The Comprehensive Aramaic Lexicon

167:16	ܘܡܬܗ݀ܝܡܢ ܗ݂ܘ ܟܕ ܗ݂ܘ ܒܪܐ ܠܘܬ ܬܪ̈ܝܗܘܢ ܡܘ̈ܠܕܐ܂
167:17	ܘܗܘܐ ܫܪܝܪܐܝܬ ܒܪܐ ܠܒܬܘܠܬܐ܂ ܗ݀ܘ ܕܐܝܬ ܠܗ ܫܡ݂ܐ
167:18	ܘܣܘܥܪܢܐ ܕܒܪܐ ܡܢ ܠܘܬ ܐܒܐ܂ ܠܗ ܓܝܪ ܟܕ ܠܗ
167:19	ܗܘ̈ܝ ܬܪ̈ܬܝܗܝܢ܂ ܕܢܗܘܐ ܘܢܬܝ݂ܠܕ܂ ܘܥܠ ܕܒ݂ܪܐ ܐܝܬܘܗܝ
167:20	ܗ݂ܘܐ݂܂ ܐܦ ܒ݂ܪܐ ܐܬܝ݂ܠܕ܂ ܗ݀ܢܘ ܕܝܢ ܟܕ ܗܘ݂݂ܐ ܕܠܐ
168:01	ܫܘܚܠܦܐ ܒܪܢܫܐ܂ ܘܐܢ ܗ݀ܠܝܢ ܫܡ݁ܥܝܢܢ ܡܢ ܟܬ̈ܒܐ܃
168:02	ܕܚܕ ܗ݂ܘ ܐܬܓ݁ܫܡ܃ ܘܗ݂ܘ ܟܕ ܗ݂ܘ ܐܦ ܐܬܝ݂ܠܕ ܘܐܝܬܘܗܝ
168:03	ܝܚܝܕܝܐ ܡܢ ܐܒܐ܃ ܘܒܘܟܪܐ ܡܢ ܒܬܘܠܬܐ܃ ܠܗ ܘ݁ܠܐ
168:04	ܕܢܗܝܡܢ ܕܡܬܝܕܥ݂܂ ܘܐܦ ܒܟܠܗܝܢ ܡܟܝ̈ܟܬܐ ܘܒܨܝܪ̈ܬܐ
168:05	ܕܠܚ̈ܡܢ ܠܐܢܫܘܬܐ܂ ܡܘ݁ܕܝܢܢ ܓܝܪ ܠܒܬܘܠܬܐ ܕܐܝܬܝܗ݀
168:06	ܝ݁ܠܕܬ ܐܠܗܐ݁ ܘܠܗ ܬܘܒ ܠܡ݂ܠܬܐ ܕܐܬ݁ܓܫܡ ܡܢ ܒܬܪ
168:07	ܕܐܬܝ݂ܠܕ ܡܢܗ݀ ܦܓܪܢܐܝܬ܂ ܡܗܝܡܢܝܢܢ ܕܐܬܟܪܟ
168:08	ܒܥܙܪ̈ܘܪܐ݁ ܝܢ݂ܩ ܚܠܒܐ܂ ܩܒ݁ܠ ܓܙܘܪܬܐ܂ ܐܬܛܥ݂ܢ ܥܠ
168:09	ܒܘܪ̈ܟܐ܂ ܐܬ݁ܪܒܝ ܒܩܘܡܬܐ܂ ܐܫܬܥܒ݁ܕ ܠܐܒ̈ܗܐ
168:10	ܟܠܗܝܢ ܒܙܢܐ ܗ݀ܘ ܕܐܬܝܠ݂ܕ܂ ܠܐ ܓܝܪ ܣܢܝܩ ܗܘ݂ܐ
168:11	ܕܢܬܬܪܣ݂ܐ݁ ܘܢܬܪܣܐ ܒܗ݀ܝ ܕܡܬܝܕܥ ܐܠܗܐ܂ ܐܠܐ
168:12	ܫܡ݁ܫ ܟܠܗ̈ܝܢ ܡܛܠ ܕܐܬܒܪܢܫ܂ ܟܕ ܛܒ ܡܫܡܠܝܐ
168:13	ܗ݂ܘ܂ ܘܓܡܝܪܐ ܒܟܝܢܗ ܘܒܩܢܘܡܗ܂ ܒܗܕܐ ܡܕܝܢ ܕܗܘ݂݂ܐ
168:14	ܒܗ݀ܝ ܐܬܪܒܝ܂ ܕܝܠܗ ܪܘܪ̈ܒܬܐ ܡܛܠ ܟܝܢܗ܂ ܘܕܝܠܗ
168:15	ܙܥܘܪ̈ܝܬܐ ܥܠ ܕܐܣܬ݁ܪܩ܂ ܕܝܠܗ ܕܐܒܐ ܡܛܠ ܕܒܪ
168:16	ܐܝܬܘܬܗ ܗ݂ܘ܂ ܘܕܝܠܢ ܕܝܠܗ ܥܠ ܕܗܘ݂݂ܐ ܐܟܘܬܢ݁ ܕܝܠܗ
168:17	ܫܒܝ̈ܚܬܐ ܥܠ ܕܡܪܐ ܗ݂ܘ ܕܬܫܒܘܚܬܐ܂ ܘܕܝܠܗ ܒܨܝܪ̈ܬܐ
168:18	ܥܠ ܕܐܬܓܠܝ ܒܒܣܪ܂ ܕܝܠܗ ܗ݀ܝ ܕܟܦ݂ܢ܂ ܘܕܝܠܗ ܗ݀ܝ
168:19	ܕܐ݁ܣܓܝ ܠܚܡܐ܂ ܟܦ݂ܢ ܘܐܘ݁ܕܥ ܕܗܘ݂݂ܐ ܐܟܘܬܢ݁ ܣܒ݁ܥ
168:20	ܠܟܦ̈ܢܐ ܘܐܘܕܥ ܕܩܝ݁ܡ ܫܘܠܛܢܐ܂ ܠܐ ܓܝܪ ܟܝܢܗ

169:01	ܐܫܬ݁ܚܠܦ ܟܕ ܗܘ݂݂ܐ܂ ܘܠܐ ܚܝܠܐ ܕܫܘܠܛܢܗ ܐܬܒ݁ܨܪ܂

169:02	ܥܡ݂ܕ ܡܢ ܝܘܚܢܢ ܒܝܘܪܕܢܢ܂ ܘܐܣܬܗ݂ܕ ܡܢ ܐܒܐ ܕܒܪܗ
169:03	ܗ݂ܘ ܚܒܝܒܐ܂ ܬܠܝܬܝܘܬܐ ܡܫܬܘܕܥ݁ܢܐ ܥܠ ܝܘܪܕܢܢ܂
169:04	ܐܒܐ ܕܩ݁ܥܐ݂܂ ܒܪܐ ܕܥ݁ܡܕ܂ ܪܘܚܐ ܕܡ݁ܚܘܐ܂ ܥܡ݂ܕ
169:05	ܒܪܐ ܐܝܟ ܒܪܢܫܐ܂ ܘܠܘ ܒܕܡܘܬܐ܂ ܡܛܠ ܕܠܘܬ ܪܘܚܐ݂
169:06	ܕܡܘ݂ܬܐ ܕܝܘܢܐ܂ ܘܠܘܬ ܐܒܐ ܐܝܟ ܕܐܢܫܘܬܐ܂ ܠܘܬ
169:07	ܕܝܢ ܒܪܐ݂ ܫܪܪܐ ܕܦܓܪܢܘܬܐ܂ ܠܗ݀ܘ ܕܚ݁ܙܝܬ ܒܡܥܡܘܕܝܬܐ
169:08	ܠܗ ܐܫܬ݁ܘܕܥܬ ܒܓܘ ܡܪܒܥܐ܂ ܘܠܗ݀ܘ ܕܐܫ݁ܟܚܬ ܒܓܘ
169:09	ܟܪܣܐ܂ ܒܗ ܡܬܒܩܐ ܐܢܐ ܕܡܬܝ݂ܚ ܥܠ ܩܝܣܐ܂ ܚܕ
169:10	ܡܢ ܬܠܝܬܝܘܬܐ ܒܓܘ ܟܪܣܐ܂ ܚܕ ܡܢ ܬܠܝܬܝܘܬܐ
169:11	ܒܡܥܡܘܕܝܬܐ܂ ܚܕ ܡܢ ܬܠܝܬܝܘܬܐ ܥܠ ܩܝܣܐ܂ ܒܚܕ
169:12	ܒܪܐ ܡܗܝܡܢܝܢܢ܂ ܘܒܚܕ ܐܒܐ ܘܒܚܕ ܪܘܚܐ܂ ܠܘ ܓܝܪ
169:13	ܐܚܪܢܐ ܗ݂ܘ ܒܪܐ ܠܒܪ ܡܢ ܗ݀ܘ ܕܡܣ݂ܬܓ݂ܕ ܒܬܠܝܬܝܘܬܐ܂
169:14	ܗܢܐ ܕܫܡ݁ܠܝ ܡܕܒܪܢܘܬܐ ܕܚܠܦܝܢ ܘܐ݁ܙܕܩ݂ܦ ܒܝܬ ܓܝ̈ܣܐ܂
169:15	ܗ݀ܘ ܓܝܪ ܕܐ݁ܣܗ݂ܕ ܥܠܘܗܝ ܐܒܐ ܟܕ ܥܡ݂ܕ܃ ܕܗ݀ܢܘ ܒܪܝ
169:16	ܚܒܝܒܝ݂܂ ܗ݀ܘܝܘ ܕܩܥ݂ܐ ܒܙܩܝܦܐ݁܂ ܕܐܒܐ ܒܐܝ̈ܕܝܟ
169:17	ܣܐ݁ܡ ܐܢܐ ܠܗ݀ ܠܪܘܚܝ܂ ܘܐܢ ܐܒܘܗܝ ܩܪܐ ܠܐܠܗܐ݂܂
169:18	ܝܕܝܥܐ ܕܒܪܗ ܗ݂ܘ܂ ܗ݀ܘ ܓܝܪ ܕܥܠ ܩܝܣܐ ܐܝܟ ܒܪܢܫܐ
169:19	ܐܬܡܬܚ܃ ܗ݀ܘܝܘ ܕܐܝܟ ܐܠܗܐ ܠܟܝ̈ܢܐ ܐܚܝ݂ܕ ܗܘ݂ܐ
169:20	ܒܪܡܙܗ܂ ܒܗ݀ܝ ܕܠܐ ܐܫܬܪܝ ܒܝܕ ܡܘܬܐ ܩܒ݁ܥܐ ܕܚܝ̈ܐ
170:01	ܕܟܝܢܗ܂ ܐܢ ܓܝܪ ܒܛܝ݂ܢ ܐܝܟ ܒܪܢܫܐ ‍{‍ܩܕܝܫܐ‍}‍‍<‍ܐܠܗܐ‍>‍ ܡܬܗ݀ܝܡܢ܃
170:02	ܐ݁ܠܨܐ ܕܐ݁ܦ ܟܕ ܚܒܝ݂ܫ ܐܝܟ ܡܝ݂ܬܐ ܒܓܘ ܫܝܘܠ܂ ܚܝ݁ܐ
170:03	ܕܡ݂ܢ ܚܝ݁ܐ ܢܬ݁ܬܘܕܐ܂ ܕܠܐ ܒܗ݀ܝ ܕܗܘ݂݂ܐ ܢܬܪܢܐ
170:04	ܕܐܫܬܚ݂݂ܠܦܬ ܐܝܬܘܬܗ݂܂ ܘܠܐ ܒܡܘܬܐ ܢܣܒ݁ܪ ܕܐ݁ܘܦܝܘ
170:05	ܚܝ̈ܐ ܕܟܝܢܐ܂ ܙܩܝܦܐ ܟܪܘܙܐ ܗ݂ܘ ܕܡܘܬܗ݂܂ ܘܕܠܐ
170:06	ܡܝܬܘܬܗ ܕܐܠܗܐ݂܂ ܒܗ݀ܝ ܕܥܕܡܐ ܠܘܬܗ ܡܢ ܫܡ݁ܥܐ