← Back
The Comprehensive Aramaic Lexicon
← Return to the Text Browser
click on the file description for more information

63501: PaulQentos

Click on a word for lexical analysis
Click on a red-colored coordinate for comments and/or translations of the line

130 ‍[‍44‍]‍ ܝܘܚܢܢ ܕܝܢ ܡܢ ܕܟܬܪ ܥܕܢܐ ܣܓܝܐܐ ܘܠܐ ܢܚ݂ܬ܆ ܡܬܟܪܟ ܗܘܐ ܒܟܠܗ݀ ܡܕܝܢܬܐ ܘܡܫܐ݁ܠ܂ ܘܟܕ ܠܐ ܐܫܟܚܗ܆ ܥܠ ܘܫ݂ܕܐ ܢܦܫܗ ܒܟܣܢܕܟܝܢ ܒܝܬ ܡܣ̈ܟܢܐ܂ ܥܠ ܥܩܬܐ ܕܝܢ ܘܟܪܝܘܬܐ ܕܐܚܕܬܗ܆ ܠܫܢܐ ܕܢܫܬ݁ܥܐ ܠܐ ܡܨܐ܂ ܒܗ ܕܝܢ ܒܠܠܝܐ ܗ݀ܘ܃

131 ܟܕ ܕܡ݁ܝܟ ܒܟܣܢܕܟܝܢ܆ ܐܬܚܙܝ ܠܗ ܒܚܠܡܐ ܗ݂ܘ ܩܕܝܫܐ ܦܘܠܐ ܟܕ ܐܡ݁ܪ ܠܗ܆ ܐܚܝ݁ ܝܘܚܢ݂ܢ ܠܐ ܬܬܛܪܦ ܠܡܒܥܝܢܝ܂ ܕܬܘܒ ܠܐ ܚ݁ܙܝܬ ܐ̈ܦܝ ܒܗܠܝܢ ܚܝ̈ܐ ܕܦܓܪܐ܂ ܕܠܘ ܡܛܠ ܕܐܥܒܕ ܢܝܚܟ܇ ܐܘܒܕ ܫܪܪܐ ܕܡܛܠܬܗ ܢܦܩ݁ܬ ܡܢ ܡܕܝܢܬܝ܂ ܐܠܐ ܩܘܡ ܙܠ ܠܒܝܬܟ܆ ܘܣܩ ܠܘܬ ܗܠܝܢ ܛܘܒ̈ܢܐ ܕܡܥܪܬܐ܆ ܘܨܐܕܝܗܘܢ ܣܟܐ ܠܦܘܪܩܢܗ ܕܐܠܗܐ܂ ܢܦܩ݁ܝܢ ܚܢܢ ܓܝܪ ܡܢ ܥܠܡܐ ܗܢܐ ܒܙܒܢܐ ܙܥܘܪܐ܂ ܘܨܝܕ ܡܪܢ ܡܬܒ݁ܣܡܝܢ ܚܢܢ݁ ܥܡ ܚ̈ܕܕܐ ܐܡܝܢܐܝܬ܂ ܀

132 ‍[‍45‍]‍ ܘܟܕ ܗܠܝܢ ܚܙ݂ܐ ܝܘܚܢܢ܆ ܚܕܝ ܚܕܘܬܐ ܪܒܬܐ܂ ܘܐܬܒܝܐ ܡܢ ܥܩܬܗ݀
133 ܘܩܡ ܘܪܕܐ ܠܡܕܝܢܬܗ ܠܒܝܒܐܝܬ܂ ܘܣܠ݂ܩ ܠܘܬ ܛܘܒ̈ܢܐ ܗܠܝܢ ܕܒܡܥܪܬܐ܂ ܘܥܡ݁ܠ ܗܘܐ ܥܡܗܘܢ ܩܕܡ ܐܠܗܐ ܝܪ̈ܚܐ ܬܡ̈ܢܝܐ܂ ܘܗܟܢܐ ܫܢܝ ܡܢ ܥܠܡܐ ܗܢܐ ܡܛܪܦܐ܆ ܟܕ ܛܥ݂ܝܢ ܗܘܐ ܟܠܝܠܐ ܕܢܨ̈ܚܢܘܗܝ܇ ܠܡܥܡܪܐ ܓܐܝܐ ܘܫܒܝܚܐ ܕܒܫܡܝܐ܂ ܕܒܨ̈ܠܘܬܗ ܕܝܠܗ ܘܕܚܒܪ̈ܘܗܝ ܩܕܝ̈ܫܐ܆ ܢܗܘܘܢ ܪ̈ܚܡܐ ܥܠ ܐܪܥܐ ܘܥܠ ܟܠܗܘܢ ܥܡܘܪ̈ܝܗ݀܂ ܘܢܣܓܐ ܫܝܢܐ ܘܫܠܡܐ ܒܥ̈ܕܬܐ ܘܒܕܝܪ̈ܬܐ܂ ܘܢܣܩܘܢ ܟܘܠܗܘܢ ܝܠܕܝ̈ܗܝܢ܃
134 ܩ̈ܠܐ ܕܫܘܒܚܐ ܘܕܗܘܠܠܐ ܘܕܬܘܕܝܬܐ܆ ܠܐܒܐ ܘܠܒܪܐ ܘܠܪܘܚܐ ܕܩܘܕܫܐ܃
135 ܗܫܐ ܘܒܟܠ ܙܒܢ ܘܠܥܠܡ ܥܠܡܝܢ ܥܠܡܝܢ ܐܡܝܢ݁݁݁݁܀
136 ܫܠܡܬ ܬܫܥܝܬܐ ܕܢܨ̈ܚܢܐ܇ ܘܕܕܘܒܪ̈ܐ ܡܝܬܪ̈ܐ ܕܩܕ̈ܝܫܐ ܦܘܠܐ ܐܦܣܩܦܐ ܘܕܝܘܚܢܢ ܩܫܝܫܐ ܀
137 ܀܀܀܀܀܀