The Comprehensive Aramaic Lexicon

00404_1	ܦܩ݂ܲܕ ܠܲܫܡܲܝܵܐ ܘܸܐܫܬܲܡܥܲܬ̤ ܠܸܗ ܐܲܝܟ ܕܲܠܡܵܪܵܐ܃
00404_2	ܪܡܲܙ ܠܲܥ̈ܢܵܢܸܐ ܘܲܕܚ݂ܸܠܝ̈ ܡܸܢܸܗ ܕܠܵܐ ܢܸܬܚ̈ܲܙܝܵܢ܀
00404_3	ܡܸܛܪܵܐ ܘܛܲܐܠܵܐ ܥܪܲܩܘ ܡܸܢ ܩܵܠܸܗ ܥܕܲܡܵܐ ܕܲܨܒܵܐ܃
00404_4	ܪܓܸܙ ܥܲܠ ܣܲܬܘܵܐ ܘܛܲܪܕܸܗ ܘܫܲܢܝܼ ܡܸܢ ܒܪܝܼܬܵܐ܀
00404_5	ܒܪܸܟ ܒܲܨܠܽܘܬܵܐ ܘܲܐܩܝܼܡ ܡܝܼܬܵܐ ܘܝܲܗܒܸܗ ܠܸܐܡܸܗ܃
00404_6	ܚܙܵܝܗ̄ܝ ܗ̄ܘܵܐ ܡܲܘܬܵܐ ܘܲܐܪܦܝܼ ܫܠܲܕܵܐ ܕܠܵܐ ܒܲܥܝܵܕܵܐ܀
00404_7	ܩܪܵܐ ܗ̄ܘܵܐ ܠܢܽܘܪܵܐ ܘܕܵܠܲܬ̤ ܢܸܚܬܲܬ̤ ܥܲܠ ܩܽܘܪܒܵܢܸܗ܃
00404_8	ܫܡܲܛ ܗ̄ܘܵܐ ܚܲܪܒܵܐ ܘܲܒܪܸܟܘ ܟܽܘܡܪܸ̈ܐ ܬܚܸܝܬ ܣܲܟܝܼܢܸܗ܀
00404_9	ܠܵܛܸܗ ܠܵܐܚܵܒ ܘܣܵܦ ܒܲܩܪܵܒܵܐ ܕܲܐܕܽܘ̈ܡܵܝܸܐ܃
00405_0	ܪܓܸܙ ܥܲܠ ܐܝܼܙܒܸܠ ܘܲܐܟܠܽܘܗ݀ ܟܲܠ̈ܒܸܐ ܐܲܝܟ ܕܲܓ݂ܙܲܪ ܠܵܗ݀܀
00405_1	ܒܪܸܝܫ ܣܸܦ̈ܘܵܬܸܗ ܡܲܘܬܵܐ ܘܚܲܝܸ̈ܐ ܡܸܫܬܲܟܚܝܼܢ ܗ̄ܘܲܘ܃
00405_2	ܘܲܒܠܸܫܵܢܸܗ ܣܲܝܦܵܐ ܘܢܽܘܪܵܐ ܠܲܕܡܵܪܽܘܕܝܼܢ܀
00405_3	ܗܵܐ ܡܸܢ ܗܵܠܸܝܢ ܐܝܼܬ ܠܵܟ ܬܸܕܲܥ ܐܵܘ ܦܵܪܽܘܫܵܐ܃
00405_4	ܕܟܽܠܸܗ ܓܲܙܵܐ ܕܒܸܝܬ ܐܲܠܵܗܵܐ ܫܒܝܼܩ ܗ̄ܘܵܐ ܒܼܐܝ̈ܕܲܘܗ̄ܝ܀
00405_5	ܡܸܢ ܫܽܘܠܛܵܢܸܗ ܕܪܵܒ ܗ̄ܘܵܐ ܘܲܕܚܝܼܠ ܥܲܠ ܒܸܪ̈ܝܵܬܵܐ܃
00405_6	ܝܼܕܝܼܥ ܓܲܒܪܵܐ ܟܡܵܐ ܐܸܬܓܲܘܝܼ ܨܹܝܕ ܐܲܠܵܗܵܐ܀
00405_7	ܢܲܩܝܵܐ ܗ̄ܘܵܬ̤ ܠܵܗ݀ ܒܪܝܼܬܵܐ ܕܬܸܫܡܲܥܝ ܡܽܘܢ ܕܸܐܡܲܪ ܠܵܗ݀܃
00405_8	ܥܲܠ ܕܲܫܡ݂ܲܥ ܗܽܘ ܠܡܵܪܸܗ ܒܩܽܘܫܬܵܐ ܘܫܲܡܠܝܼ ܡܸܠ̈ܲܘܗ̄ܝ܀
00405_9	ܗܽܘ ܠܲܐܠܵܗܵܐ ܘܠܸܗ ܒܸܪ̈ܝܵܬܵܐ ܡܸܫܬܲܡ̈ܥܵܢ ܗ̄ܘ̈ܲܝ܃
00406_0	ܕܥܲܒܕܵܐ ܛܵܒܵܐ ܦܫܝܼܩ ܠܸܗ ܕܢܸܦܩܽܘܕ ܠܲܟܢܲܘ̈ܵܬܸܗ܀
00406_1	ܐܸܠܽܘ ܫ݂ܵܛ ܗ̄ܘܵܐ ܠܡܵܪܸܗ ܒܡܸܕܸܡ ܡܵܐ ܕܲܪܡ݂ܲܙ ܠܸܗ܃
00406_2	ܫܵܝ̈ܛܵܢ ܗ̄ܘܲܝ̈ ܠܸܗ ܐܵܦ ܒܸܪ̈ܝܵܬܵܐ ܡܵܐ ܕܲܦ݂ܩܲܕ ܗ̄ܘܵܐ܀
00406_3	ܠܡܵܪܸܐ ܟܝ̈ܵܢܸܐ ܫܡܲܥ ܐܸܠܝܼܵܐ ܘܡܸܛܽܠܗܵܢܵܐ܃
00406_4	ܟܝ̈ܵܢܸܐ ܟܽܠܗܽܘܢ ܫܵܡܥܝܼܢ ܗ̄ܘܲܘ ܠܸܗ ܟܲܕ ܫܲܬܝܼܩܝܼܢ܀
00406_5	ܒܓܲܒܵܐ ܣܕܝܼܪ ܗ̄ܘܵܐ ܠܽܘܩܒܲܠ ܛܽܘܥܝܵܝ ܕܲܐܚܝܼܕܵܐ ܗ̄ܘܵܬ̤܃

00406_6	ܘܟܽܠܵܗ݀ ܒܪܝܼܬܵܐ ܠܸܗ ܣܵܡܟܵܐ ܗ̄ܘܵܬ̤ ܠܲܡܥܲܕܵܪܽܘ܀

00406_7	ܠܽܘܩܒܲܠ ܚܲܢܦܸ̈ܐ ܚܠܵܦ ܐܲܠܵܗܵܐ ܡܸܬܟܲܬܲܫ ܗ̄ܘܵܐ܃
00406_8	ܘܟܽܠܸܗ ܥܵܠܡܵܐ ܒܵܬܪܸܗ ܨܠܸܐ ܗ̄ܘܵܐ ܕܡܸܠܬܸܗ ܢܸܫܡܲܥ܀
00406_9	ܡܲܠ̈ܟܸܐ ܕܥܲܡܵܐ ܛܥܲܘ ܒܲܐܠ̈ܵܗܸܐ ܕܲܦܠܸ̈ܫܬܵܝܸܐ܃
00407_0	ܘܛܲܢ ܐܸܠܝܼܵܐ ܠܡܵܪܝܵܐ ܒܩܽܘܫܬܵܐ ܘܫܲܦܸܠ ܐܸܢܽܘܢ܀
00407_1	ܡܝܼܬ ܗ̄ܘܵܐ ܐܵܚܵܒ ܘܲܐܡܠܸܟ ܒܵܬܪܸܗ ܒܪܸܗ ܐܸܚܲܙܝܵܐ܃
00407_2	ܝܲܠܕܵܗ݀ ܕܼܐܝܙܒܸܠ ܕܝܼܪܸܬ ܨܲܠ̈ܡܸܝܗ݀ ܘܲܥܠ̈ܲܘܵܬܵܗ݀܀
00407_3	ܐܒܵܗܸ̈ܐ ܚܲܢ̈ܦܸܐ ܫܒܲܩܘ ܒܵܬܲܪܗܽܘܢ ܝܵܪܬܵܐ ܒܝܼܫܵܐ܃
00407_4	ܘܲܐܝܟ ܟܲܫܝܼܪܵܐ ܒܲܢܝܼ ܘܚܲܕܸܬ ܒܸܝܬ ܐܲܠ̈ܵܗܸܐ܀
00407_5	ܬܲܪܒܝܼܬܸܗ ܗ̄ܘܵܐ ܕܗܵܝ݁ ܫܲܡܵܫܬܵܐ ܕܲܦܬܲܟܪ̈ܵܬܵܐ܃
00407_6	ܘܥܲܠ ܦܵܬܽܘܪܸ̈ܐ ܕܓܲܕܸ̈ܐ ܘܫܸܟܢܸ̈ܐ ܐܸܬܪܲܒܝܼ ܗ̄ܘܵܐ܀
00407_7	ܝܵܪܬܸܗ ܕܐܵܚܵܒ ܕܝܼܪܸܬ ܬܵܓܸܗ ܐܵܦ ܐܲܠܵܗ̈ܲܘܗ̄ܝ܃
00407_8	ܘܥܲܡ ܡܲܠܟܽܘܬܸܗ ܩܢܵܐ ܚܲܢܦܽܘܬܵܐ ܘܸܐܬܟܲܫܲܪ ܒܵܗ݀܀
00407_9	ܓܵܪܣܵܐ ܠܝܼܛܵܐ ܕܡܸܢ ܥܸܩܵܪܸܗ ܕܚܸܘܝܵܐ ܪܲܒܵܐ܃
00408_0	ܒܲܪ ܐܵܟܸܕ̈ܢܸܐ ܕܒܝܼܫ ܐܲܝܟ ܐܸܡܸܗ ܘܕܵܡܸܐ ܠܲܐܒܽܘܗ̄ܝ܀܀
00408_1	ܚܲܕ ܚܲܪܡܵܢܵܐ ܕܝܸܠܕܲܬ̤ ܐܸܣܦܸܣ ܡܸܢ ܬܲܢܝܼܢܵܐ܃
00408_2	ܒܪܵܐ ܥܲܘܵܠܵܐ ܕܲܐܒܽܘܗ̄ܝ ܘܸܐܡܸܗ ܒܸܗ ܨܝܼܪܝܼܢ ܗ̄ܘܲܘ܀
00408_3	ܚܢܸܦ ܐܲܝܟ ܐܲܒܽܘܗ̄ܝ ܘܪܵܚܸܡ ܨܲܠ̈ܡܸܐ ܐܲܝܟ ܝܲܠܵܕܬܸܗ܃
00408_4	ܪܽܘܫܥܸܗ ܕܵܐܚܵܒ ܘܥܲܘܵܠܽܘܬܵܗ ܕܼܐܝܙܒܸܠ ܐܸܡܸܗ܀
00408_5	ܐܲܝܟ ܕܸܐܬܪܲܒܝܼ ܗܵܟܸܢ ܐܲܡܠܸܟ ܒܵܬܲܪ ܐܲܒܽܘܗ̄ܝ܃
00408_6	ܘܲܒܥܸܩܒ̈ܵܬܸܗ ܪܕܵܐ ܟܲܕ ܪܲܚܝܼܩ ܡܸܢ ܐܲܠܵܗܵܐ܀
00408_7	ܡܸܢ ܐܽܘܪ̈ܚܵܬܵܗ݀ ܕܼܐܝܙܒܸܠ ܐܸܡܸܗ ܠܵܐ ܢܵܦܸܩ ܗ̄ܘܵܐ܃
00408_8	ܘܠܵܐ ܠܲܫܒܝܼ̈ܠܲܘܗ̄ܝ ܕܵܐܚܵܒ ܐܲܒܽܘܗ̄ܝ ܐܲܪܦܝܼ ܡܸܡܬܽܘܡ܀
00408_9	ܝܲܠܕܽܘܗ̄ܝ ܗܵܠܸܝܢ ܚܲܢ̈ܦܸܐ ܪܲܘܪ̈ܒܸܐ ܕܲܫܡܲܗ̈ܵܬܵܐ܃
00409_0	ܘܩܵܡ ܐܲܝܟ ܛܲܪܩܵܐ ܒܕܽܘܒܵܪ̈ܲܝܗܽܘܢ ܘܲܥܒܲܪ ܐܸܢܽܘܢ܀
00409_1	ܣܓܸܕ ܗ̄ܘܵܐ ܠܒܲܥܠܵܐ ܘܲܐܣܸܩ ܕܸܒܚܸ̈ܐ ܠܲܐܠ̈ܵܗܵܬܵܐ܃