← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00410_0 ܘܡܸܢܸܗ ܫܲܕܲܪ ܢܼܐܠܲܦ ܕܵܘܝܵܐ ܥܲܠ ܚܽܘܠܡܵܢܸܗ܀
00410_1 ܠܡܵܪܝܵܐ ܫܵܛܸܗ ܘܲܠܐܸܠܝܼܵܐ ܢܒܝܼܵܐ ܫܲܒܩܸܗ܃
00410_2 ܘܲܠܘܵܬ ܕܲܝܘܵܐ ܫܠܲܚ ܐܝܼܙܓ̈ܲܕܸܐ ܕܪܵܚܸܡ ܗ̄ܘܵܐ ܠܸܗ܀
00410_3 ܟܪܝܼܗ ܗ̄ܘܵܐ ܘܲܪܡܸܐ ܘܥܲܒܝܼܪ ܡܵܪܝܵܐ ܡܸܢ ܪܸܥܝܵܢܸܗ܃
00410_4 ܘܲܒܗܲܘ ܫܼܐܕܵܐ ܕܲܐܛܥܸܝ ܠܥܸܩܪܽܘܢ ܡܸܬ݁ܛܲܦܸܐ ܗ̄ܘܵܐ܀
00410_5 ܠܒܝܼܟ ܗ̄ܘܵܐ ܒܢܲܦܫܸܗ ܗܲܘ ܝܽܘܠܦܵܢܵܐ ܕܼܐܝܙܒܸܠ ܐܸܡܸܗ܃
00410_6 ܘܟܽܠ ܒܲܐܠܵܗܸ̈ܐ ܕܚܲܒܝܼܒܝܼܢ ܠܸܗ ܡܸܬܓܲܘܲܣ ܗ̄ܘܵܐ܀
00410_7 ܡܸܢ ܛܲܠܝܽܘܬܸܗ ܒܩܸܨ̈ܡܸܐ ܕܫܼ̈ܐܕܸܐ ܐܸܬܪܲܒܝܼ ܗ̄ܘܵܐ܃
00410_8 ܘܕܲܗܘܵܐ ܡܲܠܟܵܐ ܥ̈ܝܵܕܲܘܗ̄ܝ ܒܝܼܫ̈ܐ ܠܵܐ ܐܲܪܦܝܼ ܗ̄ܘܵܐ܀
00410_9 ܐܘܽܪܚܵܐ ܦܬܝܼܠܬܵܐ ܕܲܪܫܲܬ̤ ܗ̄ܘܵܬ ܠܸܗ ܐܝܼܙܒܸܠ ܐܸܡܸܗ܃
00411_0 ܘܢܸܬܪܽܘܨ ܐܘܽܪܚܸܗ ܩܕܵܡ ܐܲܠܵܗܵܐ ܠܵܐ ܨܵܒܸܐ ܗ̄ܘܵܐ܀
00411_1 ܨܹܝܕ ܐܲܠܵܗܸ̈ܐ ܣܪ̈ܝܼܩܸܐ ܕܥܲܡ̄ܡܸ̈ܐ ܣܵܡ ܬܘܽܟܠܵܢܸܗ܃
00411_2 ܘܡܸܢ ܚܲܕ ܡܸܢܗܽܘܢ ܫܲܕܲܪ ܢܼܐܠܲܦ ܥܲܠ ܟܽܘܪܗܵܢܸܗ܀
00411_3 ܘܟܲܕ ܐܝܼܙܓܲܕ̈ܲܘܗ̄ܝ ܪܵܕܸܝܢ ܒܽܐܘܪܚܵܐ ܡܛܵܐ ܐܸܠܝܼܵܐ܃
00411_4 ܓܲܢ̄ܒܵܪ ܚܲܝܠܵܐ ܕܒܸܝܬ ܐܲܠܵܗܵܐ ܟܲܕ ܡܸܬܥܲܙܲܙ
00411_5 ܢܦܲܩ ܐܲܝܟ ܓܸܐܪܵܐ ܪܲܒܵܐ ܘܓܲܒܝܲܐ ܠܘܽܩܒܲܠ ܚܲܢ̈ܦܸܐ܃
00411_6 ܕܪܽܘܚܵܐ ܫܲܕܪܸܗ ܕܢܸܦܣܽܘܩ ܐܘܽܪܚܵܐ ܘܢܲܗܦܸܟ ܐܸܢܽܘܢ܀
00411_7 ܘܡܸܛܽܠܗܵܢܵܐ ܣܝܼܡ ܗ̄ܘܵܐ ܒܙܲܒܢܵܐ ܡ݁ܠ݂ܸܐ ܚܲܢܦܽܘܬܵܐ܃
00411_8 ܕܢܸܗܘܸܐ ܫܦܵܝܵܐ ܠܲܕܒܸܝܬ ܐܵܚܵܒ ܒܲܫܒܝܼ̈ܠܲܝܗܽܘܢ܀
00411_9 ܣܵܛܘ ܡܸܢ ܡܵܪܝܵܐ ܘܲܦܓܲܥ ܠܸܗ ܒܗܽܘܢ ܥܲܒܕܸܗ ܒܽܐܘܪܚܵܐ܃
00412_0 ܘܲܐܗܦܸܟ ܐܸܢܽܘܢ ܢܼܐܬܽܘܢ ܨܸܝܕܲܘܗ̄ܝ ܟܲܕ ܠܵܐ ܨܵܒܸܝܢ܀
00412_1 ܥܲܠ ܐܘܽܪ̈ܚܵܬܵܐ ܕܚܲܢ̈ܦܸܐ ܣܝܼܡ ܗ̄ܘܵܐ ܢܕܲܘܸܕ ܐܸܢܽܘܢ܃
00412_2 ܥܲܠ ܕܲܫܒܲܩܘ ܗ̄ܘܲܘ ܐܘܽܪܚܸܗ ܕܡܵܪܝܵܐ ܕܫܲܦܝܼܪܵܐ ܗ̄ܘܵܬ̤܀
00412_3 ܐ̄ܬܵܐ ܐܸܠܝܼܵܐ ܘܩܵܡ ܠܸܗ ܒܽܐܘܪܚܵܐ ܩܕܵܡ ܐܝܼܙ̈ܓܲܕܸܐ܃
00412_4 ܕܗܲܘ ܒܲܪ ܐܵܚܵܒ ܟܲܕ ܨܹܝܕ ܒܥܸܠܙܒܽܘܒ ܫܲܕܲܪ ܐܸܢܽܘܢ܀
00412_5 ܐܵܡܲܪ ܠܗܽܘܢ ܙܸܠܘ ܐܸܡܲܪܘ ܠܸܗ ܠܡܵܪܟܽܘܢ ܡܲܠܟܵܐ܃
00412_6 ܕܡܸܛܽܠ ܡܵܢܵܐ ܫܲܕܲܪ ܠܥܸܩܪܽܘܢ ܐܲܝܟ ܚܲܣܝܼܪܵܐ܀
00412_7 ܡܸܢ ܒܠܲܝ ܕܠܲܝܬ ܒܸܗ ܡܵܪܝܵܐ ܒܥܲܡܵܐ ܐܲܝܟ ܕܵܐܡܲܪ ܐܲܢ̄ܬ܃
00412_8 ܫܲܕܲܪܬ ܕܬܸܫܐܲܠ ܡܸܢ ܐܲܠܵܗܵܐ ܕܲܦܠܸܫ̈ܬܵܝܸܐ܀
00412_9 ܡܲܢ ܠܵܐ ܝܵܕܲܥ ܕܼܐܝܬ ܐܲܠܵܗܵܐ ܠܲܒܢ̈ܲܝ ܝܲܥܩܽܘܒ܃
00413_0 ܘܲܠܡܲܢ ܠܵܐ ܫܡܝܼܥ ܕܪܲܒ ܗ̄ܽܘ ܡܵܪܝܵܐ ܡܸܢ ܐܲܠܵܗܸ̈ܐ܀
00413_1 ܒܟܽܠ ܐܲܬܪ̈ܲܘܵܢ ܘܲܒܟܽܠ ܥܲܡ̈ܡܝܼܢ ܡܵܪܝܵܐ ܢܲܨܝܼܚ܃
00413_2 ܘܟܽܠܗܽܘܢ ܣܲܘ̈ܦܸܐ ܙܵܝܥܝܼܢ ܡܸܢܸܗ ܘܥܵܡܽܘܪ̈ܲܝܗܽܘܢ܀
00413_3 ܒܡܸܨܪܸܝܢ ܛܸܒܸܗ ܘܲܒܓܲܘ ܝܲܡܵܐ ܓܲܢ̄ܒܵܪܽܘܬܸܗ܃
00413_4 ܒܚܽܘܪܝܼܒ ܥܽܘܫܢܸܗ ܘܲܒܐܲܫܝܼܡܽܘܢ ܥܲܙܝܼܙܽܘܬܸܗ܀
00413_5 ܫܟܝܼܢܬܸܗ ܒܣܝܼܢܲܝ ܘܲܕܚܝܼܠܽܘܬܸܗ ܒܥܵܠܡܵܐ ܟܽܠܸܗ܃
00413_6 ܒܝܽܘܪܕܢܵܢ ܬܲܗܪܸܗ ܘܨܹܝܕ ܐܝܼܪܝܼܚܽܘ ܫܡܸܗ ܢܲܨܝܼܚܵܐ܀
00413_7 ܒܥܲܡ̈ܡܸܐ ܚܲܪܒܸܗ ܘܲܒܟܽܠ ܩܼܐܪ̈ܣܝܼܢ ܪܵܡܵܐ ܩܸܫܬܸܗ܃
00413_8 ܕܸܚܠܬܸܗ ܒܲܦܠܸܫܬ ܘܲܒܓܵܙܪ̈ܵܬܵܐ ܚܲܝܠܸܗ ܪܲܒܵܐ܀
00413_9 ܡܲܢ ܠܵܐ ܝܵܕܲܥ ܕܼܐܝܬ ܐܲܠܵܗܵܐ ܠܲܒܢ̈ܲܝ ܝܲܥܩܽܘܒ܃

▼ later lines