← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63550: PhiloxGaugal.2 (Philoxenus' Second Letter to the Monks of Beth-Gaugal)

Click on a word for lexical analysis
Click on a red-colored coordinate for comments and/or translations of the line

▲ earlier lines

074:01 ܘܐܝܟܢܐ ܐܫܬܟܚ ܒܕܡܘܬܐ ܕܥ݂ܒܕܐ ܘܐܣܟܡܐ ܕܒܪܢܫܐ܂
074:02 ܘܐܬ݁ܗܦܟ ܥܡܢ ܒܦܓܪ ܐܟܘܬܢ ܟܕ ܐܝܬܘܗܝ ܒܟܠ ܕܘܟ܂
074:03 ‍[‍56‍]‍ ܗ݂ܘ ܒܠܚܘܕ ܝܕܥ݁ ܬܗܪܐ ܕܥ݁ܒ̈ܕܘܗܝ ܘܫܘܚܠܦܐ
074:04 ܕܡܕܒܪܢܘܬܗ܃ ܘܪܐܙܐ ܕܣܘܪܩܗ܂ ܚܢܢ ܕܝܢ ܠܗ ܟܕ ܠܗ ܠܚܕ
074:05 ܡܠܬܐ܃ ܒܦܓܪ݂ ‍{‍ܟܗܝܢ‍}‍‍<‍ܒܟܠܗܝܢ‍>‍ ܝܕܥܝܢܢ܂ ܕܥܡ ܗ݀ܝ ܕܡܠܬܐ ܐܦ
074:06 ܡܫܝܚܐ ܡܬܬ݁ܘܕܐ ܕܐܝܬܘܗܝ܂ ܘܐܢ ܟܬܝܒ ܕܐܬܝܠܕ ܡܫܝܚܐ
074:07 ܡܠܬܐ ܐܬܝܠܕ܂ ܘܐܢ ܐܡܝܪ ܕܐܨܛܠܒ ܝܫܘܥ݂ ܝܚܝܕܝܐ ܐܙܕܩܦ܂
074:08 ܘܠܗ ܠܗ݀ܘ ܚܕ ܡܠܬܐ ܕܢܚ݂ܬ ܡܢ ܫܡܝܐ ܘܐܬܓܫܡ ܒܒܬܘܠܬܐ܂
074:09 ܡܗܝܡܢܝܢ ܚܢܢ ܕܓܡܪܗ ܠܦܘܪܩܢܢ܂ ܘܠܘ ܠܐܚܪܢܐ ܘܐܚܪܢܐ܂
074:10 ‍[‍57‍]‍ ܦܪܫ݁ܘ ܟܬܒ̈ܐ ܒܢ̈ܬ ܩ̈ܠܐ ܪ̈ܡܬܐ ܘܡܟܬ̈ܐ܂ ܐܠܐ ܠܚܕ
074:11 ܕܐܬܝܠܕ ܡܢ ܒܬܘܠܬܐ܃ ܟܠܗܝܢ ‍[‍ܐܟܬܒܘ‍]‍ ܕܫܠܡܢ ܕܐܝܬܘܗܝ
074:12 ܗܢܐ ܡܠܬܐ ܕܒܦܓܪ ܡܢܗ ܐܝܟ ܕܗ݂ܘ ܡܦܣ ܐܬܝܠܕ
074:13 ܒܬܕܡܘܪܬܐ܂ ܚܙܝ ܡܢ݂ܘ ܐܬܝܠܕ ܘܠܐ ܬܥܩ݁ܒ ܡܘܠܕܗ܂ ܐܢ
074:14 ܒܪܢܫܐ ܐܝܟ ܟܠܢܫ ܝܠ݂ܕܬ ܒܬܘܠܬܐ܃ ܠܐ ܐܝܬܝܗ݀ ܬܕܡܘܪܬܐ
075:01 ܐܝܕܐ ܕܐܣ݂ܬܥܪܬ܂ ܕܟܘܠ ܡܕܡ ܡܘܠܕ ܡܕܡ܂ ܕܠܗ ܕܡܐ܂ ܘܠܐ
075:02 ܐܝܬܘܗܝ ܣܘܥܪܢܐ ܕܬܗܪܐ܂ ܐܢ ܕܝܢ ܡܘܠܕܐ ܗܢܐ ܫܒܝܚܐ
075:03 ܕܬܕܡܘܪܬܐ ܗܘ܃ ܐܝܟܢܐ ܕܐܫܥܝܐ ܡܟܬܒ܃ ܕܝܠܕܐ ܐܬ݂ܝܠܕ
075:04 ܠܢ ܘܒܪܐ ܐܬ݂ܝܗܒ ܠܢ܃ ܘܐܬܩܪܝ ܫܡܗ ܕܘܡܪܐ܂ ܘܬܘܒ
075:05 ܒܕܘܟܬܐ ܐܚܪܬܐ܃ ܒܐܬܐ ܕܬܕܡܘܪܬܐ ܬܢܐ ܠܗ ܗܘ
075:06 ܐܫܥܝܐ ܠܐܚܙ܃ ܕܒܬܘܠܬܐ ܒܛܢܐ ܘܝܠܕܐ ܒܪܐ܂ ܘܢܬܩܪܐ
075:07 ܫܡܗ ܥܡܢܘܐܝܠ܃ ‍[‍ܩ݁ܒܠ‍]‍ ܒܬܗܪܐ ܕܗܝܡܢܘܬܐ ܗܠܝܢ
075:08 ܕܐܬܫܡܫ ܒܬܕܡܘܪܬܐ ܕܗܘܐ ܒܕܝܠܗܝܢ ܥܠܝܗܝܢ ܩܐܡ
075:09 ܐܢܬ܂ ܡܛܘܠ ܓܝܪ ܕܕܬܗܪܐ ܗܘ ܣܘܥܪܢܗܝܢ܃ ܒܗܝܡܢܘܬܐ
075:10 ܥܝܢܐ ܕܬܕܡܪ̈ܬܐ ܐܬܒܩܐ ܒܪܙܗܝܢ܂ ܘܥܘܕܪܢܐ ܪܘܚܢܐ
075:11 ܕܡܢܗܝܢ ܥܡ ܢܝܚܐ ܕܫܟܚܬܟ܃ ܡܢܗܝܢ ܫ݁ܩܠ ܐܢܬ܂
075:12 ‍[‍58‍]‍ ܐܠܐ ܟܬ̈ܒܐ ܠܡ ܡܠܦܝܢ ܠܝ܃ ܕܐܚܪܢܐ ܡܠܬܐ݂ ܘܐܚܪܢܐ
075:13 ܡܫܝܚܐ܂ ܫܠܝܚܐ ܓܝܪ ܐ݂ܡܪ܃ ܕܐܠܗܐ ܗܘܐ ܓܝܪ
075:14 ܒܡܫܝܚܐ܃ ܗ݀ܘ ܕܪܥܝ ܠܥܠܡܐ ܥܡ ܪܒܘܬܗ܃ ܘܠܐ ܚ݂ܫܒ
075:15 ܠܗܘܢ ܚܛܗ̈ܝܗܘܢ܃ ܢܫܬܐܠܘܢ ܦܟܝ̈ܗܐ܃ ܕܐܠܗܐ
075:16 ܘܡܫܝܚܐ݂ ܠܡܢ݂ܘ ܩ݂ܪܐ ܗܪܟܐ܂ ܫܠܝܚܐ ܐܢ ܢܐܡܪܘܢ ܐܝܟ
076:01 ܪܒܗܘܢ ܕܐܠܗܐ ܠܟܝܢܐ ܕܐܝܬܘܬܐ܃ ܘܡܫܝܚܐ ܠܩܢܘܡܐ
076:02 ܕܒܪ ܐܢܫܐ܃ ܗܐ ܐܬܓ݂ܠܝ ܙܐܦܐ ܕܝܘܠܦܢܗܘܢ܃
076:03 ܕܪܒܝܥܝܘܬܐ ܡܥܠܝܢ ܥܠ ܫܠܡܘܬܐ ܕܬܠܝܬܝܘܬܐ܂ ܒܗ݀ܝ ܕܐܡܪܝܢ
076:04 ܐܠܗܐ ܠܟܝܢܐ ܕܡܬܝܕܥ ܒܬܠܬܐ ܩܢܘܡܝܢ܃ ‍{‍ܕܡܘܕܝܢ‍}‍‍<‍ܘܡܘܕܝܢ‍>‍
076:05 ܠܡܫܝܚܐ ܒܪܢܫܐ ܕܐ݁ܬܦܪܫ ܡܢ ܟܝܢܐ ܠܦܘܪܩܢܐ ܕܐܢܫܐ܂
076:06 ܐܢ ܕܝܢ ܐܠܗܐ ܕܐܥܒܕ ܒܡܫܝܚܐ܃ ܐܚܪܢܐ ܠܒܪ ܡܢܗ
076:07 ܢܣܬܟܠܘܢ܃ ܗܐ ܐܘܕܝܘ݂ ܬܪ̈ܝܢ ܒ̈ܢܝܢ ܓܠܝܐܝܬ܃ ܒܕܡܘܬ
076:08 ܦܘ݁ܠܐ ܫܡܝܫܛܝܐ ܪܒܐ ܕܝܘܠܦܢܗܘܢ܂
076:09 ‍[‍59‍]‍ ܕܠܐ ܕܝܢ ܠܡܠܬܐ ܐܦܠܐ ܠܟܝܢܐ ܠܚܡܐ܃ ܗ݀ܝ ܕܐܠܗܐ
076:10 ܒܡܫܝܚܐ ܪܥܝ ܠܒܪܝܬܐ݂ ܘ݁ܠܐ ܕܢܚܘܐ܂ ܒܟܠ ܕܘܟ ܟܬܒ̈ܐ
076:11 ܩ̈ܕܝܫܐ܃ ܕܐܠܗܐ ܐܒܐ ܒܝܕ ܒܪܗ ܡܠܦܝܢ ܠܢ ܕܪܥܝ ܠܥܠܡܐ ܥܡ
076:12 ܩܢܘܡܗ܃ ܐܝܟ ܗ݀ܝ ܕܗܟܢܐ ܐܚܒ ܐܠܗܐ ܠܥܠܡܐ܃ ܐܝܟܢܐ
076:13 ܕܠܒܪܗ ܐܝܚܝܕܝܐ ܢܬܠ܂ ܘܬܘܒ܃ ܠܐ ܓܝܪ ܫܕܪ ܐܠܗܐ ܠܒܪܗ
076:14 ܠܥܠܡܐ ܕܢܕܘܢܝܘܗܝ ܠܥܠܡܐ܂ ܐܠܐ݂ ܕܢܚܐ ܥܠܡܐ ܒܐܝܕܗ܂
076:15 ܘܬܘܒ ܫܠܝܚܐ ܐܡܪ܃ ܕܐܬܪܥܝ ܥܡܢ ܐܠܗܐ ܒܡܘܬܐ ܕܒܪܗ܂
076:16 ܘܬܘܒ ܐܢ ܥܠ ܒܪܗ ܠܐ ܚܣ܂ ܐܠܐ ܚܠܦ ܟܠܢ݂ ܐܫܠܡܗ܃
077:01 ܘܬܘܒ݂ ܥܠ ܒܪܗ ܗ݀ܘ ܕܐܬ݂ܝܠܕ ܒܒܣܪ܃ ܡܢ ܙܪܥܐ ܕܒܝܬ ܕܘܝܕ܂
077:02 ܘܬܘܒ ܫܠܝܚܐ ܒܦܪܟܣܣ ܡܟܬܒ܃ ܕܐܩܝܡ ܝܘܡܐ ܕܒܗ
077:03 ܥܬܝܕ ܕܢܕܘܢ ܐܪܥܐ ܟܠܗ݀ ܒܟܢܘܬܐ܃ ܒܝܕ ܓܒܪܐ ܐܝܢܐ
077:04 ܕܦ݂ܪܫ܂ ܘܐܦܢܝ ܠܟܠ ܐܢܫ ܠܗܝܡܢܘܬܗ ܒܕܐܩܝܡܗ ܡܢ ܒܝܬ
077:05 ܡ̈ܝܬܐ܂ ܟܕ ܩ݁ܪܐ ܓܒܪܐ܃ ܠܗ ܠܡܠܬܐ ܐܝܚܝܕܝܐ ܐܠܗܐ

▼ later lines