The Comprehensive Aramaic Lexicon

100	ܘܗܫܐ ܕܩ݁ܝܡܐ ܒܚܘܪܦܐ ܕܥܠܝܡܘܬܐ ܐܫܒ݂ܩܝܗ݀܃
101	ܘܢܐܬܐ ܒܝܫܐ ܢܚܒ݁ܠܝܗ݀
102	ܗܒܘ ܠܝ ܥ݁ܪܒܐ ܠܛܝܒܘܬܗ ܕܐܠܗܐ܃
103	ܕܠܐ ܬܒ݁ܥ ܠܝ ܕܝܢܗ݀ ܒܝܘܡܐ ܐܚܪܝܐ܆ ܘܐܢܐ ܣܥ݁ܪ ܐܢܐ ܗܕܐ܂ ܛܘܒܢܐ ܕܝܢ ܝܘܚܢܢ ܟܕ ܚܙܝܗܝ ܠܣܘܥܪܢܐ ܟܡܐ ܩ݂ܫܐ܃

104	ܘܡ݁ܕܘܕ ܠܬܪ̈ܝܗܘܢ ܓܒ̈ܐ܆ ܩܡ ܒܡܨܥܬܐ ܘܐܡ݂ܪ܂ ܝܘܡܢܐ ܐܚ̈ܝ܂ ܨܘܡܐ ܠܡܪܝܐ܂ ܘܗܟܢܐ ܢܦܩܘ ܒܘܬܐ܂ ܘܠܠܝܐ ܟܠܗ ܫܗܪ̈ܝܢ ܗܘܘ ܘܡܣܟܝܢ ܗܘܘ ܕܢܣܥܘܪ ܡܪܢ ܠܓܘܕܐ ܗ݀ܝ ܒܪܝܪܬܐ܇ ܗ݀ܝ ܕܡܥܕܪܐ ܡܢ ܩܕܡܘܗܝ܂ ܘܒܦܠܓܗ ܕܠܠܝܐ܆ ܐܫܠ݂ܡܬ ܗ݀ܝ ܥܠܝܡܬܐ ܪܘܚܗ݀ ܠܐܠܗܐ܂ ܘܟܕ ܠܒܝܫܐ ܡܐ̈ܢܝܗ݀ ܟܪܟ‍<‍ܢ‍>‍ܝܗ݀ ܘܥ݁ܦܝܢܗ݀܂ ܥܠ ܓܢܒ ܟܐܦܐ ܕܣܡܟ ܝܥܩܘܒ ܪܝܫܗ ܥܠܝܗ݀ ܟܕ ܢܚ݁ܬ ܠܚܪܢ݁ ‍[‍36‍]‍ ܘܐ݁ܬܝܢ ܐܟܚܕܐ ܥܡ ܛܘܒ̈ܢܐ ܗ݀ܢܘܢ ܥܕܡܐ ܠܐܪܫܠܡ܃

105	ܘܡܢ ܒܬܪ ܕܨܠܝܢ ܚܢܢ ܒܐܬܪܐ ܩܕܝܫܐ܆ ܦ݂ܪܫܘ ܗ݂ܢܘܢ ܡܢ݂ܢ ܘܥܠܘ ܠܡܨܪܝܢ܂ ܘܚܢ݂ܢ ܐܬ݂ܝܢ ܠܐܘܪܗܝ ܡܕܝܢܬܐ ܒܪܝܟܬܐ܂ ܘܐܫܟܚܢܢ ܠܛܘܒ̈ܢܐ ܕܡܥܪܬܐ ܕܕܡ݁ܝܟܝ݂ܢ ܫܒܥܐ ܡܢܗܘܢ܂ ܐܝܟ ܕܩ݁ܕܡ ܗܘܐ ܦܘܠܐ ܐܘܕܥܢ܂ ܐܢܐ ܕܝܢ ܐܦܝܣܬܗ ܘܐܡ݁ܪܬ ܠܗ܂ ܐܚܝ ܦܘܠܐ܆ ܡܟܝܠ ܠܐ ܐܫ݁ܒܩܟ ܠܥܠܡ܂ ܐܢ ܗ݂ܘ ܕܨ݁ܒܝܬ ܕܬܐܬܐ ܠܒܝܬܝ݂ ܬܐ܂ ܘܐܢ ܒ݁ܥܝܬ ܕܢܣ݁ܩ ܠܢ ܠܘܬ ܛܘ̈ܒܢܐ݂ ܢܣ݁ܩ܂ ܗ݂ܘ ܕܝܢ ܦܘܠܐ ܐܡ݂ܪ ܠܝ܂ ܐܢ ܨ݁ܒܝܬ ܕܬܢ݂ܝܚ ܠܝ ܨܒܝܢܝ܆ ܫܒܘܩܝܢܝ ܕܐܦܠܘܚ܆ ܟܠܗ ܐܝܡܡܐ܂ ܘܡܢ ܪܡܫܐ ܥܕܡܐ ܠܨܦܪܐ܆ ܣ݁ܠܩܝܢ ܚܢܢ ܠܘܬ ܛܘܒ̈ܢܐ ܠܡܥܪܬܐ܂ ܀
106	ܐܢܐ ܕܝܢ ܡܛܠ ܕܠܐ ܐܘܒܕܝܘܗ݀ܝ ܘܐܬܓܠܙ ܡܢ ܥܢܝܢܗ܆ ܫܒܩܬܗ܁ ܕܢܪܕܐ ܐܝܟ ܨܒܝܢܗ܆ ܘܗܟܢܐ ܣܥ݁ܪ ܗܘܐ ܐܡܝܢܐܝܬ݁܀
107	݁
108	‍[‍37‍]‍ ܐܠܗܐ ܕܝܢ ܐܝܢܐ ܕܠܐ ܨ݁ܒܐ ܕܢܬܚ̈ܦܝܢ ܬܕܡܪ̈ܬܗ ܡܢ ܒܪ̈ܝܬܗ܆ ܨܒ݂ܐ ܕܢܚܘܐ ܠܗ ܕܠܐ ܫܒ݁ܩ ܠܗ܂ ܘܠܐ ܛܠܡܗ ܓܘܥܠܢܐ ܕܐܟܣܢܝܘܬܗ܂ ܐܝܬ ܗܘܐ ܓܝܪ ܒܗ݀ ܒܡܕܝܢܬܐ ܐܘܪܗܝ܆ ܓܒܪܐ ܚܕ ܐܝܕܝܥܐ ܡܪܗ݀ ܕܡܕܝܢܬܐ܂ ܘܠܗ ܠܗܢܐ܁ ܐܝܬ ܗܘܐ ܠܗ ܐܢܬܬܐ܆ ܘܪܡ݂ܝܐ ܗܘܬ ܒܟܘܪܗܢܐ ܥܛܠܐ ܡܢ ܡܥܒܕܢܘܬܗ ܕܒܝ݂ܫܐ܆ ܬܠܬܥܣܪܐ ܫ̈ܢܝܢ܂ ܘܠܗ ܠܓܒܪܐ ܗܢܐ ܡܗܝܡܢܐ܆ ܐܬܚ݂ܙܝ ܠܗ ܒܚܙܘܐ ܘܐܡ݂ܪ܂ ܐܢ ܨ݁ܒܐ ܐܢܬ ܕܬܬܐܣܐ ܗܕܐ ܐܢܬܬܟ܆ ܩ݁ܕܡ ܩܘܡ ܒܦܠܓܗ ܕܠܠܝܐ܃
109	ܥܕ ܠܐ ܩ݁ܝܡܝܢ ܫܗܪ̈ܐ܆ ܘܩܘܡ ܠܟ ܠܘܬ ܬܪܥܐ ܕܥܕܬܐ܂ ܘܩܪܝ ܦܘܠܐ܂ ܦܘܠܐ܆ ܘܗ݀ܘ ܡ݁ܢ ܕܥ݁ܢܐ ܠܟ ܐܣܩܝܗܝ ܠܒܝܬܟ܂ ܘܢܣܝܡ ܐܝܕܗ ܥܠ ܐܢܬܬܟ ܘܬܬܐܣܐ݁ ‍[‍38‍]‍ ܛܝܒܘܬܗ ܕܝܢ ܕܐܠܗܐ ܬܗܝܬܗ ܠܦܘܠܐ܆ ܕܠܐ ܢܣܩ ܒܗܢܘܢ ܝܘܡ̈ܬܐ܇ ܠܘܬ ܛܘܒ̈ܢܐ ܕܡܥܪܬܐ ܐܝܟ ܕܐܬܐ݂ܡܪܬ܂ ܓܒܪܐ ܕܝܢ ܗ݀ܘ ܡܗܝܡܢܐ܆ ܢܛܪܗ ܠܥܕܢܐ ܐܝܟ ܕܫ݂ܡܥ܆ ܘܕܒ݂ܪ ܥܡܗ ܬܪ̈ܝܢ ܡܢ ܛܠܝܘ̈ܗܝ܆ ܘܢܚ݂ܬ ܒܦܠܓܗ ܕܠܠܝܐ ܠܬܪܥܐ ܕܥܕܬܐ܂ ܘܩܡ ܘܩ݂ܪܐ ܬܪ̈ܬܝܢ ܙܒ̈ܢܝܢ܂ ܦܘܠܐ݁ ܦܘܠܐ܆ ܗ݂ܘ ܕܝܢ ܥܢ݂ܝܗܝ݂ ܘܐܡ݂ܪ ܠܗ܂ ܡܢ ܒ݁ܥܝܬ܂ ܘܐܡ݂ܪ ܓܒܪܐ ܗ݀ܘ ܡܗܝܡܢܐ܂ ܩܪܘܒ ܠܘܬܝ܂ ܡܛܠ ܕܐܝܬ ܠܝ ܡܕܡ ܕܐ݁ܡܪ ܠܟ܂ ܟܕ ܕܝܢ ܩ݂ܪܒ ܠܘܬܗ ܐܡ݂ܪ ܠܗ܂ ܡܛܠ ܕܗܟܢ ܫܡ݁ܥܬ ܥܠܝܟ ܕܦܥܠܐ ܐܢܬ܃