The Comprehensive Aramaic Lexicon

02:01	ܕܐܝܬܝܗ݀܃ ܠܐܣܛܠܐ ܕܬܕܡܘܪܬܐ ܕܙܩ݂ܪ ܠܟ ܘܐܠܒܫܟ ܨܒܝܢܟ
02:02	ܟܫܝܪܐ܂ ܓܠܝܐܝܬ ܓܝܪ ܐܬܚܙ݂ܝܬ݁܃ ܕܒܚܘܒܐ ܡܡ݁ܠܝܢܗ ܕܢܡܘܣܐ
02:03	ܪܬ݁ܚ ܐܢܬ܂ ܕܠܘ ܒܠܚܘܕ ܕܐܚ̈ܐ ܕܬܚܝܬ ܐܝܕܟ ܐܝܬܝܗܘܢ ܒܙܒܢܐ
02:04	ܗܢܐ ܝܨܝܦܬ܃ ܐܠܐ ^ܘ^ܠܟܠܗܘܢ ܪ̈ܚ݁ܡܝ ܝܘܠܦܢܐ ܕܥܬܝܕܝܢ
02:05	ܠܡܥ݂ܠ ܠܗ ܠܥܘܡܪܟ ܒܪܝܟܐ܂ ^ܘ^ܒܝܕ ܟܬܝ̈ܒܬܐ ܨ݁ܒܐ ܐܢܬ
02:06	ܒܚܦܝܛܘܬܟ ܠܡܫ݂ܒܩ ܥܘ̈ܗܕܢܝܗܝܢ ܕܡܪ̈ܕܘܬܐ܃ ܐܝܠܝܢ
02:07	ܕܒܙܒ̈ܢܝܢ ܐܣܬܥ݂ܪ ܡܛܠ ܚ̈ܛܗܝܢ܂ ܕܟܕ ܢܩ݂ܪܘܢ ܘܢܚ݂ܙܘܢ ܐܝܠܝܢ
02:08	ܕܠܢ ܓ݂ܕܫ̈܃ ܢܙܕܗ݂ܪܘܢ ܡܢ ܚ̈ܛܗܝܢ ܘܢܬܦ݁ܨܘܢ ܡܢ ܢܓ̈ܕܝܢ܂
02:09	ܠܡܬ݂ܡܗ ܕܝܢ ܒܡܠܝܘܬܗ ܕܚܘܒܟ܃ ܗ݀ܘ ܕܥܠ ܟܠܢܫ
02:10	ܡܫܬ݁ܦܥ܃ ܠܐ ܡ݁ܘܦܐ ܐܘ݁ ܚ݁ܣܪ܂ ܘܕܢ‍{‍ܐܬ‍}‍‍<‍ܬܐ‍>‍ܡܪ ܡ݁ܢ ܐܝܟ ܕܐܝܬܘܗܝ
02:11	ܠܐ ܡܨܢܐ ܒܕܠܐ ܩ݁ܪܒܬ ܠܥܒ݁ܕܗ݂܂ ܐܦܠܐ ܕܐܫܬ݁ܥܐ ܥܠܘܗܝ ܝ݁ܕܥܢܐ
02:12	ܡܢ ܥܢܝܢܐ ܕܚܕ^ܐ^ ܙܒܢ ܗ݂ܘܐ ܠܘܬܝ܂
02:13	ܘܒܕܡܘܬ ܝܘܢܬܢ ܡ݁ܚܒܢܐ ܫܪܝܪܐ ܐܬܣ݂ܪܬ ܠܘܬܝ ܒܚܘܒܐ܂
02:14	ܠܐ ܗܘܬ ܕܝܢ ܪܒܐ ܐܝܟ ܗܕܐ܃ ܗ݀ܝ ܕܢܦܫܗ ܕܝܘܢܬܢ ܢܩ݂ܦܬ݁

02:15	ܠܢܦܫܗ ܕܕܘܝܕ܃ ܟܕ ܚܙ݂ܐ ܕܒܐܝ̈ܕܘܗܝ ܓܢܒܪܐ ܐܬܩ݂ܛܠ ܘܡܫܪܝܬܐ

02:16	ܐܬܦ݂ܪܩܬ݁܃ ܡܛܠ ܕܥܠ ܐܦ̈ܝ ܫܦܝܪ̈ܬܐ ܪܚܡ݂ܗ܂ ܐܢܬ ܕܝܢ ܟܕ
02:17	ܡܕܡ ܕܫܦܝܪ ܒܝ ܠܐ ܚ݂ܙܝܬ܃ ܝܬܝܪ ܡܢ ܢܦܫܟ ܐܚܒܬܢܝ܂܂
02:18	ܐܦ ܠܐ ܗ݀ܝ ܕܦ݁ܨܝܗ ܝܘܢܬܢ ܠܕܘܝܕ ܡܢ ܡܘܬܐ ܕܒܐܝ̈ܕܝ ܫܐܘܠ
02:19	ܫ݁ܘܝܐ ܠܕܘܡܪܐ܃ ܠܦܘܬ ܗܕܐ ܕܝܠܟ܂ ܡܛܠ ܕܥܕܟܝܠ ܡܕܡ