The Comprehensive Aramaic Lexicon

032:15	ܐܝܬܝܗܘܢ ܗܘܘ܃ ܚܪܫܐ ܘܡܛܥܝܢܐ܃ ܘܫܡܪܝܐ ܘܕܝܘܢܐ
032:16	ܘܕܠܩܘܒܠܐ ܕܐܠܗܐ ܐܡܪܝܢ ܗܘܘ ܠܗ܃ ܘܕܡܒܛܠ ܘܫ݁ܪܐ
032:17	ܦܘܩ̈ܕܢܐ ܘܥܝ̈ܕܐ ܩܕܡ̈ܝܐ ܕܢܡܘܣܐ܂ ܐܚܪ̈ܢܐ ܕܝܢ ܕܐܣ݂ܬܒܪܘ
033:01	ܕܐܬܬܠܡܕܘ ܠܝܘܠܦܢܗ ܒܐܝܕܗ ܘܒܐܝܕܐ ܕܫܠܝܚ̈ܐ܃ ܠܗܕܐ
033:02	ܒܠܚܘܕ ܬܪܥܝܬܐ܃ ܡܛܘ݂ ܘܦܫܘ܃ ܕܢܣ݂ܒܪܘܢ ܥܠܘܗܝ
033:03	ܕܒܪܢܫܐ ܗܘ ܙܕܝܩܐ܃ ܕܐܬܒܛܢ ܘܐܬܝܠܕ ܕܠܐ ܙܘܘܓܐ
033:04	ܒܬܕܡܘܪܬܐ ܒܨܒܝܢܐ ܕܐܠܗܐ܃ ܘܪܡ ܘܡܥܠܝ ܡܢ ܟܠܗܘܢ
033:05	ܙܕܝ̈ܩܐ ܘܦܪ̈ܘܩܐ ܕܗ݂ܘܘ ܒܢܡܘܣܐ܂ ܐܦ ܡܢܗ ܠܡ ܕܡܘܫܐ
033:06	ܦܪܘܩܐ ܪܒܐ ܕܦ݂ܪܩ ܠܢ ܡܢ ܡܨܪܝܢ܂ ܕܗ݀ܘ݂ ܡܢ ܓܘ ܡܨܪܝܢ ܒܠܚܘܕ
033:07	ܦܪܩ݂ ܠܢ܂ ܘܗܢܐ ܡܢ ܟܘܠ ܐܬܪ̈ܘܢ ܡ݁ܟܢܫ ܠܢ܂ ܘܗܕܐ ܗܘܬ
033:08	ܡܣܒ݂ܪܢܘܬܐ ܕܐܝܬ ܗܘܐ ܠܟܘܠܗܘܢ ܝܗ̈ܘܕܝܐ ܠܘܬ ܡܫܝܚܐ܂
033:09	ܘܠܩܕܡ̈ܝܐ ܕܒܓܠܝܢܐ ܕܢܒ̈ܝܐ ܡܬܕܪܫܝܢ ܗ݂ܘܘ܂ ܘܠܐܚܪ̈ܝܐ
033:10	ܕܐܣ݂ܬܒܪ ܕܐܬܘ ܠܬܘܠܡܕܐ ܕܗܝܡܢܘܬܗ ܕܡܫܝܚܐ܂ ܠܐ ܓܝܪ
033:11	ܒܢܛܘܪ̈ܬܐ ܕܢܡܘܣܐ ܥܬܝܩܐ ܨܒ݁ܝܢ ܗܘܘ ܕܢܟܦܪܘܢ܃ ܘܠܐ
033:12	ܕܐܠܗܐ ܫܪܝܪܐ ܕܡܢ ܐܒܐ ܐܝܬܘܗܝ ܡܫܝܚܐ ܡܘܕܝܢ ܗܘܘ܂ ܚܕ
033:13	ܗܘ ܠܡ ܐܠܗܐ ܐܝܟ ܕܐܠܦ ܡܘܫܐ ܘܢܒ̈ܝܐ܂ ܕܐܠܗ ܠܒܪ
033:14	ܡܢܝ݂ ܠܐ ܬܕܥ܂ ܗܢܘ ܠܡ ܐܝܬܘܗܝ ܡܫܝܚܐ܃ ܒܪܢܫܐ ܙܕܝ݂ܩܐ
033:15	ܕܠܗ ܡܣܟܝܢ ܗܘܝܢ ܕܢܗܘܐ ܠܢ ܦܪܘܩܐ܂ ܘܟܕ ܡܘܕܝܢܢ ܒܚܕ
033:16	ܐܠܗܐ ܐܝܟ ܕܐܠܦ ܠܢ ܡܘܫܐ ܘܢܒ̈ܝܐ܃ ܡܗܝܡܢܝܢܢ ܒܗܢܐ
033:17	ܝܫܘܥ ܕܐܫܬܕܪ ܕܗܘܝܘ ܡܫܝܚܐ ܕܠܗ ܚܝܪܝܢ ܗܘܝܢ܂
034:01	‍[‍8‍]‍ ܕܠܗܢܐ ܪܥܝܢܐ ܟܪܝܗܐ ܘܢܣܝܣܐ܃ ܛܘ̈ܒܢܐ ܫܠܝ̈ܚܐ
034:02	ܥܡ ܦܘܠܘܣ ܩܕܝܫܐ܃ ܒܟܠܕܘܟ ܫܪܝܢ ܗܘܘ ܘܡܒܛܠܝܢ܂
034:03	ܛܘܒܢܐ ܕܝܢ ܦܛܪܘܣ܃ ܒܫܘܪܝܐ ܕܡܡܠܠܗ ܩܕܡܝܐ ܕܠܘܬ
034:04	ܝܗܘ̈ܕܝܐ ܐܡܪ ܗܘܐ ܕܫܪܝܪܐܝܬ ܢܕܥ ܟܠܗ ܒܝܬ ‍{‍ܐܝܣܪ̈ܐܝܠ‍}‍‍<‍ܐܝܣܪܐܝܠ‍>‍܃
034:05	ܕܗܢܐ ܝܫܘܥ ܕܚܫܝܒ ܠܟܘܢ ܒܪܢܫܐ ܘܙܩܦܬܘܢ܃ ܡܪܝܐ

034:06	ܡܫܝܚܐ݂ ܐܝܬܘܗܝ܂ ܘܟܕ ܪܕܐ ܒܗ݀ ܒܡܠܬܗ܃ ܘܡܘܕܥ ܕܠܘ ܡܢ

034:07	ܐܚܪܢܐ ܩܒ݁ܠ ܛܒܬ̈ܐ ܘܝܗ݀ܒ ܠܓܢܣܐ ܕܥܒܝ̈ܕܐ܂ ܘܠܘ ܡܢ
034:08	ܐܚܪܢܐ ܐܬܩܝܡ ܕܢܗܘܐ ܡܦܪܣܢܐ ܕܚ̈ܝܐ ܫܪ̈ܝܪܐ܃ ܐܠܐ
034:09	ܒܩܢܝܢܐ ܕܡܪܘܬܗ ܡܬܚܫܚ ܘܝܗ݀ܒ ܚ̈ܝܐ ܘܚܐܪܘܬܐ
034:10	ܠܡܫ̈ܥܒܕܐ ܒܛܝܒܘܬܗ܃ ܐܡ݂ܪ ܠܗܘܢ܃ ܬܘܒܘ݂ ܘܥܡܕܘ ܐܢܫ
034:11	ܐܢܫ ܡܢܟܘܢ܃ ܠܫܡܗ ܕܡܪܢ ܝܫܘܥ ܠܫܘܒܩܢ ܚܛܗ̈ܐ܂
034:12	ܒܫܡܗ ܠܡ ܕܗ݀ܘ ܕܐܝܬܘܗܝ ܒܫܪܪܐ ܘܒܟܝܢܐ ܒܪ ܚܐܪ̈ܐ܃
034:13	ܬܘܒܘ ܘܗܝܡܢܘ܂ ܘܩ݁ܠܘ ܚܐܪܘܬܐ ܡܢ ܡܥܡܘܕܝܬܐ܂ ܠܡܢܐ
034:14	ܒܪܢܫܐ ܩ݁ܪܝܢ ܐܢܬܘܢ ܠܗ ܠܝܫܘܥ܃ ܕܫܡܗ ܗܠܝܢ ܬܗܝܪ̈ܬܐ
034:15	ܣ݁ܥܪ ܕܒܥܝ̈ܢܝܟܘܢ ܚ݁ܙܝܢ ܐܢܬܘܢ܃ ܕܡܫܪܝܐ ܒܪ ܐܪ̈ܒܥܝܢ
034:16	ܫ̈ܢܝܢ ܐ‍{‍ܛ‍}‍‍<‍ܚ‍>‍ܠܡ܂ ܘܚ̈ܝܐ ܘܚܐܪܘܬܐ ܡܢ ܓܘ ܡ̈ܝܐ ܝܗ݀ܒ ܠܥܡ̈ܝܕܐ܂
034:17	ܐܠܘ ܓܝܪ ܒܪܢܫܐ ܗܘܐ ܐܝܟ ܕܠܟܘܢ ܡܣ݂ܬܒܪܐ܃ ‍{‍ܕܛܒܝܢ‍}‍‍<‍ܕܛܥܝܢ‍>‍
035:01	ܐܢܬܘܢ ܒܚ݂ܙܬܐ ܕܕܡ݂ܘܬܐ ܕܥ݂ܒܕܐ ܕܡ݂ܥܛܦ܂ ܠܐ ܡܫܟܚ
035:02	ܗܘܐ ܟܘܢܝܐ ܕܐܢܫܐ ܕܢܫܪܪ ܗ̈ܕܡܝ ܦܓܪܐ ܘܢܕܟܐ ܘܢܚܐ
035:03	ܘܢܚܕܬ ܘܢܚܠܡ ܘܢܟܬܘܒ ܢܦܫܐ ܒܣܝܡܬ ܒܢܝܐ ܡܢ
035:04	ܡܥܡܘܕܝܬܐ܂ ܡܕܝܢ ܚܠܦ ܕܛܥܝܢ ܐܢܬܘܢ ܒܕܡܘܬܗ
035:05	ܡܣܟܢܘܬܐ܃ ܐܬܒܩܘ ܒܥ݁ܒ̈ܕܘܗܝ܃ ܘܐܫܬܘܕܥܘ ܡܢܗܘܢ
035:06	ܕܐܠܗܐ ܗܘ܂ ܗܠܝܢ ܛܘܒܢܐ ܦܛܪܘܣ ܠܝܗ̈ܘܕܐ ܒܫܘܪܝ ܡܠܘ̈ܗܝ܃
035:07	ܒܚܙܬܐ ܩܪܝܒܬܐ ܕܥ݁ܒ̈ܕܐ ܐܣܪܚ ܗܘܐ܃ ܕܢܐܠܦܝܘܗܝ
035:08	ܠܡܫܝܚܐ ܝܫܘܥ ܕܙܩܦܘ ܒܛܥܝܘܬܗܘܢ܃ ܐܠܗܐ ܫܪܝܪܐ
035:09	ܘܒܪܐ ܟܝܢܝܐ ܕܐܒܐ܃ ܘܡܠܬܐ ܕܩܕܡ ܙܒ̈ܢܐ ܘܥܠܡ̈ܐ ܕܢ݂ܚ ܡܢ
035:10	ܥܘܒܐ ܕܐܝܬܘܬܐ܂
035:11	‍[‍9‍]‍ ܘܬܘܒ ܒܕܘܟܬܐ ܐܚܪܬܐ ܟܕ ܥܡ ܥܡ̈ܡܐ ܒܒܝܬܗ
035:12	ܕܩܘܪܢܠܝܘܣ ܡܗܝܡܢܐ ܡܡܠܠ ܗܘܐ܃ ܠܘܩܒܠ ܗܕܐ ܬܪܥܝܬܐ
035:13	ܐܣܪܚ ܝܘܠܦܢܐ ܓܡܝܪܐ݂ ܟܕ ܐܡ݁ܪ ܕܡܠܬܐ ܕܫ݂ܕܪ ܠܒ̈ܢܝ
035:14	ܐܝܣܪܝܠ܃ ܘܣܒ݁ܪ ܐܢܘܢ ܫܠܡܐ ܘܫܝܢܐ ܒܝܕ ܝܫܘܥ