← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00430_0 ܕܲܩܫܸܐ ܠܸܒܸܗ ܘܲܚܢܸܦ ܣܲܓܝܼ ܡܸܢ ܩܲܕܡܵܝܵܐ܀
00430_1 ܘܲܣܠܸܩ ܐܵܦ ܗܽܘ ܨܹܝܕ ܐܸܠܝܼܵܐ ܟܲܕ ܐܵܡܲܪ ܠܸܗ܃
00430_2 ܢܒܝܼܸܗ ܕܡܵܪܝܵܐ ܡܲܠܟܵܐ ܐܵܡܲܪ ܚܽܘܬ ܡܸܢ ܬܲܡܵܢ܀
00430_3 ܗܲܘ ܩܲܕܡܵܝܵܐ ܪܲܒܵܐ ܕܲܣܠܸܩ ܨܹܝܕ ܐܸܠܝܼܵܐ܃
00430_4 ܟܒܲܪ ܠܵܐ ܥܕܝܼܠ ܗ̄ܽܘ ܐܲܝܟ ܗܲܘ ܕܲܬܪܸܝܢ ܕܸܐܫܬܲܕܲܪ ܗ̄ܘܵܐ܀
00430_5 ܠܲܘ ܠܲܐ̄ܚܪ̈ܵܢܸܐ ܚܙܵܐ ܕܝܼܩܸܕܘ ܗ̄ܘܲܘ ܐܲܝܟ ܕܝܼܩܸܕ ܗܽܘ܃
00430_6 ܩܲܕܡܵܝܵܐ ܗ̄ܘܵܐ ܘܟܲܕ ܠܵܐ ܪܓܝܼܫ ܗ̄ܘܵܐ ܨܦܲܚܬܸܗ ܢܽܘܪܵܐ܀
00430_7 ܡܸܢ ܕܲܗܘܵܐ ܠܸܗ ܠܲܘ ܠܲܐ̄ܚܪܼܢܵܐ ܗܘܵܐ ܡܸܢ ܩܽܘܕܡܲܘܗ̄ܝ܃
00430_8 ܕܢܸܣܬܲܪܲܕ ܗ̄ܘܵܐ ܡܸܢ ܬܲܚܘܝܼܬܵܐ ܕܩܲܪܝܼܒܵܐ ܠܸܗ܀
00430_9 ܠܵܐ ܝܵܕܲܥ ܗ̄ܘܵܐ ܕܦܵܓܥܵܐ ܗ̄ܘܵܬ ܒܸܗ ܢܽܘܪܵܐ ܬܲܡܵܢ܃
00431_0 ܘܟܲܕ ܦܸܓܥܲܬ ܒܸܗ ܗܘܵܐ ܬܲܚܘܝܼܬܵܐ ܕܡܲܠܝܵܐ ܙܲܘ̈ܥܸܐ܀
00431_1 ܗܲܘ ܕܹܝܢ ܕܲܬܪܸܝܢ ܚܲܢܦܵܐ ܓܡܝܼܪܵܐ ܕܸܐܫܬܲܕܲܪ ܗ̄ܘܵܐ܃
00431_2 ܪܲܒ ܗ̄ܘܵܐ ܚܽܘܨܦܸܗ ܕܲܟܡܵܐ ܢܦܲܩ ܗ̄ܘܵܐ ܡܸܢ ܘܵܠܝܼܬܵܐ܀
00431_3 ܚܙܵܐ ܗ̄ܘܵܐ ܒܛܽܘܪܵܐ ܫܠܲܕܸ̈ܐ ܕܫܲܕ̈ܝܵܢ ܐܲܝܟ ܫܽܘܚܵܪܸ̈ܐ܃
00431_4 ܘܠܵܐ ܙܵܥ ܠܸܒܸܗ ܕܢܲܪܡܸܐ ܐܽܘܪܚܵܐ ܨܹܝܕ ܐܸܠܝܼܵܐ܀
00431_5 ܢܵܫܒܵܐ ܒܲܐܦܲܘ̈ܗ̄ܝ ܣܘܵܬܵܐ ܕܚܲܒܪܸܗ ܪܲܒܵܐ ܕܝܼܩܸܕ܃
00431_6 ܘܠܵܐ ܡܣܲܪܕܵܐ ܠܸܗ ܕܢܸܦܢܸܐ ܠܒܵܬܪܸܗ ܘܠܵܐ ܢܸܣܲܩ ܗ̄ܘܵܐ܀
00431_7 ܚܪܝܼܒܵܐ ܠܢܽܘܪܵܐ ܘܫܲܕܝܵܐ ܣܝܼܥܬܵܐ ܗܵܝ ܕܲܩܕܵܡܲܘܗ̄ܝ܃
00431_8 ܘܲܡܕܲܝܸܫ ܠܵܗ݀ ܒܚܸܡܬܵܐ ܘܣܵܠܸܩ ܥܲܠ ܐܸܠܝܼܵܐ܀
00431_9 ܙܪܝܼܩܝܼܢ ܒܽܐܘܪܚܵܐ ܓܲܪ̈ܡܸܐ ܕܸܐܟܠܲܬ ܫܲܠܗܸܒܝܼܬܵܐ܃
00432_0 ܘܦܵܣܲܥ ܘܲܠܒܝܼܒ ܨܹܝܕ ܛܲܢܵܢܵܐ ܕܲܐܘܩܸܕ ܐܸܢܽܘܢ܀
00432_1 ܡܸܢ ܬܸܢܵܢܵܐ ܕܓܽܘܕܵܐ ܕܝܸܩܕܲܬ ܕܠܝܼܚ ܗ̄ܘܵܐ ܛܽܘܪܵܐ܃
00432_2 ܘܩܲܫܝܼ ܠܸܒܸܗ ܘܠܵܐ ܚܵܐܲܪ ܗ̄ܘܵܐ ܒܗܵܝ ܕܸܐܣܬܲܥܪܲܬ܀
00432_3 ܩܢܵܐ ܨܸܒܝܵܢܵܐ ܒܝܼܫܵܐ ܘܩܲܫܝܵܐ ܘܒܲܥܪܝܼܪܵܝܵܐ܃
00432_4 ܘܕܸܐܟܠܲܬ ܢܽܘܪܵܐ ܠܲܟܢܲܘ̈ܵܬܸܗ ܠܵܐ ܐܸܣܬܲܪܲܕ܀
00432_5 ܘܲܐܝܟ ܡܵܐ ܕܢܲܩܪܸܒ ܥܲܡ ܐܲܠܵܗܵܐ ܣܵܡ ܗ̄ܘܵܐ ܐܲܦܲܘ̈ܗ̄ܝ܃
00432_6 ܘܲܐܝܟ ܗܲܘ ܕܵܐܦ ܠܵܗ݀ ܠܢܽܘܪܵܐ ܙܵܟܸܐ ܡܸܬܓܲܙܲܡ ܗ̄ܘܵܐ܀
00432_7 ܪܗܝܼܒܵܐ ܐܽܘܪܚܸܗ ܐܲܝܟ ܠܵܐ ܕܵܚܸܠ ܡܸܢ ܓܲܘܙܲܠܬܵܐ܃
00432_8 ܘܪܵܡܝܼܢ ܩܵܠܲܘ̈ܗ̄ܝ ܨܹܝܕ ܐܸܠܝܼܵܐ ܕܢܲܚܬܸܗ ܥܲܡܸܗ܀
00432_9 ܢܒܝܼܸܗ ܕܡܵܪܝܵܐ ܡܲܠܟܵܐ ܐܵܡܲܪ ܚܽܘܬ ܡܸܢ ܬܲܡܵܢ܃
00433_0 ܘܬܽܘܒ ܐܸܠܝܼܵܐ ܦܲܢܝܼ ܨܸܐܕܲܘܗ̄ܝ ܟܲܕ ܐܵܡܲܪ ܠܸܗ܀
00433_1 ܐܸܢ ܢܒܝܼܵܐ ܐ̄ܢܵܐ ܠܵܟ ܘܲܠܚܲܡܫܝܼܢ ܬܸܐܟܽܘܠ ܢܽܘܪܵܐ܃
00433_2 ܘܩܸܕܚܲܬ ܕܸܠܩܲܬ ܫܲܠܗܸܒܝܼܬܵܐ ܘܲܐܦܠܲܬ ܐܸܢܽܘܢ܀
00433_3 ܫܕܵܐ ܗ̄ܘܵܐ ܡܵܪܝܵܐ ܢܽܘܪܵܐ ܥܠܲܝܗܽܘܢ ܕܲܒܢ̈ܲܝ ܥܲܘܠܵܐ܃
00433_4 ܐܲܝܟܲܢ ܕܲܨܒܵܐ ܢܒܝܼܵܐ ܓܲܒܝܵܐ ܕܢܲܘܩܸܕ ܐܸܢܽܘܢ܀
00433_5 ܥܢܵܢܵܐ ܕܢܽܘܪܵܐ ܟܪܲܟܬܸܗ ܠܛܽܘܪܵܐ ܡܸܢ ܟܽܠ ܓܲܒܝܼ̈ܢ܃
00433_6 ܠܲܡܨܲܝܵܕܽܘ ܠܚܲܢ̈ܦܸܐ ܕܲܣܠܸܩܘ ܥܲܠ ܐܸܠܝܼܵܐ܀
00433_7 ܗܘܵܬ ܙܵܪܝܼܦܬܵܐ ܕܫܲܠܗܸܒܝܼܬܵܐ ܕܚܸܒܛܲܬ ܐܸܢܽܘܢ܃
00433_8 ܥܲܠ ܕܲܣܠܸܩܘ ܕܵܫܘ ܐܲܬܪܸܗ ܢܲܩܕܵܐ ܕܗܲܘ ܩܲܕܝܼܫܵܐ܀
00433_9 ܢܚܸܬܝ̈ ܒܵܬܲܪܗܽܘܢ ܓܽܘܡܪ̈ܲܝ ܢܽܘܪܵܐ ܘܛܲܠܸܩ̈ܝ ܐܸܢܽܘܢ܃
00434_0 ܥܲܠ ܕܲܦܣܲܥܘ ܗ̄ܘܲܘ ܢܲܚܬܽܘܢ ܓܲܒܝܵܐ ܡܸܢ ܪܝܼܫ ܛܽܘܪܸܗ܀
00434_1 ܗܘܵܬ ܓܲܘܙܲܠܬܵܐ ܡܨܝܼܕܬܵܐ ܪܲܒܬܵܐ ܘܚܸܒܫܲܬ ܐܸܢܽܘܢ܃
00434_2 ܘܲܒܝܲܩܕܵܢܵܐ ܕܥܽܘܙܵܗ݀ ܪܲܒܵܐ ܛܲܠܩܲܬ ܐܸܢܽܘܢ܀
00434_3 ܦܸܓܥܲܬ ܗ̄ܘܵܬ ܒܸܗ ܢܽܘܪܵܐ ܕܪܽܘܓܙܸܗ ܒܗܲܘ ܡܲܪܵܚܵܐ܃
00434_4 ܪܲܒܵܐ ܕܚܲܡܫܝܼܢ ܕܲܒܩܲܕܡܵܝܵܐ ܠܵܐ ܐܸܬܟܲܘܲܢ܀
00434_5 ܨܸܦܚܲܬ ܥܠܲܘܗ̄ܝ ܫܲܠܗܸܒܝܼܬܵܐ ܘܲܫܚܲܩܬܸܗ ܗ̄ܘܵܬ܃

▼ later lines