← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00540_0 ܦܬܲܚܝܼܗ݀ ܠܢܲܦܫܵܟ ܘܲܣܦܝܼ ܘܲܡܠܝܼܗ݀ ܚܲܝܠܵܐ ܡܸܢܸܗ܀
00540_1 ܥܲܕ ܥܲܡܵܟ ܗ̄ܽܘ ܝܲܡܵܐ ܕܲܡܠܸܐ ܟܽܠ ܓܸܠܝܵܢܝܼ̈ܢ܃
00540_2 ܐܸܬܬܲܓܲܪ ܒܸܗ ܕܬܸܗܘܸܐ ܥܲܬܝܼܪ ܡܵܐ ܕܸܐܬܥܲܠܝܼ܀
00540_3 ܠܵܐ ܬܦܽܘܫ ܡܸܢܸܗ ܐܸܠܵܐ ܚܙܲܝܬܵܝܗ̄ܝ ܟܲܕ ܡܸܬܥܲܠܸܐ܃
00540_4 ܘܝܲܗ̄ܒ ܠܵܟ ܡܸܕܸܡ ܪܲܒܵܐ ܕܬܸܥܬܲܪ ܡܸܢ ܡܲܘܗܲܒܬܸܗ܀
00540_5 ܗܲܪܛ ܘܡܲܕܪܸܟ ܐܲܢ̄ܬ ܒܥܝܼ ܘܡܸܫܟܲܚ ܐܲܢ̄ܬ ܫܐܲܠ ܘܢܵܣܸܒ ܐܲܢ̄ܬ܃
00540_6 ܦܬܝܼܚ ܠܵܟ ܬܲܪܥܵܐ ܝܲܘܡܵܐ ܗ̄ܘ ܕܬܸܥܬܲܪ ܐܸܢ ܡܲܚܨܸܦ ܐܲܢ̄ܬ܀
00540_7 ܪܽܘܚܵܐ ܪܡܲܙ ܠܸܗ ܒܟܸܣܝܵܐ ܠܛܲܠܝܵܐ ܘܝܼܕܲܥ ܗܵܠܸܝܢ܃
00540_8 ܘܡܸܛܽܠܗܵܢܵܐ ܕܲܢܟܲܬܲܪ ܗ̄ܘܵܐ ܠܵܐ ܨܵܒܸܐ ܗ̄ܘܵܐ܀
00540_9 ܘܡܵܐ ܕܸܐܠܝܼܵܐ ܪܲܟܸܒ ܥܸܠܬܵܐ ܕܢܸܟܠܝܼܘܗ̄ܝ ܡܸܢܸܗ܃
00541_0 ܦܣܲܩ ܗܽܘ ܘܝܼܡܵܐ ܒܲܛܠܵܗ݀ ܠܥܸܠܬܵܐ ܪܕܵܐ ܥܲܡ ܪܲܒܸܗ܀
00541_1 ܚܲܝ ܗ̄ܽܘ ܡܵܪܝܵܐ ܘܚܲܝܵܐ ܗ̄ܝ ܢܲܦܫܵܟ ܐܵܡܲܪ ܗ̄ܘܵܐ ܠܸܗ܃
00541_2 ܕܠܵܐ ܡܵܪܝ ܐܸܫܒܩܵܟ ܘܸܐܦܽܘܫ ܡܸܢܵܟ ܠܸܘܝܵܐ ܛܵܒܵܐ܀
00541_3 ܫܡܲܥ ܦܵܪܽܘܫܵܐ ܐܵܦ ܡܲܘܡܵܬܸܗ ܕܗܲܘ ܬܲܠܡܝܼܕܵܐ܃
00541_4 ܟܡܵܐ ܡܒܲܕܩܵܐ ܗ̄ܘܵܬ ܥܲܠ ܐܸܠܝܼܵܐ ܕܲܟܡܵܐ ܪܲܒ ܗ̄ܘܵܐ܀
00541_5 ܥܲܡ ܐܲܠܵܗܵܐ ܣܵܡ ܗ̄ܘܵܐ ܠܢܲܦܫܸܗ ܟܲܕ ܝܵܡܸܐ ܗ̄ܘܵܐ܃
00541_6 ܒܲܕܝܵܕܲܥ ܗ̄ܘܵܐ ܕܒܲܐܠܵܗܵܐ ܗ̄ܘܵܬ ܪܽܘܚܵܢܵܐܝܼܬ܀
00541_7 ܚܲܝ ܗ̄ܽܘ ܡܵܪܝܵܐ ܘܥܲܡܸܗ ܢܲܦܫܵܟ ܐܲܝܟ ܕܲܠܡܼܐܡܲܪ܃
00541_8 ܗܵܠܸܝܢ ܚܲܝܸ̈ܐ ܕܼܐܝܬ ܠܲܐܠܵܗܵܐ ܩܲܢܝܵܐ ܢܲܦܫܵܟ܀
00541_9 ܒܸܗ ܠܲܡ ܚܲܝܵܐ ܚܠܝܼܛܵܐ ܛܒܝܼܥܵܐ ܡܙܝܼܓܵܐ ܢܲܦܫܵܟ܃
00542_0 ܘܲܕܚܲܝ ܚܲܝܵܐ ܗ̄ܝ ܢܲܦܫܵܟ ܥܲܡܸܗ ܒܚܲܕ ܨܸܒܝܵܢܵܐ܀
00542_1 ܡܸܛܽܠܗܵܢܵܐ ܚܲܝ ܗ̄ܽܘ ܡܵܪܝܵܐ ܘܚܲܝܵܐ ܢܲܦܫܵܟ܃
00542_2 ܝܼܡܵܐ ܠܪܲܒܸܗ ܗܲܘ ܬܲܠܡܝܼܕܵܐ ܡܠܸܐ ܚܸܟ̈ܡܵܬܵܐ܀
00542_3 ܘܠܵܐ ܨܒܵܐ ܕܲܢܦܽܘܫ ܕܵܐܦ ܗܽܘ ܠܥܽܘܬܪܵܐ ܪܽܘܚܵܢܵܝܵܐ܃
00542_4 ܪܓܝܼܓ ܗ̄ܘܵܐ ܕܢܸܩܢܸܐ ܡܸܢ ܥܸܢܝܵܢܸܗ ܕܪܲܒܵܐ ܙܲܗܝܵܐ܀
00542_5 ܘܲܕܢܸܗܘܸܐ ܪܲܒ ܙܲܘܚܵܗ݀ ܕܽܐܘܪܚܸܗ ܟܲܕ ܡܸܬܥܲܠܸܐ܃
00542_6 ܪܽܘܚܵܐ ܒܟܸܣܝܵܐ ܓܠܸܐ ܠܲܢܒܝܼܸ̈ܐ ܡܸܛܽܠܵܬܸܗ܀
00542_7 ܢܦܲܩܘ ܡܸܢ ܒܸܝܬ ܐܝܼܠ ܘܡܸܢ ܐܝܼܪܝܼܚܽܘ ܒܓܸܠܝܵܢܲܝ̈ܗܽܘܢ܃
00542_8 ܘܡܲܠܸܠ ܐ̄ܪܵܙܵܐ ܥܲܡ ܬܲܠܡܝܼܕܵܐ ܡܸܛܽܠ ܪܲܒܸܗ܀
00542_9 ܡܵܐ ܕܲܓܠܵܐ ܠܗܽܘܢ ܪܽܘܚܵܐ ܓܠܲܘ ܠܸܗ ܚܲܒܝܼܒܵܐܝܼܬ܃
00543_0 ܝܲܘܡܵܢܵܐ ܠܲܡ ܢܵܣܸܒ ܡܵܪܝܵܐ ܪܲܒܵܟ ܡܸܢܵܟ܀
00543_1 ܘܲܢܒܝܼܽܘܬܵܐ ܐܵܦ ܠܸܗ ܠܸܚܫܲܬ ܐܲܝܟܲܢ ܕܲܠܗܽܘܢ܃
00543_2 ܫܲܬܸܩ ܐܸܢܽܘܢ ܕܢܸܛܪܽܘܢ ܐ̄ܪܵܙܵܐ ܕܝܵܕܲܥ ܗ̄ܘܵܐ ܠܸܗ܀
00543_3 ܗܵܝ ܕܲܛܪܵܝܗ̄ܝ ܗ̄ܘܵܐ ܠܗܲܘ ܬܲܠܡܝܼܕܵܐ ܕܲܢܦܽܘܫ ܡܸܢܸܗ܃
00543_4 ܐܸܬܲܐܡܪܲܬ ܠܸܗ ܕܡܲܟܝܼܟܽܘܬܸܗ ܡܸܬܚܲܙܝܵܐ ܒܸܗ܀
00543_5 ܘܗܵܝ ܬܽܘܒ ܕܸܐܡܲܪ ܕܡܵܪܝܵܐ ܫܲܕܪܲܢܝ ܕܬܲܪܬܸܝܢ ܘܲܬܠܵܬ܃
00543_6 ܬܽܘܒ ܬܲܘ ܢܸܚܙܸܐ ܕܠܵܐ ܕܲܓܸܠ ܗ̄ܘܵܐ ܗܲܘ ܫܲܪܝܼܪܵܐ܀
00543_7 ܫܲܕܪܸܗ ܡܵܪܝܵܐ ܕܢܼܐܙܲܠ ܢܸܣܲܩ ܐܲܝܟܵܐ ܕܨܵܒܸܐ܃
00543_8 ܘܗܵܝ ܬܽܘܒ ܐܽܘܪܚܸܗ ܕܢܸܥܒܲܪ ܒܸܝܬ ܐܝܼܠ ܐܵܦ ܒܼܐܝܪܝܼܚܽܘ܀
00543_9 ܘܢܼܐܬܸܐ ܠܝܽܘܪܕܢܵܢ ܘܢܸܥܒܸܕ ܐܵܬܵܐ ܕܡܲܠܝܵܐ ܐ̄ܪ̈ܵܙܸܐ܃
00544_0 ܘܟܸܢ ܡܸܢ ܬܲܡܵܢ ܢܲܣܩܸܗ ܠܲܐܬܪܵܐ ܕܲܡܛܲܝܲܒ ܠܸܗ܀
00544_1 ܘܲܠܬܲܠܡܝܼܕܸܗ ܥܠܸܝܗ݀ ܥܲܠ ܐܽܘܪܚܵܐ ܐܵܡܲܪ ܗ̄ܘܵܐ ܠܸܗ܃
00544_2 ܕܡܵܪܝܵܐ ܫܲܕܪܲܢܝ ܠܒܸܝܬ ܐܝܼܠ ܘܝܽܘܪܕܢܵܢ ܐܵܦ ܠܼܐܝܪܝܼܚܽܘ܀
00544_3 ܗܝܼ ܗ̄ܘܵܬ ܐܽܘܪܚܵܐ ܕܡܸܢ ܓܲܠܓܵܠܵܐ ܠܒܸܝܬ ܐܝܼܠ ܢܼܐܙܲܠ܃
00544_4 ܘܬܽܘܒ ܠܼܐܝܪܝܼܚܽܘ ܘܲܠܘܵܬ ܝܽܘܪܕܢܵܢ ܘܟܸܢ ܡܸܬܥܲܠܸܐ܀
00544_5 ܫܲܪܝܼܪܵܐ ܓܹܝܪ ܠܵܐ ܒܵܙܥܽܘܪܬܵܐ ܘܠܵܐ ܒܲܕܪܲܒܵܐ܃

▼ later lines