← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00390_0 ܩܕܵܡ ܗܲܘ ܪܵܚܡܵܐ ܘܚܲܒܪܵܐ ܕܟܽܠܵܗ݀ ܟܲܕܵܒܽܘܬܵܐ܀
00390_1 ܐܸܡܲܪ ܕܚܽܘܒܫܽܘܗ̄ܝ ܥܕܲܡܵܐ ܕܸܐܗܦܽܘܟ ܡܸܢ ܙܵܟܽܘܬܵܐ܃
00390_2 ܘܲܐܝܬܸܐ ܫܠܵܡܵܐ ܘܢܸܒܗܲܬ ܡܝܼܟܵܐ ܒܲܢܒܝܼܽܘܬܸܗ܀
00390_3 ܐܵܡܲܪ ܡܝܼܟܵܐ ܐܸܢ ܒܲܫܠܵܡܵܐ ܬܸܗܦܽܘܟ ܡܲܠܟܵܐ܃
00390_4 ܠܵܐ ܡܲܠܸܠ ܒܝܼ ܡܵܪܝܵܐ ܒܩܽܘܫܬܵܐ ܘܠܵܐ ܐܸܬܢܲܒܝܼܬ܀
00390_5 ܐܸܢ ܗܽܘ ܕܸܐܢܵܐ ܢܒܝܼܵܐ ܐ̄ܢܵܐ ܐܲܢ̄ܬ ܠܲܘ ܡܲܠܟܵܐ ܐܲܢ̄ܬ܃
00390_6 ܘܸܐܢ ܡܲܠܟܵܐ ܐܲܢ̄ܬ ܐܸܢܵܐ ܢܒܝܼܵܐ ܠܵܐ ܐܸܬܗܲܝܡܲܢ܀
00390_7 ܡܸܟܝܼܠ ܐܵܬܵܐ ܕܡܲܠܝܵܐ ܫܪܵܪܵܐ ܗܵܕܸܐ ܐܝܼܬܸܝܗ݀܃
00390_8 ܕܸܐܢ ܡܲܠܸܠ ܒܝܼ ܡܵܪܝܵܐ ܝܲܘܡܵܢ ܠܵܐ ܗܵܦܸܟ ܐܲܢ̄ܬ܀
00390_9 ܡܵܐ ܕܲܫܪܵܪܵܐ ܡܡܲܠܸܠ ܦܽܘܡܵܐ ܠܵܐ ܡܸܣܬܲܪܲܕ܃
00391_0 ܠܵܐ ܡܸܢ ܡܲܠܟܸ̈ܐ ܘܠܵܐ ܡܸܢ ܪ̈ܝܼܫܸܐ ܘܫܲܠܝܼ̈ܛܵܢܸܐ܀
00391_1 ܢܲܦܫܸܗ ܕܡܝܼܟܵܐ ܡܠܵܬ ܗ̄ܘܵܬ ܢܽܘܗܪܵܐ ܡܸܢ ܓܸܠܝܵܢܵܐ܃
00391_2 ܘܠܵܐ ܕܵܚܠܵܐ ܗ̄ܘܵܬ ܡܸܢ ܚܽܘܫܵܒܸܗ ܟܡܝܼܪܵܐ ܕܵܐܚܵܒ܀
00391_3 ܠܸܒܵܐ ܩܲܫܝܵܐ ܫܵܛ ܠܲܢܒܝܼܵܐ ܕܡܲܠܸܠ ܥܲܡܸܗ܃
00391_4 ܘܟܲܕ ܓܵܙܸܡ ܗ̄ܘܵܐ ܢܦܲܩ ܠܲܩܪܵܒܵܐ ܕܲܐܕܽܘܡܵܝܸ̈ܐ܀
00391_5 ܘܟܲܕ ܠܸܓܝܽܘ̈ܢܸܐ ܗܡܲܣ̈ܝ ܒܲܚܕ̈ܵܕܸܐ ܠܡܸܬܟܲܬܵܫܽܘ܃
00391_6 ܩܛܝܼܠܵܐ ܕܟܼܐܦܲܘ̈ܗ̄ܝ ܚܲܘܝܼ ܢܲܦܫܸܗ ܕܢܸܗܘܸܐ ܕܝܼܢܸܗ܀
00391_7 ܐ̄ܫܲܕ ܗ̄ܘܵܐ ܢܲܦܫܸܗ ܕܡܵܐ ܙܲܟܵܝܵܐ ܩܕܵܡ ܡܲܪܟܲܒܬܸܗ܃
00391_8 ܕܢܸܫܪܲܥ ܗ̄ܘܵܐ ܒܸܗ ܡܲܠܟܵܐ ܘܢܸܦܸܠ ܡܵܐ ܕܡܸܬܟܲܬܲܫ܀
00391_9 ܫܠܲܕܸܗ ܕܢܵܒܽܘܬ ܥܸܩܒܲܬ ܓܝܼܓܠܲܘ̈ܗ̄ܝ ܩܲܠܝܼ̈ܠܵܬܵܐ܃
00392_0 ܘܸܐܣܪܲܬ ܐܸܢܸܝܢ ܕܲܢܕܽܘܫܽܘܢܵܝܗ̄ܝ ܚܲܝܠܲܘ̈ܵܬܵܐ܀
00392_1 ܚܛܵܗܸܗ ܕܩܸܛܠܵܐ ܣܕܲܪ ܒܲܩܪܵܒܵܐ ܠܽܘܩܒܲܠ ܐܵܚܵܒ܃
00392_2 ܘܓܸܐܪܵܐ ܕܲܫܕܵܐ ܒܲܐܕܽܘܡܵܝܸ̈ܐ ܥܠܲܘܗ̄ܝ ܡܲܗܦܸܟ ܗ̄ܘܵܐ܀
00392_3 ܥܲܘܠܵܗ݀ ܕܼܐܝܙܒܸܠ ܦܲܟܪܸܗ ܠܥܲܡܵܐ ܟܲܕ ܡܲܩܪܸܒ ܗ̄ܘܵܐ܃
00392_4 ܘܲܒܪܲܟ ܘܲܢܦܲܠ ܢܸܗܘܸܐ ܫܲܦܠܵܐ ܠܲܐܕܽܘܡܵܝܸ̈ܐ܀
00392_5 ܟܲܪܡܵܐ ܚܛܝܼܦܵܐ ܡܙܲܓ ܗ̄ܘܵܐ ܚܲܡܪܸܗ ܘܲܐܪܘܝܼ ܐܸܢܽܘܢ܃
00392_6 ܠܼܐܝܣܲܪ̈ܠܵܝܸܐ ܕܠܵܐ ܢܸܬܚܲܝܠܽܘܢ ܥܲܠ ܙܵܟܽܘܬܵܐ܀
00392_7 ܓܽܘ̈ܦܢܸܐ ܕܢܵܒܽܘܬ ܒܲܫܒܸܫܬܲܝ̈ܗܸܝܢ ܥܲܪ̈ܩܸܠܝ ܐܸܢܽܘܢ܃

▼ later lines