Click on a word for lexical analysis
Click on a red-colored coordinate for comments and/or translations of the line
| 001 | ܬܫܥܝܬܐ ܕܢܨ̈ܚܢܐ |
| 002 | ܕܦܘܠܐ ܐܦܣܩܦܐ ܘܕܝܘܚܢܢ ܩܫܝܫܐ܀ |
| 003 | |
| 004 | [1] ܐܚ̈ܝ ܬܘ ܢܣ݁ܩ ܬܫܒܘܚܬܐ ܠܐܠܗܐ܂ ܗ݀ܘ ܕܒܓܙܐ ܕܚܢܢܗ ܚܪܪܢ ܡܢ ܠܘܛܬܗ ܕܢܡܘܣܐ܂ ܘܒܡܐܬܝܗ ܕܠܐܪܥܢ ܦܢ݁ܝܢ ܠܦܪܕܝܣܐ ܕܐܦܩܘܢ ܐܒ̈ܗܝܢ ܡܢܗ܇ ܒܥܒܪ ܦܘܩܕܢܐ ܩܕܡܝܐ܂ ܘܒܡܣܩܗ ܕܠܨܠܝܒܐ ܬܪܥܗ ܠܣܝܓܐ ܕܒܥܠܕܒܒܘܬܐ܇ ܗ݀ܘ ܕܣ݂ܓ ܒܝܫܐ ܒܐ̈ܦܝܢ ܗܐ ܡܢ ܥܠܡ܂ ܘܒܡܥܠܬܗ ܕܡܪܢ ܕܠܩܒܪܐ ܦܢܝܗ݀ ܠܫܒܝܬܐ ܕܒܝܬ ܐܕܡ܂ ܗ݀ܝ ܕܫܒܝܐ ܗܘܬ ܠܪܒ ܓܝ̈ܣܐ ܗܐ ܡܢ ܕܪ̈ܝ ܥܠܡܐ܂ ܘܒܩܝܡܬܗ ܕܐܝܠ ܓܢܒܪܐ ܕܡܢ ܒܝܬ ܡܝ̈ܬܐ܃ |
| 005 | ܕܫ݂ ܥܠ ܥܘܩ̈ܣܘܗܝ ܕܡܘܬܐ܂ ܘܫܪܪ ܩܝܡܬܐ ܠܪܫ ܛܘܗ̈ܡܐ܂ ܘܐܩܝܡܗ ܡܢ ܥܓܝܢܘܬܗ ܕܡܘܬܐ ܩܛܘܠܐ܇ ܗ݀ܝ ܕܫ݂ܕܐ ܗܘܐ ܒܗ݀ ܒܦܣܩ ܣܒܪܐ܇ ܗܐ ܡܢ ܙܒ̈ܢܐ ܩܕܡ̈ܝܐ܂ ܘܒܡܣܩܬܗ ܕܡܪܢ ܕܠܐܬܪܗ ܫܒܝܚܐ܆ ܠܐܝܟܐ [ܕ] ܡܠܐ̈ܟܐ ܒܕܚܠܬܐ ܡܫܒܚܝܢ܃ |
| 006 | ܘܣܪ̈ܦܐ ܒܪܗܝܒܘܬܐ ܡܩܕܫܝܢ܃ |
| 007 | ܘܟܪ̈ܘܒܐ ܒܐܪܬܝܬܐ ܡܝܒܒܝܢ܃ |
| 008 | ܠܚܕ ܣܓܝܕܐ [ܕ] ܐܬܚܙܝ ܒܝܬ ܐܪ̈ܥܢܐ܃ |
| 009 | ܕܐܝܬܘܗܝ ܡܫܝܚܐ ܐܠܗܐ ܕܥܠ ܟܘܠ܆ [ܕ] ܠܗ ܬܟܘܦ ܟܘܠ ܒܪܘܟ܂ ܡܢ ܐܪ̈ܒܥ ܟܢ̈ܦܝܗ݀ ܕܐܪܥܐ܂ ܘܠܗ [ܢـ] ܘܕܐ ܟܠ ܠܫܢ ܡܢ ܥܒܪ̈ܘܗܝ ܕܥܠܡܐ݁ [2] ܕܒܚܘܒܗ ܣܓܝܐܐ܇ ܫܕܪ ܠܢ ܡܘܗܒܬܐ ܕܪܘܚܐ ܦܪܩܠܝܛܐ܇ ܡܢ ܒܝܬ ܐܒܐ ܠܒܘܝܐܐ ܕܫܦܠܘܬܢ܂ ܕܒܗ݀ ܢܫܬܘܐ ܠܣܝܡܬ ܒܢ̈ܝܐ܇ ܕܢܩܪܐ |