← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00432_5 ܘܲܐܝܟ ܡܵܐ ܕܢܲܩܪܸܒ ܥܲܡ ܐܲܠܵܗܵܐ ܣܵܡ ܗ̄ܘܵܐ ܐܲܦܲܘ̈ܗ̄ܝ܃
00432_6 ܘܲܐܝܟ ܗܲܘ ܕܵܐܦ ܠܵܗ݀ ܠܢܽܘܪܵܐ ܙܵܟܸܐ ܡܸܬܓܲܙܲܡ ܗ̄ܘܵܐ܀
00432_7 ܪܗܝܼܒܵܐ ܐܽܘܪܚܸܗ ܐܲܝܟ ܠܵܐ ܕܵܚܸܠ ܡܸܢ ܓܲܘܙܲܠܬܵܐ܃
00432_8 ܘܪܵܡܝܼܢ ܩܵܠܲܘ̈ܗ̄ܝ ܨܹܝܕ ܐܸܠܝܼܵܐ ܕܢܲܚܬܸܗ ܥܲܡܸܗ܀
00432_9 ܢܒܝܼܸܗ ܕܡܵܪܝܵܐ ܡܲܠܟܵܐ ܐܵܡܲܪ ܚܽܘܬ ܡܸܢ ܬܲܡܵܢ܃
00433_0 ܘܬܽܘܒ ܐܸܠܝܼܵܐ ܦܲܢܝܼ ܨܸܐܕܲܘܗ̄ܝ ܟܲܕ ܐܵܡܲܪ ܠܸܗ܀
00433_1 ܐܸܢ ܢܒܝܼܵܐ ܐ̄ܢܵܐ ܠܵܟ ܘܲܠܚܲܡܫܝܼܢ ܬܸܐܟܽܘܠ ܢܽܘܪܵܐ܃
00433_2 ܘܩܸܕܚܲܬ ܕܸܠܩܲܬ ܫܲܠܗܸܒܝܼܬܵܐ ܘܲܐܦܠܲܬ ܐܸܢܽܘܢ܀
00433_3 ܫܕܵܐ ܗ̄ܘܵܐ ܡܵܪܝܵܐ ܢܽܘܪܵܐ ܥܠܲܝܗܽܘܢ ܕܲܒܢ̈ܲܝ ܥܲܘܠܵܐ܃
00433_4 ܐܲܝܟܲܢ ܕܲܨܒܵܐ ܢܒܝܼܵܐ ܓܲܒܝܵܐ ܕܢܲܘܩܸܕ ܐܸܢܽܘܢ܀
00433_5 ܥܢܵܢܵܐ ܕܢܽܘܪܵܐ ܟܪܲܟܬܸܗ ܠܛܽܘܪܵܐ ܡܸܢ ܟܽܠ ܓܲܒܝܼ̈ܢ܃
00433_6 ܠܲܡܨܲܝܵܕܽܘ ܠܚܲܢ̈ܦܸܐ ܕܲܣܠܸܩܘ ܥܲܠ ܐܸܠܝܼܵܐ܀
00433_7 ܗܘܵܬ ܙܵܪܝܼܦܬܵܐ ܕܫܲܠܗܸܒܝܼܬܵܐ ܕܚܸܒܛܲܬ ܐܸܢܽܘܢ܃
00433_8 ܥܲܠ ܕܲܣܠܸܩܘ ܕܵܫܘ ܐܲܬܪܸܗ ܢܲܩܕܵܐ ܕܗܲܘ ܩܲܕܝܼܫܵܐ܀
00433_9 ܢܚܸܬܝ̈ ܒܵܬܲܪܗܽܘܢ ܓܽܘܡܪ̈ܲܝ ܢܽܘܪܵܐ ܘܛܲܠܸܩ̈ܝ ܐܸܢܽܘܢ܃
00434_0 ܥܲܠ ܕܲܦܣܲܥܘ ܗ̄ܘܲܘ ܢܲܚܬܽܘܢ ܓܲܒܝܵܐ ܡܸܢ ܪܝܼܫ ܛܽܘܪܸܗ܀
00434_1 ܗܘܵܬ ܓܲܘܙܲܠܬܵܐ ܡܨܝܼܕܬܵܐ ܪܲܒܬܵܐ ܘܚܸܒܫܲܬ ܐܸܢܽܘܢ܃
00434_2 ܘܲܒܝܲܩܕܵܢܵܐ ܕܥܽܘܙܵܗ݀ ܪܲܒܵܐ ܛܲܠܩܲܬ ܐܸܢܽܘܢ܀
00434_3 ܦܸܓܥܲܬ ܗ̄ܘܵܬ ܒܸܗ ܢܽܘܪܵܐ ܕܪܽܘܓܙܸܗ ܒܗܲܘ ܡܲܪܵܚܵܐ܃
00434_4 ܪܲܒܵܐ ܕܚܲܡܫܝܼܢ ܕܲܒܩܲܕܡܵܝܵܐ ܠܵܐ ܐܸܬܟܲܘܲܢ܀
00434_5 ܨܸܦܚܲܬ ܥܠܲܘܗ̄ܝ ܫܲܠܗܸܒܝܼܬܵܐ ܘܲܫܚܲܩܬܸܗ ܗ̄ܘܵܬ܃
00434_6 ܥܲܠ ܕܲܦܣܲܥ ܗ̄ܘܵܐ ܥܲܠ ܝܲܩܕܵܢܵܐ ܕܚܝܼܠܵܐ ܕܲܚܙܵܐ܀
00434_7 ܠܸܒܵܐ ܩܲܫܝܵܐ ܒܫܲܒܛܵܐ ܕܢܽܘܪܵܐ ܡܸܬܢܲܓܲܕ ܗ̄ܘܵܐ܃
00434_8 ܘܲܒܡܲܚ̈ܘܵܬܵܐ ܕܫܲܠܗܸܒܝܼܬܵܐ ܡܸܬܩܲܦܲܚ ܗ̄ܘܵܐ܀
00434_9 ܘܠܵܐ ܨܒܵܐ ܕܢܸܕܚܲܠ ܡܸܢ ܡܲܪܕܽܘܬܸܗ ܕܗܲܘ ܩܲܕܡܵܝܵܐ܃
00435_0 ܗܘܵܐ ܕܲܚܠܽܘܠܵܐ ܕܲܬܪܸ̈ܝܢ ܐܵܦ ܗܽܘ ܠܲܬܠܝܼܬܵܝܵܐ܀
00435_1 ܕܠܵܐ ܩܲܒܸܠ ܗ̄ܘܵܐ ܕܢܸܣܬܲܪܲܕ ܗ̄ܘܵܐ ܗܘܵܐ ܣܽܘܪܵܕܵܐ܃
00435_2 ܘܲܕܠܵܐ ܚܵܪ ܗ̄ܘܵܐ ܒܗܲܘ ܕܝܼܩܸܕ ܗ̄ܘܵܐ ܗܘܵܐ ܬܲܚܘܝܼܬܵܐ܀
00435_3 ܪܵܥܝܸܗ ܕܥܲܡܵܐ ܩܵܡ ܗ̄ܘܵܐ ܒܛܽܘܪܵܐ ܐܲܝܟ ܟܲܫܝܼܪܵܐ܃
00435_4 ܕܢܸܛܽܘܪ ܥܵܢܸ̈ܗ ܒܚܲܝ̈ܠܸܐ ܘܓܽܘܢܚܸ̈ܐ ܘܲܬܡܝܼ̈ܗܵܬܵܐ܀
00435_5 ܘܡܵܐ ܕܸܐܬܟܲܢܲܫܘ ܕܼܐܒܸ̈ܐ ܣܠܸܩܘ ܗ̄ܘܲܘ ܕܲܢܚܲܒܠܽܘܢܵܝܗ̄ܝ܃
00435_6 ܐܲܚܓܝܼ ܢܽܘܪܵܐ ܡܸܢ ܒܸܝܬ ܡܵܪܸܗ ܘܸܐܟܠܲܬ ܐܸܢܽܘܢ܀
00435_7 ܫܲܠܗܸܒܝܼܬܵܐ ܥܒܝܼܕܵܐ ܗ̄ܘܵܬ ܠܸܗ ܚܽܘܛܪܵܐ ܪܲܒܵܐ܃
00435_8 ܘܒܵܗ݀ ܛܵܪܸܕ ܗ̄ܘܵܐ ܚܲܝܘܲܬ ܫܸܢܵܐ ܡܸܢ ܡܲܪܥܝܼܬܸܗ܀
00435_9 ܒܟܲܪܡܠܵܐ ܢܽܘܪܵܐ ܐܲܚܸܬ ܗܵܝܕܸܝܢ ܘܸܐܟܠܲܬ ܕܸܒܚܸܗ܃
00436_0 ܘܒܵܗ݀ ܟܲܢܸܫ ܗ̄ܘܵܐ ܥܵܢܸ̈ܗ ܕܝܲܥܩܽܘܒ ܨܹܝܕ ܐܲܠܵܗܸܗ܀
00436_1 ܘܗܵܪܟܵܐ ܠܢܽܘܪܵܐ ܩܪܵܐ ܗ̄ܘܵܐ ܢܒܝܼܵܐ ܬܲܪܬܸܝܢ ܙܲܒܢܝܼ̈ܢ܃
00436_2 ܕܲܒܬܸܕܡܽܘܪܬܵܐ ܢܟܲܢܸܫ ܥܲܡܵܐ ܕܲܡܒܲܕܲܪ ܗ̄ܘܵܐ܀
00436_3 ܟܸܒܫܲܬ ܗ̄ܘܵܬ ܠܵܗ݀ ܢܽܘܪܵܐ ܥܲܡܸܗ ܘܝܸܠܦܲܬ ܩܵܠܸܗ܃
00436_4 ܟܡܵܐ ܕܡܲܠܸܠ ܗ̄ܘܵܐ ܥܢܵܬܸܗ ܕܬܸܣܥܽܘܪ ܟܽܠ ܕܵܐܡܲܪ ܠܵܗ݀܀
00436_5 ܠܲܘ ܝܲܩܕܵܢܵܐ ܕܐ̄ܢܵܫܵܐ ܪܚܝܼܡ ܗ̄ܘܵܐ ܥܲܠ ܐܸܠܝܼܵܐ܃
00436_6 ܕܸܐܠܵܐ ܒܪܽܘܚܵܐ ܠܵܐ ܡܸܬܬܙܝܼܥ ܗ̄ܘܵܐ ܥܲܠ ܣܽܘܥܪܵܢܵܐ܀
00436_7 ܠܵܐ ܐ̄ܢܵܫ ܢܸܪܢܸܐ ܥܠܲܘܗ̄ܝ ܕܸܐܬܚܲܡܲܬ ܦܲܓܪܵܢܵܐܝܼܬ܃
00436_8 ܘܲܣܠܸܩ ܪܽܘܓܙܸܗ ܘܕܲܢܢܝܼܚ ܚܸܡܬܸܗ ܥܒܲܕ ܝܲܩܕܵܢܵܐ܀
00436_9 ܪܽܘܚܵܐ ܕܲܒܪܸܗ ܐܲܝܟܲܢ ܕܲܒܥܵܐ ܒܟܽܠ ܣܽܘܥܪ̈ܵܢܝܼܢ܃
00437_0 ܕܗܽܘ ܢܙܝܼܥ ܗ̄ܘܵܐ ܠܚܲܢ̈ܦܸܐ ܕܢܲܪܦܽܘܢ ܠܲܐܠܵܗܲܝ̈ܗܽܘܢ܀
00437_1 ܥܲܒܕܸܗ ܡܵܪܝܵܐ ܐܲܝܟ ܡܸܨܥܵܝܵܐ ܒܸܝܬ ܠܸܗ ܘܲܠܗܽܘܢ܃
00437_2 ܕܢܸܣܥܽܘܪ ܒܼܐܝܕܸܗ ܚܲܝ̈ܠܸܐ ܬܡܝܼ̈ܗܸܐ ܘܢܲܦܢܸܐ ܐܸܢܽܘܢ܀
00437_3 ܐܲܘܩܸܕ ܠܲܡܵܐܐ ܕܲܠܪܸܒܽܘܬܵܐ ܕܥܲܡܵܐ ܢܲܘܬܲܪ܃
00437_4 ܟܲܕ ܡܲܦܢܸܐ ܠܗܽܘܢ ܡܸܢ ܚܲܢܦܽܘܬܵܐ ܒܵܐܬܵܐ ܕܲܥܒܲܕ܀
00437_5 ܩܫܸܝܢ ܗ̄ܘܲܘ ܚܲܢ̈ܦܸܐ ܘܲܐܚܝܼܕܝܼܢ ܗ̄ܘܲܘ ܒܲܐܠܵܗܲܝ̈ܗܽܘܢ܃

▼ later lines