← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63501: PaulQentos

Click on a word for lexical analysis
Click on a red-colored coordinate for comments and/or translations of the line

070 ܗܢܐ ܘܐܡ݂ܪ܂ ܐܦ ܐܢܐ ܐܚܝ܆ ܥܡܟ ܐܩ݂ܒܠ ܦܪܨܘܦܗ ܕܐܠܗܐ ܥܠ ܛܘܪܣܝܢܝ܂ ܘܐܢ ܐܘܠܨܢܐ ܕܡܕܝ̈ܢܝܐ܁ ܢܦܓܥ ܒܢ ܐܟܚܕܐ ܢܣܝܒܪܝܘܗܝ܂ ܗܐ ܓܝܪ ܚ݁ܙܐ ܐܢܐ ܠܟܢܫܐ ܕ̈ܛܝܝܐ ܒܥܝܢܐ ܕܪܘܚܐ܆ ܕܒܣܝܡ ܐܝܕܟ ܥܡ݁ܕܝܢ܇ ܘܡܫܬܘܝܢ ܠܪ̈ܐܙܐ ܟܣ̈ܝܐ ܕܡܥܡܘܕܝܬܐ݁ ‍[‍23‍]‍ ܘܡܢ ܒܬܪ ܗܠܝܢ ܐܬܒ݁ܪܟܘ ܩܕܝ̈ܫܐ ܡܢ ܚ̈ܕܕܐ܂ ܘܪܕ݁ܐ ܦܘܠܐ ܘܝܘܚܢܢ ܠܛܘܪܗ ܕܐܠܗܐ ܠܒܝܒܐܝܬ܂ ܘܗܘܐ ܕܟܕ ܡ݁ܛܝܘ ܠܡܥܠܢܐ ܕܛܘܪ ܣܝܢܝ܆ ܗܐ ܡܫܪܝܬܐ ܕ̈ܛܝܝܐ ܦܓܥܬ ܒܗܘܢ܁ ܘܐܚܕܘ ܐܢܘܢ ܘܐܚܬܘ ܐܢܘܢ ܒܓܝܣܐ܂ ܥܕܡܐ ܠܕܘܟܬܐ ܚܕܐ ܕܡܬܩܪܝܐ ܕܚܡܝܪ̈ܝܐ܂ ܘܗܘ݂ܐ ܕܟܕ ܡ݁ܛܝܘ ܠܡܫܪܝܬܐ܆ ܦܟܪܘ ܐܢܘܢ ܠܩܕܝ̈ܫܐ܆ ܘܐܘܬܒܘ ܐܢܘܢ ܒܡܫܟܢܐ܂ ܘܐܡܪܝܢ ܗܘܘ܂ ܕܗܠܝܢ ܢܗܘܘܢ ܕܒ̈ܚܐ݁ ‍[‍24‍]‍ ܐܠܗܐ ܕܝܢ ܡܪܕܐ ܪܕܐ ܐܢܘܢ ܠܥܒ̈ܕܘܗܝ܆ ܘܡܫܒܩ ܠܐ ܫܒ݂ܩ ܐܢܘܢ ܒܐܝܕܐ ܕܒܥܠܕܒ̈ܒܐ܂ ܒܦܠܓܗ ܓܝܪ ܕܠܠܝܐ܆ ܗܐ ܥܠܝܡܬܐ ܚܕܐ܇ ܡܝܠܠܐ ܡܢ ܓܘܗ ܕܡܫܟܢܐ ܘܐܡ݁ܪܐ܂ ܘܝ ܠܝ ܘܝ ܠܝ܂ ܓܐܪ̈ܐ ܕܢܘܪܐ ܢܦܩ݁ܝܢ ܡܢ ܗܠܝܢ ܐܢܫܐ܆ ܘܥܠ ܐ̈ܦܝ ܡܚ݁ܝܢ ܠܝ܂ ܐܒܗ̈ܝܗ݀ ܕܝܢ ܕܥܠܝܡܬܐ ܐܬܬܥܝܪܘ ܠܩܠܗ݀ ܘܡܫܐ݁ܠܝܢ ܗܘܘ ܠܗ݀܆ ܕܡܢܐ ܗܝ ܥܠܬܐ ܕܓܥܬܗ݀܂ ܗ݂ܝ ܕܝܢ ܡܘܣܦܐ ܗܘܬ ܥܠ ܩܠܐ ܕܓܥܬܗ݀ ܘܐܡܪܐ܁ ܕܢܘܪܐ ܢܦܩܐ ܡܢ ܗܠܝܢ ܘܥܠ ܐ̈ܦܝ ܡ݁ܚܝܐ ܠܝ܂ ܘܐܡ݂ܪ ܠܗ݀ ܛܘܒܢܐ ܦܘܠܐ݁
071 ܒܥܝ݂ܬܝ ܕܬܫ݂ܠܐ ܡܢܟܝ ܢܘܪܐ܆ ܗܝܡܢܝ ܒܡܪܢ ܝܫܘܥ ܡܫܝܚܐ ܘܚ݁ܝܐ ܐܢܬܝ ܠܥܠܡ܂ ܘܒܪ ܫܥܬܗ܆ ܪܗܛܬ ܫܪܬ ܐܢܘܢ ܠܛܘ̈ܒܢܐ ܡܢ ܦܟܪ̈ܝܗܘܢ ܘܐܡ݁ܪܐ܂ ܐܝܢ܂ ܡܪܝ ܐܝܢܐ ܐܠܗܐ ܕܦ݁ܪܩ ܠܝ ܡܢ ܗܢܐ ܐܘܠܨܢܐ܆ ܒܗ ܡܗܝܡܢܐ ܐܢܐ݁ ‍[‍25‍]‍ ܘܒܪ ܫܥܬܗ ܩܡ ܦܘܠܐ ܘܐܪܡܝ ܡ̈ܝܐ ܒܡܫܓܬܐ܂ ܘܩ݂ܪܐ ܥܠܝܗܘܢ ܫܡܗ ܕܡܫܝܚܐ ܘܐܡ݂ܪ܂ ܡܪܢ ܝܫܘܥ ܡܫܝܚܐ܆ ܡܐܬܝܬܟ ܡܪܝ ܕܠܘܬ ܒܢܝ̈ܢܫܐ ܗܕܐ ܗܝ܂ ܕܬܫܪܐ ܠܝܠܕܘ̈ܗܝ ܕܐܕܡ ܡܢ ܚܛܝܬܐ ܕܦܟܪܬ ܐܢܘܢ܇ ܘܡܢ ܠܘܛܬܐ ܕܩ݁ܒܠ݂ܬ ܐܪܥܐ ܒܥܒܪ ܦܘܩܕܢܗ ܕܐܕܡ܇ ܘܐܘܥܝ ܒܗ݀ ܒܝܫܐ ܟܘܒ̈ܐ ܘܙܝ̈ܙܢܐ܂ ܐܢܬ ܡܪܝ ܗܒ ܠܢ ܒܛܝܒܘܬܟ ܕܢܦܠܚܝܗ݀ ܘܢܕܟܝܗ݀܆ ܘܬܬܠ ܦܐܪ̈ܐ ܪ̈ܘܚܢܐ܂ ܐܢܬ ܡܪܝ ܕܥܡܕܬ ܒܝܘܪܕܢܢ܃
072 ܘܩܕܫܬ ܡܝ̈ܐ ܕܡܥܡܘܕܝܬܐ ܠܫܘܒܩܢ ܚܘ̈ܒܐ ܕܒ̈ܢܝ ܐܢܫܐ܆ ܩ݁ܕܫ ܐܢܘܢ ܠܡܝ̈ܐ ܗܠܝܢ܂ ܘܟܠ ܐܝܠܝܢ ܕܥܡܕܝܢ ܒܗܘܢ ܢܫܠܚܘܢ ܒܪ ܐܢܫܐ ܥܬܝܩܐ܆ ܘܢܠܒܫܘܢ ܡܢ ܡ̈ܝܐ ܐܡܐ ܚܕܬܐ܇ ܡܚܠܠܬ ܒܢܘܪܐ ܘܒܪܘܚܐ܇ ܡܢ ܨܐܘܬܐ ܠܓܢܣܢ܂ ܘܐܥܡܕܘܗ݀ ܠܗ݀ܝ ܥܠܝܡܬܐ܆ ܒܫܡ ܐܒܐ ܘܒܪܐ ܘܪܘܚܐ ܕܩܘܕܫܐ܂ ܘܒܪܫܥܬܗ ܐܬܐܣܝܬ ܡܢ ܢܟܝ̈ܢܐ ܕܟܐܒܗ݀܂ ܐܒܗ̈ܝܗ݀ ܕܝܢ ܥܡ ܐܢܫܘܬܐ ܣܓܝܐܬܐ܆ ܟܕ ܚܙܘ ܗܘܘ ܬܕܡܘܪܬܐ ܕܐܣܬܥܪܬ ܗܝܡܢܘ ܒܡܪܢ܂ ܘܐܦ ܗ݂ܢܘܢ ܥܡ݂ܕܘ ܟܕ ܡܘܕܝܢ ܒܚ̈ܛܗܝܗܘܢ݁ ‍[‍26‍]‍ ܐܬܡ݁ܛܝ ܕܝܢ ܛܒܗ ܕܣܘܥܪܢܐ ܥܕܡܐ ܠܡܠܟܐ܂ ܘܟܕ ܫܡ݂ܥ܂ ܐܬܚܡ݂ܬ
073 ܪܘܪܒܐܝܬ܂ ܘܒܪ ܫܥܬܗ ܫܕܪ ܐܢܫܐ ܓܢܒܪ̈ܝ ܚܝܠܐ܆ ܘܐܚܕܘ ܠܣܘܓܐܐ ܕܐܢܫܘܬܐ ܕܗܝܡܢܬ܂ ܓܒܪ̈ܐ ܥܡ ܢܫ̈ܐ ܫܒ̈ܥܝܢ ܢܦܫ̈ܢ܂ ܘܦܟ݁ܪܘ ܐܢܘܢ ܒܫ̈ܫܠܬܐ ܘܚܒ݂ܫܘ ܐܢܘܢ܂ ܠܗܘܢ ܕܝܢ ܠܛܘܒ̈ܢܐ ܗ݂ܢܘܢ܇ ܐܣܪܘ ܐܢܘܢ ܡܪܝܪܐܝܬ܆ ܘܐܦܩܘ ܐܢܘܢ ܠܒܪ ܡܢ ܡܫܪܝܬܐ܇ ܠܕܘܟܬܐ ܚܕܐ ܕܐܝܬ ܒܗ݀ ܕܩ̈ܠܐ ܣܓܝ̈ܐܐ܇ ܕܡܢܗܘܢ ܡܬܬܪܣܝܐ ܗܘܬ ܟܠܗ݀ ܡܫܪܝܬܐ܂ ܘܐܝܬ ܗܘܐ ܒܡܨܥܬܗܘܢ ܕܕܩ̈ܠܐ܆ ܕܩܠܐ ܚܕ ܪܡܐ ܕܟܗܝܢ ܗܘܐ ܛܒ ܒܣܘ̈ܟܘܗܝ ܘܒܦܐܪ̈ܘܗܝ݁ ‍[‍27‍]‍ ܘܩ݁ܪܒܘ ܐܢܘܢ ܬܚܘܬܘܗܝ ܐܝܟ ܕܢܕܒ݁ܚܘܢ܂ ܗܝܕܝܢ ܩܡ ܛܘܒܢܐ ܝܘܚܢܢ ܘܐܡ݂ܪ܂ ܫܠܝܛܗ ܕܥܠܡܐ ܗܢܐ܂ ܫܒܘܩܝܢܝ ܘܐܡ݁ܠܠ܂ ܡܢܐ ܚܫ݁ܒܝܢ ܐܢܬܘܢ ܠܗ ܠܐܝܠܢܐ ܗܢܐ܇ ܕܥܬܝܪ ܗܟܢ ܒܣܘ̈ܟܐ ܘܒܦܐܪ̈ܐ܂ ܐܡ݁ܪ ܠܗ ܡܠܟܐ ܠܛܘܒܢܐ܂ ܐܠܗܗ݀ ܗܘ ܕܡܫܪܝܬܐ܂ ܘܐܡ݂ܪ ܠܗ ܝܘܚܢܢ܂ ܡܕܝܢ ܟ݁ܢܫ ܐܝܬܐ ܠܗܪܟܐ ܟܘܠܗ ܚܝܠܟ܂ ܘܟܕ ܩܐ݁ܡ ܐܠܗܟ ܒܕܘܟܬܗ܂ ܐܦ ܚܢܢ ܢܩܪܐ ܠܐܠܗܢ܂ ܘܗ݂ܢܘܢ ܢܥܒܕܘܢ ܩܪܒܐ ܥܡ ܚ̈ܕܕܐ܂ ܘܐܝܢܐ ܐܠܗܐ ܕܙܟ݁ܐ܆ ܬܬܦܨܐ ܡܫܪܝܬܗ ܡܢ ܚܪܒܐ܀
074 ܗܝܕܝܢ ܐܡ݂ܪ ܡܠܟܐ ܫܦܝܪ ܐܡܪܬ܂ ܗܝܕܝܢ ܐܢܝܦ ܐܝܕܗ ܥܠ ܕܩܠܐ ܛܘܒܢܐ ܝܘܚܢܢ ܘܐܡ݂ܪ܂ ܡܪܢ ܝܫܘܥ ܡܫܝܚܐ ܦܐܪܐ ܕܪ̈ܚܡܐ܃
075 ܡ݁ܢ ܕܒܨܒܝܢܟ ܡ݁ܪܒܐ ܐܢܬ ܟܠܗܘܢ ܐܪ̈ܙܐ ܕܠܒܢܢ܆ ܐܢܬ ܫܕܪ ܪܘܓܙܟ ܥܠ ܐܝܠܢܐ ܗܢܐ܂ ܘܥܩܘܪܝܗܝ ܡܢ ܫܬܐܣ̈ܘܗܝ ܕܠܐ ܢܛܥܘܢ ܒܬܪܗ ܣ̈ܓܝܐܐ܂ ܘܒܪ ܫܥܬܗ ܡܚܬܗ ܪܘܚܐ܆ ܘܐܣܩ݂ܬܗ ܡܢ ܥܩܪ̈ܘܗܝ ܕܒܐܪܥܐ܂ ܘܡܚܕܐ
076 ܢܬܪ̈ ܣܘ̈ܟܘܗܝ ܘܦܐܪ̈ܘܗܝ܂ ܘܐܝܩܕ ܟܠܗ ܐܝܟ ܕܒܢܘܪܐ݁ ‍[‍28‍]‍ ܘܒܪܫܥܬܗ ܣܓ̈ܝܐܐ ܕܚܙܘ ܬܕܡܪܬܐ܆ ܩܥ݁ܝܢ ܗܘܘ ܘܐܡܪܝܢ܂ ܒܫܪܪܐ ܐܠܗܗܘܢ ܕܓܒܪ̈ܐ ܗܠܝܢ ܐܠܗܐ ܗܘ ܕܫܪܪܐ܂ ܘܐܡ݂ܪ ܝܘܚܢܢ ܠܡܠܟܐ܂ ܡܗܝܡܢ ܐܢܬ ܐܦܢ ܗܫܐ܆ ܐܘ ܒ݁ܥܐ ܐܢܬ ܕܬܚܙܐ ܠܟܠܗܘܢ ܕܩ̈ܠܐ ܕܝܩܕܝܢ ܐܝܟ ܗܢܐ܇ ܘܢܬܦ݂ܣܩ ܡܢܗܘܢ ܣܒܪܐ ܕܚ̈ܝܝܟܘܢ܂ ܘܐܡ݂ܪ ܡܠܟܐ܂ ܡܗܝܡܢܐ ܘܫܪܝܪܐ ܠܝ ܕܐܠܗܟܘܢ ܗܘܝܘ ܐܠܗܐ ܡܚܝܢܐ ܕܟܠ܂ ܘܡܦܝܣ ܐܢܐ ܠܟܘܢ ܕܬܦܩܘܢܢܝ ܡܢ ܚܫܘܟܐ ܗܢܐ ܕܛܥܝܘܬܐ܇ ܕܒܗ ܡܛܒܥ ܗܘܝܬ ܥܕܡܐ ܠܗܫܐ܂ ܘܡܚܕܐ ܩܡܘ ܛܘܒ̈ܢܐ܂ ܘܬܩ݁ܢܘ ܡܥܡܘܕܝܬܐ܆ ܘܐܥܡܕܘܗܝ ܠܡܠܟܐ ܘܠܟܠܗܘܢ ܪܘܪ̈ܒܢܘܗܝ܂ ܘܠܣܘܓܐܗ݀ ܕܐܢܫܘܬܐ܂ ܗ݂ܘ ܕܝܢ ܡܠܟܐ ܫܕܪ ܫ݂ܪܐ܆ ܠܟܠܗܘܢ ܐܢܫܐ ܕܗܝܡܢܘ ܒܡܪܢ ܕܦܟܝܪ̈ܝܢ ܗܘܘ ܠܗ܂ ܘܝܗ݂ܒ ܡܠܟܐ ܠܛܘ̈ܒܢܐ܇ ܡܫܟܢܐ ܚܕ ܪܒܐ܇ ܕܢܥܒܕܘܢ ܥܕܬܐ ܒܝܬ ܨܘܒܐ ܕܐܢܫܘܬܐ܂ ܘܟܕ ܐܠܦܘ ܬܡܢ ܗܝܡܢܘܬܐ ܕܫܪܪܐ܃
077 ܘܐܩܝܡܘ ܒܗ݀ ܩܫܝ̈ܫܐ ܘܡܫ̈ܡܫܢܐ܂ ܚܙܩܘ ܡܢ ܬܡܢ ܠܛܘܪܗ ܕܐܠܗܐ܇ ܕܠܗ ܡܬܝܐܒܝܢ ܗܘܘ ܠܡܐܙܠ܂ ܡܥܩܝܢ ܗܘܘ ܕܝܢ ܡܠܟܐ ܘܪ̈ܘܪܒܢܘܗܝ ܣܓܝ ܕܡܬܓܠܙܝܢ ܗܘܘ ܡܢ ܥـܢܝܢܗܘܢ ܡܘܬܪܢـܐ݁܀
078 ‍[‍29‍]‍ ܘܟܕ ܡ݁ܛܝܘ ܠܛܘܪܐ܆ ܣܠܩܘ ܠܕܘܟܬܐ ܗ݀ܝ ܕܢܚܬܬ ܥܠܝܗ݀ ܫܟܝܢܬܗ ܕܡܪܝܐ܂ ܘܣܡܘ ܬܡܢ ܒܘܪܟܐ ܚܡܫܐ ܐܝ̈ܡܡܝܢ ܘܚܡܫܐ ܠܝ̈ܠܘܢ܂ ܥܕܡܐ ܕܐܬܒܣ݁ܡܘ ܒܩܠܐ ܕܗܘ݂ܐ ܥܠܝܗܘܢ ܕܐܡ݁ܪ܇ ܕܩ݁ܒܠ ܐܠܗܐ
079 ܐܘܪܚܟܘܢ܃