The Comprehensive Aramaic Lexicon

157:21	ܡܚ݁ܝܢܢ ܒܐܓܘܢܐ ܚ݁ܠܝܨܐܝܬ܂ ܒܬܟܬܘܫܗ ܕܡܫܝܚܐ
157:22	ܩܡ݁ܢܢ܂ ܟܕ ܠܐ ܠܡܘܗ̈ܒܬܗܘܢ ܘܕܪ̈ܓܝܗܘܢ ܕܥܘ݂ܠܐ
158:01	ܐܫܬ݁ܓܫܢ݂ܢ܂ ܘܠܐ ܬܘܒ ܡܢ ܠܘܚ̈ܡܝܗܘܢ ܕܚ݂ܠܢܢ܂ ܩܪܝ݂ܒ
158:02	ܗ݂ܘ ܓܝܪ ܡܙܕܩ݁ܢܢ ܘܥܠܘܗܝ ܣܝ݂ܡ ܬܘܟܠܢܢ܂ ܕܗܝܡ݂ܢܢ ܓܝܪ
158:03	ܐܦ ܡܢ ܩܕܝܡ ܕܗ݀ܢܐ ܡܕܡ ܕܐܬܚ݂ܙܝ ܗ݀ܫܐ݂܂ ܥܬܝܕ ܗ݀ܘ
158:04	ܕܢܥܒܕ܂܂ ܘܟܕ ܣܓܐ ܣܓ̈ܝܐܐ ܒܠܐ ܗܝܡܢܘܬܐ ܣܒܪܐ
158:05	ܥܠܝܢ ܦܣ݁ܩܝܢ ܗܘܘ݂܂ ܚܢܢ ܒܣܒܪܗ ܫܪܝܪܐ ܝܬܝܪܐܝܬ
158:06	ܡܚ݁ܡܣܢܝܢ ܗܘ݂ܝܢ܂ ܘܡܛܠ ܕܒܐܓܘܢܐ ܕܠܘܩܒܠ ܡܫܝܚܐ
158:07	ܩܡ݁ܢܢ܃ ܨ݁ܒܝܢܢ ܕܐܦ ܠܟܘܢ ܢܥ݂ܒܕ ܫܘ̈ܬܦܐ܂ ܘܫ݁ܠܚܢܢ
158:08	ܨܐܕܝܟܘܢ ܐܝܟ ܕܐ݁ܦ ܡܦܣܝܬܘܢ݂݁ ܡܛܠ ܕܠܐ ܨܒܝܢܢ
158:09	ܕܢܬܢܨܚ ܒܠܥܕܝܟܘܢ݁ ܘܫܦܝܪ ܥܒܕܬܘܢ ܕܐܫܬ݁ܘܬܦܬܘܢ
158:10	ܠܬܟܬܘܫܢ ܕܚܠܦ ܫܪܪܐ܂ ܡܛܠ ܕܒܗ ܒܫܪܪܐ ܐܝܬܝܢ
158:11	ܘܬܘܕܝܬܐ ܕܬܠܝܬܝܘܬܐ ܒܫܠܡ݁ܘܬܐ ܕܓܘܐ ܡܢܢ ܘܡܢܟܘܢ
158:12	ܡܬܢܛ݁ܪܐ܂ ܫ݁ܠܡܬܘܢ ܕܝܢ ܒܟܬܝܒ̈ܬܟܘܢ ܘܒܐܪܡ݁ܝ ܐܝܕܐ
158:13	ܕܥܒ݁ܕܬܘܢ݁ ܠܘ ܠܡܕܡ ܢܘܟܪܝ ܐܠܐ ܠܗ ܠܫܪܪܐ ܕܐܚܝ݂ܕܝܢ
158:14	ܐܢܬܘܢ݁ ܦܐ݂ܐ ܠܢ ܓܝܪ ܕܗ݀ܘ ܡܕܡ ܕܐܚܝ݂ܕܝܢܢ ܒܚܘܫܒܐ
158:15	ܘܡ݁ܟܪܙܝܢܢ ܒܠܫ̈ܢܐ ܐܦ ܒܟܬܝ̈ܒܬܐ ܢܪܫܡܝܘܗܝ ܕܠܐ
158:16	ܕܚܠܬܐ݂ ܘܕܠܐ ܩ݂ܢܛܐ܂ ܥܡ ܗ݀ܝ ܓܝܪ ܕܐܠܗܐ ܐܢܬܘܢ݁
158:17	ܘܐܦ ܠܒܨܝܪܘܬܝ ܘܠܫܪܟܐ ܕܟܠܗܘܢ ܥܡܘܪ̈ܐ ܕܣܘܪܝܐ݂
158:18	ܐܚ̈ܝܟܘܢ݁ ܘܐܦ ܡܠ݂ܟܐ ܡܗܝܡܢܐ ܘܙܕܝܩܐ ܙܝܢܘܢ݁܃
158:19	ܘܪܝܫܐ ܕܐܦܝ̈ܣܩܘܦܐ ܕܡܕܝܢܬ ܡܠܟܘܬܐ ܩܒ݁ܠ
158:20	ܛܝܒܘܬܟܘܢ ܒܗܠܝܢ ܐܢܦܪ̈ܣ ܕܫ݁ܕܪܬܘܢ݁ ܘܐ݁ܘܕܝ ܗ݂ܘ ܪܚ݁ܡ
158:21	ܠܡܫܝܚܐ ܓܠܝܐܝܬ ܕܒܨ̈ܠܘܬܟܘܢ ܫܩ݂ܠ ܙܟܘܬܐ ܥܠ
158:22	ܒܥܠܕܒ̈ܒܘܗܝ ܘܡܛܝ݁ܒ ܕܢܬ݁ܠ ܠܢ ܐܓܪܐ ܡܝܬܪܐ
159:01	‍<‍ܚܠܦ‍>‍ ܫܩ݁ܠ ܛܥܢܐ ܕܗܘ݂ܐ ܠܢ ܥܠ ܫܝܢܐ ܕܥܕ̈ܬܐ܂ ܘܢܥܩ݂ܘܪ
159:02	ܡܢܗ݀ܝܢ ܠܗ݀ܠܝܢ ܒܥܠܕܒ̈ܒܘܗܝ ܕܨܠܝܒܐ܂ ܢܒ݂ܗܬܘܢ ܘܢܚ݂ܦܪܘܢ
159:03	ܡܕܝܢ ܗ݀ܢܘܢ ܕܥ݁ܕܠܝܢ ܗܘܘ ܠܢ܂ ܥܡ ܗܪ̈ܣܝܘܛܐ܂ ܐܦ ܐܢܫܝ̈ܢ
159:04	ܕ̈ܓܠܐ ܒܐ݁ܫܘ ܠܢ ܓܝܪ ܗ݂ܢܘܢ ܗܠܝܢ ܫܚܝ̈ܕܝ ܒܟܪܣܗܘܢ݂܂
159:05	ܐܦ ܡܢܗܘܢ ܕܛ̈ܥܝܐ܂ ܥܒܝ݂ܕܝܢ ܗܘܘ ܓܝܪ ܦܥ̈ܠܐ ܠܒܢܝܢܗ
159:06	ܕܐ݁ܟܠܩܪܨܐ݂܂ ܟܕ ܒܐܣܟܡ݂ܐ ܡܣܬܒܪܝܢ ܕܬܠܡܝ̈ܕܐ ܐܢܘܢ݁
159:07	ܐܝ݁ܟܘ ܕܦܩܝ݂ܕ ܐܢܬ ܐܘ݁ ܬܠܡܝܕܐ ܕܙܐܦܐ݁܂ ܕܥܕܡܐ
159:08	ܠܡܘܬܐ ܐܬܟܬ݁ܫ ܥܠ ܐ̈ܦܝ ܩܘܫܬܐ܂ ܐܝ݁ܟܘ ܫܘܘܕܝܗ
159:09	ܕܬܘܠܡܕܟ܂ ܐ݁ܝܟܐ ܐܢܘܢ ܩܝ̈ܡܐ ܕܐ݁ܩܝ݂ܡܬ ܠܐܠܗܐ܂
159:10	ܐܘܒܕܬܝܗܝ ܠܛܒܥܐ ܘܚܒ݁ܠܬܝܗܝ ܠܪܘܫܡܐ ܕܥܠܝܟ܂ ܠܐ
159:11	ܟܝ ܫܡܥܬܝܗܝ ܠܡܫܝܚܐ ܕܐܡ݁ܪ܃ ܕܡ݁ܢ ܕܡܘ݁ܕܐ ܒܝ ܐܘܕܐ
159:12	ܒܗ܃ ܘܡ݁ܢ ܕܟܦ݁ܪ ܒܝ ܐ݂ܟܦܘܪ ܒܗ݂܂ ܘܬܘܒ ܕܡ݁ܢ ܕܨ݁ܒܐ
159:13	ܕܢ݁ܚ݂ܐ ܢܦܫܗ ܢܘܒܕܝܗ݀܂ ܘܡ݁ܢ ܕܢܘܒܕ ܢܦܫܗ ܗܢܐ ܡ݁ܚܐ
159:14	ܠܗ݀܂ ܥܡ ܗ݀ܝ ܓܝܪ ܐܚܪܬܐ ܕܡ݁ܢ ܕܨ݁ܒܐ ܕܢܗ݂ܘܐ ܠܝ
159:15	ܬܠܡܝܕܐ ܢܟܦܘܪ ܒܢܦܫܗ ܘܢܫܩܘܠ ܙܩܝܦܗ܂ ܘܢܐܬܐ ܒܬܪܝ܂
159:16	ܘܦܘܠܘܣ ܐܡ݁ܪ ܕܐܘܕܐ ܒܦܘܡܟ ܒܡܪܢ ܝܫܘܥ܆ܡܫܝܚܐ݂
159:17	ܘܗܝܡ݂ܢ ܒܠܒܟ܂ ܥܗܕ ܕܝܢ ܥܡ ܗ݀ܠܝܢ ܩ̈ܠܐ ܩܕܝ̈ܫܐ ܐܦ
159:18	ܡܠܦܢܘܬܗܘܢ ܕܢܒܝ̈ܐ ܘܟܪܘܙܘܬܗܘܢ ܕܫܠܝ̈ܚܐ܂ ܘܛܢܢܐ
159:19	ܕܟܠܗܘܢ ܡ̈ܠܦܢܐ ܕܥܠ ܐ̈ܦܝ ܗܝܡܢܘܬܐ ܕܫܪܪܐ܂ ܘܗ݀ܝ
159:20	ܕܫܒܝ݂ܚܐ ܘܝܬܝܪ ܡܢ ܟܠܗܝܢ ܐܝܬܝܗ݀ ܬܕܡܘܪܬܐ݂܂ ܨܠܝܒܗ
160:01	ܘܨܥܪܗ ܕܚ݁ܝܐ ܐܠܗܐ܂ ܕܡܛܠ ܩܘܝܡܐ ܕܗܝܡܢܘܬܗ
160:02	ܘܦܘܪܩܢܐ ܕܒܢܝܢܫܐ݂܂ ܗ݀ܠܝܢ ܟܠܗܝܢ ܕܟܬ̈ܝܒܢ ܥܠܘܗܝ
160:03	ܡܣܝ݁ܒܪ ܗ݂ܘܐ ܘܚܐ݁ܫ܂ ܘܟܠܗܘܢ ܟܪܘ̈ܙܐ ܕܡ݂ܠܬܐ ܐܠܗܐ
160:04	ܐܢ ܡ݁ܪܓܫ ܐܢܬ܂ ܒܟܠ ܙܒ̈ܢܝܢ ܪ̈ܕܝܦܐ ܐܢܘܢ݁ ܡܛܠ ܕܒܗ݀
160:05	ܒܐܘܪܚܐ ܕܡ݁ܪܗܘܢ ܐܦ ܗ݂ܢܘܢ ܪ̈ܕܝܢ ܗܘܘ܂ ܐ݁ܝܢܘ ܓܝܪ
160:06	ܕܗܘ݂݂ܐ ܒܚܕ ܡܢ ܙܒ̈ܢܝܢ ܡ݁ܠܦܢܐ ܕܝܕܥ݂ܬܐ ܐ݁ܠܗܝܬܐ݁܂ ܕܠܘ
160:07	ܒܐܘ̈ܠܨܢܐ ܘܒܪ̈ܕܘܦܝܐ ܘܒܨܥ̈ܪܐ ܘܒܨ̈ܘܚܝܬܐ ܘܒܥܫ̈ܘܩܝܐ