← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63404: JSBhom 126: 2nd Homily on Our Lord's fight with Satan

Click on a word for lexical analysis
Click on a red-colored coordinate for comments and/or translations of the line

126:000 ܕܝܼܠܸܗ ܕܡܵܪܝ ܝܲܥܩܽܘܒ ܡܐܡܪܐ ݁ܩܟܘ܂ ܕܲܬܪܸܝܢ ܕܥܲܠ ܬܲܟܬܽܘܫܸܗ ܕܡܵܪܲܢ ܥܲܡ ܣܵܛܵܢܵܐ
126:001 ܒܪܝܼܟ ܙܲܟܵܝܵܐ ܕܲܠܚܲܝܵܒܵܐ ܢܚܸܬ ܕܲܢܥܲܕܲܪ܃
126:002 ܘܩܵܡ ܒܲܐܓܽܘܢܵܐ ܘܲܐܥܕܝܼ ܟܠܝܼܠܵܐ ܒܟܲܫܝܼܪܽܘܬܵܐ܀
126:003 ܚܙܵܝܗ̄ܝ ܗ̄ܘܵܐ ܠܒܝܼܫܵܐ ܕܲܩܛܲܪ ܬܵܓܵܐ ܘܲܙܟܵܐ ܒܕܲܪܵܐ܃
126:004 ܘܲܚܙܵܝܗ̄ܝ ܠܵܐܕܵܡ ܕܲܬܒܝܼܪ ܘܲܫܕܸܐ ܘܲܥܒܝܼܕ ܒܸܙܚܵܐ܀
126:005 ܢܚܸܬ ܪܲܚܡܵܢܵܐ ܕܲܢܥܲܕܲܪ ܗ̄ܘܵܐ ܒܓܲܘ ܐܲܓܽܘܢܵܐ܃
126:006 ܠܗܲܘ ܙܲܝܵܥܬܵܐ ܪܸܓܠܵܐ ܕܫܸܪܥܲܬ̤ ܡܸܢ ܬܲܟܬܽܘܫܵܐ܀
126:007 ܢܦܲܩ ܒܲܪ ܡܲܠܟܵܐ ܡܸܢ ܒܸܝܬ ܐܲܒܽܘܗ̄ܝ ܕܲܢܣܲܝܲܥ ܗ̄ܘܵܐ܃
126:008 ܠܦܵܠܚܵܐ ܫܲܦܠܵܐ ܕܚܲܘܝܼ ܚܲܨܵܐ ܩܕܵܡ ܪܵܕܽܘܦܵܐ܀
126:009 ܘܲܕܠܵܐ ܬܸܗܘܸܐ ܕܲܒܡܲܠܟܽܘܬܵܐ ܙܟܵܐ ܒܲܩܪܵܒܵܐ܃
126:00x ܫܠܸܡ ܕܥܲܠ ܬܲܟܬܽܘܫܸܗ ܕܡܵܪܲܢ ܕܥܲܡ ܣܛܵܢܵܐ܃
126:010 ܡܵܐܢ̈ܲܝ ܥܲܒܕܵܐ ܠܒܸܫ ܗ̄ܘܵܐ ܕܢܸܙܟܸܐ ܠܲܕܙܵܟܸܐ ܗ̄ܘܵܐ܀
126:011 ܕܸܐܠܽܘ ܠܵܐ ܠܒܸܫ ܡܵܐܢ̈ܲܝ ܥܲܒܕܵܐ ܟܲܕ ܡܸܬܟܲܬܲܫ܃
126:012 ܗܽܘ ܫܽܘܠܛܵܢܵܐ ܡܸܬܩܲܠܲܣ ܗ̄ܘܵܐ ܘܠܵܐ ܬܲܟܬܽܘܫܵܐ܀
126:013 ܒܗܵܕܸܐ ܝܲܬܝܼܪ ܚܵܒ ܫܲܒܵܝܲܢ ܒܲܡܚܝܼܠܽܘܬܵܐ܃
126:014 ܕܒܸܐܣܟܝܼܡ ܥܲܒܕܵܐ ܢܦܲܠ ܒܲܩܪܵܒܵܐ ܘܠܵܐ ܒܲܕܡܲܠܟܵܐ܀
126:015 ܕܲܪܵܐ ܕܬܸܗܪܵܐ ܥܒܲܕ ܦܵܪܽܘܩܲܢ ܥܲܡ ܣܵܛܵܢܵܐ܃
126:016 ܕܒܲܡܚܝܼܠܽܘܬܵܐ ܐܲܩܪܸܒ ܥܲܡܸܗ ܘܲܙܟܵܐ ܣܲܚܦܸܗ܀
126:017 ܐܲܪܒܥܝܼܢ ܝܲܘ̈ܡܝܼܢ ܐܸܬܟܲܬܲܫ ܗ̄ܘܵܐ ܘܠܲܝ̈ܠܲܘܵܬܵܐ܃
126:018 ܘܲܒܫܽܘܠܛܵܢܵܐ ܕܲܐܠܵܗܽܘܬܵܐ ܠܵܐ ܐܸܬܚܲܫܲܚ܀
126:019 ܥܒܲܕ ܚܲܣܝܼܢܵܐ ܟܡܼܐܢܵܐ ܠܚܲܝܠܸܗ ܒܦܲܓܪܵܐ ܡܚܝܼܠܵܐ܃
126:020 ܘܲܡܣܲܪܩܵܐܝܼܬ ܐܲܩܪܸܒ ܘܲܙܟܵܝܗ̄ܝ ܠܲܒܥܸܠܕܲܪܵܐ܀
126:021 ܣܲܟܠܵܐ ܚܬܝܼܪܵܐ ܕܸܐܫܬܲܩܲܠ ܗ̄ܘܵܐ ܥܲܠ ܐ̄ܢܵܫܽܘܬܵܐ܃
126:022 ܡܸܢ ܐ̄ܢܵܫܽܘܬܵܐ ܐܸܬܚܲܝܲܒ ܠܸܗ ܒܕܲܪܵܐ ܐ̄ܡܝܼܢܵܐ܀
126:023 ܐ̄ܢܵܫܵܝܵܐ ܗ̄ܘܵܐ ܕܲܪܸܗ ܕܡܵܪܲܢ ܕܥܲܡ ܣܵܛܵܢܵܐ܃
126:024 ܠܵܐ ܐ̄ܢܵܫ ܢܼܐܡܲܪ ܕܲܐܠܵܗܵܐܝܼܬ ܡܸܬܟܲܬܲܫ ܗ̄ܘܵܐ܀
126:025 ܐܸܠܽܘ ܐܲܩܪܸܒ ܒܲܐܠܵܗܽܘܬܸܗ ܐܲܝܟ ܕܲܡܨܸܐ ܗ̄ܘܵܐ܃
126:026 ܡܲܢ ܣܵܕܲܪ ܗ̄ܘܵܐ ܩܪܵܒܵܐ ܠܩܽܘܒܠܸܗ ܡܸܢ ܒܸܪ̈ܝܵܬܸܗ܀
126:027 ܘܠܵܐ ܣܵܛܵܢܵܐ ܡܸܬܟܲܬܲܫ ܗ̄ܘܵܐ ܕܠܵܐ ܥܲܡ ܦܲܓܪܵܐ܃
126:028 ܘܠܵܐ ܐܸܠܽܘ ܚܵܒ ܡܸܢ ܠܵܐ ܓܫܝܼܡܵܐ ܡܸܬܟܲܐܲܪ ܗ̄ܘܵܐ܀
126:029 ܐܲܝܟܵܐ ܕܼܐܝܬ ܗ̄ܘܵܐ ܐܲܬܪܵܐ ܠܒܝܼܫܵܐ ܠܡܸܬܟܲܬܵܫܽܘ܃

▼ later lines