← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

64494: GoldWheat

Click on a word for lexical analysis
Click on a red-colored coordinate for comments and/or translations of the line

00 ܣܽܘܓܼܝܬܵܐ ܕܥܲܠ ܕܲܗܒܵܐ ܘܚܸܛܬܵܐ
01 ܬܪܸܝܢ ܫܲܘ̈ܬܵܦܸܐ ܟܲܫܼܝܪܸ̈ܐ ܢܦܲܩܘ ܗ̄ܘܲܘ ܕܢܸܚܙܽܘܢ ܠܲܚܕܵܕܸ̈ܐ݁ ܕܲܗܒܵܐ ܘܚܸܛܬܵܐ ܫܲܘܝܵܐܼܝܬ ܕܲܐܝܢܵܐ ܚܲܕ ܡܸܢܗܘ݁ܢ ܙܵܟܸܐ܀ 111
02 ܕܲܗܒܵܐ ܦܲܢܼܝ ܕܲܗܒܵܐ ܟܲܕ ܐܵܡܲܪ ܒܗܲܘܢܵܐ ܪܡܼܝܣܵܐ ܩܕܵܡ ܟܽܠܢܵܫ݁ ܕܸܐܣܬܲܟܲܠ ܫܲܪܒܵܐ ܕܼܝܠܝ ܐܵܘ ܚܸܛܬܵܐ ܫܡܲܥܝ ܕܼܐܡܲܪ ܠܸܟܝ܀
03 ܦܲܓܪܵܐ ܘܲܐܪܟܸܢܝ ܪܹܝܫܸܟܝ ܘܲܣܓܽܘܕܝ ܠܼܝ ܒܼܝ ܡܸܬܩܲܝܡܼܝܢ ܪܹ̈ܝܫܵܢܸܐ ܘܒܼܝ ܡܸܬܡܲܟܪ̈ܵܢ ܟ̈ܲܠܠܵܬܵܐ܀
04 ܚܸܛܬܵܐ ܘܟܽܠ ܡܲܠܟܵܐ ܕܩܵܐܸܡ ܒܲܐܪܥܵܐ ܬܵܓܵܐ ܒܪܹܝܫܸܗ ܣܵܐܸܡ ܠܼܝ݁ ܘܲܥܢܵܬ ܚܸܛܬܵܐ ܘܸܐܡܪܲܬ ܠܸܗ ܒܗܲܘܢܵܐ ܪܡܼܝܣܵܐ ܩܕܵܡ ܟܽܠܢܵܫ܀
05 ܚܸܛܬܵܐ ܕܸܐܣܬܲܟܲܠ ܫܲܪܒܵܐ ܕܡܸ̈ܠܲܝ ܡܵܐ ܕܗܵܘܸܐ ܠܼܝ ܡܸܢ ܐ̄ܢܵܫܵܐ݁ ܒܬܸܫܪܼܝܢ ܘܬܸܫܪܼܝܢ ܙܵܪܥܼܝܢ ܠܼܝ ܟܵܢܽܘܢ ܘܟܵܢܽܘܢ ܩܵܒܪܼܝܢ ܠܼܝ܀
06 ܚܸܛܬܵܐ ܘܡܲܪܙܼܝܢ ܠܼܝ ܘܡܲܫܩܸܝܢ ܠܼܝ ܒܲܕܡܽܘܬ ܡܼܝܬܵܐ ܒܓܲܘ ܩܲܒܪܵܐ݁ ܒܲܫܒܵܛ ܝܲܪܚܵܐ ܪܵܓܫܵܐ ܐ̄ܢܵܐ ܐܲܝܟ ܒܲܛܢ̈ܵܬܵܐ ܒܝܲܠܕܲܝ̈ܗܸܝܢ݁
07 ܚܸܛܬܵܐ ܕܵܡܝܵܐ ܐ̄ܢܵܐ ܠܡܲܪܓܵܢܼܝܬܵܐ ܒܲܕܡܽܘܬ ܓܲܒܪܵܐ ܂ ܂ ܂ ܂ ݁܀ ܕܩܵܐܸܡ ܘܣܵܓܸܕ ܠܸܗ ܠܡܵܪܸܗ
08 ܚܸܛܬܵܐ ܒܵܐܕܵܪ ܝܲܪܚܵܐ ܪܵܘܙܵܐ ܐ̄ܢܵܐ ܘܕܵܝܨܵܐ ܐ̄ܢܵܐ ܘܲܡܫܲܒܚܵܐ ܐ̄ܢܵܐ݁ ܘܪܵܘܙܼܝܢ ܥܲܡ̈ܡܸܐ ܒܲܚܕܵܕܸ̈ܐ ܘܲܡܚܲܕܸܝܢ ܠܼܝ ܒܩܵܠܲܝ̈ܗܘ݁ܢ܀
09 ܚܸܛܬܵܐ ܒܢܼܝܣܵܢ ܝܲܪܚܵܐ ܗܵܘܝܵܐ ܐ̄ܢܵܐ ܒܲܕܡܽܘܬ ܟܲܠܬܵܐ ܒܲܓܢܽܘܢܵܐ݁ ܘܲܐܝܟ ܬܲܚܦܼܝܬܵܐ ܕܲܡܟܼܝܪܵܐ ܢܛܼܝܪܵܐ ܒܲܐܦ̈ܲܝ ܝܲܩܼܝܪܽܘܬܝ܀
10 ܚܸܛܬܵܐ ܒܼܐܝܵܪ ܝܲܪܚܵܐ ܠܵܒܫܵܐ ܐ̄ܢܵܐ ܐܲܪܒܥܵܐ ܠܒܽܘ̈ܫܸܐ ܫܲܦܼܝܪܸ̈ܐ݁ ܛܲܪܦܵܐ ܘܩܲܢܝܵܐ ܘܩܲܛܪܬܵܐ ܘܫܸܒ̈ܠܸܐ ܡܚܲܕ̈ܝܵܢ ܠܲܐܟܵܪܸ̈ܐ܀ 112
11 ܚܸܛܬܵܐ ܘܪܵܘܙܼܝܢ ܪ̈ܲܥܡܸܐ ܠܲܚܕܵܕܸ̈ܐ ܘܲܡܚܲܕܸܝܢ ܠܼܝ ܒܩܵܠܲܝ̈ܗܘ݁ܢ݁ ܘܢܵܚܸܬ ܡܸܛܪܵܐ ܪܣܼܝܣܵܐܼܝܬ ܘܫܵܬܝܵܐ ܐ̄ܢܵܐ ܒܲܣܼܝܡܵܐܼܝܬ܀
12 ܚܸܛܬܵܐ ܒܲܚܙܼܝܪܵܢ ܝܲܪܚܵܐ ܨܵܝܒܼܝܢ ܟܸܢ̈ܫܼܝܢ ܟܸܢ̈ܫܼܝܢ ܒܓܲܘ ܕܲܒܪܵܐ݁ ܥܲܠ ܐܼܝ̈ܕܲܝܗܘ݁ܢ ܛܵܥܢܼܝܢ ܠܼܝ ܘܲܠܘܵܬ ܐܸܕܪܸ̈ܐ ܡܲܘܒܠܼܝܢ ܠܼܝ܀
13 ܚܸܛܬܵܐ ܒܬܲܡܽܘܙ ܝܲܪܚܵܐ ܕܵܒܪܼܝܢ ܠܼܝ ܘܒܵܐܒ ܘܲܐܝܠܽܘܠ ܠܓܲܘ ܚܵܡܠܼܝܢ ܠܼܝ݁ ܡܸܢܝ ܕܹܝܢ ܩܽܘܪܒܵܢܵܐ ܥܵܒܕܼܝܢ ܘܡܸܢܝ ܡܫܲܡܠܸܝܢ ܟܽܠ ܫܽܘ̈ܡܠܵܝܸܐ܀
14 ܚܸܛܬܵܐ ܟܵܗ̈ܢܸܐ ܛܵܥܢܼܝܢ ܠܼܝ ܒܥܹܕܬܵܐ ܘܲܡܙܲܝܚܼܝܢ ܠܼܝ ܒܲܨܠܽܘܬܗܘ݁ܢ݁ ܘܲܡܫܲܡ̈ܫܵܢܸܐ ܡܫܲܡܫܼܝܢ ܠܼܝ ܒܓܲܘ ܒܸܝܬ ܩܽܘܕܫܵܐ ܪܽܘܚܵܢܵܐ܀
15 ܚܸܛܬܵܐ ܕܵܡܝܵܐ ܐ̄ܢܵܐ ܠܡܲܪܓܵܢܼܝܬܵܐ ܘܚܵܕܸܐ ܠܸܒܵܐ ܕܦܲܠܵܚܸ̈ܐ݁ ܘܵܝ ܠܲܐܬܪܵܐ ܕܠܵܐ ܗܵܘܝܵܐ ܒܸܗ ܘܠܲܡܕܼܝܢ̄ܬܵܐ ܕܠܵܐ ܫܟܼܝܚܵܐ ܒܸܗ܀
16 ܚܸܛܬܵܐ ܘܟܽܠ ܐܲܬܪܵܐ ܕܗܵܘܝܵܐ ܐ̄ܢܵܐ ܒܸܗ ܒܵܬܲܪܝ ܒܵܬܲܪܝ ܡܲܝܬܸܝܢ ܠܵܟ݁ ܘܲܐܬܪܵܐ ܘܲܐܬܪܵܐ ܡܫܲܢܸܝܢ ܠܵܟ ܐܲܝܟ ܟܲܠܒܵܐ ܒܵܬܲܪ ܡܵܪܸܗ܀
17 ܚܸܛܬܵܐ ܐܵܘ ܕܲܗܒܵܐ ܟܲܣܵܐ ܪܹܝܫܵܟ ܥܽܘܠ ܐܸܬܛܲܫܵܐ ܒܓܲܘ ܐܲܪܥܵܐ݁ ܘܸܐܠܵܐ ܕܲܓ̈ܵܠܵܢ ܡܸܠܲܝ̈ܟ ܩܕܵܡ ܥܸܠܵܝܸ̈ܐ ܘܬܲܚ̈ܬܵܝܸܐ܀
18 ܚܸܛܬܵܐ ܟܵܗ̈ܢܸܐ ܒܡܲܕܒܚܵܐ ܘܒܸܝܬ ܩܽܘܕܫܵܐ ܥܲܠ ܐܼܝ̈ܕܲܝܗܘ݁ܢ ܡܪܲܡܪܡܼܝܢ ܠܼܝ݁ ܘܗܵܘܝܵܐ ܐ̄ܢܵܐ ܠܚܽܘܣܵܝ ܚܲܘ̈ܒܸܐ ܦܽܘܪܩܵܢܵܐ ܠܲܒܢܲܝ̈ܢܵܫܵܐ܀
19 ܪ̈ܲܚܡܸܐ ܢܼܐܬܽܘܢ ܡܸܢ ܫܡܲܝܵܐ ܒܪܸܡܙܸܗ ܕܲܐܠܵܗܸܗ ܚܲܝܵܐ݁ ܥܲܠ ܟܵܬܽܘܒܵܐ ܥܸܙܪܵܝܵܐ ܘܵܐܦ ܠܟܸܢܫܵܐ ܗܵܢܵܐ ܙܲܗܝܵܐ܀