The Comprehensive Aramaic Lexicon

171:02	ܥܠ ܕܦܓܪܐ ܡܫܬܥܒܕ ܠܫܘܠܛܢܗ ܕܡܘܬܐ ܦܓܪܢܐܝܬ
171:03	ܐܬ݁ܢܣܝ ܒܗ܂ ܠܘ ܓܝܪ ܦܓܪܐ ܕܢܩ݂ܝܦ ܠܐܠܗܐ܂ ܐܘ
171:04	ܒܪܢܫܐ ܕܗܘ݂݂ܐ ܠܗ ܗܝܟܠܐ ܐ݂ܫܬܪܝ ܘܡܠܬܐ ܕܥܡ݂ܪ ܒܗ
171:05	ܐ݁ܩܝܡܗ݀܂ ܐܝܟ ܕܡ݁ܣܒܪܝܢ ܗ݂ܪ̈ܛܝܩܘ܂ ܐܠܐ ܗ݀ܘ ܕܐܫܬܪܝ
171:06	ܐܝܟ ܒܪܢܫܐ݂܂ ܐ݁ܩܝܡ ܗ݂ܘ ܠܗ ܐܝܟ ܐܠܗܐ܂ ܐ݁ܩܝ݂ܡܗ
171:07	ܬܘܒ ܐܒܐ܂ ܐܝܟ ܡܠ݂ܬ ܦܘܠܘܣ܂ ܐܠܗܐ ܠܡ ܐܒܘܗܝ
171:08	ܗ݀ܘ ܕܐ݁ܩܝ݂ܡܗ ܡܢ ܒܝܬ ܡ̈ܝܬܐ܂ ܐ݁ܩܝܡܗ ܐܦ ܪܘܚܐ
171:09	ܕܩܘܕܫܐ܂ ܐܬܝܕܥ ܠܡ ܒܪܐ ܕܐܠܗܐ ܒܚܝܠܐ ܘܒܪܘܚܐ
171:10	ܕܩܘܕܫܐ݁܂ ܡܢ ܩܝ݁ܡܬܐ ܕܡܢ ܒܝܬ ܡ̈ܝܬܐ܂ ܐ݁ܩܝܡ ܐܦ
171:11	ܗ݂ܘ ܠܗ ܐܝܟ ܕܐܡ݂ܪ݂܂ ܕܫܠܝ݂ܛ ܐܢܐ ܥܠ ܢܦܫܝ
171:12	ܕܐܣܝܡ݂ܝܗ݀܃ ܘܫܠܝ݂ܛ ܐܢܐ ܕܬܘܒ ܐ݂ܣܒܝܗ݀܂ ܠܘ ܓܝܪ
171:13	ܐܠܗܘܬܐ ܫܢܝ݂ܬ ܡܢ ܦܓܪܐ ܟܕ ܩܥ݂ܐ ܒܙܩܝܦܐ܂ ܕܐܒܐ
171:14	ܒܐܝ̈ܕܝܟ ܣܐ݁ܡ ܐܢܐ ܠܗ݀ ܠܪܘܚܝ܂ ܘܠܘ ܒܪܢܫܐ ܐܡ݂ܪ
171:15	ܠܘܬ ܐܒܐ݁܂ ܕܐ݁ܠܗܝ ܐܠܗܝ ܠܡ݁ܢܐ ܫܒ݁ܩܬܢܝ܂ ܘܩܪܝܗܝ
171:16	ܐ݁ܒܘܗܝ ܕܒܪ ܟܝܢܗ ܗ݂ܘ܂ ܘܐܠܗܗ ܥܠ ܕܗܘ݂݂ܐ ܒܪܢܫܐ܂
171:17	ܗ݀ܘ ܓܝܪ ܕܬ݂݂ܠܐ ܗܘ݂ܐ ܒܙܩܝܦܐ݂܂ ܟܕ ܣܡ ܪܘܚܗ ܒܐܝ̈ܕܝ
171:18	ܐܒܘܗܝ݂܃ ܠܫܪܟܐ ܕܪ̈ܘܚܬܐ ܕܒܢܝܢܫܐ ܒܝܬܝܘܬܐ ܠܘܬ
171:19	ܐܒܐ ܝܗ݂ܒ܂ ܘܗ݂ܘ ܟܕ ܗ݂ܘ ܒܦܓܪܗ ܢܚ݂ܬ ܠܫܝܘܠ܂
171:20	ܘܩܝ݁ܡ݂ܬܐ ܠܦܓܪ̈ܐ ܕܓܘܐ ܥ݁ܬܕ܂ ܠܐ ܡܕܝܢ ܠܟܝܢܗ
171:21	ܕܡܠܬܐ ܣܝ݁ܡܝܢܢ ܬܚܝ݂ܬ ܚܫܐ܂ ܘܠܐ ܥܠ ܒܪܢܫܐ ܠܒܪ
171:22	ܡܢܗ ܡ݁ܣܒܪܝܢܢ ܕܡܝ݂ܬ܂ ܐܠܐ ܗ݀ܘ ܕܐܝܬܘܗܝ ܠܥܠ ܡܢ
172:01	ܡܘܬܐ ܐܝܟ ܐܠܗܐ ܡܗ݀ܝܡܢܝܢܢ ܕܐܬ݁ܢܣܝ ܒܗ ܐܝܟ
172:02	ܒܪܢܫܐ܂ ܕܐܝܬܘܗܝ ܝܚܝܕܝܐ ܒܪܐ݁ ܚܕ ܡܢ ܬܠܝܬܝܘܬܐ
172:03	ܐܝܟ ܕܡܘܕܥܐ ܡܠܬܗ ܕܠܘܬ ܬܠܡܝ̈ܕܘܗܝ݁܂ ܕܦܘܩܘ
172:04	ܬܠܡ݁ܕܘ ܟܠܗܘܢ ܥܡ̈ܡܐ ܘܐܥܡܕ ܐܢܘ݁ܢ݁ ܒܫܡ ܐܒܐ
172:05	ܘܒܪܐ ܘܪܘܚܐ ‍{‍ܕܩܕܫܐ‍}‍‍<‍ܕܩܘܕܫܐ݁‍>‍ ܒܫܡܗ ܗܟܝܠ ܕܗ݀ܘ ܕܡܝ݂ܬ
172:06	ܥܡ݁ܕܬ܂ ܘܗ݀ܘ ܕܒܫܡܗ ܥܡ݁ܕܬ݂ ܠܗ ܡܘ݁ܕܢܐ ܕܡܝ݂ܬ ܚܠܦܝ܂
172:07	ܘܠܗ݀ܘ ܕܥܡ݁ܕܬ ܒܫܡܗ ܘܒܡܘܬܗ݂܂ ܠܗ ܡܗܝܡܢ ܐܢܐ
172:08	ܕܠܒ݁ܫܬ ܡܢ ܡܥܡܘܕܝܬܐ܂ ܐܝܟ ܕܐܡ݂ܪ ܦܘܠܘܣ݁ ܠܪܘܚܢܐ
172:09	ܓܝܪ ܕܗܘ݂݂ܐ ܦܓܪܢܐ݁܂ ܠܒܫ݁ܬ ܪܘܚܢܐܝܬ ܡܢ ܡܝ̈ܐ܂
172:10	ܘܠܚ݁ܝܐ ܕܒܒܣܪ ܐܬܢ݁ܣܝ ܒܡܘܬܐ݂܂ ܠܗ ܡܘ݁ܕܢܐ ܕܐܝܬܘܗܝ
172:11	ܡܢܚܡܢܐ ܘܝܗܘ݁ܒܐ ܕܚܝ̈ܐ܂ ܟܕ ܠܐ ܡܢ ܬܠܝܬܝܘܬܐ
172:12	ܡܕܡ ܡܒ݁ܨܪ ܐܢܐ݁܂ ܐܝܟ ܕܣܒܠܝܘܣ ܘܦܘܛܝܢܘܣ ܟܕ
172:13	ܡܫܬܢܝܢ ܡ݁ܣܒ݁ܪܝܢ܂ ܘܠܐ ܠܩܢܘ̈ܡܝܗ݀ ܡܦܠܓ ܐܢܐ݁܂ ܐܝܟ
172:14	ܕܐܡ݁ܪܝܢ ܐ݁ܪܝܘܣ ܘܡ݁ܩܕܘܢܝܣ܂ ܘܠܐ ܩܢܘܡܐ ܐܚܪܢܐ
172:15	ܥܠܝܗ݀ ܡܘܣܦ ܐܢܐ݁܂ ܐܝܟ ܕܐܬܪܥ݁ܝܘ ܬܐܕܘܪܘܣ
172:16	ܘܢܣܛܘܪܝܘܣ܂ ܘܠܐ ܕܐܫܬ݁ܚܠܦ ܚܕ ܡܢ ܩܢܘ̈ܡܝܗ݀ ܐܡ݁ܪ
172:17	ܐܢܐ݁܂ ܐܝܟ ܐܦܘ݁ܠܢܪܝܘܣ ܘܐܘܛܟܐ܂܂ ܡܚ݁ܪܡ ܐܢܐ
172:18	ܗ݀ܟܝܠ ܠܪܫܝܥܐ ܢܣܛܘܪܝܘܣ܂ ܘܠܝܘܠܦܢܗ ܗ݀ܘ ܕܦܪܫ
172:19	ܟܝ̈ܢܐ ܘܩܢܘ̈ܡܐ ܒܚܕ ܡܫܝܚܐ݁܂ ܘܝܗ݀ܒ ܬܕܡܪ̈ܬܐ
172:20	ܠܐܠܗܐ ܘܚ̈ܫܐ ܠܒܪܢܫܐ݁܂ ܘܟܦܪ ܓܠܝܐܝܬ ܒܡܕܒܪܢܘܬܐ
173:01	ܕܡ݂ܠܬܐ ܕܐܬܒܪܢܫ܂ ܡ݁ܚܪܡ ܐܢܐ ܕܝܢ ܥܡ ܗܢܐ݂܂
173:02	ܐܦ ܠܐܘܛܟܐ ܗܪܣܝܘܛܐ܂ ܘܠܬܪܥܝܬܗ ܗ݀ܘ ܕܛ݁ܠܡ
173:03	ܠܡܬܓܫܡܢܘܬܐ ܫܪܝܪܬܐ ܕܗܘ݂ܬ ܠܐܠܗܐ ܡܢ ܒܬܘܠܬܐ݁܂
173:04	ܘܚ݁ܫܒ ܫܪ̈ܓܪܓܝܬܐ ܠܐܪܙܐ ܕܦܓܪܢܘܬܗ܂ ܘܟܕ ܠܗ݀ܠܝܢ
173:05	ܝܘ̈ܠܦܢܐ ܡܚ݁ܪܡ ܐܢܐ݂܂ ܠܟܬܒ̈ܐ ܩܕܝ̈ܫܐ ܡܬܕܢܐ݂ ܐܢܐ܂
173:06	ܘܒܡܫܠܡܢܘܬܐ ܕܐܒ̈ܗܬܐ ܪܕ݁ܐ ܐܢܐ܂ ܕܡܢܗܘܢ
173:07	ܗܝܡܢܘܬܐ ܫܪܝܪܬܐ ܘܫܠܝܚܝܬܐ ܩܒ݁ܠܬ܂ ܐܝܕܐ
173:08	ܕܒܐܝ̈ܕܝܗ݀ ܐܫ݁ܬܘܝܬ ܥܡ ܟܠܗܘܢ ܥܡܝ̈ܕܐ݂܂ ܠܚܝ̈ܐ
173:09	ܘܠܚܐܪܘܬܐ ܘܠܣܝܡܬ ܒܢܝܐ܂ ܗ݀ܠܝܢ ܒܙܥܘܪ̈ܝܬܐ ܟܬܒ݁ܬ
173:10	ܘܝܗ݀ܒܬ ܠܡܫܝܚܘܬܟܘܢ ܡܛܠ ܕܦܩ݂݁ܕܬܘܢ݁ ܐܘ݁ ܕܚ݁ܠ