← Back
The Comprehensive Aramaic Lexicon
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00361_9 ܠܥܲܒܕܸܗ ܒܡܸܠܬܵܐ ܘܲܒܣܽܘܥܪܵܢܵܐ ܠܨܲܘܡܵܐ ܝܲܩܲܪ܃
00362_0 ܘܲܫܪܵܐ ܒܚܽܘܒܵܐ ܐܵܦ ܠܲܢܒܝܼܵܐ ܘܲܠܬܲܝܵܒܵܐ܀
00362_1 ܠܲܬܝܵܒܽܘܬܵܐ ܕܙܲܒܢܵܐ ܙܥܽܘܪܵܐ ܚܪܲܩ ܗ̄ܘܵܐ ܙܲܒܢܵܐ܃
00362_2 ܕܲܟܡܵܐ ܡܲܓܲܪ ܡܸܢ ܗܵܝ ܕܲܓܙܲܪ ܥܲܠ ܪܲܫܝܼܥܵܐ܀
00362_3 ܐܸܠܽܘ ܠܥܵܠܲܡ ܬܵܒ ܗ̄ܘܵܐ ܐܵܚܵܒ ܒܲܓܡܝܼܪܽܘܬܵܐ܃
00362_4 ܠܥܵܠܲܡ ܥܸܒܪܲܬ ܒܝܼܫܬܵܐ ܡܸܢܸܗ ܗܵܝ ܕܸܐܬܓܲܙܪܲܬ܀
00362_5 ܘܥܲܠ ܕܲܙܥܽܘܪ ܗ̄ܘܵܐ ܙܲܒܢܵܐ ܕܚܲܫܸܗ ܘܲܕܡܽܘܟܵܟܸܗ܃
00362_6 ܐܵܦ ܫܽܘܒܩܵܢܵܐ ܕܙܲܒܢܵܐ ܗܘܵܐ ܠܸܗ ܡܸܢ ܐܲܠܵܗܵܐ܀
00362_7 ܠܲܘ ܟܽܠ ܟܽܠܸܗ ܬܵܒ ܗ̄ܘܵܐ ܐܵܚܵܒ ܡܸܢ ܒܝܼ̈ܫܵܬܵܐ܃
00362_8 ܘܠܲܘ ܟܽܠ ܟܽܠܸܗ ܥܸܒܪܲܬ ܒܝܼܫܬܵܐ ܕܲܓܙܝܼܪܵܐ ܗ̄ܘܵܬ܀
00362_9 ܒܙܲܒܢܵܐ ܬܵܒ ܗ̄ܘܵܐ ܐܵܦ ܫܽܘܒܩܵܢܵܐ ܕܙܲܒܢܵܐ ܩܲܒܸܠ܃
00363_0 ܕܵܐܦ ܗܝܼ ܗܵܕܸܐ ܫܩܲܠ ܗ̄ܘܵܐ ܣܲܓܝܼ ܠܦܽܘܬ ܒܵܥܽܘܬܸܗ܀
00363_1 ܐܲܟܒܲܪ ܝܲܘܡܵܐ ܠܫܲܢ̄ܬܵܐ ܚܫܲܒ ܠܸܗ ܗܲܘ ܦܵܪܲܥ ܟܽܠ܃
00363_2 ܕܬܸܗܘܸܐ ܪܲܒܵܐ ܐܲܝܟ ܐܲܠܵܗܵܐ ܐܵܦ ܡܲܘܗܲܒܬܸܗ܀
00363_3 ܝܲܘ̈ܡܲܝ ܚܲܝܲܘ̈ܗ̄ܝ ܐܸܬܟܲܠܝܲܬ ܗ̄ܘܵܬ ܒܝܼܫܬܵܐ ܡܸܢܸܗ܃
00363_4 ܚܠܵܦ ܥܸܕܵܢܸ̈ܐ ܙܥܽܘܪܸ̈ܐ ܬܠܵܬܵܐ ܕܬܵܒ ܠܲܐܠܵܗܵܐ܀
00363_5 ܬܠܵܬ ܫܢܝܼ̈ܢ ܫܸܠܝܵܐ ܘܢܲܘܚܵܐ ܕܲܒܲܪ ܡܲܠܟܵܐ ܐܵܚܵܒ܃
00363_6 ܘܲܡܛܵܐ ܙܲܒܢܵܐ ܕܢܸܬܒܲܥ ܕܝܼܠܸܗ ܕܡܵܐ ܙܲܟܵܝܵܐ܀
00363_7 ܐܸܣܬܲܬܲܪ ܗ̄ܘܵܐ ܡܸܢ ܛܲܝܒܽܘܬܵܐ ܢܽܘܓܪܵܐ ܟܽܠܸܗ܃
00363_8 ܘܲܒܫܽܘܠܵܡܵܐ ܐ̄ܬܵܬ ܟܼܐܢܽܘܬܵܐ ܬܚܲܘܸܐ ܢܲܦܫܵܗ݀܀
00363_9 ܣܲܩܸܗ ܘܨܲܘܡܸܗ ܫܩܲܠ ܘܸܐܬܡܲܠܝܼ ܐܲܓܪܸܗ ܘܲܢܦܲܩ܃
00364_0 ܘܥܲܠ ܩܵܡ ܩܽܘܕܡܲܘܗ̄ܝ ܕܡܸܗ ܕܲܥܠܝܼܒܵܐ ܕܢܸܣܲܒ ܐܵܦ ܗܽܘ܀
00364_1 ܦܪܲܥ ܗ̄ܘܵܐ ܡܵܪܝܵܐ ܠܲܬܝܵܒܽܘܬܸܗ ܒܥܵܦܵܐ ܐܲܓܪܸܗ܃
00364_2 ܘܲܨܒܵܐ ܟܼܐܢܵܐ ܕܵܐܦ ܠܲܩܛܝܼܠܵܐ ܠܵܐ ܢܸܛܠܽܘܡ ܗ̄ܘܵܐ܀
00364_3 ܝܲܩܪܸܗ ܠܚܲܫܵܐ ܘܸܐܙܲܠ ܨܵܐܸܬ ܩܵܠ ܐܸܢ̈ܢܵܬܸܗ܃

00364_4 ܕܗܲܘ ܙܲܕܝܼܩܵܐ ܕܲܬܚܸܝܬ ܝܲܓܪܵܐ ܡܸܬܒܲܘܪܲܪ ܗ̄ܘܵܐ܀

00364_5 ܦܠܲܓ ܐܝܼܩܵܪܵܐ ܠܲܬܝܵܒܽܘܬܵܐ ܕܚܲܒܝܼܒܵܐ ܠܸܗ܃
00364_6 ܘܫܲܪܝܼ ܡܒܲܥܲܪ ܒܵܬܪܸܗ ܕܵܐܚܵܒ ܩܸܛܠܵܐ ܕܲܥܒܲܕ܀
00364_7 ܠܵܐ ܡܸܢ ܨܲܘܡܸܗ ܐܲܪܟܸܢ ܥܲܝܢܲܘ̈ܗ̄ܝ ܟܲܕ ܨܵܡܸܗ ܗ̄ܘܵܐ܃
00364_8 ܘܠܲܘ ܠܲܫܠܲܕܵܐ ܛܠܝܼܡܬܵܐ ܕܲܐܪܡܝܼ ܨܒܵܐ ܕܲܢܚܲܦܸܐ܀
00364_9 ܠܲܬܝܵܒܽܘܬܵܐ ܫܲܡܠܝܼ ܕܝܼܠܵܗ݀ ܒܗܲܘ ܫܽܘܒܩܵܢܵܐ܃
00365_0 ܘܩܵܡ ܢܸܦܪܽܘܥ ܗ̄ܘܵܐ ܥܝܵܪܬܵܐ ܕܲܕܡܵܐ ܕܓܵܥܸܐ ܟܽܠܝܽܘܡ܀
00365_1 ܕܨܲܘܡܵܐ ܠܨܲܘܡܵܐ ܘܕܲܕܡܵܐ ܠܲܕܡܵܐ ܨܒܵܐ ܢܸܦܪܽܘܥ ܗ̄ܘܵܐ܃
00365_2 ܕܠܵܐ ܢܚܽܘܒ ܗ̄ܘܵܐ ܐܵܦ ܠܵܐ ܠܨܲܘܡܵܐ ܐܵܦܠܵܐ ܠܲܕܡܵܐ܀
00365_3 ܘܸܐܫܬܲܡܠܝܼ ܗ̄ܘܵܐ ܐܲܓܪܵܐ ܕܨܲܘܡܸܗ ܕܗܲܘ ܬܲܝܵܒܵܐ܃
00365_4 ܘܥܸܠܲܬ ܩܵܡܲܬ ܗܸܪܬܵܐ ܕܲܕܡܵܐ ܕܒܝܼܫܬܵܐ ܬܸܓܡܽܘܪ܀
00365_5 ܘܲܐܥܝܼܪ ܡܵܪܝܵܐ ܪܽܘܚܸܗ ܕܡܲܠܟܵܐ ܥܲܠ ܬܲܟܬܽܘܫܵܐ܃
00365_6 ܕܢܸܡܚܸܐ ܩܪܵܒܵܐ ܥܲܡ ܡܲܠܟܲܝ̈ܗܽܘܢ ܕܲܐܕܽܘܡܵܝܸ̈ܐ܀
00365_7 ܓܲܪܓܸܗ ܕܢܸܒܥܸܐ ܠܪܵܡܲܬ ܓܸܠܥܵܕ ܕܲܚܛܝܼܦܵܐ ܗ̄ܘܵܬ܃
00365_8 ܕܲܒܗܵܝ ܥܸܠܬܵܐ ܢܥܝܼܪܵܗ݀ ܠܒܝܼܫܬܵܐ ܕܕܲܡܝܼܟܵܐ ܗ̄ܘܵܬ܀
00365_9 ܬܲܪܨܸܗ ܕܢܼܐܙܲܠ ܢܸܥܒܸܕ ܕܲܪܵܐ ܒܪܵܡܬܵܐ ܕܲܕܡܵܐ܃
00366_0 ܕܨܹܝܕ ܗܲܘ ܝܲܓܪܸܗ ܕܢܵܒܽܘܬ ܢܸܒܠܲܥ ܐܲܝܟ ܕܲܓܙܲܪ ܠܸܗ܀
00366_1 ܟܼܐܢܽܘܬܵܐ ܓܹܝܪ ܪܲܟܒܲܬ ܥܸܠܬܵܐ ܕܦܽܘܪܥܵܢܽܘܬܵܐ܃
00366_2 ܕܲܐܝܟܵܐ ܕܲܗܘܵܬ ܗܵܝ ܒܵܥܽܘܬܵܐ ܩܪܵܒܵܐ ܬܸܥܒܸܕ܀
00366_3 ܘܢܸܬܝܲܠܕܽܘܢ ܗ̄ܘܲܘ ܓܸܐܪܸ̈ܐ ܠܚܲܪܒܵܐ ܡܸܢ ܩܸܫ̈ܬܵܬܵܐ܃
00366_4 ܐܲܝܟܵܐ ܕܸܐܬܬܪ̈ܝܼܡܝ ܟܼܐܦܸ̈ܐ ܕܒܝܼܫܬܵܐ ܥܲܠ ܙܲܟܵܝܵܐ܀
00366_5 ܬܲܡܵܢ ܢܸܒܠܲܥ ܘܲܢܡܽܘܬ ܐܵܚܵܒ ܡܸܢ ܟܼܐܢܽܘܬܵܐ܃
00366_6 ܐܲܝܟܵܐ ܕܲܒܠܲܥ ܡܵܪܸܗ ܕܟܲܪܡܵܐ ܒܟܼܐܦܸ̈ܐ ܘܲܢܦܲܠ܀
00366_7 ܢܼܐܬܽܘܢ ܟܲܠܒܸ̈ܐ ܕܸܐܙܕܲܡܲܢܘ ܗ̄ܘܲܘ ܥܲܠ ܦܽܘܪܥܵܢܸܗ܃
00366_8 ܘܢܸܠܥܽܘܢ ܠܲܕܡܸܗ ܐܲܝܟܵܐ ܕܠܲܥܘ ܗ̄ܘܲܘ ܗܲܘ ܕܲܬܪܝܼܨܵܐ܀
00366_9 ܗܵܕܸܐ ܥܸܠܬܵܐ ܫܓܲܫܬܸܗ ܠܡܲܠܟܵܐ ܥܲܠ ܬܲܟܬܽܘܫܵܐ܃

▼ later lines