← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63500: JnNhel (Life of John of Nhel)

Click on a word for lexical analysis
Click on a red-colored coordinate for comments and/or translations of the line

104:01 ܡܪܢ܆ܝܫܘܥ ܡܫܝܚܐ ܒܪܗ ܕܐܠܗܐ ܚܝܐ ܐܝܠܐ ܕܦܠܚ̈ܘܗܝ
104:02 ܘܣܒܪܐ ܪܒܐ ܕܒܝܬܝ̈ܘܗܝ܂ ܘܡܢܨܚܢܐ ܕܩܕܝܫ̈ܘܗܝ܂ ܐܢܬ
104:03 ܡܪܝ ܒܚܝܠܐ ܕܫܡܟ ܩܕܝܫܐ ܘܒܛܝܒܘܬܟ܃ ܫܡܥ
104:04 ܒܩܠ ܨܠܘܬܗ ܕܥܒܕܟ ܚܛܝܐ܂ ܘܢܚܡܝܗܝ ܠܗܢܐ
104:05 ܐܟܣܢܝܐ ܥܒܕܟ ܘܐܩܝܡܝܗܝ ܒܦܘܩܕܢܟ ܪܒܐ ܘܕܚܝܠܐ܂
104:06 ܕܢܘܕܘܢ ܠܟ ܟܠܗܘܢ ܦܪ̈ܝܩܝ ܒܕܡܟ ܙܟܝܐ ܥܠ ܐܦܝ̈
104:07 ܡܘܗܒܬܟ ܕܠܘܬܗܘܢ܂ ܗܫܐ ܘܒܟܠܙܒܢ ܘܠܥܠܡ ܥܠܡܝܢ
104:08 ܐܡܝܢ܂
104:09 ‍[‍9‍]‍ ܘܟܕ ܫܠܡ ܨܠܘܬܗ ܢܨܝܚܐ܂ ܩܪܒ ܠܘܬܗ ܕܩܢܘܒܝܐ
104:10 ܗܘ ܕܪܡܐ ܗܘܐ ܘܐܚܕܗ ܒܐܝܕܗ ܘܐܡܪ ܠܗ ܒܩܠܐ
104:11 ܫܡܝܥܐ܂ ܙܟܪܝܐ ܒܫܡܗ ܕܡܪܢ܆ܝܫܘܥ܆ܡܫܝܚܐ ܩܘܡ܂܂
104:12 ܘܥܡܗ݀ ܕܡܠܬܗ ܕܩܕܝܫܐ ܡܪܝ ܝܘܚܢܢ܂ ܡܚܕܐ ܫܘܪ
104:13 ܩܢܘܒܝܐ ܗܘ ܘܩܡ ܥܠ ܪ̈ܓܠܘܗܝ܂ ܘܗܝܕܝܢ ܫܩܠ ܗܘ
104:14 ܢܨܝܚܐ ܡܪܝ ܝܘܚܢܢ ܚܢܢܐ ܘܡܫܚܐ ܕܨܠܘܬܐ ܘܡܫܚܗ
104:15 ܠܟܠܗ ܦܓܪܗ܂ ܘܒܗ݀ ܒܫܥܬܐ ܚܬܡ ܗܘ̈ܝ ܢܘ̈ܟܬܬܐ
104:16 ܕܐܝܬ ܗܘ̈ܝ ܒܓܘܫܡܗ܂ ܘܟܕ ܚܙܝܗܝ ܪܒܢ ܓܠܝܐ܂
104:17 ܐܚܕܗ ܕܚܠܐ ܘܬܗܪܐ ܪܒܐ܂ ܟܕ ܡܫܒܚ ܘܡܘܕܥ ܠܫܡܗ
104:18 ܕܡܪܢ ܡܢܨܚܢܐ ܕܥܒ̈ܕܘܗܝ܂
104:19 ‍[‍10‍]‍ ܘܗܝܕܝܢ ܐܡܪ ܠܗܘܢ ܢܨܝܚܐ ܠܩܢܘ̈ܒܝܐ܂ ܕܡܢ ܐܝܟܐ
104:20 ܢܦܩ ܥܠܝܟܘܢ ܐܪܝܐ ܗܘ܂ ܘܚܘܝܘ ܠܗ ܕܘܟܬܐ ܕܢܦܩ
104:21 ܡܢܗ݀܂ ܘܩܪܒ ܗܘܐ ܩܕܝܫܐ ܠܘܩܒܠ ܢܩܥܗ ܕܐܪܝܐ
104:22 ܗܘ ܘܬܚܡܗ ܒܡܠܬܗ ܕܡܪܝܐ ܘܐܡܪ܂ ܡܘܡܢܐ ܠܟ
104:23 ܐܪܝܐ ܡܪܚܐ ܒܡܠܬܗ ܕܚܝܠܬܐ ܕܡܪܝܐ܂ ܕܬܦܘܩ
104:24 ܥܓܠ ܠܗܪܟܐ܂ ܘܠܐ ܫܠܝܛ ܠܟ ܕܬܟܬܪ ܒܢܩܥܟ ܫܥܐ
104:25 ܚܕܐ܂ ܘܐܦܠܐ ܕܬܫܬܠܛ ܥܠ ܚܕ ܡܢ ܒܢܝܢܫܐ܂ ܘܠܐ
104:26 ܥܠ ܒܥܝܪܐ܂ ܐܠܐ ܢܗܘܐ ܬܘܪܣܝܟ ܠܚܡܐ ܟܠ ܝܘܡ̈ܝ
104:27 ܚܝ̈ܝܟ܂ ܘܒܗ݀ ܒܫܥܬܐ ܢܦܩ ܐܪܝܐ ܗܘ ܡܢ ܚܘܠܢܗ
104:28 ܘܐܬܐ ܠܘܬܗܘܢ܂ ܘܫܪܝ ܡܚܪ‍<‍ܟ‍>‍ܫ ܠܗ ܠܩܕܝܫܐ ܡܪܝ
104:29 ܝܘܚܢܢ ܒܕܘܢܒܬܗ܂ ܐܝܟ ܟܠܒܐ ܕܫܝܢܐ܂ ܘܩܢܘ̈ܒܝܐ
104:30 ܘܪܒܢ ܣܒܐ ܓܠܝܐ ܐܣܬܪܕܘ ܡܢ ܚܙܬܗ ܕܚܝܠܬܐ
104:31 ܕܐܪܝܐ܂ ܡܛܠ ܕܣܓܝ ܕܚܝܠܐ ܗܘܬ ܚܙܬܗ ܛܒ܂ ܘܗܝܕܝܢ