← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63501: PaulQentos

Click on a word for lexical analysis
Click on a red-colored coordinate for comments and/or translations of the line

010 ܠܐܠܗܐ ܕܪܒܘܬܐ ܐܒܘܢ ܕܒܫܡܝܐ܂ ܗ݀ܘ ܕܚ݂ܣ ܥܠ ܬܘܫܗ݀ ܕܐܘܪܚܢ܇ ܕܪܕܝܐ ܗܘܬ ܒܣܓܕܬ ܨ̈ܠܡܐ ܗܐ ܡܢ ܕܪ̈ܐ ܩܕܡ̈ܝܐ܂ ܘܩܪܗ݀ ܠܐܪܥܐ ܡܢ ܡܕܢ̈ܚܘܗܝ ܕܫܡܫܐ ܠܡܥܪ̈ܒܘܗܝ܆ ܠܣܓܕܬܗ ܕܙܩܝܦܐ܂ ܘܗܐ ܪܘܙܐ ܬܒܝܠ ܡܢ ܣܟܗ݀ ܒܐܝܕܥܬܐ ܕܫܪܪܐ܂ ܘܐܩܝܡ ܠܢ ܐܦ ܥܡ̈ܘܕܐ ܢܗܝܪ̈ܐ ܒܕܪ̈ܝܢ ܕܪ̈ܝܢ܇ ܐܢܫܐ ܓܢܒܪ̈ܝ ܚܝܠܐ܇ ܕܝܕܥܘܗܝ ܠܐܠܗܐ ܐܝܟ ܕܠܐܠܗܐ܇ ܘܦܠܚܘ ܥܡܗ ܐܝܟ ܨܒܝܢܗ܃
011 ܘܒܕܘܒܪ̈ܝܗܘܢ ܓܡܝܪ̈ܐ ܛܪܕܘ ܠܟܠܗ݀ ܚܫܘܟܘܬܗ ܕܠܠܝܐ܂ ܕܐܝܬܘܗܝ ܦܘܠܚܢܗ ܕܒܝܫܐ܂ ܘܢܩ݂ܠܘ ܐܘܪܚܐ ܩܕܡܝܢ܂ ܕܢܪܕܐ ܒܫܒܝܠܐ ܕܙܕܝܩܘܬܐ܂ ܘܢܗܘܐ ܡܢ ܦܓܪ̈ܢܐ ܪ̈ܘܚܢܐ܂ ܘܡܢ ܐܪ̈ܥܢܐ ܫܡ̈ܝܢܐ܇ ܘܡܢ ܒܢ̈ܝ ܐܢܫܐ ܐܠܗܝ̈ܐ݁܀
012 ܀
013 ‍[‍3‍]‍ ܕܚܕ ܡܢܗܘܢ ܐܝܬܘܗܝ ܦܘܠܐ ܐܦܣܩܘܦܐ܇ ܗ݀ܘ ܕܒܨ̈ܠܘܬܗ ܨܒ݁ܝܢܢ ܕܢܫܬܥܐ ܥܠ ܕܘܒܪ̈ܘܗܝ ܓܡܝܪ̈ܐ܇ ܘܥܠ ܚܘܒܗ݀ ܕܢܦܫܗ ܕܢܗܪܬ ܐܝܟ ܫܡܫܐ ܒܐܪܩܝܥܐ܀
014 ܀
015 ‍[‍4‍]‍ ܗܢܐ ܡܢ ܩܕܝܡ ܡܬܦܪܦܥ ܗܘܐ ܒܕܚܠܬ ܐܠܗܐ ܒܠܡܐܢܐ ܡܫܝܢܐ ܕܥܕܬܐ ܩܕܝܫܬܐ ܕܒܩܝܢܛܘܣ ܡܕܝܢܬܐ ܕܐܝܛܠܝܐ܂ ܘܡܢ ܕܘܒܪ̈ܐ ܫܒܝ̈ܚܐ ܕܩܢ݂ܐ ܗܘܐ܆ ܗܘ݂ܬ ܥܠܘܗܝ ܣܗܕܘܬܐ ܫܦܝܪܬܐ܆ ܥܕܡܐ ܕܢܗܘܐ ܪܥܝܐ ܕܢܦܫ̈ܬܐ ܕܒܢ̈ܝ ܐܢܫܐ܇ ܒܡܕܝܢܬܐ ܗ݀ܝ ܕܥܡ݁ܪ ܗܘܐ ܒܗ݀܂ ܘܡܢ ܒܬܪ ܕܝܬ݂ܒ ܥܠ ܟܘܪܣܝܐ ܕܟܗܢܘܬܐ ܝܘܡ̈ܬܐ ܚܡܫܬܥܣܪ̈܃
016 ܘܚܙܗ݀ ܠܢܦܫܗ ܕܒܣܓܝ̈ܐܬܐ ܐܬܚܒܫܬ ܠܗ݀܆ ܫ݂ܕܐ ܢܦܫܗ ܒܨܠܘܬܐ ܩܕܡ ܐܠܗܐ
017 ܒܚܢܓܬܐ ܘܐܡ݂ܪ܂ ܡܫܝܚܐ ܦܪܘܩܐ ܕܓܢܣܐ ܕܒ̈ܢܝ ܐܢܫܐ܂ ܡ݁ܢ ܕܒܛܝܒܘܬܟ ܡܪܝ ܣ݂ܠܩܬ ܠܙܩܝܦܐ܆ ܕܬܣ݁ܩܢ ܡܢ ܕܐܘܘܢܗ݀ ܕܐܪܥܐ ܕܟܘ̈ܒܐ܂ ܐܙܠܓ ܠܝ ܡܪܝ ܡܢ ܢܘܗܪܗ ܕܨܠܝܒܟ܂ ܘܐܢܗܪ ܚܫܘܟܘܬܗ݀ ܕܢܦܫܝ܂ ܚܘܢܝ ܡܪܝ ܐܘܪܚܟ ܕܐܪܕܐ ܒܗ݀܂ ܡܛܘܠ ܕܐܢܬ ܗܘ ܐܠܗܝ܂ ܘܠܟ ܗܘ ܡܪܢ ܪܚ݁ܡ ܐܢܐ܂ ܘܒܬܪܟ ܢܦܝܩܐ ܢܦܫܝ܂ ܕܬܣܡܘܟ ܥܠܝ ܝܡܝܢܟ܂ ܀
018 ܀
019 ‍[‍5‍]‍ ܘܟܕ ܗܠܝܢ ܐܡ݂ܪ܂ ܫܟ݂ܒ ܒܫܢܬܐ ܗܢܝܬܐ܂ ܘܗܐ ܩܠܐ ܗܘܐ ܠܘܬܗ ܟܕ ܐܡ݁ܪ܂ ܦܘܠܐ݂܂ ܐܢ ܡܫܟܚ ܐܢܬ ܕܬܗܘܐ ܐܝܟ ܥܡܘܕܐ ܕܢܘܪܐ܆ ܗ݀ܘ ܕܪܕ݁ܐ ܗܘܐ ܩܕܡ ܡܫܪܝܬܐ܆ ܫܡܫ ܟܗܢܘܬܐ܂ ܡܛܘܠ ܕܒܐܝ̈ܕܝܗ݀ ܕܟܗܢܘܬܐ܇ ܡܬܩܕܕܝܢ ܐܫܛܪ̈ܝ ܚܘܒ̈ܬܗ ܕܥܠܡܐ܀