The Comprehensive Aramaic Lexicon

065:03	ܩܢܘܡܐ܃ ܡܬܩܪܐ ܐܒܐ ܘܐܠܗܐ܂ ܘܥܒܘܕܐ ܘܐܝܬܝܐ܂ ܘܠܐ
065:04	ܥ݁ܒܕ ܫܘܚܠܦܐ ܕܫܡ̈ܗܐ ܦܘܪܫܢܐ ܕܩܢܘ̈ܡܐ܃ ܗܟܢܐ ܐܦ
065:05	ܟܘܢܝ̈ܘܗܝ ܕܒܪܐ܃ ܟܠܗܘܢ ܕܚܕ ܩܢܘܡܐ ܡܬܝܕܥܝܢ܂
065:06	‍[‍44‍]‍ ܗ݀ܘ ܓܝܪ ܕܐ݁ܡܪ ܕܐܚܪܢܐ ܗܘ ܡܠܬܐ ܕܢ݂ܣܒ ܘܐܚܪܢܐ
065:07	ܝܫܘܥ ܕܐܢܣܒ܂ ܘܐܚܪܢܐ ܐܠܗܐ ܕܐܩܦ ܘܐܚܪܢܐ ܡܫܝܚܐ
065:08	ܕܢܩܦ ܠܗ܃ ܬܪ̈ܝܢ ܒܢ̈ܝܢ ܥܒܕ ܓܠܝܐܝܬ܂ ܚܕ ܕܟܝܢܐ݂ ܘܐܚܪܢܐ
065:09	ܕܛܝܒܘܬܐ܂ ܕܗ݂ܝ ܗܕܐ ܬܪܥܝܬܐ ܕܚܒܠܐ܃ ܒܟܬܒ̈ܘܗܝ
065:10	ܕܬܐܕܘܪܘܣ ܕܡܡܦܣܝܣܛܐ ܣܝ݂ܡܐ݂ ܓܠܝܐܝܬ ܘܡܢܗ ܣܓܝ̈ܐܐ
065:11	ܪ̈ܥܝܢܐ ܦܠܝ̈ܓܐ ܕܗܝܡܢܘܬܐ܃ ܩ݁ܒܠܘ݂ ܘܐܛܥܝܘ ܠܐܚܪ̈ܢܐ܃
065:12	ܝܬܝܪܐܝܬ ܕܝܢ ܒܦܢܝܬܐ ܗ݀ܝ ܐܫܟܚ ܝܘܠܦܢܐ ܗܢܐ ܢܦܫ̈ܬܐ
065:13	ܕܣܦܝܩܢ ܡܢ ܒܘܝܢܐ ܘܐܝܟ ܕܠܡܐ̈ܢܐ ܣ̈ܦܝܩܐ܃ ܢܣܟ ܗܘܐ
065:14	ܐܢܝܢ ܬܛܪܐ ܒܝܫܐ ܕܛܥܝܘܬܐ܂ ‍[‍ܚܠܨ‍]‍ ܓܝܪ ܫ݂ܩܠ ܡܢ ܢܦܫܐ
065:15	ܙܘ̈ܥܐ ܪ̈ܘܚܢܐ ܕܗܝܡܢܘܬܐ ܬܪܝܨܬܐ܃ ܘܡܢ ܦܓܪܐ ܚܠܝܨܘܬܐ
065:16	ܕܥܡ̈ܠܐ ܘܬܩܢܘܬܐ ܕܕܘܒܪ̈ܐ܂ ܘܗܐ ܪ̈ܘܝܢ ܪ̈ܘܝܐ ܒܛܘܥܝܝ
066:01	ܡܘܒܕܢܝܬܐ݂ ܐܝܟ ܕܒܚܡܪܐ ܣܓܝܐܐ ܘ‍[‍ܕܠܐ‍]‍ ܒܗܬܬܐ
066:02	ܡܫܬܢܝܢ ܒܒܝܫܘܬܗܘܢ܂ ܡܐ ܓܝܪ ܕܗܝܡܢܘܬܐ ܚܙܬܐ
066:03	ܕܒܐܠܗܐ ܡܫܬܩܠܐ ܡܢ ܢܦܫܐ݂ ܐܝܟ ܐܝܠܝܢ ܕܡܢ ܐܢܫܐ ܠܐ
066:04	‍[‍ܡܬܚܙܝܢ‍]‍ ܣܥܪܝܢ ܒܝܫܬܐ ܒܓܠܝܐ ܘܒܟܣܝܐ܀
066:05	‍[‍45‍]‍ ܚܕ ܗܘ ܓܝܪ ܡܫܝܚܐ ܝܚܝܕܝܐ ܐܠܗܐ ܡܠܬܐ܂ ܘܠܘ
066:06	ܡܛܘܠ ܕܣܝܡܢ ܫܝ̈ܛܬܐ ܒܟܬ̈ܒܐ ܥܠ ܩܢܘܡܗ ܕܡܫܝܚܐ܃
066:07	ܡܕܓܠܝܢ ܠܗ ܕܠܘ ܗܘܝܘ ܐܠܗܐ ܡܠܬܐ܂ ܐܠܐ ܟܕ ܡܟܪܙܝܢ ܚܢܢ
066:08	ܕܗܘܝܘ ܐܠܗܐ ܫܪܝܪܐ܃ ܘܒܪܐ ܟܝܢܝܐ ܕܡܢ ܐܒܐ ܕܟܝܢܐ܃
066:09	ܡܗܝܡܢܝܢܢ݂ ܕܐܦ ܒܪܢܫܐ ܗ݂ܘܐ ܒܚ݂ܢܢܗ ܐܝܟ ܕܨܒ݂ܐ܃ ܡܛܠ
066:10	ܦܘܪܩܢܐ ‍{‍ܕܒܢܝܢܐ‍}‍‍<‍ܕܒܢܝܢܫܐ‍>‍܂
066:11	‍[‍46‍]‍ ܘܠܘ ܡܛܘܠ ܕܠܐ ܝܕܥܝܢܢ ܣܘܟܠܐ ܕܗܘܝܗ܃ ܡܕܓܠܝܢܢ
066:12	ܠܗ ܠܪܙܐ ܕܡܕܒܪܢܘܬܗ܂ ܐܠܐ ܡܘܕܝܢܢ ܫܦܝܐܝܬ܃ ܕܗ݂ܘܐ݂ ܐܝܟ
066:13	ܕܐܠܦܘ ܟܬ̈ܒܐ܂ ܘܡܢ ܗ݀ܝ ܕܐܝܟܢܐ ܥܪܩܝܢܢ܃ ܡܛܠ ܕܠܐ ܦܫܩܘ
066:14	ܠܢ ܟܬ̈ܒܐ܃ ܠܘ ܚܢܢ ܡܬܪܨܝܢ ܟܬܒ̈ܐ ܕܐܝܟܢܐ ܢܡܠܠܘܢ܃
066:15	ܐܝܟ ܕܐ݂ܡܪ ܗ݀ܘ ܪܒܐ ܕܣܟ̈ܠܐ܂ ܐܠܐ ܐܝܟ ܝܠܘ̈ܦܐ ܣܢܝ̈ܩܐ܃
067:01	ܡܢ ܝܘܠܦܢܐ ܕܟܬ̈ܒܐ݂ ܝܕܥܬܐ ܡܩ݁ܒܠܝܢܢ܂ ܘܠܐ ‍[‍ܕܢܝܢܢ‍]‍ ܠܟܬܒܐ܃
067:02	ܐܢܗ݂ܘ ܡܡܠܠ ܠܥܠ ܡܢ ܡܫܘܚܬܐ ܕܟܝܢܢ܂ ܐܝܟܢܐ ܕܐܦ ܠܐ
067:03	ܝܠܘܦܐ ܠܡܠܦܢܗ ܥ݁ܕܠ܃ ܐܢܗ݂ܘ ܕܥ݁ܒܪ ܠܗ ܒܝܕܥܬܐ ܕܣ݂ܦܪܐ܂
067:04	‍[‍47‍]‍ ܐܟܬܒ ܠܢ ܓܝܪ ܫܠܝܚܐ ܝܘܚܢܢ܃ ܕܡܠܬܐ ܒܣܪܐ ܗ݂ܘܐ݂
067:05	ܘܐܓܢ ܒܢ܂ ܠܐ ܕܝܢ ܦܫܩ ܠܢ ܕܐܝܟܢܐ ܗܘܐ܃ ܘܒܐܝܢܐ
067:06	ܐܣܟܡܐ ܐܓܢ܂ ܫܡ݂ܥܬ ܗܘܝܐ ܘܡܓܢܢܘܬܐ݂ ܟܕ ܠܝܬ ܥܡܗܝܢ
067:07	ܦܘܫܩܐ ܕܣܘܥܪܢܗܝܢ܃ ܐܝܟ ܬܠܡܝܕܐ ܩ݁ܒܠ ܒܬܘܕܝܬܐ܃ ܕܠܐ
067:08	ܫܘܐܠܐ ܘܚܪܝܢܐ܂ ܐܢ ܕܝܢ ܠܡܠܬܐ ܕܟܬܝܒܐ ܒܪܙܐ ܟܣܝܐ܃
067:09	ܠܦܘܫܩܐ ܓܠ݂ܝܐ ܕܡ̈ܠܐ ܘܐܬܘ̈ܬܐ ܕܒ݁ܪ ܐܢܬ܃ ܐܒܕܬ ܡܢ
067:10	ܝܕܥܬܐ ܕܡܠܬܐ܃ ܟܕ ܪܐܙܗ݂݀ ܠܐ ܦܫܩܬ܂
067:11	‍[‍48‍]‍ ܐܠܐ ܐܡܪܝܢ ܦܟܝ̈ܗܐ܂ ܕܗ݀ܝ ܕܐܓܢ ܒܢ ܦܘܫܩܐ ܗܝ ܕܗ݀ܝ
067:12	ܕܗ݂ܘܐ܂ ܕܡܢ ܗܪܟܐ ܡܘܕܝܢ ܥܠ ܢܦܫܗܘܢ܃ ܕܐܦ ܠܐ ܒܩܪܝܢܐ
067:13	ܡܦܣܝܢ܂ ܗ݀ܝ ܓܝܪ ܕܐܓܢ ܒܢ ܣܝܡܐ ܒܬܪ ܗ݀ܝ ܕܗܘܐ݂ ܠܘ ܕܐܝܟܢܐ
067:14	ܗ݂ܘܐ ܡܦܫܩܐ܂ ܐܠܐ ܕܗ݂ܘܐ݂ ܟܕ ܠܐ ܐܫܬܚܠܦ܂ ܡܓܢܢܘܬܐ
067:15	ܓܝܪ ܠܐ ܡܫܬܚܠܦܢܘܬܐ ܡܚܘܝܐ܂ ܡܕܝܢ ܬܗܪܗ݀ ܕܗ݀ܝ ܕܗ݂ܘܐ
068:01	ܡܠܦܐ ܕܗ݀ܝ ܕܐܓܢ܃ ܘܠܘ ܦܘܫܩܗ݀ ܝܗܒܐ܂ ܡܢܐ ܗܝ ܡܠܬܐ ܗ݀ܝ
068:02	ܕܐܓܢ܂ ܕܥ݂ܡܪ ܠܡ ܒܦܓܪܐ ܐܢܫܝܐ ܐܪܐ ܡܢ ܗ݀ܝ ܕܐܡ݁ܪܬ
068:03	ܡܓܢܢܘܬܐ܃ ܥܡܘܪܝܐ ܡܣܬܟܠܬ ܦܘܫܩܗ݀ ܕܡܠܬܐ܃ ܠܗ݀ܝ
068:04	ܕܐܢ ܦܫܩܬ ܡܕܝܢ ܠܘ ܠܗ݀ܝ ܕܗ݂ܘܐ܂
068:05	‍[‍49‍]‍ ܕܢܚܘܐ ܕܝܢ ܕܓܠܝܙܐ ܗܝ ܡܪܚܘܬܗ ܕܣܘܟܠܐ ܡܢ
068:06	ܦܘܫܩܐ ܕܬܪ̈ܬܝܗܝܢ܂ ܢܓܠܐ ܒܡܠܬܢ ܒܙܥܘܪ̈ܝܬܐ܃ ܛܘ̈ܒܐ
068:07	ܕܩܢܘܡܗ ܕܡܠܬܐ܃ ܘܡܢ ܗܕܐ ܡܬܝܕܥܐ ܕܠܐ ܡܬܦܫܩܐ ܗ݀ܝ