The Comprehensive Aramaic Lexicon

020	ܘܟܕ ܗܠܝܢ ܫܡ݂ܥ܂ ܐܬܬܥܝܪ ܡܢ ܫܢܬܗ܆ ܘܒܪܗܝܒܘܬܐ ܪܒܬܐ ܗܘ݂ܐ܂ ܘܒܪ ܫܥܬܗ ܫܕܐ ܥܛܦܬܗ ܥܠ ܟܬܦܗ܆ ܘܢ݂ܦܩ ܒܫܠܝܐ ܡܢ ܡܕܝܢܬܗ܂ ܘܐܬܪܥܝ ܗܕܐ ܒܢܦܫܗ܂ ܕܡܟܝܠ ܐܫ݁ܢܐ ܠܝ ܠܐܬܪܐ ܪܚܝܩܐ܇ ܐܝܟܐ ܕܐܢܫ ܠܐ ܝ݁ܕܥ ܠܝ܂ ܛܝܒܘܬܗ ܕܝܢ ܕܐܠܗܐ ܕܠܘܝܐ ܠܣܓܘ̈ܕܘܗܝ ܡ݁ܛܝܬܗ ܥܕܡܐ ܠܐܘܪܗܝ ܡܕܝܢܬܐ ܕܦܪ̈ܬܘܝܐ܇ ܒܝ̈ܘܡܝ ܢܨܝܚܐ ܘܩܕܝܫܐ ܡܪܝ ܪܒܘܠܐ ܐܦܣܩܦܐ܀
021	‍[‍6‍]‍ ܗ݂ܘ ܕܝܢ ܛܘܒܢܐ ܦܘܠܐ ܓܒ݂ܐ ܠܗ ܗܢܐ ܕܘܒܪܐ܂ ܡܛܠ ܕܐܘܡܢܘܬܐ ܠܐ ܝ݁ܕܥ ܗܘܐ܆ ܦܠܚ݁ ܗܘܐ ܐܡܝܢܐܝܬ ܦܥܠܐ܂ ܡܘܓܪ ܗܘܐ ܕܝܢ ܢܦܫܗ܆ ܒܡܐܐ ܠܘܡ̈ܝܢ ܒܝܘܡܐ܂ ܘܓܪܝܨܬܐ ܕܠܚܡܐ܂ ܡܣܬܝܒܪ ܗܘܐ ܕܝܢ ܒܝܘܡܐ ܓܪܝܨܬܐ ܗ݀ܝ ܕܠܚܡܐ܆ ܘܡܐܐ ܠܘܡ̈ܝܢ
022	ܡ݁ܦܠܓ ܗܘܐ ܠܡܣ̈ܟܢܐ܂ ܢ݁ܛܪ ܗܘܐ ܠܗܝܢ ܕܝܢ ܠܗܠܝܢ ܡ̈ܥܐ܇ ܠܝܘܡܐ ܩܕܝܫܐ ܕܥܪܘܒܬܐ܂ ܘܙܒ݁ܢ ܗܘܐ ܒܗܝܢ ܠܚܡܐ ܥܡ ܨܒ̈ܘܬܐ ܐܚܪ̈ܢܝܬܐ܂ ܘܢ݁ܦܩ ܗܘܐ ܠܡܕܒܪܐ܂ ܐܡ݁ܪ ܗܘܐ ܓܝܪ ܕܐ݁ܙܠ ܐܚܙܝܘܗܝ ܠܐܠܗܐ ܒܐܢܫܐ ܡ̈ܓܙܝܐ ܕܥܡܪܝܢ ܒܚܘܪܒܐ ܕܥܠ ܛܘܪ̈ܐ܂ ܕܢܫܟܚܝܘܗܝ ܬܡܢ ܠܡܫܝܚܐ ܕܐܝܬܘܗܝ ܫܝܢܗ݀ ܕܒܪܝܬܐ܂ ݁܀
023	‍[‍7‍]‍ ܘܒܚܕ ܒܫܒܐ ܩܕܝܫܐ ܬܘܒ ܗܟܢܐ ܥܒ݁ܕ ܗܘܐ܂ ܙܒ݁ܢ ܗܘܐ ܐܒ̈ܒܢܐ܂ ܘܥܐ݁ܠ ܡ݁ܦܠܓ ܒܐܟܣܢܕܟܝܢ ܕܓܒܪ̈ܐ ܘܕܢ̈ܫܐ܂ ܐܡ݁ܪ ܗܘܐ ܓܝܪ܂ ܕܡܪܝ ܒܟܪ̈ܝܗܐ ܘܒܐܟ̈ܣܢܝܐ ܡܫܬܟܚ܂ ܕܒܟܘܠ ܦܘܪ̈ܣܝܢ ܐܢܝܚ ܨܒܝܢܗ܇ ܕܗ݀ܘ ܕܒܨܒܝܢܗ ܥܒܕܢܝ ܒܪ ܐܢܫܐ ܥܠ ܐܪܥܐ܂ ܘܗܟܢܐ ܣܥ݁ܪ ܗܘܐ ܒܟܠ ܙܒܢ݁܀
024	‍[‍8‍]‍ ܐܠܗܐ ܕܝܢ ܗ݀ܘ ܕܐܝܬܘܗܝ ܪܚ݁ܡ ܒ̈ܢܝ ܐܢܫܐ܆ ܘܠܚܒܝ̈ܒܘܗܝ ܠܘ݂ܐ ܒܟܠ ܐܬܪ܂ ܨܒ݂ܐ ܕܢܓܠܐ ܩܠܝܠ ܡܢ ܙܕܝܩܘܬܗ ܕܓܒܪܐ܀
025	ܐܝܬ ܗܘܐ ܕܝܢ ܒܗ݀ ܒܡܕܝܢܬܐ܆ ܓܒܪܐ ܚܕ ܕܡܫܡܗ ܗܘܐ ܗܢܐ ܒܕܘܒܪ̈ܐ ܕܙܕܝܩܘܬܐ܆ ܕܐܝܬܘܗܝ ܗܘܐ ܩܫܝܫܐ ܒܥܕܬܗ ܕܐܠܗܐ܂ ܘܫܡܗ ܗܘܐ ܝܘܚܢܢ܂ ܘܗܢܐ ܙܒ̈ܢܝܢ ܣ̈ܓܝܐܢ ܨܒ݂ܐ ܕܢܫ݁ܢܐ ܡܢ ܡܕܝܢܬܐ܇ ܘܢܣܝܡ ܥܠܘܗܝ ܡܘܒܠܐ ܩܠܝܠܬܐ ܕܕܝܪܝܘܬܐ܂ ܡܬܟܠܐ ܗܘܐ ܕܝܢ ܡܛܘܠ ܡܘܡ̈ܬܐ ܕܐܘܡܝܗ ܐܒܘܗܝ ܟܕ ܡܐܬ܇ ܕܠܐ ܬܫܒܘܩ ܠܐܚܝ̈ܟ ܕܛ̈ܠܝܢ ܘܬܫ݁ܢܐ ܠܕܘܟܐ܂ ܕܠܡܐ ܢܗܘܐ ܠܗܘܢ ܡܕܡ ܕܒܝܫ܇ ܘܬܬܒܥ ܕܝܢܗܘܢ ܡܢ ܟܢܘܬܐ܀
026

027	‍[‍9‍]‍ ܗ݂ܘ ܗܢܐ ܒܚܕ ܡܢ ܙܒ̈ܢܝܢ܆ ܗܘ݂ܐ ܠܗ ܒܒܝܬܐ ܩܘܪܕܚܐ܆ ܘܐܣܬܢܩ ܕܢܝܬܐ ܦܥ̈ܠܐ܂ ܘܟܕ ܢܚ݂ܬ ܕܢܐܓܘܪ ܦܥ̈ܠܐ܆ ܐܠܗܐ ܗ݀ܘ ܕܟܠ ܦܫܝܩ ܠܗ܆ ܣܩܒܠܗ ܩܕܡܘܗܝ ܠܦܘܠܐ܂ ܘܦܪܩ݁ ܥܡܗ ܐܓܪܐ ܘܐܡ݂ܪ ܠܗ܂ ܝܗ݀ܒܬ ܠܝ ܐܚܝ ܡܐܐ ܡܥ̈ܝܢ ܒܝܘܡܐ܂ ܘܓܪܝܨܬܐ ܕܠܚܡܐ܂ ܘܐܢܐ ܟܡܐ ܕܡ݁ܚܝܠ ܠܝ ܡܫܝܚܐ ܦܠܚ݁ ܐܢܐ ܥܡܟ܂ ܘܗܟܢܐ ܕܒܪܗ ܘܣ݂ܠܩ ܠܒܝܬܗ݀ ‍[‍10‍]‍ ܘܟܕ ܦ݂ܠܚ ܗܘܐ ܥܕܡܐ ܕܫ݁ܪܝ ܝܘܡܐ ܠܡܪܟܢ܂ ܥܨ݁ܐ ܗܘܐ ܠܗ ܝܘܚܢܢ ܠܛܘܒܢܐ ܦܘܠܐ ܕܢܛܥܡܘܢ ܐܟܚܕܐ܂ ܗ݂ܘ ܕܝܢ ܠܐ ܐܨܛܒܝ܂ ܐܠܐ ܐܡ݁ܪ ܗܘܐ ܠܗ܂ ܕܐܓܪܝ ܗܒ ܠܝ܂ ܘܦܘܫ ܒܫܠܡܐ܂ ܝܘܚܢܢ ܕܝܢ ܐܡ݂ܪ ܠܗ܂ ܚܣ ܠܝ ܡܢ ܡܪܝܐ ܕܐܬܠ ܠܟ ܐܓܪܟ ܥܕܡܐ ܕܬܡ݁ܠܐ ܟܠܗ ܩܘܪܕܚܐ ܕܒܝܬܝ܂ ܐܡ݁ܪ ܗܘܐ ܕܝܢ ܛܘܒܢܐ ܝܘܚܢܢ ܒܢܦܫܗ܂ ܕܐܦܢ ܒܗܕܐ ܐܥܝܕܝܘܗܝ ܥܡܝ܂ ܘܢܗܘܐ ܠܝ ܐܚܐ ܠܥܠܡ܂ ܘܐܡ݂ܪ ܦܘܠܐ ܠܝܘܚܢܢ܂ ܡܕܝܢ ܒܚܝ̈ܝܟ ܐܚܝ܆ ܗ݀ܝ ܓܪܝܨܬܐ ܕܠܚܡܐ ܕܦܪܩ݂ܬ ܥܡܝ܆ ܗܒ ܠܝ ܡܢ ܪܡܫܐ ܠܪܡܫܐ܂ ܘܝܗ݀ܒ ܗܘܐ ܠܗ ܐܝܟ ܨܒܝܢܗ݀ ‍[‍11‍]‍ ܒܚܕ ܡܢ ܝܘܡ̈ܝܢ ܕܝܢ ܢܦ݂ܩ ܡܝܬܪܐ ܦܘܠܐ ܠܡܨܠܝܘ ܒܛܘܪܐ ܐܝܚܝܕܐܝܬ܂ ܛܘܒܢܐ ܕܝܢ ܝܘܚܢܢ ܓܢ݂ܒ ܢܦܫܗ܆ ܘܐ݁ܙܠ ܗܘܐ ܒܬܪܗ ܕܢܚܙܐ ܡܢܐ ܥܒ݁ܕ܂ ܘܚܙܝܗܝ ܕܣ݂ܠܩ ܠܛܘܪܐ ܕܡܢ ܬܝܡܢܝܗ݀ ܕܡܕܝܢܬܐ܆ ܘܥܠ ܠܡܥܪܬܐ ܝܚܝܕܝܬܐ ܕܐܝܬ ܗܘܐ ܬܡܢ܆ ܘܣܡ ܒܘܪܟܐ ܠܨܠܘܬܐ ܩܕܡ ܐܠܗܐ܂ ܝܘܚܢܢ ܕܝܢ ܩܐܡ ܗܘܐ ܡܢ ܠܒܪ ܘܫ̈ܚܠܢ ܕܡ̈ܥܘܗܝ܇ ܕܕܐܝܟ

028	ܐܝܕܐ ܫܦܝܘܬܐ ܝܗ݂ܒ ܐܠܗܐ ܠܒܢ̈ܝ ܒܝܬܗ݀
029	‍[‍12‍]‍ ܘܡܢ ܕܐܓܪ ܛܘܒܢܐ ܦܘܠܐ ܒܨܠܘܬܐ ܥܕܢܐ ܣܓܝܐܐ܆ ܗܐ ܬܢܝܢܐ ܚܕ ܪܒܐ ܪܫ݁ܦ ܘܢ݁ܦܩ ܥܠܘܗܝ܇ ܡܢ ܢܩܥܐ ܕܒܓܘܗ݀ ܕܡܥܪܬܐ܂ ܝܘܚܢܢ ܕܝܢ ܟܕ ܚܙܝܗܝ ܡܢ ܠܒܪ܆ ܫ݁ܪܝ ܡܝܠܠ ܘܐܡ݁ܪ܂ ܡܪܝ ܡܪܝ܂ ܗܐ ܒܥܠܕܒܒܟ ܐܬ݁ܐ ܥܠܝܟ ܕܢܟܝܟ܂ ܗ݂ܘ ܕܝܢ ܦܘܠܐ ܠܐ ܚܫܒܗ܂ ܘܠܐ ܩܡ ܡܢ ܨܠܘܬܗ܂ ܒܗ ܕܝܢ ܒܥܕܢܐ ܗ݀ܘ܆ ܚܙ݂ܐ ܝܘܚܢܢ ܒܪܩܐ ܕܢܦ݂ܩ ܡܢ ܫܡܝܐ܆ ܘܥ݂ܠ ܡܢ ܬܪܥܗ݀ ܕܡܥܪܬܐ ܗ݀ܝ܂ ܘܡܚܝܗܝ ܠܬܢܝܢܐ ܗ݀ܘ ܘܨܪܝܗܝ܂ ܘܗܝܕܝܢ ܩܡ ܦܘܠܐ ܡܢ ܨܠܘܬܗ ܘܐ݂ܡܪ ܠܗ ܠܝܘܚܢܢ܂ ܠܡܢܐ ܐܚܝ ܐܝܠ݂ܠܬ ܟܕ ܚܙܝܬܝܗܝ ܠܗܢܐ ܒܥܠܕܒܒܗ ܕܓܢܣܢ܂ ܘܡ݂ܢܘ ܬܪܨܟ ܠܗܕܐ ܕܘܟܬܐ܂ ܒܫܪܪܐ ܬܠܡܝܕܗ ܐܢܬ ܕܡܫܝܚܐ ܒܩܘܫܬܐ܂ ܗܐ ܓܝܪ ܟܕ ܢܦ݂ܠ ܩܠܟ ܒܐܕܢ̈ܝ܆ ܚ݁ܙܐ ܗܘ݁ܝܬ ܠܬܪ̈ܝܢ ܓܒܪ̈ܝܢ ܥܛܝܦܝ ܢܘܗܪܐ ܘܠܟ ܒܝܢܬܗܘܢ܂ ܘܐܡܪܝܢ ܗܘܘ ܠܟ܆ ܐܬܚ݁ܝܠ ܝܘܚܢܢ ܘܠܐ ܬܕܚܠ܂ ܒܚܝܠܗ ܓܝܪ ܕܡܪܟ ܬܕܘܫܘܢ ܚܘ̈ܘܬܐ ܘܥܩܪ̈ܒܐ܂ ܘܟܠܗ ܚܝܠܗ ܕܒܥܠܕܒܒܐ܂ ܡܢ ܗܫܐ ܐܚܝ܆ ܬܐ ܢܬܒ݁ܣܡ ܒܡܟܘܠܬܐ ܪܘܚܢܝܬܐ܆ ܘܢܦܬܚ ܦܘܡܢ ܠܬܫܒ̈ܚܬܗ ܕܡܫܝܚܐ݁܀