← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00350_0 ܘܥܽܘܡܪܵܗ݀ ܕܼܐܝܙܒܸܠ ܠܵܐ ܚܵܪܸܒ ܗ̄ܘܵܐ ܟܲܕ ܠܵܐܸܛ ܠܸܗ܀
00350_1 ܟܽܠܵܗ݀ ܒܪܝܼܬܵܐ ܙܵܥܲܬ ܡܸܢܸܗ ܒܟܲܦܢܵܐ ܕܲܥܒܲܕ܃
00350_2 ܘܒܲܝܬܵܐ ܕܚܲܢ̈ܦܸܐ ܟܡܵܐ ܢܸܩܽܘܡ ܗ̄ܘܵܐ ܟܲܕ ܓܵܙܸܡ ܠܸܗ܀
00350_3 ܡܸܠܬܸܗ ܕܓܲܒܪܵܐ ܝܲܩܝܼܪܵܐ ܗ̄ܘܵܬ ܥܲܠ ܒܸܪ̈ܝܵܬܵܐ܃
00350_4 ܘܫܲܡܥܵܗ݀ ܐܵܚܵܒ ܘܲܕܚܸܠ ܡܸܢܵܗ݀ ܕܫܲܪܝܼܪܵܐ ܗ̄ܘܵܬ܀
00350_5 ܗܽܘ ܐܵܡܽܘܪܵܗ݀ ܕܡܸܠܬܵܐ ܪܲܒ ܗ̄ܘܵܐ ܘܲܡܢܲܣܲܝ ܗ̄ܘܵܐ܃
00350_6 ܠܲܘ ܗܽܘ ܚܲܢܦܵܐ ܦܫܝܼܩ ܗ̄ܘܵܐ ܕܢܸܫܡܲܥ ܘܲܢܩܲܒܸܠ ܗ̄ܘܵܐ܀
00350_7 ܡܸܢ ܐܸܠܝܼܵܐ ܙܵܥ ܗ̄ܘܵܐ ܠܸܒܸܗ ܕܝܵܕܲܥ ܗ̄ܘܵܐ ܠܸܗ܃
00350_8 ܕܵܐܦ ܠܵܐ ܥܵܠܡܸ̈ܐ ܫܵܪܸܝܢ ܡܸܠܬܸܗ ܐܸܢ ܩܵܛܲܪ ܠܵܗ݀܀
00350_9 ܘܡܸܚܕܵܐ ܕܫܲܡܥܸܗ ܠܲܓܙܵܪ ܕܝܼܢܵܐ ܡܸܢ ܣܸܦܘ̈ܵܬܸܗ܃
00351_0 ܨܲܪܝܼ ܠܒܽܘܫܲܘ̈ܗ̄ܝ ܘܲܠܒܸܫ ܣܲܩܵܐ ܥܲܠ ܗܲܕܵܡܲܘ̈ܗ̄ܝ܀
00351_1 ܨܵܡ ܘܸܐܬܡܲܟܲܟ ܠܸܒܵܐ ܩܲܫܝܵܐ ܘܗܲܠܸܟ ܚܲܦܝܵܝ܃
00351_2 ܘܒܵܬ ܗ̄ܘܵܐ ܒܣܲܩܸܗ ܟܲܕ ܡܸܬܟܲܫܲܪ ܒܲܬܝܵܒܽܘܬܵܐ܀
00351_3 ܘܒܝܼܫܬܵܐ ܕܢܸܦܩܲܬ ܕܬܸܥܩܽܘܪ ܒܲܝܬܸܗ ܡܸܢ ܫܲܬܐܸܣܲܘ̈ܗ̄ܝ܃
00351_4 ܦܓܲܥ ܒܵܗ݀ ܣܲܩܵܐ ܘܒܸܗܠܲܬ ܩܵܡܲܬ ܡܸܢ ܣܽܘܥܪܵܢܵܐ܀
00351_5 ܢܦܲܩ ܗ̄ܘܵܐ ܨܲܘܡܵܐ ܘܠܲܓܙܵܪ ܕܝܼܢܵܐ ܒܬܲܪܥܵܐ ܐܲܗܦܸܟ܃
00351_6 ܘܲܠܡܲܪܕܽܘܬܵܐ ܕܚܵܗ݀ ܥܲܕ ܙܲܒܢܵܐ ܕܠܵܐ ܬܼܐܬܸܐ ܗ̄ܘܵܬ܀
00351_7 ܫܬܸܩ ܐܲܠܵܗܵܐ ܘܲܢܣܲܒ ܒܲܐܦܸ̈ܝܗ݀ ܕܲܬܝܵܒܽܘܬܵܐ܃
00351_8 ܕܝܲܩܝܼܪܵܐ ܠܸܗ ܘܠܵܐ ܡܬܽܘܡ ܫܵܛܵܗ݀ ܒܚܲܕ ܡܸܢ ܙܲܒ̈ܢܸܐ܀
00351_9 ܘܟܲܕ ܝܵܕܲܥ ܗ̄ܘܵܐ ܕܠܲܘ ܒܲܫܪܵܪܵܐ ܬܵܐܸܒ ܐܵܚܵܒ܃
00352_0 ܠܵܐ ܨܒܵܐ ܕܲܢܩܝܼܡ ܥܲܠ ܝܼܕܲܥܬܸܗ ܘܢܲܣܠܸܐ ܨܲܘܡܸܗ܀
00352_1 ܘܟܲܕ ܚܵܟܸܡ ܗ̄ܘܵܐ ܕܡܲܠܟܵܐ ܚܲܢܦܵܐ ܒܕܝܼܠܸܗ ܩܵܐܸܡ܃
00352_2 ܠܵܐ ܨܒܵܐ ܕܲܢܫܽܘܛ ܘܠܵܐ ܠܸܐܣܟܼܡܵܗ݀ ܕܲܬܝܵܒܽܘܬܵܐ܀
00352_3 ܘܟܲܕ ܓܲܠܝܵܐ ܠܸܗ ܒܝܼܫܬܸܗ ܕܓܲܒܪܵܐ ܟܡܵܐ ܪܲܒܵܐ ܗ̄ܘܵܬ܃
00352_4 ܚܙܵܗ݀ ܕܲܡܚܲܦܝܵܐ ܒܣܲܩܵܐ ܘܲܫܠܝܼ ܡܸܢ ܡܲܪܕܽܘܬܵܐ܀
00352_5 ܐܲܛܥܝܼ ܢܲܦܫܸܗ ܐܲܝܟ ܠܵܐ ܝܵܕܲܥ ܠܸܒܸܗ ܕܵܐܚܵܒ܃
00352_6 ܕܲܠܓܲܠܝ̈ܵܬܸܗ ܠܵܐ ܢܨܲܥܲܪ ܗ̄ܘܵܐ ܕܫܲܦܝܼܪ̈ܵܢ ܗ̄ܘ̈ܲܝ܀
00352_7 ܠܸܗ ܠܸܐܣܟܼܡܵܗ݀ ܕܲܬܝܵܒܽܘܬܵܐ ܥܒܲܕ ܐܝܼܩܵܪܵܐ܃
00352_8 ܕܣܲܓܝܼ ܪܵܚܸܡ ܕܵܐܦܸܢ ܨܽܘܪܬܵܗ݀ ܒܐ̄ܢܵܫܵܐ ܢܸܚܙܸܐ܀
00352_9 ܩܲܒܠܸܗ ܠܵܐܚܵܒ ܟܲܕ ܕܲܓܸܠ ܒܸܗ ܘܲܐܫܲܪ ܨܲܘܡܸܗ܃
00353_0 ܕܲܒܗܵܝ ܥܸܠܬܵܐ ܢܬܽܘܒ ܒܲܫܪܵܪܵܐ ܥܲܠ ܕܸܐܬܩܲܒܲܠ܀
00353_1 ܘܟܲܕ ܝܵܕܲܥ ܗ̄ܘܵܐ ܠܲܥܬܝܼ̈ܕܵܬܵܐ ܦܵܫ ܡܸܢ ܕܝܼܠܸܗ܃
00353_2 ܘܒܵܬܪܸܗ ܕܚܲܢܦܵܐ ܠܠܵܐ ܝܼܕܲܥܬܵܐ ܡܸܬܢܲܚܲܬ ܗ̄ܘܵܐ܀
00353_3 ܘܲܐܝܟ ܡܵܐ ܕܬܵܒ ܠܸܗ ܘܲܦܢܵܐ ܡܲܠܟܵܐ ܡܩܲܒܸܠ ܗ̄ܘܵܐ ܠܸܗ܃
00353_4 ܘܲܛܪܵܐ ܡܸܢܸܗ ܒܝܼܫܬܵܐ ܕܬܸܥܒܲܪ ܒܲܬܝܵܒܽܘܬܸܗ܀
00353_5 ܕܸܐܠܽܘ ܫܵܛ ܗ̄ܘܵܐ ܠܲܬܝܵܒܽܘܬܵܐ ܕܠܵܐ ܫܲܪܝܼܪܵܐ܃
00353_6 ܡܸܬܐܲܡܪܵܐ ܗ̄ܘܵܬ ܕܸܐܠܽܘ ܩܲܒܠܸܗ ܐܵܦ ܡܲܟܫܲܪ ܗ̄ܘܵܐ܀
00353_7 ܠܵܐ ܗܵܟܲܢܵܐ ܪܵܚܡܵܐ ܢܲܦܫܵܐ ܠܦܲܓܪܵܐ ܡܸܡܬܽܘܡ܃
00353_8 ܐܲܝܟ ܕܲܐܠܵܗܵܐ ܠܲܬܝܵܒܽܘܬܵܐ ܕܐ̄ܢܵܫܵܐ ܪܵܚܸܡ܀
00353_9 ܒܓܲܒܪܵܐ ܚܲܢܦܵܐ ܚܙܵܗ݀ ܘܲܣܘܲܚ ܠܵܗ݀ ܟܲܕ ܝܵܕܲܥ ܗ̄ܘܵܐ܃
00354_0 ܕܠܵܐ ܡܲܓܲܪ ܒܵܗ݀ ܘܲܕܠܵܐ ܢܫܽܘܛܵܗ݀ ܩܲܒܠܵܗ݀ ܡܸܢܸܗ܀
00354_1 ܚܲܒܝܼܒܵܐ ܠܸܗ ܘܲܪܚܝܼܡܵܐ ܠܸܗ ܘܩܲܪܝܼܒܵܐ ܠܸܗ܃
00354_2 ܘܠܵܐ ܡܸܬܽܘܡ ܗܵܦܟܵܐ ܡܸܢ ܣܽܘܥܪܵܢܵܐ ܐܸܠܵܐ ܢܸܨܚܲܬ܀

▼ later lines