The Comprehensive Aramaic Lexicon

068:06	ܦܘܫܩܐ ܕܬܪ̈ܬܝܗܝܢ܂ ܢܓܠܐ ܒܡܠܬܢ ܒܙܥܘܪ̈ܝܬܐ܃ ܛܘ̈ܒܐ
068:07	ܕܩܢܘܡܗ ܕܡܠܬܐ܃ ܘܡܢ ܗܕܐ ܡܬܝܕܥܐ ܕܠܐ ܡܬܦܫܩܐ ܗ݀ܝ
068:08	ܕܐܓܢ܂ ܗܢܐ ܓܝܪ ܡܠܬܐ ܕܟܬܝܒ ܕܗ݂ܘܐ ܒܣܪܐ ܡܢ ܒܬܘܠܬܐ
068:09	ܘܐܓܢ ܒܢ܃ ܒܠܐ ܣܘܝܟܐ ܕܟܝܢܗ܃ ܒܟܘܠ ܕܘܟ ܡܬܗܝܡܢ
068:10	ܕܐܝܬܘܗܝ܂ ܐܝܬܘܗܝ ܒܐܒܐ݂ ܟܝܢܐܝܬ܂ ܡܬܝܕܥ ܠܒܪ ܡܢܗ݂
068:11	ܩܢܘܡܐܝܬ܂ ܡܬ݂ܡܢܐ ܥܡ ܪܘܚܐ݂ ܬܠܝܬܐܝܬ܂ ܫܪܐ ܒܟܠܕܘܟ݂
068:12	ܕܠܐ ܣܘܝܟܐ܂ ܥ݁ܡܪ ܒܟܘܠ ܟܝ̈ܢܝܢ݂ ܕܠܐ ܦܣܩܐ܂ ܒܫܡܝܐ ܗܘ
068:13	ܟܠܗ݂ ܟܕ ܠܐ ܡܣܬܝܟ܂ ܒܐܪܥܐ ܗܘ ܟܠܗ݂ ܟܕ ܠܐ ܡܬܬ݁ܚܡ܂
068:14	ܒܐܒܐ ܗܘ ܟܠܗ݂ ܟܕ ܠܐ ܡܬܦܠܓ܂ ܒܟܠܕܘܟ ܐܝܬܘܗܝ ܟܕ ܠܐ
068:15	ܡܬܦܪܫ ܠܡܢܘ̈ܬܐ܂ ܡܠ݂ܝܢ ܡܢܗ ܟܝ̈ܢܐ ܘܒܪ̈ܝܬܐ܃ ܟܕ ܠܐ
069:01	ܡܬܦ݂ܣܩ ܘܡ݁ܬܦܠܓ ܥܡ ܩܢܘ̈ܡܝܗܘܢ܂ ܒܗ ܡܗܠܟܝܢܢ
069:02	ܘܡܬܬܙܝܥܝܢܢ ܘܐܝܬܝܢ܂ ܐܝܟ ܕܐ݂ܡܪ ܦܘܠܘܣ܂ ܡܗܠܟܝܢܢ ܒܗ
069:03	ܘܠܐ ܣܕܩܝܢܢ ܠܗ܂ ܐܝܬܘܗܝ ܠܬܚܬ ܡܢܢ݂ ܘܠܐ ܕܫܝܢܢ ܠܗ܂ ܐܝܬܘܗܝ
069:04	ܠܥܠ ܡܢܢ݂ ܘܠܐ ܚ݁ܙܝܢܢ ܠܗ܂ ܩܪܝܒ ܠܢ ܘܠܐ ܓܫܦܝܢܢ ܒܗ܂ ܡܚܐ ܠܢ
069:05	ܗܘ ܒܗ݂ ܘܠܐ ܡܪܓܫܝܢܢ ܒܗ܂ ܡܠ݂ܝܢ ܡܢܗ ܟܝ̈ܢܐ݂ ܘܠܐ ܡܬܚܠܛ
069:06	ܒܗܘܢ܂ ܚܠܝܛ ܥܡ ܐܣܛܘ̈ܟܣܐ݂ ܘܠܐ ܡܬ݂ܡܙܓ ܒܗܘܢ܂
069:07	ܥ݂ܒܕ ܥܠܡܐ ܗ݂ܘ ܒܗ݂ ܘܠܐ ܝܕܥܝܢܢ ܕܐܝܟܢܐ܂ ܟܠܗ ܠܒܪ ܡܢ
069:08	ܥܠܡܐ݂ ܘܟܘܠܗ ܒܓܘ ܥܠܡܐ܂ ܩܕܡ ܕܢܒܪܐ ܒܪܝܬܐ ܒܟܠ ܕܘܟ
069:09	ܐܝܬܘܗܝ ܗܘܐ ܟܝܢܗ܂ ܒ݂ܪܐ ܒܪܝܬܐ ܗ݂ܘ ܒܗ݂ ܘܠܐ ܡܫܟܚܝܢ ܚܢܢ
069:10	ܕܢܦܫܩ܂ ܐܬܝܠܕ ܡܢ ܐܒܐ݂ ܘܐܝܬܘܗܝ ܒܐܒܐ܂ ܐܝܬܘܗܝ ܒܗ
069:11	ܘܐܝܬܘܗܝ ܠܒܪ ܡܢܗ܂ ܘܐܢ ܬܐܡܪ ܕܡܬܝܕܥ ܠܒܪ ܡܢ ܐܒܐ܃
069:12	ܗܐ ܦܪܫܬܝܗܝ ܡܢ ܐܒܐ܂ ܘܐܢ ܬܘܕܐ ܕܒܐܒܐ ܐܝܬܘܗܝ܃ ܗܐ
069:13	ܒܛܠܬܝܗܝ ܠܡܘܠܕܐ܂
069:14	‍[‍50‍]‍ ܦܫܩ ܩܕܡܐ ܟܣ̈ܝܬܗ ‍{‍ܕܟܝܢܐ‍}‍‍<‍ܕܟܝܢܗ‍>‍܃ ܘܟܢ ܡܚܬ ܠܒܨܝܪ̈ܬܐ
069:15	ܕܡܕܒܪܢܘܬܗ܂ ܒܗܠܝܢ ܥܠܝ̈ܬܐ ܕܬܢܝܢܢ܃ ܗܘ ܟܕ ܗܘ ܡܬܒܕܩ݂

070:01	ܐܦ ܒܬܚ̈ܬܝܬܐ ܕܣܘܪܩܗ܂ ܗ݂ܘ ܓܝܪ ܕܐܝܬܘܗܝ ܠܥܠ ܠܐ

070:02	ܡܬܕܪܟܢܐ܃ ܗ݂ܘ ܟܕ ܗ݂ܘ ܐܦ ܠܬܚܬ ܠܐ ܡܬܦܫܩܢܐ܂ ܡܢܐ
070:03	ܐ݁ܡܪ ܐܢܬ ܥܠ ܛܘ̈ܒܐ ܕܟܝܢܗ܂ ܡܘܕܐ ܐܢܬ ܕܐܝܬܘܗܝ
070:04	ܒܫܡܝܐ ܟܠܗ ܟܕ ܠܐ ܡܣܬܝܟ܃ ܘܒܐܪܥܐ ܟܠܗ ܟܕ ܠܐ
070:05	‍{‍ܡܬ݂ܚܡ‍}‍‍<‍ܡܬܬ݁ܚܡ̇‍>‍ ‍{‍ܬܚܝܬ‍}‍‍<‍ܬܢܝܬ‍>‍ ܡܠܬܐ ܕܫܪܝܐ ܠܚܒܪܬܗ݀܃ ܘܡܗܝܡܢ
070:06	ܐܢܬ܃ ܐܝܟܢܐ ܐܢ ܐܝܬܘܗܝ ܟܠܗ ܒܫܡܝܐ ܠܐ ܐܣܬܝܟ܂ ܗ݀ܝ
070:07	ܕܟܠܗ ܠܗ݀ܝ ܕܠܐ ܐܣܬܝܟ݂ ܕܠܩܘܒܠܐ ܗܝ܂ ܐܢ ܟܘܠܗ ܗܘ݂ ܐܦ
070:08	ܐܣܬܝܟ ܠܗ܂ ܘܐܢ ܠܐ ܐܣܬܝܟ܃ ܠܐ ܐܝܬܘܗܝ ܟܘܠܗ ܐܝܟ
070:09	ܕܐ݁ܡܪ ܐܢܬ܂ ܗܟܢܐ ܡܘܕܝܬ ܠܟܝܢܐ ܕܐܝܬܘܬܐ܃ ܥܡ ܩܢܘ̈ܡܐ
070:10	ܕܒܟܠܕܘܟ ܐܝܬܝܗܘܢ܃ ܐܪܐ݂ ܐܝܢܐ ܡܢܗܘܢ ܡܬܝܕܥ
070:11	ܕܐܝܬܘܗܝ ܒܟܠܕܘܟ ܟܝܢܐ݂ ܐܘ ܩܢ̈ܘܡܐ܂ ܐܢ ܟܝܢܐ ܐܝܬܘܗܝ
070:12	ܘܩܢܘ̈ܡܐ ܠܐ܃ ܡܕܝܢ ܩܢܘ̈ܡܐ݂ ܐܣܬܝܟܘ ܠܗܘܢ ܡܢ ܚ̈ܕܕܐ܂
070:13	ܐܢ ܓܝܪ ܟܘܠ ܚܕ ܡܢܗܘܢ ܐܝܬܘܗܝ ܒܟܠܕܘܟ܃ ܡܕܝܢ
070:14	ܒܚ̈ܕܕܐ ܐܫܝܕܝܢ ܘܚ̈ܒܝܟܝܢ ܐܠܐ ܟܕ ܠܐ ܨ݁ܒܐ ܐܢܬ ܡܘܕܐ
070:15	ܐܢܬ ܬܪ̈ܬܝܗܝܢ܃ ܟܕ ܠܐ ‍{‍ܡܬܪܟܢ‍}‍‍<‍ܡܬܕܪ̈ܟܢ‍>‍܂
071:01	‍[‍51‍]‍ ܐܝܟܢܐ ܡܕܝܢ ܗܘ ܕܒܟܠ ܕܘܟ ܐܝܬܘܗܝ ܘܠܐ ܥܪܝܢ ܠܗ
071:02	ܫܡܝܐ܃ ܘܠܐ ܡܬ݁‍{‍ܡܚ‍}‍‍<‍ܚܡ‍>‍ܐ ܠܗ ܐܪܥܐ܃ ܘܠܐ ܚܒܫܝܢ ܠܗ
071:03	ܟܝ̈ܢܐ܃ ܘܠܐ ܚܡܠܝܢ ܠܗ ܐܣܛܘ̈ܟܣܐ܃ ܘܠܐ ܡܣܝܟܝܢ ܠܗ
071:04	ܓܘܫ̈ܡܐ ܘܒܪ̈ܝܬܐ܃ ܘܠܐ ܡܬܦ݂ܪܫ ܡܢ ܐܒܐ܃ ܘܠܐ ܡܣ݂ܬܕܩ
071:05	ܡܢ ܪܘܚܐ܃ ܐ݂ܬܐ ܫ݂ܪܐ ܘܥ݂ܡܪ ܒܓܘ ܦܓܪܐ ܙܥܘܪܐ܂ ܐܝܟܢܐ݁
071:06	ܘܒܐܝܢܐ ܐܣܟܝܡܐ܂ ܘܒ݁ܐܝܢܐ ܦܘܪܣܐ݁ ܘܒܐܝܕܐ ܕܡܘܬܐ܂
071:07	ܘܒܐܝܕܐ ܬܚܘܝܬܐ ܦܫܩ ܘܚܘܐ ܠܢ܂ ܚܙܝܬ ܕܗ݀ܝ ܕܐܣ݂ܬܒܪܬ
071:08	ܕܦܘܫܩܐ ܗ݂ܝ ܥܛܠܘܬܐ ܡܠ݂ܝܐ܂ ܘܡ̈ܠܐ ܕܥܝܕܐ ܬܢܐ ܐܢܬ܃
071:09	ܘܠܘ ܦܘܫܩܐ ܕܫܪܪܐ܂ ܗܘܐ ܘܐܓܢ݂ ܐܝܟܢܐ ܕܟܬܝܒ܂ ܕܐܝܟܢܐ
071:10	ܘܒܐܝܢܐ ܐܣܟܡܐ ܠܐ ܦܫܩ ܠܢ ܝܘܚܢܢ܂ ܠܐ ܡܕܝܢ ܬܗܘܐ ܐܢܬ
071:11	ܦܪܩܠܛܐ ܚܕܬܐ܃ ܘܬܓܠܐ ܐܝܠܝܢ ܕܐܬܟܣܝ ܡܢ ܪܘܚܐ܂