← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

64494: WorldAlphabet

Click on a word for lexical analysis
Click on a red-colored coordinate for comments and/or translations of the line

00 ܣܽܘܓܼܝܬܵܐ ܕܥܲܠ ܥܵܠܡܵܐ
01 ܐܠܦ ܐܲܝܟܲܢ ܐܸܚܽܘܪ ܒܵܟ ܥܵܠܡܵܐ ܕܲܡܠܸܐ ܥܵܩ̈ܵܬܵܐ ܕܲܒܟܽܠܗܸܝܢ ܢܸܟܠܵܐ ܡܠܸܐ ܚܽܘܒܵܟ܀
02 ܒܝܬ ܒܼܝ̈ܫܵܢ ܛܲܥ̈ܡܵܬܵܐ ܕܲܙܪܲܥܬ ܒܼܝ ܒܫܽܘܠܛܵܢܵܟ ܕܒܲܡܪܵܪܵܐ ܚܲܝ̈ܲܝ ܚܠܲܛܬ ܐܘܢܘ݁ܢ܀
03 ܓܡܠ ܓܢܲܒܬܵܢܝ ܘܠܵܐ ܪܸܓܫܸܬ ܘܡܵܐ ܕܪܸܓܫܸܬ ܣܲܪܗܸܒܬܵܢܝ ܕܸܐܫܲܢܸܐ ܡܸܢܵܟ ܕܠܵܐ ܦܽܘܪܫܵܢ܀
04 ܕܠܬ ܕܠܵܐ ܝܸܕܥܸܬ ܘܲܚܙܼܝܬ ܕܠܵܐ ܒܨܸܒܝܵܢܝ ܚܲܘܼܝܬܵܢܝ ܕܠܲܘ ܡܸܕܸܡ ܝܲܬܼܝܪ ܕܲܩܢܵܐ ܠܵܟ܀
05 ܗܐ ܗܵܢܲܘ ܥܸܕܠܵܝܵܐ ܕܲܐܦܓܥܸܬ ܒܼܝ ܒܫܽܘܠܵܡܵܐ ܒܫܽܘܪܵܝܵܐ ܙܵܕܸܩ ܗ̄ܘܵܐ ܠܵܟ ܕܸܐܩܢܸܝܟ܀
06 ܘܐܘ ܘܵܝ ܠܼܝ ܕܠܵܐ ܝܸܕܥܸܬ ܘܡܵܐ ܕܝܸܕܥܸܬ ܬܽܘܒ ܘܵܝ ܠܼܝ ܒܬܲܪ̈ܬܲܝܗܸܝܢ ܘܵܝܵܐ ܡܛܵܐ ܠܼܝ ܡܸܢܵܟ܀
07 ܙܐܝ ܙܵܥ ܠܸܒܝ ܡܸܢ ܟܼܐܒܵܐ ܕܲܩܪܸܒ ܠܸܗ ܥܸܕܵܢܵܐ܂ ܘܡܸܢ ܗܵܪܟܵܐ ܢܸܦܠܸܬ ܕܚܲܝܸܒܬܵܢܝ܀
08 ܚܝܬ ܚܲܘ̈ܒܲܝ ܘܲܚܛܵܗ̈ܲܝ ܛܥܼܝܢܼܝܢ ܗܲܕ̈ܵܡܲܝ ܡܘ݁ܢ ܐܸܥܒܸܕ ܕܚܲܘ̈ܒܲܝ ܡܙܼܝܥܼܝܢ ܠܼܝ܀
09 ܛܝܬ ܛܠܸܐ ܗܘܼܝܬ ܒܲܫܢܲܝ̈ܵܐ ܘܲܐܫܲܪܬܵܟ ܕܚܵܝܸܐ ܐ̄ܢܵܐ܂ ܘܲܒܥܵܠܡܵܐ ܟܕܲܢܬܵܢܝ ܚܦܼܝܛܵܐܼܝܬ܀
10 ܝܘܕ ܝܲܪ̈ܚܸܐ ܘܲܫܢܲܝ̈ܵܐ ܐܲܬܟܸܠܬܵܢܝ ܕܚܵܝܸܐ ܐ̄ܢܵܐ ܘܡܸܢ ܪܲܡܫܵܐ ܦܣܲܩܬܵܗ݀ ܠܡܲܪܕܼܝܬܵܐ܀
11 ܟܘܦ ܟܲܬܲܪ ܡܠܸܐ ܝܲܘܡܵܐ ܫܲܒܵܝܵܐ ܕܕܵܒܲܪ ܠܼܝ̇ ܕܸܐܡܲܠܸܠ ܥܲܡ ܟܽܠ ܕܪܵܚܸܡ ܠܼܝ܀
12 ܠܡܕ ܠܡܘ݁ܢ ܥܵܠܡܵܐ ܒܼܝܫܵܐ ܕܲܓܵܠܼܝܢ ܐܢܘ݁ܢ ܫܽܘܘ̈ܕܵܝܲܝܟ ܕܠܲܘ ܡܸܕܸܡ ܝܵܬܲܪ ܕܩܵܢܸܐ ܠܵܟ܀
13 ܡܝܡ ܡܸܢ ܟܽܠܗܘ݁ܢ ܕܵܪܸ̈ܐ ܕܲܩܕܵܡܲܝ ܥܒܲܪܘ ܘܸܐܙܲܠܘ ܘܠܵܐ ܝܸܕܥܸܬ ܘܲܪܢܼܝܬ ܕܡܵܐܸܬ ܐ̄ܢܵܐ܀
14 ܢܢ ܢܼܝܒܸܗ ܐܲܪܡܼܝ ܒܼܝ ܐܲܪܝܵܐ ܕܲܨܗܸܐ ܠܲܬܒܵܪܵܐ܂ ܘܗܵܐ ܫܓܼܝܫܵܐ ܢܲܦܫܵܐ ܕܕܵܒܲܪ ܠܼܝ܀
15 ܣܡܟܬ ܣܲܪܗܸܒ ܫܕܵܐ ܓܸܐܪܵܐ ܒܠܸܒܵܐ ܡܲܠܟܵܐ ܕܗܲܕܵܡܸ̈ܐ܂ ܘܗܵܐ ܙܵܝܥܼܝܢ ܟܽܠܗܘ݁ܢ ܡܸܢ ܟܼܐܒܵܐ܀
16 ܦܐ ܦܸܚܬܵܐ ܘܣܽܘܪܵܕܵܐ ܘܲܐܬܪܵܐ ܕܲܡܠܸܐ ܚܸܫܽܘܟܵܐ ܫܩܲܠܘ ܝܲܗ̄ܒܘ ܠܼܝ ܪ̈ܵܚܡܲܝ ܕܒܲܙܲܚܘ ܒܼܝ܀
17 ܨܐܕܗ ܨܸܐܕܲܝ ܒܓܲܘ ܩܲܒܪܵܐ ܩܲܘܲܘ ܘܲܚܙܲܘ ܚܲܒܼܝ̈ܒܲܝ ܘܠܵܐ ܫܲܡܥܽܘܢܝ ܫܲܒܩܽܘܢܝ ܥܪܲܩܘ ܘܲܢܦܲܩܘ܀
18 ܩܘܦ ܩܲܒܸܠ ܦܽܘܩܕܵܢܵܐ ܚܒܵܠܵܐ ܕܲܫܪܸܟ ܥܲܠ ܨܽܘܪ̈ܵܬܝ ܕܲܒܪܸ̈ܓܠܲܘܗܝ ܕܵܫܲܢܝ ܒܡܲܥܨܲܪܬܸܗ܀
19 ܪܝܫ ܪܲܟܒܲܢܝ ܒܵܪܽܘܝܵܐ ܘܲܩܛܲܪ ܟܽܠܗܘ݁ܢ ܗܲܕܵܡ̈ܲܝ܂ ܘܕܲܫܦܲܪ ܠܸܗ ܦܲܫܲܚ ܫܕܵܐ ܒܲܫܝܽܘܠ܀
20 ܫܝܢ ܫܽܘܒܚܵܐ ܒܢܽܘܚܵܡܵܐ ܕܝܲܗ̄ܒ ܐܼܝܕܵܐ ܠܲܩܒܼܝܪܸ̈ܐ܂ ܗܒ ܐܵܦ ܠܼܝ ܦܵܪܽܘܩܝ ܕܠܵܟ ܣܲܟܼܝܬ܀
21 ܬܐܘ ܬܲܪܥܵܐ ܕܡܲܠܟܽܘܬܵܐ ܦܬܼܝܚ ܗ̄ܽܘ ܠܥܵܒ̈ܕܲܝ ܛܵܒ̈ܵܬܵܐ܂ ܦܬܲܚ ܠܼܝ ܕܸܐܥܽܘܠ ܘܸܐܣܬܲܬܲܪ܀
22 ܐܲܟܡܵܐ ܕܚܵܕܸܐ ܡܲܠܵܚܵܐ܃ ܕܡܲܢܥܲܬ ܐܸܠܦܸܗ ܠܲܠܡܼܐܢܵܐ݁ ܗܵܟܲܢ ܚܵܕܸܐ ܟܵܬܽܘܒܵܐ܃ ܕܟܵܬܸܒ ܣܽܘܪܓܵܕܵܐ ܐ̄ܚܪܵܝܵܐ܀