܐ ܘܠܵܐ ܡܡܲܠܸܠ ܗ̄ܘܵܐ܃
00332_2 ܕܠܲܝܬ ܗ̄ܘܵܐ ܐܲܬܪܵܐ ܠܡܸܠܲܘ̈ܗ̄ܝ ܬܲܡܵܢ ܢܸܫܬܲܡ̈ܥܵܢ ܗ̄ܘ̈ܲܝ܀
00332_3 ܚܲܝܵܒ ܡܲܘܬܵܐ ܘܲܡܛܲܪܦܵܢܵܐ ܩܵܪܸܝܢ ܗ̄ܘܲܘ ܠܸܗ܃
00332_4 ܠܚܲܣܝܵܐ ܕܠܵܐ ܚܫܝܼܫ ܡܵܢ ܡܸܬܡܲܠܲܠ ܡܸܢ ܥܲܘ̈ܵܠܸܐ܀
00332_5 ܟܪܲܟܬܸܗ ܓܽܘܕܵܐ ܕܕܼܐܒܸ̈ܐ ܣܪ̈ܝܼܚܸܐ ܠܸܐܡܪܵܐ ܫܲܦܝܵܐ܃
00332_6 ܘܚܲܕ ܚܲܕ ܡܸܢܗܽܘܢ ܡܢܲܥܸܓ ܗ̄ܘܵܐ ܠܸܗ ܠܲܡܦܲܫܵܚܽܘ܀
00332_7 ܦܵܥ̈ܠܸܐ ܕܼܐܝܙܒܸܠ ܕܸܐܓܪܲܬ ܐܸܢܽܘܢ ܬܲܪܡܸܐ ܩܸܛܠܵܐ܃
00332_8 ܩܵܡܘ ܠܲܥܒܵܕܗܽܘܢ ܟܲܫܝܼܪܵܐܝܼܬ ܐܲܝܟ ܕܸܐܙܕܲܡܲܢܘ܀
00332_9 ܗܽܘ ܕܹܝܢ ܗܵܢܵܐ ܓܲܒܪܵܐ ܛܠܝܼܡܵܐ ܠܵܐ ܡܲܠܸܠ ܗ̄ܘܵܐ܃

▼ later lines