← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00385_8 ܕܢܸܣܬܲܟܲܠ ܗ̄ܘܵܐ ܢܒܝܼܵܐ ܕܫܸܠܡܲܬ ܢܵܦܸܠ ܐܵܚܵܒ܀
00385_9 ܡܕܲܒܪܵܢܽܘܬܵܐ ܥܸܒܕܲܬ ܨܽܘܪܬܵܐ ܠܟܽܠܸܗ ܫܲܪܒܵܐ܃
00386_0 ܘܪܸܫܡܲܬ ܛܽܘܦܣܵܐ ܕܡܵܢ ܘܲܐܝܟܲܢܵܐ ܘܲܕܡܸܛܽܠ ܡܵܢ܀
00386_1 ܗܸܢܸܝܢ ܗܵܠܸܝܢ ܐܲܝܟ ܕܸܐܫܬܲܡܲܫ̈ܝ ܨܵܪܲܬ ܐܸܢܸܝܢ܃
00386_2 ܕܢܸܚܙܸܐ ܢܒܝܼܵܐ ܘܲܒܡܲܦܽܘܠܬܸܗ ܕܡܲܠܟܵܐ ܢܲܪܓܸܫ܀
00386_3 ܘܲܐܝܟ ܡܲܢ ܕܲܐܪܓܸܫ ܘܲܫܡܲܥ ܘܲܚܙܵܐ ܡܵܢ ܓܵܕܸܫ ܠܸܗ܃
00386_4 ܠܵܐܚܵܒ ܡܲܠܟܵܐ ܕܠܵܐ ܢܸܣܬܲܪܲܕ ܡܵܐ ܕܡܲܟܸܣ ܠܸܗ܀
00386_5 ܘܟܲܕ ܣܲܓܝܼܸ̈ܐܐ ܡܸܬܢܲܒܸܝܢ ܗ̄ܘܲܘ ܥܲܠ ܙܵܟܽܘܬܵܐ܃
00386_6 ܢܸܗܘܸܐ ܬܟܝܼܠ ܗܽܘ ܕܪܽܘܚܵܐ ܕܫܽܘܩܪܵܐ ܠܸܒܫܲܬ ܐܸܢܽܘܢ܀
00386_7 ܘܡܵܐ ܕܸܐܡܲܪ ܠܸܗ ܕܠܵܐ ܢܸܣܲܩ ܗ̄ܘܵܐ ܘܫܵܛܸܗ ܘܲܣܠܸܩ܃
00386_8 ܢܸܣܬܲܟܲܠ ܗܽܘ ܕܡܵܪܝܵܐ ܓܲܪܝܸܗ ܘܠܵܐ ܡܨܸܐ ܦܵܐܸܫ܀
00386_9 ܟܸܢܫܵܐ ܪܲܒܵܐ ܕܲܬܪܸܝܢ ܡܲܠܟܝܼ̈ܢ ܐܝܼܬ ܗ̄ܘܵܐ ܬܲܡܵܢ܃
00387_0 ܘܚܲܝ̈ܠܲܘܵܬܵܐ ܕܸܐܙܕܲܡܲܢܘ ܗ̄ܘܲܘ ܥܲܠ ܬܲܟܬܽܘܫܵܐ܀
00387_1 ܢܒܝܼܸ̈ܝܗ݀ ܕܼܐܝܙܒܸܠ ܕܲܟܪܽܘܡܬܵܢܝܼܢ ܐܵܦ ܚܲܨܝܼܦܝܼܢ܃
00387_2 ܘܥܲܡܵܐ ܕܲܨܠܸܐ ܒܵܬܲܪ ܡܲܠܟܵܐ ܕܡܸܠܬܸܗ ܢܲܩܝܼܡ܀
00387_3 ܘܟܽܠܗܽܘܢ ܗܵܠܸܝܢ ܠܽܘܩܒܲܠ ܡܝܼܟܵܐ ܘܗܽܘ ܒܲܠܚܽܘܕܲܘܗ̄ܝ܃
00387_4 ܚܲܕ ܡܸܣܟܼܢܵܐ ܕܟܽܠܗܽܘܢ ܣܵܚܦܝܼܢ ܡܸܠܬܸܗ ܬܸܦܸܠ܀
00387_5 ܘܲܕܠܵܐ ܢܸܕܚܲܠ ܡܸܢ ܣܲܓܝܼܸ̈ܐܐ ܕܣܵܪܒܝܼܢ ܥܲܡܸܗ܃
00387_6 ܠܸܗ ܠܣܽܘܥܪܵܢܵܐ ܚܙܵܝܗ̄ܝ ܒܲܫܡܲܝܵܐ ܕܠܲܐܝܟܵܐ ܢܵܦܸܩ܀
00387_7 ܕܒܵܗ݀ ܒܲܚܙܵܬܵܐ ܢܸܫܬܲܪܲܪ ܗ̄ܘܵܐ ܘܠܵܐ ܢܸܬܦܲܠܲܓ܃
00387_8 ܥܲܠ ܡܲܦܽܘܠܬܵܐ ܕܢܵܦܸܠ ܡܲܠܟܵܐ ܒܪܵܡܲܬ ܓܸܠܥܵܕ܀
00387_9 ܫܡܲܥ ܗ̄ܘܵܐ ܒܸܐܕܢܲܘ̈ܗ̄ܝ ܕܡܸܢ ܐܲܠܵܗܵܐ ܐܸܫܬܲܕܲܠ ܗ̄ܘܵܐ܃
00388_0 ܘܲܚܙܵܐ ܒܥܲܝܢܲܘ̈ܗ̄ܝ ܕܪܽܘܚܵܐ ܕܫܽܘܩܪܵܐ ܠܒܸܫ ܠܲܢܒܝܼܲܘ̈ܗ̄ܝ܀
00388_1 ܘܝܲܠܦܵܗ݀ ܠܽܐܘܪܚܸܗ ܡܸܢ ܓܸܠܝܵܢܵܐ ܕܫܲܪܝܼܪ̈ܵܬܵܐ܃
00388_2 ܘܲܬܟܝܼܠܵܐܝܼܬ ܡܲܘܕܲܥ ܗ̄ܘܵܐ ܠܸܗ ܥܲܠ ܡܲܦܽܘܠܬܸܗ܀
00388_3 ܘܲܕܪܵܡܵܐ ܗ̄ܘܵܬ ܬܲܡܵܢ ܩܲܪܢܵܗ݀ ܕܕܲܓܵܠܽܘܬܵܐ܃
00388_4 ܒܠܲܥ ܥܲܠ ܦܲܟܸܗ ܢܒܝܼܵܐ ܕܢܸܫܠܸܐ ܘܠܵܐ ܫܵܠܸܐ ܗ̄ܘܵܐ܀
00388_5 ܢܽܘܪܵܐ ܒܦܽܘܡܸܗ ܘܲܒܣܸܦ̈ܘܵܬܸܗ ܫܲܠܗܸܒܝܼܬܵܐ܃
00388_6 ܘܕܼܐܝܬ ܗ̄ܘܵܐ ܠܩܽܘܒܠܸܗ ܓܸ̈ܠܸܐ ܘܛܲܪ̈ܦܸܐ ܠܵܐ ܕܵܚܸܠ ܗ̄ܘܵܐ܀
00388_7 ܡܵܐ ܕܡܸܬܩܲܦܚܵܐ ܛܵܒܬܵܐ ܪܚܝܼܡܵܐ ܗ̄ܝ ܠܲܕܝܵܕܲܥ ܠܵܗ݀܃
00388_8 ܕܢܵܛܪܵܐ ܙܲܒܢܵܐ ܕܡܸܢ ܩܽܘܦܵܚܵܐ ܟܠܝܼܠܵܐ ܬܸܣܲܒ܀
00388_9 ܒܠܲܥ ܗ̄ܘܵܐ ܡܝܼܟܵܐ ܘܠܵܐ ܟܸܪܝܲܬ ܠܸܗ ܟܲܕ ܒܵܠܲܥ ܗ̄ܘܵܐ܃
00389_0 ܕܲܒܫܲܪܝܼܪܬܵܐ ܕܡܲܠܸܠ ܦܽܘܡܸܗ ܡܸܬܒܲܝܵܐ ܗ̄ܘܵܐ܀
00389_1 ܫܲܐܠܽܘܗ̄ܝ ܡܸܠܬܵܐ ܘܡܸܛܽܠ ܕܸܐܡܲܪ ܩܽܘܫܬܵܐ ܚܲܒܫܽܘܗ̄ܝ܃
00389_2 ܕܥܵܨܸܝܢ ܗ̄ܘܲܘ ܠܸܗ ܕܲܢܕܲܓܸܠ ܗ̄ܘܵܐ ܘܠܵܐ ܨܵܒܸܐ ܗ̄ܘܵܐ܀
00389_3 ܐܝܼܬ ܕܥܲܠ ܦܲܟܸܗ ܡܵܚܸܐ ܗ̄ܘܵܐ ܠܸܗ ܠܗܲܘ ܫܲܪܝܼܪܵܐ܃
00389_4 ܐܝܼܬ ܕܠܲܚܒܽܘܫܝܵܐ ܢܵܓܸܕ ܗ̄ܘܵܐ ܠܸܗ ܥܲܠ ܕܸܐܬܢܲܒܝܼ܀
00389_5 ܐܲܘ ܠܡܵܢ ܫܲܐܠܽܘܗ̄ܝ ܐܲܘ ܠܡܵܢ ܩܲܦܚܽܘܗ̄ܝ ܘܲܐܘܒܸܠܘ ܚܲܒܫܽܘܗ̄ܝ܃
00389_6 ܕܠܵܐ ܒܵܥܸܐ ܗ̄ܘܵܐ ܠܵܐ ܕܢܸܫܬܲܐܲܠ ܐܵܦ ܠܵܐ ܕܢܼܐܡܲܪ܀
00389_7 ܨܹܝܕ ܗܲܘ ܡܲܠܟܵܐ ܫܲܪܝܼܪ̈ܵܬܵܐ ܕܲܠܩܽܘܒܠܵܐ ܗ̄ܘ̈ܲܝ܃
00389_8 ܕܲܒܫܽܘܠܛܵܢܸܗ ܕܲܓ̈ܵܠܵܬܵܐ ܢܲܨܝܼ̈ܚܵܢ ܗ̄ܘ̈ܲܝ܀
00389_9 ܘܥܲܠ ܕܲܫܪܵܪܵܐ ܡܲܠܸܠ ܡܝܼܟܵܐ ܒܠܲܥ ܥܲܠ ܦܲܟܸܗ܃