← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63550: PhiloxGaugal.2 (Philoxenus' Second Letter to the Monks of Beth-Gaugal)

Click on a word for lexical analysis
Click on a red-colored coordinate for comments and/or translations of the line

▲ earlier lines

047:13 ܗ݂ܘ ܐܬܝܠܕ ܒܬܕܡܘܪܬܐ ܠܫܘܪܪܐ ܕܣܘܪܩܗ܂ ܡܢܗ ܓܝܪ ܕܝܠܗ
047:14 ܝ݁ܠܦ ܐܢܬ ܣܘܪܩܗ܃ ܘܡܢ ܣܘܪܩܗ݂ ܨܒܝܢܐ ܕܚܘܒܗ܂ ܘܒܬܪ ܗ݀ܝ
047:15 ܕܐܣ݁ܬܪܩ ܐܬܝܐ݂ ܐܦ ܗ݀ܝ ܕܐܬܥܠܝ ܐܬܪܡܪܡ ܠܫܘܒܚܐ
047:16 ܩܕܡܝܐ ܕܟܝܢܗ܃ ܕܡܚܦܝ ܗܘܐ ܒܣܘܪܩܗ܂ ܘܐܢ ܐܢܫ
048:01 ܡܗ݂ܦܟ ܗ݀ܝ ܕܐܣ݁ܬܪܩ ܕܐܚܪܢܐ ܗܝ܃ ܘܗ݀ܝ ܕܐܬܥܠܝ ܕܐܚܪܢܐ܃
048:02 ܡܢܗ ܕܩܪܝܢܐ ܕܫܠܝܚܐ ܢܐܠܦ܃ ܕܟܠܗܝܢ ܥܠ ܚܕ ‍{‍ܡܟܬ̈ܒܢ‍}‍‍<‍ܡܬܟ̈ܬܒܢ̇‍>‍܃
048:03 ܕܐܣ݁ܬܪܩ ܘܠ݂ܒܫ ܦܓܪܐ ܘܗ݂ܘܐ ܒܪ ܐܢܫܐ܃ ܘܐܫ݂ܬܡܥ݂ ܥܕܡܐ
048:04 ܠܡܘܬܐ ܘܩܡ ܒܦܓܪ ܘܐܬܥܠܝ ܠܫܡܝܐ܂ ܐܢ ܕܝܢ ܠܐ ܗ݂ܘܐ
048:05 ܐܠܗܐ ܒܪ ܐܢܫܐ ܐܝܟ ܕܟܬܝܒ ܡܕܝܢ ܐܦܠܐ ܗ݀ܝ ܕܐܣܬܪܩ
048:06 ܫܪܝܪܐ ܠܡܢܐ ܓܝܪ ܡܣ݁ܬܪܩ ܗܘܐ܃ ܐܠܐ ܠܗ݀ܝ ܕܢܗܘܐ
048:07 ܒܪܢܫܐ܂ ܡܕܝܢ ܫܪܝܪܐ ܗܝ ܗ݀ܝ ܕܐܡܪܢܢ ܕܨܒ݂ܐ ܘܗ݂ܘܐ ܒܪܢܫܐ
048:08 ܒܪܙܐ ܕܡܘܠܕܗ܂ ܘܣܘܪܩܐ ܕܨܒܝܢܗ ܡܢ ܩܛܝܪܐ ܕܟܝܢܗ݂ ܠܐ
048:09 ܐܬܟܠܝ܂
048:10 ‍[‍25‍]‍ ܗܟܢܐ ܕܐܦ ܒܕܘܟܬܐ ܐܚܪܬܐ܃ ܗ݂ܘ ܟܕ ܗ݂ܘ܂ ܫܠܝܚܐ
048:11 ܡܟܬܒ ܠܢ܂ ܕܫܕܪ ܐܠܗܐ ܠܒܪܗ ܒܕܡܘܬܐ ܕܒܣܪܐ ܕܚܛܝܬܐ
048:12 ܡܛܠܬܗ݀ ܕܚܛܝܬܐ݂ ܕܢܚܝ݁ܒܝܗ݀ ܠܚܛܝܬܐ݂ ܒܒܣܪܗ܂ ܐܫܬܕܪ
048:13 ܗܟܝܠ ܒܪܐ ܐܠܗܐ ܡܠܬܐ݂ ܒܕܡܘܬܐ ܕܒܣܪܐ ܕܚܛܝܬܐ܂ ܘܡܢ
048:14 ܕܫܩܠܗ ܠܒܣܪܐ ܕܚܛܝܬܐ ܘܥܒܕܗ ܕܝܠܗ܃ ܟܢ ܥ݂ܛܦ
048:15 ܘܒܒܣܪܐ ܕܩܢܘܡܗ܃ ܒܝܕ ܚܫܐ ܘܡܘܬܐ ܒܛܠܗ ܠܚܛܝܬܐ܂
048:16 ܠܘ ܓܝܪ ܦܓܪܐ ܚܛܝܐ ܠܒܝܫ ܗܘܐ ܗܘ ܡܠܬܐ ܚܣ܂ ܐܠܐ ܦܓܪܐ
049:01 ܕܟܝܐ ܘܩܕܝܫܐ ‍[‍ܕܡܢ‍]‍ ܟܝܢܐ ܚܛܝܐ ܕܥܒ̈ܝܕܐ ܗ݀ܘ
049:02 ܕܒܡܬܓܫܡܢܘܬܐ ܕܩܢܘܡܗ݂ ܕܝܠܗ ܥܒܕܗ܂ ܘܒܚ̈ܝܐ
049:03 ܘܙܕܝܩܘܬܐ ܕܟܝܢܗ ܨܒܥܗ ܠܦܓܪܗ܂ ܘܡܢ ܕܥܒܕܗ ܕܝܠܗ
049:04 ܒܚܕܝܘܬܐ ܕܚܕ ܩܢܘܡܐ܃ ܦ݂ܢܐ݂ ܘܒܦܓܪܐ ܕܝܠܗ ܚܝܒܗ݀
049:05 ܠܚܛܝܬܐ܃ ܕܥܠ ܦܓܪܐ ܕܐܢܫܘܬܐ ܡܡܠܟܐ ܗܘܬ܂ ܫܠܝܚܐ
049:06 ܓܝܪ ܩܕܝܫܐ܃ ܬܪ̈ܬܝܗܝܢ ܐܟܬܒ܂ ܕܕܝܠܢ݂ ܘܕܝܠܗ ܐܝܬܘܗܝ ܦܓܪܗ
049:07 ܕܡܠܬܐ܂ ܕܝܠܢ ܒܗ݀ܝ ܕܫܕܪ ܐܠܗܐ ܠܒܪܗ ܒܕܡܘܬܐ ܕܒܣܪܐ
049:08 ܕܚܛܝܬܐ܂ ܘܕܝܠܗ ܒܗ݀ܝ ܕܚܝܒܗ݀ ܠܚܛܝܬܐ ܒܒܣܪܗ܂ ܐܠܘ ܠܐ
049:09 ܗܘܐ ܒܣܪܐ ܕܝܠܗ ܕܢܚܝܒܝܗ݀ ܠܚܛܝܬܐ ܠܐ ܡܨ݂ܐ ܗܘܐ܂ ܘܐܠܘ
049:10 ܠܐ ܕܡܢܢ ܢܣܒ݂ܗ܃ ܚܢܢ ܕܢܩܢܐ ܙܕܝܩܘܬܐ݂ ܠܐ ܡܫܟܚܝܢ ܗܘܝܢ܂
049:11 ‍[‍26‍]‍ ܕܝܠܗ ܗܘ ܗܟܝܠ ܦܓܪܐ ܕܡܠܬܐ݂ ܘܠܘ ܕܐܚܪܢܐ܂ ܠܘ ܓܝܪ
049:12 ܒܪܢܫܐ ܕܡܬܝܕܥ ܒܩܢܘܡܐ ܕܢܦܫܗ ܐܬܝܠܕ ܡܢ ܒܬܘܠܬܐ
049:13 ܘܢܩܦ ܠܐܠܗܐ܃ ܕܢܬܐܡܪ ܦܓܪܐ ܕܗ݀ܘ ܒܪܢܫܐ ܕܢܩܦ
049:14 ܠܐܠܗܐ ܐܝܟ ܕܐܡܪܝܢ ܫܛܘܪ̈ܐ܂ ܐܠܐ ܡܠܬܐ ܒܦܓܪ ܐܬܝܠܕ ܡܢ
049:15 ܒܬܘܠܬܐ ܘܒܒܣܪܗ ܚܝܒܗ݀ ܠܚܛܝܬܐ ܐܝܟ ܕܟ݂ܬܒ ܬܘܒ
049:16 ܫܠܝܚܐ܃ ܕܫܕܪ ܐܠܗܐ ܠܒܪܗ݂ ܘܗܘܐ ܡܢ ܐܢܬܬܐ܃ ܘܗܘܐ
050:01 ܬܚܝܬ ܢܡܘܣܐ܂ ‍[‍݁݁݁‍]‍ ܐܬܢܚܬ ‍[‍݁݁݁‍]‍ ܕܐܢܘܢ ܢܙܒܢ ‍[‍݁݁݁‍]‍
050:02 ܢܗܘܐ ܒܪ‍[‍݁݁݁‍]‍ ܡܢ ܐܢܬ‍[‍݁݁݁‍]‍ ܕܗ݂ܘܐ ‍[‍݁݁݁‍]‍ ܘܐܬܝܠܕ ܡܢ
050:03 ܒܬܘܠܬܐ܃ ܘܬܘܒ ܡܛܠܬܟܘܢ ܐܬܡܣܟܢ ܥܬܝܪܐ ܕܐܢܬܘܢ
050:04 ܒܡܣܟܢܘܬܗ ܬܥܬܪܘܢ܂ ܘܬܘܒ ܡܠܬܐ ܒܣܪܐ ܗ݂ܘܐ݂ ܘܐܓܢ
050:05 ܒܢ܂ ܘܬܘܒ ܠܐ ܗܘܐ ܡܢ ܡܠܐ̈ܟܐ ܢܣܒ ܐܠܐ ܡܢ ܙܪܥܗ
050:06 ܕܐܒܪܗܡ ܢܣܒ܃ ܚܙ݁ܝܬ ܐܝܟܢܐ ܟܬ̈ܒܐ ܒܟܠܕܘܟ܃ ܕܐܠܗܐ
050:07 ܗ݂ܘܐ ܒܪܢܫܐ ܡܠܦܝܢ܂ ܘܠܘ ܕܒܪܢܫܐ ܐܬܥܠܝ ܠܐܝܩܪܐ ܕܐܠܗܐ܂
050:08 ‍[‍27‍]‍ ܘܟܒܪ ܐ݁ܡܪܝܢ܂ ܡܕܝܢ ܠܐ ܐܬܝܩܪ ܟܝܢܢ܃ ܐܬܝܩܪ ܟܝܢܢ
050:09 ܒܐܠܗܐ݂ ܒܡܬܓܫܡܢܘܬܗ ܕܚܠܦܝܢ܂ ܠܘ ܕܒܪܢܫܐ ܡܢ ܟܝܢܢ
050:10 ܐܬܦܪܫ ܕܢܗܘܐ ܐܠܗܐ ܒܛܝܒܘܬܐ܂ ܘܐܠܐ ܡܕܝܢ ܐܝܟ
050:11 ܕܐܡ݁ܪܬ܃ ܬܪ̈ܝܢ ܐܠܗ̈ܐ ܡܬܝܕܥܝܢ܂ ܚܕ ܕܟܝܢܐ݂ ܘܐܚܪܢܐ
050:12 ܕܛܝܒܘܬܐ܂ ܘܬܪ̈ܝܢ ܒܢ̈ܝܐ ܚܕ ܕܟܝܢܐ ܕܐܬܝܠܕ ܡܢ ܐܒܐ܃
050:13 ܘܐܚܪܢܐ ܕܛܝܒܘܬܐ ܡܢ ܒܬܘܠܬܐ܂ ܐܠܐ ‍[‍ܗ݀ܝ‍]‍ ܕܡܘܕܝܢ ܚܢܢ
050:14 ܕܐܠܗܐ ܐܬܓܫܡ ܘܗ݂ܘܐ ܒܪ ܐܢܫܐ܃ ܐܬܝܐ ܒܬܪܗ݀ ܕܟܝܢܢ
050:15 ܐܬܝܩܪ ܒܐܠܗܢ܂ ܕܒܗ ܘܡܢܗ ܐܬܓܫܡ܃ ܠܘ ܕܒܪܢܫܐ

▼ later lines