← Back
The Comprehensive Aramaic Lexicon
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00373_9 ܘܡܸܚܕܵܐ ܢܗܲܪ ܗ̄ܘܵܐ ܢܒܝܼܵܐ ܒܪܽܘܚܵܐ ܠܲܡܡܲܠܵܠܽܘ܃
00374_0 ܕܲܢܚܲܘܸܐ ܠܸܗ ܒܓܸܠܝܵܐ ܠܡܲܠܟܵܐ ܥܲܠ ܡܲܦܽܘܠܬܸܗ܀
00374_1 ܚܙܝܼܬ ܠܝܼܣܪܵܝܸܠ ܕܲܡܒܲܕܲܪ ܠܲܡ ܥܲܠ ܪܝܼܫ ܛܽܘܪܸ̈ܐ܃
00374_2 ܘܕܵܡܸܐ ܠܥܵܢ̈ܵܐ ܕܠܲܝܬ ܠܵܗ݀ ܪܵܥܝܵܐ ܕܲܡܟܲܢܸܫ ܠܵܗ݀܀
00374_3 ܠܥܲܡܵܐ ܒܥܵܢ̈ܵܐ ܐܵܦ ܠܸܗ ܠܡܲܠܟܵܐ ܒܪܵܥܝܵܐ ܨܵܪܸܗ܃
00374_4 ܕܲܢܚܲܘܸܐ ܠܸܗ ܕܠܲܝܬܲܘܗ̄ܝ ܡܲܠܟܵܐ ܡܸܟܵܐ ܘܲܠܗܲܠ܀
00374_5 ܢܒܝܼܸ̈ܐ ܣܪ̈ܝܼܚܸܐ ܡܲܛܥܸܝܢ ܗ̄ܘܲܘ ܠܸܗ ܒܓܸܠܝܵܢܲܝ̈ܗܽܘܢ܃
00374_6 ܘܚܲܕ ܚܲܕ ܡܸܢܗܽܘܢ ܡܲܬܟܸܠ ܗ̄ܘܵܐ ܠܸܗ ܥܲܠ ܙܵܟܽܘܬܵܐ܀
00374_7 ܚܲܕ ܩܲܪ̈ܢܵܬܵܐ ܕܦܲܪܙܠܵܐ ܥܒܲܕ ܠܸܗ ܟܲܕ ܡܸܫܬܲܢܸܐ܃
00374_8 ܘܨܵܪ ܠܸܗ ܛܽܘܦܣܵܐ ܕܲܡܕܲܩܲܪ ܠܲܡ ܠܲܐܕܽܘܡܵܝܸ̈ܐ܀
00374_9 ܐ̄ܚܪ̈ܵܢܸܐ ܫܓܝܼܫܝܼܢ ܩܵܝܡܝܼܢ ܬܲܡܵܢ ܟܲܕ ܡܸܬܢܲܒܸܝܢ܃
00375_0 ܥܲܠ ܙܵܟܽܘܬܵܐ ܕܡܲܝܬܸܐ ܡܲܠܟܵܐ ܡܸܢ ܬܲܟܬܽܘܫܵܐ܀
00375_1 ܩܵܐܸܡ ܡܝܼܟܵܐ ܗܲܘ ܫܲܪܝܼܪܵܐ ܒܸܝܬ ܕܲܓ̈ܵܠܸܐ܃
00375_2 ܘܫܝܼܛܵܐ ܡܸܠܬܸܗ ܘܕܝܼܠܗܽܘܢ ܪܵܡܵܐ ܘܓܲܠܝ̈ܵܢ ܐܲܦܸ̈ܝܗ݀܀
00375_3 ܩܵܐܸܡ ܬܲܡܵܢ ܟܸܢܫܵܐ ܪܲܒܵܐ ܘܲܡܫܲܬܸܩ ܠܸܗ܃
00375_4 ܕܢܼܐܡܲܪ ܛܵܒܬܵܐ ܡܸܛܽܠ ܡܲܠܟܵܐ ܘܠܵܐ ܨܵܒܸܐ ܗ̄ܘܵܐ܀
00375_5 ܝܵܬܒܝܼܢ ܡܲܠܟܸ̈ܐ ܟܲܕ ܥܲܙܝܼܙܝܼܢ ܒܲܠܒܽܘܫܲܝ̈ܗܽܘܢ܃
00375_6 ܘܩܵܐܸܡ ܥܲܡܵܐ ܒܟܽܠ ܣܸܓܕ̈ܵܬܵܐ ܝܲܩܝܼܪ̈ܵܬܵܐ܀
00375_7 ܚܙܵܐ ܗ̄ܘܵܐ ܢܒܝܼܵܐ ܠܒܽܘ̈ܫܸܐ ܘܬܵܓܸ̈ܐ ܘܟܽܘܪ̈ܣܲܘܵܬܵܐ܃
00375_8 ܘܠܵܐ ܐܸܬܬܲܚܬܝܼ ܕܢܼܐܡܲܪ ܛܵܒܬܵܐ ܐܲܝܟ ܕܲܒܥܲܐܽܘܗ̄ܝ܀
00375_9 ܗܽܘ ܒܲܠܚܽܘܕܲܘܗ̄ܝ ܡܸܬܢܲܒܸܐ ܗ̄ܘܵܐ ܒܝܼܫܬܵܐ ܬܲܡܵܢ܃
00376_0 ܘܒܲܐܦ̈ܲܝ ܡܲܠܟܸ̈ܐ ܘܫܽܘܠܛܵܢܲܝ̈ܗܽܘܢ ܠܵܐ ܢܵܣܸܒ ܗ̄ܘܵܐ܀
00376_1 ܡܸܠܬܵܐ ܕܩܽܘܫܬܵܐ ܡܸܫܬܲܡܥܵܐ ܗ̄ܘܵܬ ܡܸܢ ܣܸܦܘ̈ܵܬܸܗ܃
00376_2 ܕܲܢܒܝܼܽܘܬܵܐ ܠܸܗ ܒܲܠܚܽܘܕܲܘܗ̄ܝ ܐܝܼܬ ܗ̄ܘܵܐ ܬܲܡܵܢ܀
00376_3 ܕܵܠ ܓܸܠܝܵܢܵܐ ܥܠܲܘܗ̄ܝ ܕܲܢܒܝܼܵܐ ܡܸܢ ܐܲܠܵܗܵܐ܃

00376_4 ܘܚܸܙܘܵܐ ܪܲܒܵܐ ܦܲܬܚܵܗ݀ ܠܢܲܦܫܸܗ ܠܡܸܬܢܲܗܵܪܽܘ܀

00376_5 ܘܲܣܕܲܪ ܡܵܪܝܵܐ ܚܙܵܬܵܐ ܕܫܽܘܒܚܸܗ ܠܽܘܩܒܲܠ ܐܲܦܲܘ̈ܗ̄ܝ܃
00376_6 ܘܲܐܝܟ ܕܲܠܦܲܘܠܽܘܣ ܠܲܐܬܪܵܐ ܕܐ̄ܪ̈ܵܙܸܐ ܡܥܲܠܸܐ ܗ̄ܘܵܐ ܠܸܗ܀
00376_7 ܘܒܲܢܒܝܼܽܘܬܵܐ ܥܲܝ̈ܢܸܐ ܕܢܲܦܫܸܗ ܦܬܲܚ ܠܸܗ ܢܸܚܙܸܐ܃
00376_8 ܡܵܢ ܡܸܫܬܲܡܲܫ ܒܸܝܬ ܐܲܠܵܗܵܐ ܡܸܛܽܠ ܐܵܚܵܒ܀
00376_9 ܘܲܦܬܲܚ ܐܸܕܢܲܘ̈ܗ̄ܝ ܢܸܫܡܲܥ ܐ̄ܪܵܙܵܐ ܕܡܸܬܡܲܠܲܠ ܗ̄ܘܵܐ܃
00377_0 ܩܕܵܡ ܕܲܝܵܢܵܐ ܥܲܠ ܥܲܘܵܠܵܐ ܒܸܝܬ ܡܲܠܲܐܟܸ̈ܐ܀
00377_1 ܘܫܲܪܝܼ ܢܒܝܼܵܐ ܥܠܸܝܗ݀ ܕܲܚܙܵܬܵܐ ܠܲܡܡܲܠܵܠܽܘ܃
00377_2 ܒܩܵܠܵܐ ܪܵܡܵܐ ܟܲܕ ܠܵܐ ܕܵܚܸܠ ܡܸܢ ܕܲܓܵܠܵܐ܀
00377_3 ܚܙܝܼܬ ܠܲܡ ܠܡܵܪܝܵܐ ܕܲܓܐܸܐ ܘܝܵܬܸܒ ܒܟܽܘܪܣܝܸܗ ܪܵܡܵܐ܃
00377_4 ܘܲܟܪܝܼܟܝܼܢ ܠܸܗ ܚܲܝܠܲܘ̈ܵܬܵܐ ܕܲܫܡܲܝܵܢܸ̈ܐ܀
00377_5 ܘܩܵܝܡܝܼܢ ܟܸܢ̈ܫܸܐ ܡܸܢ ܝܲܡܝܼܢܸܗ ܘܡܸܢ ܣܸܡܵܠܸܗ܃
00377_6 ܘܡܲܠܝܵܐ ܫܡܲܝܵܐ ܣܸܕܪܸ̈ܐ ܘܲܐܠܦܸ̈ܐ ܕܲܚܒܝܼܨܝܼܢ ܠܸܗ܀
00377_7 ܘܸܐܡܲܪ ܡܵܪܝܵܐ ܡܲܢܽܘ ܢܫܲܕܠܝܼܘܗ̄ܝ ܠܵܐܚܵܒ ܡܲܠܟܵܐ܃
00377_8 ܕܢܸܣܲܩ ܢܸܦܸܠ ܒܪܵܡܲܬ ܓܸܠܥܵܕ ܕܲܐܕܽܘܡܵܝܸ̈ܐ܀
00377_9 ܘܫܲܪܝܼܘ ܗܵܝܕܸܝܢ ܚܲܝܠܲܘ̈ܵܬܵܐ ܠܲܡܡܲܠܵܠܽܘ܃
00378_0 ܘܚܲܕ ܚܲܕ ܡܸܢܗܽܘܢ ܡܸܠܬܸܗ ܡܲܠܸܠܘ ܡܸܛܽܠܵܬܵܟ܀
00378_1 ܚܲܕ ܗܵܟܲܢܵܐ ܘܚܲܕ ܗܵܟܲܢܵܐ ܡܠܲܟ ܢܸܗܘܸܐ ܠܵܟ܃
00378_2 ܘܫܲܡܠܝܼܘ ܟܽܠܗܽܘܢ ܒܵܬܲܪ ܡܵܪܝܵܐ ܒܝܼܫܬܵܐ ܕܸܐܡܲܪ܀
00378_3 ܘܟܲܕ ܡܸܬܡܲܠܲܠ ܒܸܝܬ ܡܲܠܲܐܟܸ̈ܐ ܥܲܠ ܡܲܦܽܘܠܬܵܟ܃
00378_4 ܘܲܢܩܸܝܢ ܟܽܠܗܽܘܢ ܚܲܝܠܲܘ̈ܵܬܵܐ ܠܒܝܼܫܬܵܐ ܬܸܡܛܸܝܟ܀
00378_5 ܢܦܲܩ ܚܲܕ ܪܽܘܚܵܐ ܘܲܩܕܵܡ ܡܵܪܝܵܐ ܩܵܡ ܟܲܕ ܐܵܡܲܪ܃
00378_6 ܠܵܐܚܵܒ ܐܸܢܵܐ ܡܫܲܕܸܠ ܐ̄ܢܵܐ ܠܸܗ ܕܢܸܣܲܩ ܘܲܢܡܽܘܬ܀
00378_7 ܘܟܲܕ ܐܸܫܬܲܐܲܠ ܕܲܐܝܟܲܢ ܘܲܒܡܵܢ ܦܲܢܝܼ ܗ̄ܘܵܐ ܗܽܘ܃
00378_8 ܕܢܵܦܸܩ ܗܵܘܸܐ ܪܽܘܚܵܐ ܕܫܽܘܩܪܵܐ ܘܲܡܕܲܓܸܠ ܒܵܟ܀
00378_9 ܘܫܲܕܪܸܗ ܡܵܪܝܵܐ ܡܸܢ ܕܲܓܒܵܐ ܠܸܗ ܕܗܽܘ ܢܸܫܬܲܕܲܪ܃

▼ later lines