← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

64494: DeathSatan2

Click on a word for lexical analysis
Click on a red-colored coordinate for comments and/or translations of the line

00 ܣܽܘܓܼܝܬܵܐ ܕܥܲܠ ܣܵܛܵܢܵܐ ܘܡܲܘܬܵܐ ܥܽܘܢܼܝܬܵܐ܃ ܠܵܟ ܫܽܘܒܚܵܐ ܒܲܪ ܪܵܥܸܐ ܟܽܠ ܕܲܦܪܲܩ ܥܵܢܸܗ ܡܸܢ ܕܼܐܒܸ̈ܐ ܟܣܲܝ̈ܵܐ ܕܒܲܠܥܽܘܗ܂ ܒܼܝܫܵܐ ܘܡܲܘܬܵܐ܃
01 ܠܡܲܘܬܵܐ ܘܣܵܛܵܢܵܐ ܫܸܡܥܸܬ ܟܲܕ ܢܵܨܸܝܢ ܗ̄ܘܲܘ܂ ܕܲܐܝܢܵܐ ܚܲܣܼܝܢ ܡܸܢ ܚܲܒܪܸܗ ܨܹܝܕ ܒܲܪܢܵܫܵܐ܀
02 ܡܲܘܬܵܐ ܚܲܘܼܝ ܫܽܘܠܛܵܢܸܗ ܕܲܠܟܽܠ ܙܵܟܸܐ܂ ܣܵܛܵܢܵܐ ܚܲܘܼܝ ܢܸܟܠܸܗ ܕܲܠܟܽܠ ܡܲܚܛܸܐ܀
03 ܡܲܘܬܵܐ܃ ܠܵܟ ܒܼܝܫܵܐ ܐܲܝܢܵܐ ܕܨܵܒܸܐ ܠܚܽܘܕ ܫܵܡܲܥ ܠܵܟ܂ ܠܼܝ ܕܨܵܒܸܐ ܘܲܕܠܵܐ ܨܵܒܸܐ ܨܸܐܕܲܝ ܐܵܬܸܝܢ܀
04 ܣܵܛܵܢܵܐ܃ ܠܵܟ ܡܲܘܬܵܐ ܩܛܼܝܪܵܐ ܗ̄ܘ ܒܲܠܚܽܘܕ ܕܲܛܪܽܘܢܽܘܬܵܐ܂ ܠܼܝ ܕܹܝܢ ܦܲܚܸ̈ܐ ܐܵܦ ܢܸܫ̈ܒܸܐ ܕܲܥܪܼܝܡܽܘܬܵܐ܀
05 ܡܲܘܬܵܐ܃ ܫܡܲܥ ܒܼܝܫܵܐ ܕܲܐܝܢܵܐ ܕܨܵܒܸܐ ܢܼܝܪܵܟ ܬܵܒܲܪ܂ ܠܵܐ ܕܹܝܢ ܐܼܝܬ ܐܲܝܢܵܐ ܕܡܸܫܟܲܚ ܡܵܪܸܕ ܡܸܢ ܢܼܝܪܝ܀
06 ܣܵܛܵܢܵܐ܃ ܐܲܢ̄ܬ ܡܲܘܬܵܐ ܒܲܐܝܢܵܐ ܕܲܟܪܼܝܗ ܚܲܝܠܵܟ ܒܵܩܸܝܬ܂ ܐܸܢܵܐ ܕܹܝܢ ܒܲܚܠܼܝ̈ܡܸܐ ܝܲܬܼܝܪ ܡܸܬܓܲܢ̄ܒܲܪ ܐ̄ܢܵܐ܀
07 ܡܲܘܬܵܐ܃ ܒܼܝܫܵܐ ܠܵܐ ܫܲܠܼܝܛ ܥܲܠ ܟܽܠ ܕܲܡܨܲܚܸܐ ܠܸܗ܂ ܠܼܝ ܕܠܵܛܲܢܝ ܘܲܕܠܵܐܸܛ ܠܼܝ ܠܼܐܝ̈ܕܲܝ ܐܵܬܸܝܢ܀
08 ܣܵܛܵܢܵܐ܃ ܐܲܢ̄ܬ ܡܲܘܬܵܐ ܡܸܢ ܐܲܠܵܗܵܐ ܚܲܝܠܵܐ ܩܲܒܸܠܬ܂ ܠܼܝ ܒܲܠܚܽܘܕ ܕܠܵܐ ܡܥܲܕܲܪ ܠܼܝ ܟܲܕ ܡܲܚܛܸܐ ܐ̄ܢܵܐ܀
09 ܡܲܘܬܵܐ܃ ܐܲܢ̄ܬ ܒܼܝܫܵܐ ܐܲܝܟ ܚܲܠܵܫܵܐ ܦܲܚܸ̈ܐ ܨܵܠܸܝܬ܂ ܘܲܐܝܟ ܡܲܠܟܵܐ ܐܸܢܵܐ ܒܫܽܘܠܛܵܢܵܐ ܡܸܬܚܲܫܲܚ ܐ̄ܢܵܐ܀
10 ܣܵܛܵܢܵܐ܃ ܣܟܸܠ ܐܲܢ̄ܬ ܗ̄ܽܘ ܡܲܘܬܵܐ ܠܡܸܕܲܥ ܕܲܟܡܵܐ ܪܲܒ ܐ̄ܢܵܐ܂ ܕܲܠܚܼܐܪܽܘܬܵܐ ܡܫܲܠܛܬܵܐ ܣܸܦܩܸܬ ܕܸܐܨܽܘܕ܀
11 ܡܲܘܬܵܐ܃ ܐܲܢ̄ܬ ܒܼܝܫܵܐ ܐܲܝܟ ܣܵܪܽܘܚܵܐ ܗܵܐ ܚܵܕܲܪ ܐܲܢ̄ܬ܂ ܐܸܢܵܐ ܐܲܝܟ ܐܲܪܝܵܐ ܬܵܒܲܪ ܐ̄ܢܵܐ ܘܠܵܐ ܩܵܢܸܛ ܐ̄ܢܵܐ܀
12 ܣܵܛܵܢܵܐ܃ ܠܵܟ ܡܲܘܬܵܐ ܠܲܝܬ ܕܦܵܠܲܚ ܐܵܦ ܠܵܐ ܕܣܵܓܸܕ܂ ܠܼܝ ܒܕܸܒ̈ܚܸܐ ܡܲܠܟܸ̈ܐ ܦܲܠܚܽܘܢܝ ܐܲܝܟ ܠܲܐܠܵܗܵܐ܀
13 ܡܲܘܬܵܐ܃ ܠܡܲܘܬܵܐ ܣܲܓܼܝܸ̈ܐܐ ܩܵܪܸܝܢ ܐܲܝܟ ܕܲܠܛܵܒܵܐ܂ ܠܵܟ ܒܼܝܫܵܐ ܠܵܐ ܐܼܝܬ ܕܲܩܪܵܟ ܐܲܘ ܩܵܪܸܐ ܠܵܟ܀
14 ܣܵܛܵܢܵܐ܃ ܠܵܐ ܪܓܼܝܫ ܐܲܢ̄ܬ ܡܲܘܬܵܐ ܒܗܵܕܸܐ ܕܲܟܡܵܐ ܐܢܘ݁ܢ܂ ܕܒܸܐܣܟܼܝܡ ܐܸܣܟܼܝܡ ܩܵܪܸܝܢ ܠܼܝ ܘܲܡܢܲܩܸܝܢ ܠܼܝ܀
15 ܡܲܘܬܵܐ܃ ܣܢܸܐ ܗ̄ܘ ܫܡܵܟ ܐܵܘ ܣܵܛܵܢܵܐ ܠܵܐ ܬܲܫܦܪܼܝܘܗܝ܂ ܠܲܫܡܵܟ ܟܽܠ ܠܵܐܸܛ ܠܸܗ ܟܣܸܐ ܨܲܥܪܵܟ܀
16 ܣܵܛܵܢܵܐ܃ ܐܸܕܢܵܟ ܡܲܘܬܵܐ ܝܲܩܼܝܪܵܐ ܕܠܵܐ ܫܵܡܲܥ ܐܲܢ̄ܬ܂ ܕܟܽܠ ܐ̄ܢܵܫ ܥܠܲܝܟ ܗ̄ܽܘ ܥܵܘܸܐ ܛܲܫܵܐ ܢܲܦܫܵܟ܀
17 ܡܲܘܬܵܐ܃ ܓܲܠ̈ܝܵܢ ܐܲܦ̈ܲܝ ܒܲܒܪܼܝܬܵܐ ܠܵܐ ܓܹܝܪ ܢܸܟܠܸܬ܂ ܐܲܟܘܵܬܵܟ ܕܲܕܠܵܐ ܢܸܟ̈ܠܸܐ ܠܵܐ ܒܵܐܸܬ ܐ̄ܢܵܐ܀
18 ܣܵܛܵܢܵܐ܃ ܠܲܘ ܡܸܕܸܡ ܝܲܬܼܝܪ ܐܸܫܟܚܸܬ ܐܲܝܟ ܫܲܪܼܝܪܵܐ܂ ܕܲܣܢܸܝܬ ܗ̄ܽܘ ܐܵܦ ܐܲܢ̄ܬ ܐܲܟܘܵܬܝ ܠܲܒܢܲܝ̈ܢܵܫܵܐ܀
19 ܡܲܘܬܵܐ܃ ܡܸܢܝ ܡܸܕܚܲܠ ܕܵܚܸܠ ܟܽܠ ܐ̄ܢܵܫ ܐܲܝܟ ܡܸܢ ܡܵܪܵܐ܂ ܠܵܟ ܕܹܝܢ ܡܸܣܢܵܐ ܗ̄ܘ ܣܵܢܸܝܢ ܠܵܟ ܐܲܝܟ ܕܲܠܒܼܝܫܵܐ܀
20 ܣܵܛܵܢܵܐ܃ ܠܵܟ ܡܲܘܬܵܐ ܣܵܢܸܝܢ ܠܲܫܡܵܟ ܐܵܦ ܠܲܥܒܵܕܵܟ܂ ܫܸܡܝ ܕܼܝܠܝ ܣܢܸܐ ܘܲܪ̈ܓܼܝܓܵܬܝ ܣܲܓܼܝ ܪ̈ܚܼܝܡܵܢ܀
21 ܡܲܘܬܵܐ܃ ܠܡܸܪܲܬ ܫܸܢܸ̈ܐ ܡܸܬܗܲܦܟܵܐ ܗܼܝ ܚܲܠܝܽܘܬܵܟ܂ ܬܘܵܬ ܢܲܦܫܵܐ ܠܵܘܝܵܐ ܟܽܠܫܵܥ ܠܲܪ̈ܓܼܝܓܵܬܵܟ܀
22 ܣܵܛܵܢܵܐ܃ ܫܝܽܘܠ ܣܵܢܝܵܐ ܕܠܲܝܬ ܒܓܲܘܵܗ݀ ܐܵܦܠܵܐ ܬܘܵܬܵܐ܂ ܗܲܘܬܵܐ ܕܒܸܠܥܲܬ ܐܵܦ ܟܵܡܲܬ ܥܲܠ ܟܽܠ ܙܲܘ̈ܥܼܝܢ܀
23 ܡܲܘܬܵܐ܃ ܫܝܽܘܠ ܨܵܡܲܪܬܵܐ ܡܸܬܢܲܚܲܡ ܟܽܠ ܕܢܵܦܸܠ ܒܵܗ݀܂ ܚܛܼܝܬܵܐ ܗ̄ܘ ܣܲܢܝܵܐ ܕܲܦܣܲܩܬܸܗ ܣܲܒܪܸܗ ܕܐ̄ܢܵܫܵܐ܀
24 ܣܵܛܵܢܵܐ܃ ܐܵܦܸܢ ܟܲܪܝܵܐ ܠܼܝ ܠܬܲܝ̈ܵܒܸܐ ܝܸܗܒܸܬ ܐܲܬܪܵܐ܂ ܦܣܲܩܬܼܝܘܗܝ ܣܲܒܪܸܗ ܕܚܲܛܵܝܵܐ ܕܡܼܝܬ ܒܲܚܛܵܗܲܘ̈ܗܝ܀
25 ܡܲܘܬܵܐ܃ ܡܸܢ ܨܸܐܕܲܝܟ ܗ̄ܽܘ ܡܩܲܕܸܡ ܗ̄ܘܵܐ ܘܲܦܣܼܝܩ ܣܲܒܪܸܗ܂ ܕܸܐܠܽܘ ܐܲܢ̄ܬ ܠܵܐ ܐܲܚܛܼܝܬܵܝܗܝ ܫܲܦܼܝܪ ܥܵܢܸܕ܀
26 ܒܪܼܝܟ ܕܲܐܪܡܼܝ ܐܢܘ݁ܢ ܒܲܚܕܵܕܸ̈ܐ ܠܥܲܒ̈ܕܸܐ ܠܼܝ̈ܛܸܐ܂ ܕܢܸܚܙܸܐ ܒܗܘ݁ܢ ܐܲܝܟ ܕܲܚܙܲܘ ܒܲܢ ܐܵܦ ܐܲܗܸܠܘ ܒܲܢ܀
27 ܪܲܗܒܽܘܢܵܐ ܗ̄ܘ ܗܵܢܵܐ ܐܲܚ̈ܲܝ ܕܲܚܙܲܝܢ ܒܗܘ݁ܢ܂ ܕܬܽܘܒ ܐܼܝܬ ܠܲܢ ܕܲܒܗܘ݁ܢ ܢܸܚܙܸܐ ܡܵܐ ܕܸܐܬܢܲܚܲܡܢܲܢ܀