← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00355_3 ܠܚܲܫܵܐ ܕܝܲܘܡܵܐ ܥܒܲܕ ܐܝܼܩܵܪܵܐ ܘܲܟܠܵܐ ܪܽܘܓܙܸܗ܃
00355_4 ܠܲܐܝܢܵܐ ܕܚܵܐܸܫ ܢܽܘܓܪܵܐ ܟܡܵܐ ܟܲܝ ܐܝܼܬ ܠܸܗ ܣܲܒܪܵܐ܀
00355_5 ܟܲܕ ܒܸܐܣܟܼܡܵܐ ܬܵܒ ܐܸܬܩܲܒܲܠ ܨܹܝܕ ܐܲܠܵܗܵܐ܃
00355_6 ܡܲܢ ܕܲܓܡܝܼܪ ܒܵܗ݀ ܒܲܬܝܵܒܽܘܬܵܐ ܟܡܵܐ ܗ̄ܘ ܢܸܨܚܵܢܸܗ܀
00355_7 ܐܵܚܵܒ ܢܸܗܘܸܐ ܐܲܝܟ ܡܲܚܙܝܼܬܵܐ ܠܟܽܠ ܬܲܝܵܒܸ̈ܐ܃
00355_8 ܕܟܲܕ ܚܲܢܦܵܐ ܗ̄ܘܵܐ ܬܵܒ ܘܲܛܪܵܐ ܗ̄ܘܵܐ ܠܒܝܼܫܬܵܐ ܡܸܢܸܗ܀
00355_9 ܩܲܠܝܼܠ ܛܲܪܛܸܫ ܦܽܘܡܸܗ ܒܨܲܘܡܵܐ ܘܥܲܠ ܐܸܬܩܲܒܲܠ܃
00356_0 ܨܹܝܕ ܐܲܠܵܗܵܐ ܕܥܸܠܬܵܐ ܗ̄ܘ ܒܵܥܸܐ ܘܢܲܥܒܲܪ ܪܽܘܓܙܸܗ܀
00356_1 ܒܗܲܘ ܚܲܕ ܝܲܘܡܵܐ ܗܲܠܸܟ ܚܸܦܝܵܝ ܘܸܐܫܟܲܚ ܢܸܟܠܸܐ܃
00356_2 ܠܚܲܪܒܵܐ ܕܢܸܦܩܲܬ ܕܲܒܝܲܘ̈ܡܵܬܸܗ ܠܵܐ ܬܼܐܬܸܐ ܗ̄ܘܵܬ܀
00356_3 ܒܗܲܘ ܚܲܕ ܠܼܠܝܵܐ ܕܒܵܬ ܗ̄ܘܵܐ ܒܣܲܩܵܐ ܘܲܒܡܽܘܟܵܟܵܐ܃
00356_4 ܠܟܽܠܸܗ ܕܵܪܵܐ ܦܲܨܝܼ ܕܢܲܡܸܕ ܡܸܢ ܡܲܪܕܽܘܬܵܐ܀
00356_5 ܐܵܘ ܬܝܵܒܽܘܬܵܐ ܟܡܵܐ ܟܲܫܝܼܪܵܐ ܐܲܝܟܵܐ ܕܼܐܝܬܸܝܗ݀܃
00356_6 ܕܡܸܚܕܵܐ ܕܙܵܪܥܵܐ ܟܵܢܫܵܐ ܟܲܦܸ̈ܐ ܕܟܲܪܝܵܐ ܕܲܡܵܐܐ܀
00356_7 ܠܲܐܪܒܥܝܼܢ ܝܲܘ̈ܡܝܼܢ ܚܸܨܕܲܬ ܢܝܼܢܘܸܐ ܥܠܲܠܬܵܐ ܡܸܢܵܗ݀܃
00356_8 ܟܲܪܝܵܐ ܪܲܒܵܐ ܕܲܒܢܲܝܢܵܫܵܐ ܕܠܵܐ ܡܸܣܬܲܝܲܟ܀
00356_9 ܗܽܘ ܕܹܝܢ ܐܵܚܵܒ ܐܲܝܟ ܢܝܼܢܘܵܝܸ̈ܐ ܠܒܸܫ ܗ̄ܘܵܐ ܣܲܩܵܐ܃
00357_0 ܒܲܬܪܸܝܢ ܝܲܘ̈ܡܝܼܢ ܐܲܗܦܸܟ ܚܲܪܒܵܐ ܠܒܵܬܪܵܗ݀ ܡܸܢܸܗ܀
00357_1 ܐܲܪܥܵܗ݀ ܛܵܒܵܐ ܕܲܬܝܵܒܽܘܬܵܐ ܘܚܲܡܝܼܡ ܙܲܪܥܵܗ݀܃
00357_2 ܘܲܚܕܵܐ ܦܪܸܕܬܵܗ݀ ܟܽܘܪܸ̈ܐ ܟܵܢܫܵܐ ܠܲܕܠܵܐܸܐ ܒܵܗ݀܀
00357_3 ܫܦܲܪ ܠܲܐܠܵܗܵܐ ܨܲܘܡܸܗ ܘܣܲܩܸܗ ܕܗܲܘ ܥܲܘܵܠܵܐ܃
00357_4 ܘܙܲܓܪܵܗ݀ ܠܒܝܼܫܬܵܐ ܕܠܵܐ ܬܼܐܬܸܐ ܗ̄ܘܵܬ ܐܲܝܟ ܕܸܐܬܓܲܙܪܲܬ܀
00357_5 ܨܒܵܐ ܪܲܚܡܵܢܵܐ ܢܸܫܒܽܘܩ ܠܵܐܚܵܒ ܡܸܛܽܠ ܨܲܘܡܸܗ܃
00357_6 ܘܲܕܠܵܐ ܢܸܬܬܥܝܼܩ ܬܽܘܒ ܐܸܠܝܼܵܐ ܡܸܬܦܲܪܲܣ ܗ̄ܘܵܐ܀
00357_7 ܢܒܝܼܵܐ ܝܲܩܝܼܪ ܘܲܬܝܵܒܽܘܬܵܐ ܪܚܝܼܡܵܐ ܣܲܓܝܼ܃
00357_8 ܘܒܲܝܢܵܬ ܗܵܠܸܝܢ ܡܵܪܝܵܐ ܟܼܐܢܵܐ ܐܸܬܡܲܨܲܥ ܗ̄ܘܵܐ܀
00357_9 ܕܢܲܗܦܸܟ ܐܲܦܸ̈ܝܗ݀ ܕܲܬܝܵܒܽܘܬܵܐ ܠܵܐ ܨܵܒܸܐ ܗ̄ܘܵܐ܃
00358_0 ܕܚܲܒܝܼܒܵܐ ܠܸܗ ܘܟܽܠ ܡܵܐ ܕܒܵܥܝܵܐ ܝܵܗܸܒ ܗ̄ܽܘ ܠܵܗ݀܀
00358_1 ܘܲܕܢܸܬܬܥܝܼܩ ܗ̄ܘܵܐ ܬܽܘܒ ܐܸܠܝܼܵܐ ܠܵܐ ܡܲܪܦܸܐ ܗ̄ܘܵܐ܃
00358_2 ܕܲܠܨܸܒܝܵܢܸܗ ܢܩܸܝܢ ܗ̄ܘܲܘ ܚܲܝܲܘ̈ܗ̄ܝ ܐܵܦ ܣܽܘܥܪ̈ܵܢܲܘܗ̄ܝ܀
00358_3 ܘܲܕܐܝܼܬ ܗ̄ܽܘ ܒܸܗ ܒܡܵܪܝܵܐ ܦܽܘܪܣܵܐ ܠܟܽܠ ܩܲܪ̈ܝܼܒܲܘܗ̄ܝ܃
00358_4 ܨܒܵܐ ܗ̄ܘܵܐ ܕܲܢܢܝܼܚ ܐܵܦ ܠܲܢܒܝܼܵܐ ܘܠܲܬܝܵܒܽܘܬܵܐ܀
00358_5 ܠܗܵܝ ܩܲܒܸܠ ܗ̄ܘܵܐ ܘܲܟܠܵܐ ܒܝܼܫܬܵܐ ܕܲܠܚܝܼܡܵܐ ܗ̄ܘܵܬ܃
00358_6 ܘܥܲܡ ܗܲܘ ܡܲܠܸܠ ܘܲܓܠܵܐ ܐ̄ܪܵܙܸܗ ܕܡܵܢ ܥܵܒܸܕ ܗ̄ܘܵܐ܀
00358_7 ܠܲܬܝܵܒܽܘܬܵܐ ܐܲܝܟ ܕܲܐܦܝܼܣܲܬ ܦܲܢܝܼ ܕܝܼܠܵܗ݀܃
00358_8 ܘܲܠܛܲܢܵܢܵܐ ܐܲܝܟ ܪܸܥܝܵܢܸܗ ܓܠܵܐ ܣܽܘܥܪܵܢܵܐ܀
00358_9 ܕܠܵܐ ܢܸܚܽܘܪ ܗ̄ܘܵܐ ܢܒܝܼܵܐ ܠܒܝܼܫܬܵܐ ܕܸܐܬܓܲܙܪܲܬ ܗ̄ܘܵܬ܃
00359_0 ܘܢܸܬܡܲܪܡܲܪ ܗ̄ܘܵܐ ܥܲܠ ܕܸܐܫܬܲܘܚܲܪ ܡܵܪܝܵܐ ܢܸܣܥܽܘܪ܀
00359_1 ܡܸܛܽܠ ܗܵܢܵܐ ܓܠܵܐ ܠܸܗ ܥܸܠܬܵܐ ܕܲܠܡܵܢ ܐܲܓܲܪ܃
00359_2 ܠܲܓܙܵܪ ܕܝܼܢܵܐ ܕܲܢܦܲܩ ܢܼܐܬܸܐ ܥܲܠ ܪܲܫܝܼܥܵܐ܀
00359_3 ܚܙܲܝܬ ܠܲܡ ܕܲܒܗܸܬ ܐܵܚܵܒ ܡܲܠܟܵܐ ܐܵܡܲܪ ܗ̄ܘܵܐ ܠܸܗ܃
00359_4 ܘܡܸܛܽܠܗܵܢܵܐ ܒܝܼܫܬܵܐ ܒܝܲܘܡܲܘ̈ܗ̄ܝ ܠܵܐ ܡܲܝܬܸܐ ܐ̄ܢܵܐ܀
00359_5 ܒܝܲܘ̈ܡܸܐ ܕܲܒܪܸܗ ܐܲܝܬܸܐ ܒܝܼܫܬܵܐ ܥܠܲܘܗ̄ܝ ܐܲܝܟ ܕܸܐܡܪܸܬ܃
00359_6 ܡܲܝܬܸܐ ܐ̄ܢܵܐ ܗ̄ܘ ܠܲܡ ܐܸܢ ܡܲܘܚܲܪ ܐ̄ܢܵܐ ܠܵܐ ܬܸܬܩܲܛܲܥ܀
00359_7 ܠܸܗ ܣܵܦܩܵܐ ܠܸܗ ܕܲܒܗܸܬ ܡܸܒܗܲܬ ܡܸܢ ܣܽܘܥܪܵܢܵܐ܃
00359_8 ܡܸܢ ܒܲܝܬܸܗ ܓܹܝܪ ܒܝܼܫܬܵܐ ܕܓܸܙܪܸܬ ܠܵܐ ܡܸܬܟܲܠܝܵܐ܀
00359_9 ܛܽܘܒ ܠܲܕܦܵܠܲܚ ܥܲܡ ܐܲܠܵܗܵܐ ܟܽܠܗܽܘܢ ܝܲܘܡܲܘ̈ܗ̄ܝ܃