← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63501: PaulQentos

Click on a word for lexical analysis
Click on a red-colored coordinate for comments and/or translations of the line

060 ܘܗܟܢܐ ܐܘܕܝܘ ܘܫܒܚܘ ܘܪܡܪܡܘ ܠܐܠܗܐ܂ ܘܢܚܬܘ ܡܢ ܬܡܢ ܟܕ ܬܒ̈ܥܝܢ ܡܘ̈ܡܬܐ ܡܢ ܚ̈ܕܕܐ܂ ܕܥܕܡܐ ܕܐܢܫ ܢܪܚܩ ܡܢ ܚܒܪܗ܃
061 ܐܘ ܒܡܘܬܐ ܐܘ ܒܡܬܪܚܩܢܘܬܐ ܕܡܢ ܐܬܪܐ ܠܐ ܢܬܡܠܠܘܢ ܪ̈ܐܙܐ ܗܠܝܢ ܒܥܠܡܐ݁ ‍[‍19‍]‍ ܗ݂ܘ ܕܝܢ ܛܘܒܢܐ ܝܘܚܢܢ܂ ܡܦܝܣ ܗܘܐ ܠܗ ܠܛܘܒܢܐ ܦܘܠܐ ܐܝܟ ܕܢܥܡܪ ܥܡܗ ܘܠܐ ܐܬܛܦܝܣ܂ ܐܠܐ ܐܡ݂ܪ ܠܗ܂ ܕܟܕ ܬܫܒܩܢܝ ܐ݁ܙܠ ܠܥܝ̈ܕܝ
062 ܩܕܡܝ̈ܐ ܐܗܘܐ ܠܟ ܚܒܝܒܐ܂ ܝܘܚܢܢ ܕܝܢ ܐܡ݂ܪ ܠܗ܂ ܡܕܝܢ ܡܪܝ܆ ܙܠ ܘܦ݂ܠܚ ܐܝܟ ܢܝܚܟ܂ ܘܐܢ ܨ݁ܒܐ ܐܢܬ ܒܥܕܢܐ ܕܪܡܫܐ܆ ܢܗܘܐ ܒܝܬܐ ܗܢܐ ܒܝܬ ܢܘܚܐ ܠܬܪ̈ܝܢ܂ ܘܐܢ ܕܝܢ ܠܐ܆ ܢ݁ܗܘܐ ܣܠܩ݁ܝܢܢ ܒܝܬܝܢ ܚܢܢ ܨܝܕ ܗܠܝܢ ܕܡܥܪܬܐ܂ ܐܘ ܢ݁ܗܘܐ ܡܬܬܢܝܚܝܢ ܚܢܢ ܒܥܕܬܗ ܕܐܠܗܐ ܥܕܡܐ ܠܨܦܪܐ܂ ܗ݂ܘ ܕܝܢ ܦܘܠܐ ܣܡ ܗܠܝܢ ܬܚ̈ܘܡܐ܂ ܕܒܗܠܝܢ ܫ̈ܬܐ ܝܪ̈ܚܝܢ ܕܢܝܚ ܥܠܡܐ ܡܢ ܦܘܠܚܢܐ܆ ܢܗܘܘܢ ܣܠܩ݁ܝܢ ܡܣܬܝܢ ܠܘܬ ܛܘ̈ܒܢܐ ܕܒܡܥܪܬܐ܂ ܘܒܗܠܝܢ ܫܬܐ ܝܪ̈ܚܝܢ ܕܚܫܚܝܢ ܠܦܘܠܚܢܐ܆ ܢܗܘܐ ܢܚ݁ܬ ܦܘܠܐ ܠܥܝ̈ܕܘܗܝ ܩܕܡ̈ܝܐ݁܀
063 ‍[‍20‍]‍ ܛܘܒܢܐ ܕܝܢ ܝܘܚܢܢ ܐܬܛܦܝܣ ܠܗܕܐ܂ ܘܐܦܝܣܗ ܠܡܝܬܪܐ ܡܪܝ ܪܒܘܠܐ ܐܦܣܩܦܐ܆ ܕܢܬܠ ܠܗ ܡܓܪܬ ܪܘܚܐ܇ ܐܝܟ ܕܢܫܡܠܐ ܨܒܝܢܗ ܛܒܐ܂ ܓܒܝܐ ܕܝܢ ܕܐܠܗܐ ܡܪܝ ܪܒܘܠܐ ܐܦܣܩܘܦܐ܃
064 ܡܛܠ ܕܛܢ݁ܢܐ ܗܘܐ ܕܛܒ̈ܬܐ܆ ܩܒܠ ܦܝܣܗ ܕܝܘܚܢܢ ܘܫܪܝܗܝ ܒܫܠܡܐ܂ ܟܕ ܐܡ݁ܪ ܠܗ܆ ܕܙܠ ܘܨܠܐ ܐܦ ܥܠܝ܂ ܗܕܐ ܕܝܢ ܣܥ݁ܪܝܢ ܗܘܘ ܐܡܝܢܐܝܬ܂ ܕܒܣܬܘܐ ܐܝܬܝܗܘܢ ܗܘܘ ܒܛܘܪܗ ܕܐܠܗܐ܆ ܘܒܩܝܛܐ ܡܫܬܟܚܝܢ ܗܘܘ ܒܡܕܝܢܬܐ ܡܒܪܟܬܐ܆ ܐܝܟܢܐ ܕܒܟܠ ܦܘܪ̈ܣܝܢ ܢܢܝܚ ܝܘܚܢܢ ܨܒܝܢܗ ܕܦܘܠܐ݁܀
065 ‍[‍21‍]‍ ܗܘܐ ܕܝܢ ܒܚܕ ܡܢ ܙܒ̈ܢܝܢ܃
066 ܟܕ ܣ݁ܠܩܝܢ ܗܘܘ ܕܢܣ݂ܬܘܢ ܒܛܘܪܐ܆ ܚ݂ܙܐ ܦܘܠܐ ܠܝܘܚܢܢ ܐܚܘܗܝ܆ ܕܛܥ݂ܝܢ ܣܝܒܪܬܐ ܥܠ ܟܬܦܗ ܘܐܬ݁ܐ܆ ܘܩ݂ܨܦ
067 ܒܪܥܝܢܗ ܘܪܛ݂ܢ ܘܐܡ݂ܪ܂ ܐܚܝ ܝܘܚܢܢ܂ ܠܘ ܟܘܠܗ ܕܢܦܩܬ ܡܢ ܐܬܪܝ܇ ܐ݁ܬܐ ܐܬܒ݁ܣܡ ܒܕܘܥܬܐ ܕܐܚܪ̈ܢܐ܂ ܐܝܬܝܗܝ ܠܝ ܠܣܘܢܩܢܐ ܗܢܐ ܠܗܪܟܐ܂ ܘܟܕ ܩܪܒܗ ܠܗ܂ ܣܡܗ ܠܠܚܡܐ ܩܕܡ ܡܪܝܐ ܘܐܡ݂ܪ܂ ܡܪܝܐ ܐܠܗܝ܆ ܟܕ ܒܥ݂ܐ ܨܒܝܢܟ ܡܢ ܚܡܫܐ ܠܚ̈ܡܝܢ܆ ܐ̈ܠܦܐ ܣܓܝܐܐ ܣܒ݂ܥ ܒܡܕܒܪܐ܂ ܘܐܦ ܗܫܐ ܡܪܝ ܫܕܪ ܡܘܗܒܬܐ ܕܛܝܒܘܬܟ܆ ܘܒܪܟܝܗܝ ܠܠܚܡܐ ܗܢܐ܂ ܕܢܐܟܠܘܢ ܡܢܗ ܣ̈ܓܘܕܝܟ ܘܢܣܒܥܘܢ܆ ܘܢܫܒܚܘܢ ܠܫܡܟ ܛܒܐ ܘܒܣܝܡܐ܂ ܘܫܩ݂ܠܗ ܠܠܚܡܐ܆ ܘܣܡܗ ܒܓܘ ܡܥܪܬܐ ܒܕܘܟܬܐ ܚܕܐ܂ ܘܐܡܪܝܢ ܕܣܦܩ ܠܗܘܢ ܠܚܡܐ ܗ݀ܘ܆ ܠܝܪ̈ܚܐ ܫܬܐ ܠܛܘܒ̈ܢܐ ܬܪ̈ܥܣܪ܂ ܘܠܝܘܚܢ݂ܢ ܘܠܦܘܠܐ܂ ܟܕ ܠܩ݁ܛܝܢ ܗܘܘ ܐܦ ܥܩ̈ܪܐ ܕܕܒܪܐ܆ ܘܡܣܬܝܒܪܝܢ ܗܘܘ ܥܡܗ݀ ‍[‍22‍]‍ ܘܡܢ ܒܬܪ ܗܠܝܢ܆ ܩܡ ܦܘܠܐ ܒܡܨܥܬܐ ܕܐܚ̈ܘܗܝ ܘܡܦܝܣ ܗܘܐ ܠܗܘܢ ܘܐܡ݁ܪ܂ ܐܚ̈ܝ܂ ܒܥ݁ܐ ܐܢܐ ܡܢܟܘܢ܆ ܐܦܝܣܘ ܥܡܝ ܠܐܠܗܐ܆ ܕܐܢ ܐܝܬ ܠܗ ܨܒܝܢܐ܆ ܐ݁ܙܠ ܐܚܙܐ ܐܬܪܐ ܩܕܝܫܐ܇ ܕܢܚܬܬ ܒܗ ܫܟܝܢܬܐ ܥܠ ܛܘܪܣܝܢܝ܀
068 ܩܡ ܕܝܢ ܓܒܪܐ ܚܕ ܡܢ ܬܪ̈ܥܣܪ ܛܘܒ̈ܢܐ ܕܥܡܗ ܕܫܡܗ ܙܢܒܝܣ ܘܐܡ݂ܪ ܠܗ܂ ܕܐܢ ܬܐܙܠ ܡܫܬܒܝܘ ܡܫܬܒܝܬ܂ ܘܓܝܣܐ ܕ̈ܛܝܝܐ ܦܓ݁ܥ ܒܟ܂ ܡܢ ܒܬܪ ܓܝܪ ܕܡܣܒܠܝܢ ܠܟ ܛܝܝ̈ܐ ܒܝ̈ܫܬܐ ܣܓܝ̈ܐܬܐ܆ ܗܝܕܝܢ ܬܨܠ݂ܚ ܗܝܡܢܘܬܟ ܒܓܘ ܡܫܪ̈ܝܬܗܘܢ ܐܝܟ ܥܪܦܠܐ ܕܢܘܗܪܐ݁܀
069 ܘܐܡ݂ܪ ܦܘܠܐ܂ ܐܫܬܘܦ ܕܝܢ ܟܘܠܗ ܥܡܗ ܕܡܪܝܐ ܢܒ̈ܝܐ ܗܘܘ܂ ܗ݂ܘ ܕܝܢ ܝܘܚܢܢ ܫܦ݂ܪ ܥܠܘܗܝ ܦܬܓܡܐ