← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63404: JSBhom 126: 2nd Homily on Our Lord's fight with Satan

Click on a word for lexical analysis
Click on a red-colored coordinate for comments and/or translations of the line

▲ earlier lines

126:027 ܘܠܵܐ ܣܵܛܵܢܵܐ ܡܸܬܟܲܬܲܫ ܗ̄ܘܵܐ ܕܠܵܐ ܥܲܡ ܦܲܓܪܵܐ܃
126:028 ܘܠܵܐ ܐܸܠܽܘ ܚܵܒ ܡܸܢ ܠܵܐ ܓܫܝܼܡܵܐ ܡܸܬܟܲܐܲܪ ܗ̄ܘܵܐ܀
126:029 ܐܲܝܟܵܐ ܕܼܐܝܬ ܗ̄ܘܵܐ ܐܲܬܪܵܐ ܠܒܝܼܫܵܐ ܠܡܸܬܟܲܬܵܫܽܘ܃
126:030 ܘܬܲܡܵܢ ܐܲܩܪܸܒ ܘܥܲܠ ܗܵܝ ܝܲܬܝܼܪ ܐܸܬܚܲܝܲܒ ܗ̄ܘܵܐ܀
126:031 ܩܪܲܒܬܵܢܵܐ ܗ̄ܘܵܐ ܗܽܘ ܒܲܪ ܕܲܘܝܼܕ ܡܗܝܼܪ ܬܲܟܬܽܘܫܵܐ܃
126:032 ܕܙܲܝܢܵܐ ܒܲܣܝܵܐ ܫܩܲܠ ܗ̄ܘܵܐ ܘܲܢܦܲܩ ܠܽܘܩܒܲܠ ܓܽܘܠܝܵܕ܀
126:033 ܠܵܐ ܐܲܩܪܸܒ ܗ̄ܘܵܐ ܥܲܡ ܓܲܢ̄ܒܵܪܵܐ ܒܡܵܐܢ̈ܲܝ ܡܲܠܟܵܐ܃
126:034 ܘܠܵܐ ܒܲܪ ܕܲܘܝܼܕ ܒܲܐܠܵܗܽܘܬܸܗ ܥܲܡ ܣܵܛܵܢܵܐ܀
126:035 ܫܩܲܠ ܠܸܗ ܡܵܐܢܸ̈ܐ ܕܪܵܥܝܵܐ ܒܽܘܪܵܐ ܟܲܕ ܐܵܙܸܠ ܗ̄ܘܵܐ܃
126:036 ܘܲܒܬܲܟܬܽܘܫܸܗ ܨܵܪܸܗ ܠܪܲܒܵܐ ܕܪ̈ܵܥܲܘܵܬܵܐ܀
126:037 ܐܵܦ ܗܽܘ ܕܲܘܝܼܕ ܡܲܠܟܵܐ ܗ̄ܘܵܐ ܓܹܝܪ ܟܲܕ ܐܸܬܟܲܬܲܫ܃
126:038 ܐܲܝܟ ܕܲܡܫܝܼܚܵܐ ܐܲܠܵܗܵܐ ܗ̄ܘܵܐ ܟܲܕ ܐܸܬܢܲܣܝܼ܀
126:039 ܠܲܘ ܒܽܐܘܚܕܵܢܵܐ ܓܲܒܝܵܐ ܕܡܲܠܟܵܐ ܐܲܩܪܸܒ ܕܲܘܝܼܕ܃
126:040 ܘܠܵܐ ܒܫܽܘܠܛܵܢܵܐ ܕܲܐܠܵܗܽܘܬܸܗ ܙܟܵܐ ܦܵܪܽܘܩܲܢ܀
126:041 ܒܗܵܢܵܐ ܩܪܵܒܵܐ ܕܲܦܠܸܫ̈ܬܵܝܸܐ ܘܲܕܥܸܒܪ̈ܵܝܸܐ܃
126:042 ܨܵܪ ܬܲܟܬܽܘܫܵܐ ܕܥܵܠܡܵܐ ܟܽܠܸܗ ܘܲܕܣܵܛܵܢܵܐ܀
126:043 ܢܸܚܙܸܝܘܗ̄ܝ ܠܥܵܠܡܵܐ ܒܥܲܡܵܐ ܕܪܵܥܸܠ ܡܸܢ ܓܲܢ̄ܒܵܪܵܐ܃
126:044 ܘܲܠܣܵܛܵܢܵܐ ܒܓܽܘܠܝܵܕ ܕܓܵܙܸܡ ܠܒܲܪ ܥܸܒܪ̈ܵܝܸܐ܀
126:045 ܛܲܢ ܒܲܪ ܕܲܘܝܼܕ ܐܲܟܡܵܐ ܕܕܲܘܝܼܕ ܥܒܲܕ ܬܲܟܬܽܘܫܵܐ܃
126:046 ܘܲܢܦܲܩ ܢܲܩܪܸܒ ܠܵܐ ܒܫܽܘܠܛܵܢܵܐ ܐܸܠܵܐ ܒܚܸܟܡܵܐ܀
126:047 ܚܲܣܢܸܗ ܠܒܝܼܫܵܐ ܒܲܡܚܝܼܠܽܘܬܵܐ ܐܲܝܟ ܕܲܠܓܽܘܠܝܵܕ܃
126:048 ܘܲܐܓܗܝܼܘ ܥܲܡ̈ܡܸܐ ܐܲܝܟ ܥܸܒܪ̈ܵܝܸܐ ܡܸܢ ܫܽܘܥܒܵܕܵܐ܀
126:049 ܢܚܸܬ ܗ̄ܘܵܐ ܠܕܲܪܵܐ ܒܦܲܪܨܽܘܦ ܐܵܕܵܡ ܡܵܪܸܗ ܕܵܐܕܵܡ܃
126:050 ܕܲܢܚܲܕܸܬ ܗ̄ܘܵܐ ܠܗܲܘ ܐܲܓܽܘܢܵܐ ܕܚܵܒ ܒܸܗ ܐܵܕܵܡ܀
126:051 ܘܲܚܠܵܦ ܗܵܠܸܝܢ ܕܲܒܗܸܝܢ ܐܵܕܵܡ ܐܸܬܚܲܝܲܒ ܗ̄ܘܵܐ܃
126:052 ܣܥܲܪ ܗ̄ܘܵܐ ܒܕܲܪܸܗ ܡܵܪܸܗ ܕܵܐܕܵܡ ܥܲܠ ܕܲܢܙܲܟܸܝܘܗ̄ܝ܀
126:053 ܘܥܲܠ ܕܲܫܐܸܠ ܗ̄ܘܵܐ ܥܲܒܕܵܐ ܒܲܥܕܸܢ ܢܸܗܘܸܐ ܡܵܪܵܐ܃
126:054 ܢܚܸܬ ܗ̄ܘܵܐ ܡܵܪܵܐ ܘܥܲܒܕܵܐ ܗܘܵܐ ܗ̄ܘܵܐ ܡܸܛܽܠ ܥܲܒܕܸܗ܀
126:055 ܘܲܚܠܵܦ ܕܲܨܒܵܐ ܐ̄ܢܵܫܵܐ ܕܢܸܚܛܽܘܦ ܐܲܠܵܗܽܘܬܵܐ܃
126:056 ܢܚܸܬ ܐܲܠܵܗܵܐ ܠܘܵܬ ܒܲܪܢܵܫܵܐ ܕܢܸܗܘܸܐ ܐ̄ܢܵܫܵܐ܀
126:057 ܘܥܲܠ ܕܸܐܬܝܲܥܲܢ ܐܵܕܵܡ ܒܲܥܕܸܢ ܥܲܠ ܐܝܼܠܵܢܵܐ܃
126:058 ܨܒܵܐ ܦܵܪܽܘܩܲܢ ܕܲܠܝܲܥܢܽܘܬܵܐ ܒܨܲܘܡܸܗ ܢܸܒܣܽܘܪ܀
126:059 ܘܕܲܒܡܸܐܟܽܘܠܬܵܐ ܗܘܵܬ̤ ܠܲܚܛܝܼܬܵܐ ܡܲܥܠܵܢܽܘܬܵܐ܃
126:060 ܒܥܵܢܘܵܝܽܘܬܵܐ ܙܟܵܗ݀ ܐܵܦ ܪܲܕܦܵܗ݀ ܡܸܢ ܐ̄ܢܵܫܽܘܬܵܐ܀
126:061 ܡܸܢ ܗܵܐ ܡܸܟܵܐ ܫܲܪܝܼ ܗ̄ܘܵܐ ܒܸܗ ܚܠܝܼܨܵܐ ܒܕܲܪܸܗ܃
126:062 ܕܲܒܗܵܝ ܕܲܙܟܵܐ ܒܵܗ݀ ܢܸܬܚܲܝܲܒ ܒܲܪ ܐܲܒܕܵܢܵܐ܀
126:063 ܐܵܦ ܙܵܕܸܩ ܗ̄ܘܵܐ ܕܒܵܗ݀ ܒܲܡܚܽܘܬܵܐ ܕܲܡܚܵܐ ܢܸܒܠܲܥ܃
126:064 ܘܲܒܗܲܘ ܩܸܛܠܵܐ ܕܲܩܛܲܠ ܢܡܽܘܬ ܩܵܛܸܠ ܐ̄ܢܵܫܵܐ܀
126:065 ܚܙܵܐ ܒܥܸܠܕܲܪܵܐ ܠܲܐܬܠܝܼܛ ܩܽܘܫܬܵܐ ܕܩܵܡ ܒܲܐܓܽܘܢܵܐ܃
126:066 ܘܸܐܬܛܲܝܲܒ ܗ̄ܘܵܐ ܠܡܸܬܟܲܬܵܫܽܘ ܚܲܣܝܼܢܵܐܝܼܬ܀
126:067 ܣܲܒܪܵܐ ܘܩܸܢܛܵܐ ܐܝܼܬ ܗ̄ܘܵܐ ܠܒܝܼܫܵܐ ܟܲܕ ܫܲܪܝܼ ܗ̄ܘܵܐ܃
126:068 ܘܟܲܕ ܕܵܚܸܠ ܗ̄ܘܵܐ ܡܸܬܠܲܒܲܒ ܗ̄ܘܵܐ ܥܲܠ ܬܲܟܬܽܘܫܵܐ܀
126:069 ܡܵܐ ܕܲܡܚܵܝܗ̄ܝ ܗ̄ܘܵܐ ܪܝܼܚܵܐ ܕܦܲܓܪܵܐ ܚܒܲܨ ܥܲܠ ܕܲܪܵܐ܃
126:070 ܩܪܸܒ ܢܸܬܟܲܬܲܫ ܬܲܟܣܸܗ ܩܸܢܛܵܐ ܕܲܐܠܵܗܽܘܬܵܐ܀
126:071 ܒܠܝܼܥܝܼܢ ܗ̄ܘܲܘ ܠܸܗ ܓܸܐܪܸ̈ܐ ܠܒܝܼܫܵܐ ܩܕܵܡ ܬܲܟܬܽܘܫܵܐ܃
126:072 ܘܓܽܘܡܕܵܢܵܐܝܼܬ ܡܸܬܥܲܙܸܐ ܗ̄ܘܵܐ ܕܢܸܐܪܽܘܥ ܕܲܪܵܐ܀
126:073 ܫܡܝܼܥܝܼܢ ܗ̄ܘܲܘ ܠܸܗ ܥܝܼܪܸ̈ܐ ܕܣܲܒܲܪܘ ܥܲܠ ܡܲܘܠܵܕܸܗ܃
126:074 ܘܡܸܬܒܲܝܲܢ ܗ̄ܘܵܐ ܐܵܦ ܒܲܡܓܽܘ̈ܫܸܐ ܘܩܽܘܪ̈ܒܵܢܲܝܗܽܘܢ܀
126:075 ܫܡܝܼܥ ܗ̄ܘܵܐ ܠܸܗ ܬܽܘܒ ܩܵܠܸܗ ܕܲܐܒܵܐ ܗܲܘ ܕܥܲܠ ܢܲܗܪܵܐ܃
126:076 ܘܒܵܬܲܪ ܗܵܠܸܝܢ ܐܲܝܟ ܡܲܪܵܚܵܐ ܡܸܬܦܲܩܲܪ ܗ̄ܘܵܐ܀
126:077 ܡܵܐ ܕܲܩܪܸܒ ܗ̄ܘܵܐ ܐܲܘܫܸܛ ܐܝܼܕܵܐ ܓܵܫܲܬ ܓܽܘܫܡܵܐ܃

▼ later lines