← Back
The Comprehensive Aramaic Lexicon
← Return to the Text Browser
click on the file description for more information

63501: PaulQentos

Click on a word for lexical analysis
Click on a red-colored coordinate for comments and/or translations of the line

120 ܒܝܡܝܢܟ ܕܡܫ݂ܚܬ ܫܡܝܐ ܥܡ ܐܒܘܟ ܡܢ ܒܪܫܝܬ܃
121 ܘܠܗ݀ ܝܗ݂ܒܬ ܠܨ̈ܠܘܒܐ ܕܢܩܒ݁ܥܘܢܗ݀ ܥܠ ܙܩܝܦܐ܃
122 ܡܛܠ ܚܘܒܗ ܕܚܢܢܟ ܕܠܘܬ ܓܢܣܢ܆ ܐܢܬ ܡܪܝ ܫܕܪ ܚܘܠܡܢܟ ܠܒܪܬ ܓܢܣܢ܇ ܕܪܡܝܐ ܒܥܪܣܐ
123 ܗܕܐ ܕܟܐ̈ܒܐ܇ ܘܥܒܝܕܐ ܡܝܬܬܐ ܠܝܕ̈ܘܥܝܗ݀܂ ܐܢܬ ܡܪܝ ܐܠܝ݂ܨܬ ܕܬܐܣܐ ܟܐ̈ܒܘܗܝ ܕܥܠܡܐ܆ ܡܢܐ ܡܬܒܥܝܢ ܥ݂ܒ̈ܕܝܟ ܒܡܨܥܬܐ܂ ܕܝܠܟ ܗܝ ܬܫܒܘܚܬܐ ܠܘ ܕܝܠܢ܂ ܐܢܬ ܩܪܝܬܢܝ ܕܐ݁ܬܐ ܘܐܗܘܐ ܡܨܥܝܐ܇ ܒܝܬ ܠܟ ܘܠܚܘܠܡܢܗ ܕܦܓܪܐ ܢܣ݂ܝܣܐ܂ ܐܢܬ ܣܥܘܪ ܕܝܠܟ ܐܝܟ ܐܠܗܐ܆ ܘܡܚܘܬܗ݀ ܕܐܢܬܬܐ ܬܬܐܣܐ܆ ܘܐܢܐ ܐܬܚ݁ܢܢ ܒܛܝܒܘ܀
124 ‍[‍40‍]‍ ܘܟܕ ܗܠܝܢ ܐܡ݂ܪ ܩܕܝܫܐ܆ ܒܝ݂ܫܐ ܗ݀ܘ ܕܟܡ݁ܝܢ ܗܘܐ ܒܗ݀ ܒܐܢܬܬܐ ܐܙܥ݂ܩ ܘܐܡ݂ܪ܂ ܡܐ ܠܝ ܘܠܟ܂ ܥܒܕܗ ܕܐܠܗܐ܂ ܐܬ݂ܝܬ ܕܬ݁ܦܩܢܝ ܡܢ ܒܝܬܐ݁ ܕܗ݀ܘܝܬ ܒܗ ܗܐ ܙܒܢܐ ܣܓܝܐܐ܂ ܟܕ ܕܝܢ ܫܡ݂ܥ ܦܘܠܐ ܩܠܗ ܕܫܐܕܐ ܐܡ݂ܪ ܠܗ܂ ܠܘ ܐܢܐ ܦܩ݁ܕ ܐܢܐ ܠܟ ܕܬܦܘܩ܂ ܡܪܝ ܝܫܘܥ ܦ݁ܩܕ ܠܟ܇ ܕܬܦܘܩ ܡܢ ܗܕܐ ܥܠܝܡܬܐ܂ ܫܐܕܐ ܕܝܢ ܟܕ ܫܡ݂ܥ ܫܡܗ ܕܡܫܝܚܐ܆ ܢܙܠ݂ܗ݀ ܠܐܢܬܬܐ ܡܢ ܥܪܣܐ ܐܝܟ ܬܠܬ ܐ̈ܡܝܢ܆ ܘܫܒܩܗ݀ ܟܕ ܡܕܡ ܠܐ ܣܪܚ݂ ܒܗ݀܂ ܗ݂ܝ ܕܝܢ ܐܢܬܬܐ ܫ݂ܕܝܐ ܗܘܬ݂ ܐܝܟ ܡܝ݂ܬܐ܂ ܘܡܫܚܗ݀ ܦܘܠܐ ܡܫܚܐ ܕܨܠܘܬܐ܆ ܘܩ݁ܪܒ ܠܗ݀ ܐܦ ܣܝܒܪܬܐ܂ ܘܗܟܢܐ ܐܬܚܠ݂ܡܬ ܘܩܡ݂ܬ݁ ‍[‍41‍]‍ ܘܒܪ ܫܥܬܗ ܫܢ݂ܝܬ ܠܕܝܪܐ ܠܥܘܡܪܗ ܕܡܪܢ܂ ܘܐܡ݂ܪ ܒܥܠܗ݀ ܠܦܘܠܐ܂ ܡܪܝ ܘܡܢܐ ܐܥܒܕ ܠܒܢ̈ܝܗ݀ ܕܐܢܬܬܐ܂ ܐܡ݁ܪ ܠܗ݀ ܐܢ ܬܫܡ݂ܥܢ݂ܝ ܡ݁ܠܟ ܐܢܐ ܠܟ܂ ܙܠ ܗܒ ܟܠܡܕܡ ܕܐܝܬ ܠܟ ܠܡܣܟ̈ܢܐ܆

125 ܘܒ̈ܢܝܟ ܐܓܥ݂ܠ ܒܕܝܪ̈ܬܐ܂ ܘܐܢܬ ܙܠ ܚܙܝ ܢܦܫܟ ܥܕܠܐ ܡ݁ܝܬܬ ܠܟ܂ ܘܐܫܬ݂ܡܥ ܓܒܪܐ ܗ݀ܘ ܒܣܝܡܐܝܬ܂ ܘܥܒ݂ܕ ܐܝܟ ܕܦܩ݂ܕ ܠܗ ܦܘܠܐ܂ ܘܗܘ݂ܘ ܕܝܪ̈ܝܐ ܒܚܝܪ̈ܐ ܘܓܡܝܪ̈ܐ܆ ܒܡܝܬܪܘܬܗ ܕܐܠܗܐ܂ ܗ݀ܘ ܘܒܢ̈ܘܗܝ ܘܫܘܬܦܬܗ܂ ܟܠ ܚܕ ܚܕ ܡܢܗܘܢ܂ ܒܕܝܪܐ ܕܚܫܚܐ ܠܗ܂ ܘܗܟܢܐ ܢܦܩܘ ܡܢ ܥܠܡܐ ܗܢܐ ܒܚܪܬܐ ܛܒܬܐ܆ ܘܒܚ̈ܝܐ ܕܡܪܥܝܢ ܠܐܠܗܐ݁ ‍[‍42‍]‍ ܦܘܠܐ ܕܝܢ ܟܕ ܚ݂ܙܐ ܕܫܪܝܬ ܠܗ݀ ܐܢܫܘܬܐ ܡܫܬܘܕܥܐ ܠܗ ܒܡܕܝܢܬܐ܆ ܕܚ݂ܠ ܕܠܡܐ ܢ݁ܦܠ ܒܫܘܒܗܪܐ ܣܪܝܩܐ܂ ܘܓܢ݂ܒ ܢܦܫܗ ܡܢ ܛܘܒܢܐ ܝܘܚܢܢ܆ ܘܫܢܝ ܠܗ ܠܢܨܝܒܝܢ ܕܒܝܬ ܬܚ̈ܘܡܐ܂ ܕܬܫ݂ܠܡ ܥܠܘܗܝ ܗ݀ܝ ܕܐܡ݂ܪ ܡܪܢ܇ ܕܠܬܥ̈ܠܐ ܢܩ̈ܥܐ ܐܝܬ ܠܗܘܢ܇ ܘܠܦܪܚܬܐ ܕܫܡܝܐ ܡܛܠܠܐ܇ ܠܒܪܗ ܕܝܢ ܕܐܢܫܐ ܠܝܬ ܠܗ ܐܬܪܐ ܐܝܟܐ ܕܢܣܡܘܟ ܪܝܫܗ܂ ܟܕ ܕܝܢ ܝܘܡ̈ܬܐ ܣ̈ܓܝܐܐ܃

126 ܒܥ݂ܝܗ݀ܝ ܘܠܐ ܐܫܟܚܗ ܛܘܒܢܐ ܝܘܚܢܢ܆ ܣܡ ܒܪܥܝܢܗ ܘܐܡ݂ܪ܂ ܕܐܢ ܐܡ݁ܢܐ ܒܦܣܥ̈ܬܝ ܠܟܘܠܗܝܢ ܐܘܪ̈ܚܬܗ ܕܥܠܡܐ ܗܢܐ܃
127 ܘܐܪܕܐ ܥܕܡܐ ܠܣܘ̈ܦܝܗ݀ ܕܒܪܝܬܐ܆ ܠܐ ܐܢܘܚ ܥܕܡܐ ܕܐܫܟܚ ܠܥܒ݂ܕܐ ܕܐܠܗܐ܂ ܀
128 ‍[‍43‍]‍ ܘܪܕܐ ܡܚܕܐ ܠܒܝܒܐܝܬ ܥܕܡܐ ܠܐܘܪܫܠܡ܂ ܘܠܓܪܒܝܐ ܘܠܡܥܪܒܐ ܘܠܡܕܢܚܐ܂ ܘܐܬܛ݁ܪܦ ܘܐܬܬ݁ܩܠ ܘܐܬܢܘܠ܆ ܒܟܘܠܗܘܢ ܫܒܝ̈ܠܘܗܝ ܕܥܠܡܐ܂ ܥܕܡܐ ܠܡܢܝܢܐ ܕܡܐܐ ܘܬܡ̈ܢܐܝܢ ܝܘܡ̈ܝܢ݁ ܘܒܬܪܟ݂ܢ ܢܚ݂ܬ ܐܫܟܚܗ ܒܢܨܝܒܝܢ ܡܕܝܢܬܐ܇ ܕܒܝܢܬ ܬܚ̈ܘܡܐ ܕܦܪ̈ܣܝܐ
129 ܘܕܪ̈ܗܘܡܝܐ܂ ܘܟܕ ܫܐ݁ܠ ܥܠܘܗܝ ܣ݁ܓܝ ܘܝܗ݂ܒ ܐܬ̈ܘܬܗ ܐܩܝܡܘܗܝ ܥܠܘܗܝ܂ ܘܚܘܝܘ ܠܗ ܐܝܟܐ ܕܦܠܚ܇ ܘܟܕ ܐܙ݂ܠ܂ ܐܫܟܚܗ ܕܛܥܝܢ ܥܪ݂ܒܐ ܕܛܝܢܐ ܘܣ݁ܠܩ ܒܣܒܠܬܐ܂ ܘܡܢ ܚܕܘܬܗ ܠܐ ܟ݁ܬܪ ܥܕ ܢܚ݁ܬ܂ ܐܠܐ ܩܡ ܠܗ ܘܗܐ ܩ݁ܪܐ ܠܗ܂ ܦܘܠܐ݁ ܦܘܠܐ܆ ܘܟܕ ܐܬܦܢܝ݁ ܘܚܙܝܗ݂ܝ ܝܕ݂ܥܗ܂ ܐܡ݁ܪ ܠܗ ܟ݁ܬܪ ܠܝ ܥܕ ܢܚ݁ܬ ܐܢܐ܂ ܦܘܠܐ ܕܝܢ ܣܠ݂ܩ ܘܣܡܗ݀ ܠܥܪܒܐ ܕܛܝܢܐ ܕܛܥܝܢ ܗܘܐ ܥܠ ܐܣܬܐ܆ ܘܐܙ݂ܠ ܠܗ ܡܢ ܓܒܐ ܐܚܪܢܐ܂ ܘܬܘܒ ܠܐ ܐܢܫ ܩܡ ܥܠܘܗܝ݂ ܠܥܠܡ܂ ܀