The Comprehensive Aramaic Lexicon

166:02	ܬܪ̈ܝܢ ܐܝܟܐ ܕܗܘܘ ܚܕ܂ ܘܠܐ ܡܣܬ݁ܟܠ ܐܢܐ ܚܕ ܐܝܟܐ
166:03	ܕܡܬܝܕܥܝܢ ܬܪ̈ܝܢ܂ ܠܘ ܓܝܪ ܒܪܢܫܐ ܗܘ݂ܐ܂ ܘܐܬܝܕ݁ܥ
166:04	ܠܡܢܝܢܗ܂ ܘܟܢ ܐܬܢܣ݂ܒ ܡܢ ܐܠܗܐ܂ ܕܐܢ ܗܕܐ ܢܐܡ݂ܪ
166:05	ܠܐ ܡܘܕܝܢܢ ܕܐܝܬܝܗ݀ ܦܓܪܢܘܬܐ ܕܐܠܗܐ܂ ܐܢ ܕܝܢ
166:06	ܢܗܝܡ݂ܢ ܕܕܝܠܗ ܗ݂ܘ ܦܓܪܐ ܥܠ ܕܐܬܒ݁ܪܢܫ܂ ܕܩܢܘܡܐ ܗ݂ܝ
166:07	ܡܕܝܢ ܕܐܠܗܐ ܦܓܪܢܘܬܐ܂ ܘܠܘ ‍<‍ܕ‍>‍ܕܩܢܘܡܐ ܐܚܪܢܐ
166:08	ܕܒܪܢܫܐ܂ ܠܐ ܓܝܪ ܐܝܬܘܗܝ ܦܓܪܐ ܕܟܠ ܚܕ ܚܕ ܡܢܢ
166:09	‍<‍ܕ‍>‍ܐܠܗܐ܂ ܟܕ ܛܒ ܗܘ݁ܝܢܢ ܒܢ̈ܝܐ ܠܐܒܐ ܘܐܚ̈ܐ
166:10	ܠܡܫܝܚܐ܂ ܗܟܢܐ ܐܦ ܠܐ ‍<‍ܦܓܪܐ‍>‍ ܕܗ݀ܘ ܒܪܢܫܐ ܐܢ
166:11	ܩܢܘܡܐ ܐܘ ܟܝܢܐ ܕܡܬܪܢܐ ܒܠܚܘܕܘܗܝ ܢܣܬܒܪ
166:12	‍<‍ܕܐܠܗܐ‍>‍ ܠܐ ܓܝܪ ܗܘܐ ܦܓܪܐ ܘܐܬܝܕܥ ܕܐܚܪܢܐ܂
166:13	ܘܟܢ ܢܣܒܗ ܐܠܗܐ ܘܥܒ݂ܕܗ ܕܝܠܗ܂ ܥܡ ܝܘܚܢܢ ܩܥ݁ܐ
166:14	ܐܢܐ ܕܡܠܬܐ ܒܣܪܐ ܗܘ݂ܐ ܘܐ݁ܓܢ ܒܢ܂ ܠܘ ܒܫܘܚܠܦܐ
166:15	ܚܣ܂ ܫܘܚܠܦܐ ܚܫܐ ܗ݂ܘ܂ ܗ݀ܘܝܐ ܕܝܢ ܡܕܒܪܢܘܬܐ݁܂ ܕܗܘ݂݂ܐ
166:16	ܓܝܪ ܐ݁ܠܦܘܢܝ ܝܘܚܢܢ ܘܦܘܠܘܣ܂ ܕܐܫܬ݁ܚܠܦ ܕܝܢ ܘܠܐ
166:17	ܚܕ ܡܢ ܐܝܠܝܢ ܕܗܘܘ ܚܙܝ̈ܐ ܘܡܫܡܫ̈ܢܐ ܕܡܠܬܐ܂ ܡܠܦ
166:18	ܕܝܢ ܗ݂ܘ ܡܠܬܐ ܐܠܗܐ ܒܝܕ ܢܒܝܐ݁ ܕܐܢܐ ܐܢܐ ܡܪܝܐ
166:19	ܘܠܐ ܐܫܬܚ݁ܠܦܬ܂ ܐܝܟܐ ܕܐܣܬܒ݂ܪ ܕܐܫܬ݁ܚܠܦ ܡܛܠ
166:20	ܕܐܬܓ݁ܫܡ݁܂ ܬܡܢ ܝܬܝܪܐܝܬ ܐܣ݁ܗܕ ܥܠ ܫܪܪܐ ܕܠܐ
167:01	ܡܫܬܚܠܦܢܘܬܗ܃ ܘܐܝܟ ܗ݀ܘ ܕܡܢ ܒܬܪ ܕܐܬܓܫ݁ܡ
167:02	ܡܢ ܒܬܘܠܬܐ ܩܥ݁ܐ ܠܘܬ ܗ݀ܢܘܢ ‍<‍ܕܣܒܪܘ‍>‍ ܕܐܟܒܪ
167:03	ܐܫܬ݁ܚܠܦ܂ ܟܕ ܗܘ݂݂ܐ܂ ܕܐܢܐ ܐܢܐ ܡܪܝܐ ܘܠܐ
167:04	ܐܫܬ݁ܚܠܦܬ܂ ܕܚܕ ܗ݂ܘ ܒܪܐ ܗ݀ܟܝܠ ܐܝܬܝܗܘܢ ܬܪ̈ܝܗܘܢ
167:05	ܡܘ̈ܠܕܐ݁ ܗ݀ܘ ܕܡܢ ܐܒܐ ܘܗܢܐ ܕܡܢ ܒܬܘܠܬܐ܂ ܕܚܕ
167:06	ܒܪܐ ܘܠܘ ܕܬܪ̈ܝܢ ܟܝ̈ܢܐ܂ ܘܐܠܐ ܠܐ ܐܝܬܘܗܝ ܚܕ܂
167:07	ܐܢ ܕܝܢ ܢܬܪܢܐ ܟܝܢܐ ܘܟܝܢܐ݂܂ ܐ݁ܠܨܐܝܬ ܐܦ ܩܢܘܡܐ
167:08	ܘܩܢܘܡܐ ܡܬܝܕܥ܂ ܘܐܢ ܗܠܝܢ ܢܣܬܒ݂ܪ܂ ܐܦ ܬܪ̈ܝܢ
167:09	ܒܢ̈ܝܐ݂ ܘܬܪ̈ܝܢ ܐ̈ܠܗܐ܂ ܐܬ݁ܓܫܡ ܗܟܝܠ ܩܢܘܡܐ ܕܒܪܐ
167:10	ܒܨܒܝܢܐ ܕܐܒܐ ܘܕܪܘܚܐ ܩܕܝܫܐ܂ ܘܠܐ ܐ݁ܪܚܩ݂݂ܬ
167:11	ܡܬܓܫܡܢܘܬܐ ܗ݀ܝ ܕܢܬܗܝܡ݁ܢ ܒܪ ܟܝܢܗܘܢ܂ ܒܗ݀ܝ ܕܒܪܐ
167:12	ܝܠܝܕ ܗܘ݂ܐ݁܂ ܘܒܪܐ ܐ݂ܬܝ݂ܠܕ܂ ܠܐ ܐܬܝ݂ܠܕ ܐܒܐ ‍<‍ܒ‍>‍ܡܘܠܕܐ
167:13	ܦܓܪܢܐ܂ ܥܠ ܕܒܟܠܙܒܢ ܐܒܐ ܗ݂ܘ܂ ܘܠܐ ܬܘܒ ܪܘܚܐ
167:14	ܕܩܘܕܫܐ܂ ܥܠ ܕܠܘ ܒ݂ܪܐ ܢܦ݂ܩ ܡܢ ܐܒܐ݁܂ ܕܢܗܘ݂ܐ ܒܪܐ
167:15	ܠܒܬܘܠܬܐ݁ ܐܠܐ ܐܬܝ݂ܠܕ ܗ݀ܘ ܕܝܠܝ݂ܕ ܗܘ݂ܐ݁ ܗ݀ܢܘ ܕܝܢ ܒܪܐ܂
167:16	ܘܡܬܗ݀ܝܡܢ ܗ݂ܘ ܟܕ ܗ݂ܘ ܒܪܐ ܠܘܬ ܬܪ̈ܝܗܘܢ ܡܘ̈ܠܕܐ܂
167:17	ܘܗܘܐ ܫܪܝܪܐܝܬ ܒܪܐ ܠܒܬܘܠܬܐ܂ ܗ݀ܘ ܕܐܝܬ ܠܗ ܫܡ݂ܐ
167:18	ܘܣܘܥܪܢܐ ܕܒܪܐ ܡܢ ܠܘܬ ܐܒܐ܂ ܠܗ ܓܝܪ ܟܕ ܠܗ
167:19	ܗܘ̈ܝ ܬܪ̈ܬܝܗܝܢ܂ ܕܢܗܘܐ ܘܢܬܝ݂ܠܕ܂ ܘܥܠ ܕܒ݂ܪܐ ܐܝܬܘܗܝ
167:20	ܗ݂ܘܐ݂܂ ܐܦ ܒ݂ܪܐ ܐܬܝ݂ܠܕ܂ ܗ݀ܢܘ ܕܝܢ ܟܕ ܗܘ݂݂ܐ ܕܠܐ
168:01	ܫܘܚܠܦܐ ܒܪܢܫܐ܂ ܘܐܢ ܗ݀ܠܝܢ ܫܡ݁ܥܝܢܢ ܡܢ ܟܬ̈ܒܐ܃
168:02	ܕܚܕ ܗ݂ܘ ܐܬܓ݁ܫܡ܃ ܘܗ݂ܘ ܟܕ ܗ݂ܘ ܐܦ ܐܬܝ݂ܠܕ ܘܐܝܬܘܗܝ
168:03	ܝܚܝܕܝܐ ܡܢ ܐܒܐ܃ ܘܒܘܟܪܐ ܡܢ ܒܬܘܠܬܐ܃ ܠܗ ܘ݁ܠܐ
168:04	ܕܢܗܝܡܢ ܕܡܬܝܕܥ݂܂ ܘܐܦ ܒܟܠܗܝܢ ܡܟܝ̈ܟܬܐ ܘܒܨܝܪ̈ܬܐ
168:05	ܕܠܚ̈ܡܢ ܠܐܢܫܘܬܐ܂ ܡܘ݁ܕܝܢܢ ܓܝܪ ܠܒܬܘܠܬܐ ܕܐܝܬܝܗ݀
168:06	ܝ݁ܠܕܬ ܐܠܗܐ݁ ܘܠܗ ܬܘܒ ܠܡ݂ܠܬܐ ܕܐܬ݁ܓܫܡ ܡܢ ܒܬܪ
168:07	ܕܐܬܝ݂ܠܕ ܡܢܗ݀ ܦܓܪܢܐܝܬ܂ ܡܗܝܡܢܝܢܢ ܕܐܬܟܪܟ
168:08	ܒܥܙܪ̈ܘܪܐ݁ ܝܢ݂ܩ ܚܠܒܐ܂ ܩܒ݁ܠ ܓܙܘܪܬܐ܂ ܐܬܛܥ݂ܢ ܥܠ
168:09	ܒܘܪ̈ܟܐ܂ ܐܬ݁ܪܒܝ ܒܩܘܡܬܐ܂ ܐܫܬܥܒ݁ܕ ܠܐܒ̈ܗܐ
168:10	ܟܠܗܝܢ ܒܙܢܐ ܗ݀ܘ ܕܐܬܝܠ݂ܕ܂ ܠܐ ܓܝܪ ܣܢܝܩ ܗܘ݂ܐ
168:11	ܕܢܬܬܪܣ݂ܐ݁ ܘܢܬܪܣܐ ܒܗ݀ܝ ܕܡܬܝܕܥ ܐܠܗܐ܂ ܐܠܐ
168:12	ܫܡ݁ܫ ܟܠܗ̈ܝܢ ܡܛܠ ܕܐܬܒܪܢܫ܂ ܟܕ ܛܒ ܡܫܡܠܝܐ