The Comprehensive Aramaic Lexicon

037:14	ܕܫܠܝ̈ܚܐ݂ ܘܒܥܘܕܪܢܐ ܕܡܪܗܘܢ܂
037:15	‍[‍13‍]‍ ܘܬܘܒ ܒܬܪ ܩܠܝܠ ܗܘ ܟܕ ܗܘ ܥܩܪܐ ܡܪܝܐ ܐܚܠܦ ܒܝܕ
037:16	ܐܚܪܢܐ݁ ܕܫܡܗ ܐܪܛܡܘܢ܃ ܘܬܘܒ ܐܦ ܗܢܐ ܒܥܘܕܪܢܐ
037:17	ܕܡܫܝܚܐ ܕܥܟ ܘܒܢܘܗܪܐ ܕܝܕܥܬܐ ܫܪܝܪܬܐ܂
038:01	‍[‍14‍]‍ ܘܒܬܪ ܙܒܢܐ ܣܓܝܐܐ܃ ܒܐܝܕܐ ܕܦܘܠܐ ܫܡܝܫܛܝܐ
038:02	ܕܢܚ ܘܐܬܐ ܠܓܠܝܢܐ ܝܘܠܦܢܐ ܕܚܒܠܐ܂ ܗܢܐ ܕܝܢ ܗ݂ܘܐ ܗܘܐ
038:03	ܐܦܣܩܦܐ݂ ܒܐܢܛܝܟܝܐ ܡܕܝܢܬܐ܂ ܘܟܕ ܣܓܝܐ̈ܐ ܠܛܥܝܘܬܐ
038:04	ܗܕܐ ܡܚܒܠܬܐ ܫܘܬܦ ܗܘܐ܃ ܒܛܢܢܐ ܕܪ̈ܝܫܢܐ ܡܗܝ̈ܡܢܐ
038:05	ܕܒܙܒܢܐ ܗ݀ܘ܃ ܝܘܠܦܢܗ ܐܬܚܪܡ ܗܘܐ܃ ܘܐܣ݂ܬܠܝ܂ ܘܡܢ
038:06	ܟܗܢܘܬܐ ܫܐܝܠܬܐ ܕܠܘܬܗ݂ ܐܫ݂ܬܪܝ܂ ܗ݂ܘ ܕܝܢ ܝܘܠܦܢܐ ܐܝܟ
038:07	ܥܩܪܐ ܩܛܘܠܐ ܕܡܛܫܝ ܒܓܘ ܐܪܥܐ܃ ܦܫ ܟܕ ܡܟܣܝ
038:08	ܒܢܦܫ̈ܬܐ ܕܣܓܝ̈ܐܐ ܡܢ ܩܢܛܐ ܕܪ̈ܝܫܢܐ܂
038:09	‍[‍15‍]‍ ܘܒܬܪ ܙܒܢܐ ܣܓܝܐܐ ܕܐܥܬܩܬ ܘܒܠܬ ܕܚܠܬܐ
038:10	ܕܥܠܝܗܘܢ܃ ܒܡܕܒܪܢܘܬܐ ܕܒܘܛܠܗ ܕܝܘܠܦܢܐ܃ ܒܐܝܕܐ
038:11	ܕܬܐܕܘܪܣ܃ ܗ݀ܘ ܕܐܝܬܘܗܝ ܫܡܗ ܘܟܬܒ̈ܘܗܝ ܠܘܬܟܘܢ܃
038:12	ܝ݂ܥܐ݂ ܘܐܬܚܙܝ ܝܘܠܦܢܐ ܡܛܫܝܐ܂ ܘܟܕ ܣܘ̈ܟܬܐ ܣܓܝܐ̈ܬܐ
038:13	ܡܢܗ ܕܗܢܐ ܥܩܪܐ ܠܟܠ ܓܒ̈ܝܢ ܦ݂ܪܣ܃ ܘܒܥܘ̈ܒܝܗܝܢ ܦܐܪ̈ܐ
038:14	ܕܝܘܠܦܢܗܘܢ ܡܛܫܝܢ ܗܘܘ܃ ܡܢ ܕܚܠܬܗ ܘܥܝܕܗ ܕܫܪܪܐ
038:15	ܕܒܣܓ̈ܝܐܐ܃ ‍{‍ܘܒܟܠܗ݀‍}‍‍<‍ܒܟܠܗ݀̇‍>‍ ܥܕܬܐ ܠܒܝܟ ܗܘܐ܂
039:01	‍[‍16‍]‍ ܚܕ ܕܝܢ ܡܢ ܣܓܝ̈ܐܐ ܕܒܗ ܒܥܩܪܐ ܡܛܥܡܝܢ ܗܘܘ܃
039:02	ܕܐܝܬܘܗܝ ܢܣܛܪܝܣ݂ ܠܐ ܐܫܟܚ ܕܢܟܣܐ ܦܐܪ̈ܘܗܝ ܡܪ̈ܝܪܐ ܒܓܘ
039:03	ܥܘܒܗ܂ ܐܠܐ ܒܪܘܚܐ ܕܛܥܝܘܬܐ ܕܢܫ݂ܒܬ ܒܣܘ̈ܟܘܗܝ܃ ܒ݂ܛܢ
039:04	ܘܝ݂ܠܕ ܣܘ̈ܟܠܐ ܗ̈ܦܟܝܐ܃ ܒܕܡܘܬ ܦܐܪ̈ܐ ܡܪ̈ܝܪܐ܂ ܘܠܪ̈ܥܝܢܐ
039:05	ܕܪܘܫܥܐ ܒܡ̈ܠܐ ܡܫܝ̈ܦܬܐ ܕܡܪܕܘܬܐ ܡ݂ܙܓ ܘܐ‍[‍ܩ‍]‍ܫܝ
039:06	ܠܣܓܝܐ̈ܐ܂ ܗ݂ܘ ܕܝܢ ܗܢܐ ܥܡ ܝܘܠܦܢܗ ܡܣܠܝܐ܃ ܓܙܪ ܕܝ݂ܢܗ
039:07	ܕܐܠܗܐ݂ ܒܐܝܕܐ ܕܪ̈ܥܘܬܐ ܚܠܝ̈ܨܐ ܢ݂ܦܩ ܥܠܘܗܝ܂ ܘܡܢ
039:08	ܟܘܪܣܝܐ ܩܕܝܫܐ ܕܚܛܝܦ ܗܘܐ ܒܥ݂ܘܠܐ݂ ܐܣܬܚܦ ܘܝܘܠܦܢܗ
039:09	ܡܣܠܝܐ ܘܢܕܝܕܐ݂ ܠܥܝܢ ܟܠܢܫ ܐܬܟܪܙ܂ ܘܒܓܙܪ ܕܝܢܐ ܕܐܚ̈ܝܕܝ
039:10	ܡܠܟܘܬܐ ܗܕܐ ܡܗܝܡܢܬܐ ܥܡ ܚܪ̈ܡܐ ܡܬܚ̈ܡܐ
039:11	ܘܟܬܝ̈ܒܐ܃ ܝܘܠܦܢܗ ܘܡܐܡܪ̈ܘܗܝ ܘܟܬܒ̈ܘܗܝ ܘܬܠܡ̈ܝܕܘܗܝ
039:12	ܐܬܟܪܙ ܘܐܬܚܪܡ݂ ܘܐܫܬܕܝܘ ܡܢ ܥܕܬܐ܂ ܟܕ ܦܘܩܕܢܐ ܓܠܝܐ
039:13	ܕܡܠܟܘܬܐ܃ ܟܬܒ̈ܘܗܝ ܠܝܩܕܢܐ ܡܫܠܡ ܗܘܐ܂ ܘܚܪܡܐ ܟܣܝܐ
039:14	ܠܚܘܫ̈ܒܐ ܕܠܓܘ ܡܬܚܡ ܗܘܐ݂ ܡܢܗ ܕܝܘܠܦܢܐ܂
039:15	‍[‍17‍]‍ ܥܡ ܫܡܐ ܕܝܢ ܘܝܘܠܦܢܐ ܕܝܠܗ ܕܢܣܛܘܪܝܣ܃ ܕܐܦܩ
039:16	ܘܐܝܬܝ ܠܓܠܝܐ ܝܘ̈ܠܦܢܐ ܡܣܬܪ̈ܐ܃ ܐܦ ܟܠܗܘܢ ܐܝܠܝܢ ܕܠܗ
040:01	ܫܠܡܝܢ ܩܕܡ̈ܝܐ ܘܐܚܪ̈ܝܐ ܡܚܪܡܝܢ ܘܫܕܝܢ ܡܢ ܥܕܬܐ܂ ܠܘ ܓܝܪ
040:02	ܡܛܠ ܒܝܫܘܬܐ ܕܕܘܒܪ̈ܐ ܐܘ ܥ̈ܠܠܬܐ ܐܚܪ̈ܢܝܬܐ܂ ܐܬܚܪܡ
040:03	ܘܐܣ݂ܬܠܝ ܥܠܬܗ ܕܗܢܐ ܝܘܠܦܢܐ܂ ܐܠܐ݂ ܡܛܘܠܬܗ
040:04	ܕܝܘܠܦܢܐ ܒܠܚܘܕ܂ ܗ݀ܘ ܓܝܪ ܕܐܥܠ ܝܘܠܦܢܐ ܥܬܝܩܐ
040:05	ܕܝܗܘܕܝܘܬܐ܃ ܕܢ݁ܦܩ ܟܪܘܙܘܬܐ ܚܕܬܐ܃ ܢ݂ܦܩ ܗ݂ܘ݂ ܘܝܘܠܦܢܗ܂
040:06	ܘܬܠܡ̈ܝܕܘܗܝ܂ ܘܪ̈ܒܢܘܗܝ ܩܕܡ̈ܝܐ܃ ܟܕ ܐܦ ܓܝܪ ܕܝ݂ܢܐ ܕܐܠܗܐ
040:07	ܕܠܘܬܗ܃ ܡܫܪܪ ܥܠ ܪܘܫܥܐ ܕܝܘܠܦܢܗ܂ ܗ݀ܘ ܓܝܪ ܕܢܬܫ ܡ̈ܠܐ
040:08	ܕܟ̈ܬܒܐ ܡܢ ܣܕܪ̈ܝܗܝܢ܃ ܘܥܠ ܐܚܪܢܐ ܘܐܚܪܢܐ ܣܡ ܐܢܝܢ܃
040:09	ܐܬܢ݁ܬܫ ܠܫܢܗ ܡܢ ܬܘ̈ܠܥܐ܃ ܠܣܘܪܕܐ ܕܚܙܝ̈ܘܗܝ܂ ܘܕܗܘܐ
040:10	ܚܘܫܒܗ ܩ݂ܢܐ ܠܝܘ̈ܠܦܢܐ ܡܚ̈ܒܠܐ ܗ݂ܘܐ ܐܦ ܡܐܢܐ
040:11	ܕܚܘܫܒܗ ܩ݂ܢܐ ܠܪܚܫܐ ܕܒܓܘܗ܂ ܘܒܬܠܬܐ ܣܗ̈ܕܝܢ ܐܝܟ
040:12	ܡܠܬܐ ܕܟܬܒܐ ܠܐܒܕܢܐ ܕܠܥܠܡ ܐܫܬܠܡ ܝܘܠܦܢܗ ܕܥܘ݁ܠܐ
040:13	ܒܚܪܡܐ ܕܪ̈ܫܢܐ܃ ܘܒܟܬܝܒ̈ܬܐ ܕܡ̈ܠܟܐ܂ ܘܒܓܙܪ ܕܝ݂ܢܐ
040:14	ܕܐܠܗܐ܂
041:01	‍[‍18‍]‍ ܡܕܝܢ ܐܣܠܘ ܐܢܬܘܢ ܥܡܢ ܠܟ̈ܬܒܐ ܕܥܘ݂ܠܐ ܥܡ
041:02	ܡܝ̈ܬܝܢܝܗܘܢ ܘܐܢ ܐܢܫ ܬܡܢ ܛ݁ܥܐ ܒܥܝܕܐ ܕܡܫܠܡܢܘܬܐ