← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63501: PaulQentos

Click on a word for lexical analysis
Click on a red-colored coordinate for comments and/or translations of the line

090 ܘܟܕ ܐܫ݂ܠܡ ܪܘܚܗ ܣܠ݂ܩܢ ܠܘܬܗ ܠܐܝܠܢܐ܂ ܘܐܫܟܚܢܝܗܝ ܕܠܒܝܫ ܟܘܬܝܢܐ ܕܣܥܪܐ܆ ܕܪܨܝܕܐ ܒܢܝܡܐ܂ ܘܒܝܪܘܢܐ ܕܣܥܪܐ ܕܡܟܣ݁ܝ ܗܘܐ܂ ܘܐܫܟܚܢܢ ܠܘܬܗ ܐܣܦܪܝܕܐ ܚܕ܆ ܕܐܝܬ ܗܘܐ ܒܗ ܠܚܡܐ ܘܩܠܝܠ ܛܠܦܚ̈ܐ ܕܡ݁ܬܪܝܢ܂ ܘܩܘܩܐ ܕܡ̈ܝܐ ܕܬܠ݂ܐ ܗܘܐ ܠܘܬܗ܂ ܘܟܕ ܐܚܬܢܝܗܝ ܕܢܥܦܝܘܗܝ܆ ܗܐ ܥܡܐ ܣܓܝܐܐ ܐܬ݂ܐ܂ ܟܕ ܛܥܝ݂ܢܝܢ ܠܡ̈ܦܝܕܐ ܘܫܓܪ̈ܝܢ ܒܣܡ̈ܐ܂ ܘܡܫ݁ܐܠܝܢ ܠܢ ܕܐܝܟܐ ܐܫܬ݂ܟܚܘ ܣܗ̈ܕܐ܂ ܕܒܚܙܘܐ ܐܬܚܙܝ ܠܢ ܕܢܚܘܬ ܘܢܝܩܪ ܐܢܘܢ܂ ܚܢܢ ܕܝܢ ܟܕ ܫܡܥܢ ܗܠܝܢ܂ ܐܣܬܟܠܢ܆ ܕܡܛܠ ܓܒ݂ܝܐ ܕܐܠܗܐ ܗ݀ܘ ܕܫܟ݂ܒ܇ ܗܘ݂ܐ ܚܙܘܐ ܗܢܐ ܥܠܝܗܘܢ܂ ܚܢܢ ܕܝܢ ܐܫܠ݂ܚܢܝܗܝ ܟܘܬܝܢܗ ܘܡܫܚ݂ܢܝܗܝ ܡܫܚܐ ܢܟܦܐܝܬ܂ ܘܟܪܟܢܝܗܝ ܒܣܥܪܗ ܡܢ ܠܓܘ܆ ܘܐܠܒܫܢܝܗܝ ܪܨܝܕܬܗ ܡܢ ܠܒܪ܂ ܘܣܡܢܝܗܝ ܒܓܠܘܣܩܡܐ ܕܩܝܣܐ܆ ܠܗ ܘܠܓܪ̈ܡܘܗܝ ܕܐܒܪܗܡ ܪܝܫܐ ܕܐܒܝ̈ܠܐ܇ ܗ݀ܘ ܕܩܐ݁ܡ ܗܘܐ ܒܐܝܠܢܐ ܗ݀ܘ ܡܢ ܩܕܡܘܗܝ܂ ܘܝܗ݂ܒܢ ܐܢܘܢ ܠܟܗ̈ܢܐ ܕܐܝܬ ܗܘܐ ܥܡ ܥܡܐ܂ ܘܐܦ ܚܢܢ ܠܘ݁ܝܢ ܐܢܘܢ ܐܝܟ ܕܢܬܒ݁ܪܟ ܘܦܢ݂ܝܢ ܠܐܘܪܚܢ݁܀
091 ܐܣܦܪܝܕܗ ܕܝܢ ܕܛܘܒܢܐ ܘܩܘܩܬܗ ܕܡܝ̈ܐ܆ ܥܡܢ ܐܬܘ ܐܝܟ ܕܠܒܘܪܟܬܐ܂ ܘܣ݂ܥܪ ܡܪܢ ܐܣܘ̈ܬܐ ܪܘܪ̈ܒܬܐ ܡܢ ܡ̈ܝܐ ܗܠܝܢ܇ ܒܝܕ ܨܠܘܬܗ ܕܛܘܒܢܐ݁܀
092 ‍[‍33‍]‍ ܘܗܘ݂ܐ ܕܟܕ ܐܬ݁ܝܢܢ ܒܡܕܒܪܐ ܝܘܡ̈ܬܐ ܚܡܫܐ܆ ܡ݁ܛܝܢ ܠܕܘܟܬܐ ܚܕܐ ܕܡܬܩܪܝܐ ܟܐܦܐ ܕܝܥܩܘܒ܂ ܘܐܫܟܚܢ ܬܡܢ ܓܘܕܐ ܚܕܐ ܕܐܢܫܐ ܛܘܪ̈ܝܐ܂ ܕܒܕܘܒܪ̈ܝܗܘܢ ܡܝܬܪ̈ܝܢ ܗܘܘ ܩܕܡ ܐܠܗܐ ܘܩܕܡ ܒ̈ܢܝܢܫܐ܂
093 ܐܝܬ ܗܘܐ ܠܗܘܢ ܕܝܢ ܪܝܫ ܕܝܪܐ܆ ܕܛܝܒܘܬܐ ܕܐܠܗܐ ܡܠܝܐ ܗܘܬ ܢܦܫܗ܂ ܘܟܕ ܚ݂ܙܝܢ ܐܢܘܢ܆ ܢܦܠܢ ܥܠ ܐ̈ܦܝܢ ܩܕܡܝܗܘܢ܂ ܘܐܬܒܪܟܢ ܡܢܗܘܢ܂ ܠܪܝܫ ܕܝܪܐ ܕܝܢ ܐܣܛܦܢܘܣ ܩ݁ܪܝܢ ܗܘܘ ܠܗ܂ ܘܟܕ ܚ݂ܙܐ ܠܢ ܩ݁ܒܠ ܠܢ ܒܣܝܡܐܝܬ܂ ܘܐܡ݂ܪ܂ ܬܘ ܒܫܠܡ ܒ̈ܢܝ ܐܢܫܐ ܕܐܬ݁ܝܢ ܡܢ ܛܘܪܗ ܕܐܠܗܐ݁܂ ܐܡ݁ܪ ܠܗ ܦܘܠܐ܂ ܘܡܢ ܐܝܟܐ ܝܕܥ݁ ܐܢܬ ܡܪܝ ܕܡܢ ܛܘܪܗ ܕܐܠܗܐ ܐܬܝܢ ܚܢܢ܂ ܀
094 ܥܢ݂ܐ ܐܣܛܦܢܘܣ ܘܐܡ݂ܪ܂ ܗܐ ܩܕܡ ܥܝ̈ܢܝ ܣܕܝܪܐ ܟܠܗ݀ ܐܘܪܚܐ ܕܡܪܕܝܬܟܘܢ ܗܐ ܡܢ ܕܢܦܩܬܘܢ ܡܢ ܐܘܪܗܝ ܡܕܝܢܬܐ܂ ܐܠܐ ܫܬܘܩܘ܂ ܘܩܡܢܢ ܒܪ ܫܥܬܗ ܘܩܪܒܢܢ ܬܫܡܫܬܐ ܕܪܡܫܐ܇ ܟܠܢ ܫܘܝܐܝܬ ܠܐܠܗܐ܂ ܘܒܬܪ ܟܢ ܐܝܬܒܢܢ ܠܛܥܘܡܐ܂ ܫܩ݂ܠ ܕܝܢ ܠܚܡܐ ܐܣܛܦܢܘܣ ܪܝܫ ܕܝܪܐ܃
095 ܐܝܟ ܕܢܬܠ ܒܘܪܟܬܐ܆ ܘܚ݂ܪ ܒܟܠܢ܂ ܘܫܩܠܗ ܠܠܚܡܐ ܘܣܡ ܥܠ ܐ̈ܝܕܘܗܝ ܕܦܘܠܐ܂ ܘܐܡ݂ܪ ܠܗ܂ ܣܒ ܡܪܝ݁܂ ܡܢܟ ܓܝܪ ܙܕܩ݁ ܠܢ ܕܢܩ݁ܒܠ ܝܘܡܢܐ ܒܘܪܟܬܐ܂ ܡܛܠ ܕܐܦܣܩܘܦܐ ܐܢܬ܂ ܗ݂ܘ ܕܝܢ ܦܘܠܐ܂ ܟܕ ܫܡ݂ܥ܆ ܪܗ݂ܛ ܠܒܟ ܪ̈ܓܠܘܗܝ ܘܐܡ݂ܪ ܠܗ܂ ܠܐ ܬܦܪܣܝܢܝ ܐܒܘܢ݁܂ ܕܕܠܡܐ ܐܦ ܐܢܐ ܐܦܪܣܝܟ܂ ܗ݂ܘ ܕܝܢ ܐܣܛܦܢܘܣ݁ ܟܕ ܗܕܐ ܫܡ݂ܥ܆ ܝܗ݂ܒ ܒܘܪܟܬܐ܁ ܠܟܠܗܘܢ ܫܘܝܐܝܬ܆ ܘܝܬܒܘ ܠܡܛܥܡ݁ ‍[‍34‍]‍ ܘܡܢ ܒܬܪ ܕܛܥܡܘ ܟܠܗܘܢ܆ ܐܡ݂ܪ ܐܣܛܦܢܘܣ ܠܦܘܠܐ܂ ܘܠܡ݁ܢܐ ܐܚܝ܇ ܡܟ݁ܣܐ ܐܢܬ ܥܠ ܛܝܒܘܬܐ ܕܐܠܗܐ ܕܐܬܝܗ݂ܒܬ ܠܟ܇ ܘܟܕ ܐܦܣܩܘܦܐ ܐܢܬ܇ ܥܒ݁ܕܬ ܢܦܫܟ ܐܚܐ ܫܚܝܡܐ܂ ܐܡ݁ܪ ܠܗ ܦܘܠܐ܂ ܥܠ ܕܠܒܝܟܐ ܠܟ ܐܢܬܬܐ ܘܡܟܪܟ ܐܢܬ ܠܗ݀ ܥܡ ܛܘܒ̈ܢܐ܇ ܗܐ ܬܫܥ̈ܣܪܐ
096 ܫ̈ܢܝܢ܂ ܐ̈ܚܐ ܕܝܢ ܟܕ ܫܡܥܘ ܗܕܐ܆ ܐܬܒܐܫ ܠܗܘܢ ܘܐܡܪܝܢ܂ ܐܒܘܢ ܚܘܢ ܡܢܐ ܗܘ ܣܘܥܪܢܐ ܗܢܐ܂ ܗ݂ܘ ܕܝܢ ܣܛܦܢܣ ܟܕ ܚ݂ܙܐ ܕܐܬܦܪܣܝ܆ ܩܡ ܒܝܢܬ ܟܘܠܗ݀ ܓܘܕܐ ܕܩܕ̈ܝܫܐ ܘܐܡ݂ܪ܁ ܐ̈ܚܝ ܫܡ݂ܥܘ ܦܬ̈ܓܡܝ܂ ܣܗ݀ܕ ܗܘ ܠܝ ܣܗܕܐ ܪܒܐ ܕܒܪ̈ܝܬܐ ܕܠܐ ܡܟ݁ܕܒ ܐܢܐ܂ ܡܢ ܩܕܡ ܬܫܥܣܪ̈ܐ ܫ̈ܢܝܢ ܐ݁ܙܠ ܗ݀ܘܝܬ ܒܡܕܒܪܐ܆ ܘܦܓܥܬ ܒܝ ܥܠܝܡܬܐ ܗܕܐ ܟܕ ܦܗ݀ܝܐ ܒܚܘܪܒܐ܂ ܘܐܝܬܝܗ݀ ܗܘܬ ܐܝܟ ܒܪܬ ܫܒܥ ܫ̈ܢܝܢ܂ ܘܟܕ ܚܙܬܢܝ܆ ܐܬ݂ܬ ܠܒܟ݂ܬ ܪ̈ܓܠܝ܂ ܘܐܡ݂ܪܬ ܠܝ܂ ܐܬܪܚ݁ܡ ܥܠܝ ܡܪܝ ܥܒܕܗ ܕܐܠܗܐ܃
097 ܘܠܒܘܟܝܢܝ ܠܘܬܟ܂ ܐܒ̈ܗܝ ܓܝܪ ܡܝܬܘ܂ ܘܐܢܫ ܥܠ ܐܪܥܐ ܠܝܬ ܠܝ܂ ܘܡܢ ܥܩ̈ܬܝ܂ ܗܐ ܦܗ݀ܝܐ ܐܢܐ ܒܡܕܒܪܐ ܗܢܐ܂ ܘܐܢܐ ܟܕ ܫܡ݁ܥܬ݂ ܚܣ݁ܬ ܥܠܝܗ݀ ݁ܕܠܡܐ ܬܐܬܐ ܚܝܘܬܐ ܒܝܫܬܐ ܘܬܚ݁ܒܠܝܗ݀܂ ݁ܘܠܒܟ݂ܬܗ݀ ܥܕܡܐ ܠܝܘܡܢܐ܂ ܐܝܬܝܗ݀ ܕܝܢ ܥܠܝܡܬܐ ܗ݀ܝ܆ ܗܢܐ ܡܪܝ ܡܬܝ ܐܘܢܘܟܣܐ ܕܩ݁ܪܝܢܢ܂ ܘܗܐ ܐܦ ܐܢܬܘܢ ܝܕܥܝܢ ܐܢܬܘܢ ܕܘܒܪ̈ܘܗܝ ܫܒܝܚ̈ܐ ܕܒܡܫܝܚܐ܂ ܀
098 ‍[‍35‍]‍ ܗ݂ܢܘܢ ܕܝܢ ܐ̈ܚܐ ܐܡ݂ܪܘ܂ ܡܪܝ ܟܕ ܠܐ ܝܕܥܝܢ ܗܘܝܢ܆ ܐܝܬܝܢ ܗܘܝܢ ܟܠ݂ܢ ܒܫܘܝܘܬܐ܂ ܗܫܐ ܕܝܢ ܕܐܪܓܫܢܢ܆ ܠܐ ܡܫܟܚܝܢ ܚܢܢ ܕܢܗܘܐ ܥܡܗ݀܂ ܕܠܡܐ ܥܠܬܐ ܣܢܝܬܐ ܡܕܡ ܠܒܥܠܕܒܒܘܬܗ ܕܐܠܗܐ ܬܗܘܐ ܠܢ܂ ܗ݂ܘ ܕܝܢ ܐܣܛܦܢܘܣ ܪܝܫ ܕܝܪܐ܆ ܥܢ݂ܐ ܘܐܡ݂ܪ ܟܕ ܒܟ݁ܐ܂ ܘܟܐܢܐ ܩܕܡܝܟܘܢ ܐܚ̈ܝ܃
099 ܕܝܘܡܢ ܗܐ ܬܫܥܣ̈ܪܐ ܫ̈ܢܝܢ ܢܛܪܬܗ݀ ܠܗܕܐ ܢܩܝܗ ܕܡܫܝܚܐ܃