← Back
The Comprehensive Aramaic Lexicon
← Return to the Text Browser
click on the file description for more information

63500: JnNhel (Life of John of Nhel)

Click on a word for lexical analysis
Click on a red-colored coordinate for comments and/or translations of the line

102:01 ܕܝܠܗ ܕܩܕܝܫܐ ܡܪܝ ܝܘܚܢܢ܂ ܗܘ ܕܒܕܘܒܪ̈ܘܗܝ ܕܡܪܝ ܝܘܚܢܢ
102:02 ܡܡܪܐ ܗܘܐ ܒܟܠܗܝܢ܂ ܘܟܕ ܣܓܝ ܐܦܝܣܘܗܝ ܕܢܐܙܠ
102:03 ܥܡܗܘܢ ܘܠܐ ܐܬܛܦܝܣ ܘܛܠܝܐ ܪܒܢ ܣܪܓܝܣ ܘܪܒܢ
102:04 ܦܘܠܘܣ ܬܠܡܝ̈ܕܘܗܝ ܗܘܘ ܕܢܨܝܚܐ ܡܪܝ ܝܘܚܢܢ܂
102:05 ‍[‍4‍]‍ ܘܥܘܡܪܐ ܕܙܪܢܘܩܐ ܠܝܬ ܗܘܐ ܒܗ ܡܥܝܢܐ ܕܡܝ̈ܐ
102:06 ܘܠܐ ܫܝ̈ܚܐ ܢܩܝܪ̈ܐ ܒܩܠܝ̈ܬܐ ܕܡܢܗܘܢ ܫܬܝܢ ܗܘܘ
102:07 ܐܚ̈ܐ܂ ܘܡܬܚܫܚܝܢ ܗܘܘ ܒܗܘܢ܂ ܘܒܐܘܠܨܢܐ ܪܒܐ
102:08 ܐܝܬܝܗܘܢ ܗܘܘ ܡܢ ܥܠܬ ܡܝ̈ܐ܂ ܚܙܘ ܕܝܢ ܘܫܡܥܘ ܐܘ
102:09 ܐܚ̈ܝܢ ܘܚܒܝ̈ܒܝܢ܂ ܕܡܢܐ ܥܬܝܕ ܐܠܗܐ ܒܝܕ ܡܕܒܪܢܘܬܗ
102:10 ܕܢܣܥܘܪ ܠܘܬܗܘܢ ܕܩܕ̈ܝܫܐ ܗܢܘܢ ܕܒܡܨܥܝܘܬܗ
102:11 ܘܒܚܝܠܐ ܕܨܠܘ̈ܬܗ ܕܩܕܝܫܐ ܡܪܝ ܝܘܚܢܢ܂ ܐܝܬ ܗܘܐ
102:12 ܠܗܘܢ ܕܝܢ ܙܪܢܘܩܐ ܕܕܠܐ ܗܘܐ ܡܝ̈ܐ ܡܢ ܕܩܠܬ ܢܗܪܐ܂
102:13 ܠܬܚܬ ܡܢ ܥܘܡܪܐ܂ ܘܢܚܬܝܢ ܗܘܘ ܟܠ܆ܝܘܡ ܬܪܝܢ
102:14 ܩܢܘܒܝ̈ܐ ܘܟܘܕܢܝܐ ܚܕ ܥܡܗܘܢ ܘܕܠܝܢ ܗܘܘ ܡܝ̈ܐ
102:15 ܒܙܪܢܘܩܐ ܗܘ ܘܣܝܡܝܢ ܗܘܘ ܥܠ ܟܘܕܢܝܐ ܘܡܣܩܝܢ
102:16 ܗܘܘ ܠܥܘܡܪܐ ܟܠ ܝܘܡ܂ ܘܡܦܠܓܢ ܗܘܘ ܠܗܘܢ ܠܐܚ̈ܐ
102:17 ܚܕ ܒܬܪ ܚܕ܂
102:18 ‍[‍5‍]‍ ܘܒܚܕ ܕܝܢ ܡܢ ܝܘ̈ܡܝܢ܂ ܢܚܬܘ ܩܢܘ̈ܒܝܐ ܘܟܘܕܢܝܐ
102:19 ܥܡܗܘܢ ܠܕܩܠܬ ܢܗܪܐ ܠܘܬ ܙܪܢܘܩܐ ܗܘ ܐܝܟ ܥܝܕܐ
102:20 ܕܟܠ܆ܝܘܡ ܕܢܡܠܘܢ ܡ̈ܝܐ ܡܢ ܕܩܠܬ܂ ܘܢܦܩ ܥܠܝܗܘܢ
102:21 ܡܢ ܥܒܐ ܕܐܝܬ ܗܘܐ ܬܡܢ ܐܪܝܐ ܚܕ ܠܝܛܐ܂ ܘܩܦܚܗ
102:22 ܠܚܕ ܡܢ ܩܢܘ̈ܒܝܐ ܘܬܒܪܗ ܘܫܕܝܗܝ ܥܠ ܐܪܥܐ ܘܡܝܬ܂
102:23 ܘܩܛܠܗ ܐܦ ܠܟܘܕܢܝܐ ܕܥܡܗܘܢ ܘܐܥܠܗ ܠܢܩܥܗ܂
102:24 ܘܥܪܩ ܩܢܘܒܝܐ ܗܘ ܕܐܫܬܚܪ ܘܣܠܩ ܠܥܘܡܪܐ ܘܐܘܕܥ

102:25 ܠܪܫ ܥܘܡܪܐ܂ ܘܢܩܫܘ ܢܩܘܫܐ ܘܐܬܟܢܫܬ ܐܚܘܬܐ

102:26 ܗܝ ܒܪܝܟܬܐ ܟܠܗ݀ ܘܐܘܕܥ ܐܢܘܢ ܩܢܘܒܝܐ ܟܠ܆ܡܐ
102:27 ܕܓܕܫ ܠܗܘܢ܂ ܘܢܦܠܘ ܐܚ̈ܐ ܒܪܢܝܐ ܘܒܫܚܩܐ ܪܒܐ܂
102:28 ܟܠܗ ܟܢܘܫܝܐ ܗܘ ‍{‍^ܟܠܗ^‍}‍ ܒܪܝܟܐ܂ ܘܣܡܘ ܒܢܦܫܗܘܢ
102:29 ܕܠܐ ܡܟܝܠ ܢܟܬܪܘܢ ܒܥܘܡܪܐ ܣܟ܂