The Comprehensive Aramaic Lexicon

25:01	ܬܐܛܪܘܢ ܒܥܕܢܐ ܕܪܡܫܐ ܟܕ ‍{‍ܠܒܫܝܢ ܟܬܢ̈ܝܬܐ܃ ܘܡܟܣܝܢ ܦܩ̈ܝܠܐ
25:02	ܘܫ݂ܪ̈ܝܢ ܚ‍{‍ܢ‍}‍ܨܝ̈ܗܘܢ ܘܢ݁ܗܪ̈ܢ ܩܕܡܝܗܘܢ ܩܢܕܝ̈ܠܐ ܘܡ݁ܥܛܪܝܢ ܡܘܩܠܐ
25:03	ܘܫܗܪܝܢ ܟܠܗ ܠܠܝܐ݂ ܘܡܬܟ݂ܪܟܝܢ ܒܡܕܝܢܬܐ ܘܡܩ݁ܠܣܝܢ
25:04	ܠܐܪܟܝܣܛܐ݂ ܥܕܡܐ ܠܨܦܪܐ܃ ܒܙܡ݁ܪܐ ܘܒܩܥܬܐ ܘܒܐܣܛܪܢܝܐ܂
25:05	ܘܒܗܠܝܢ ܥܠ̈ܬܐ܃ ܐܕܫ ܗܘܘ ܠܗܘܢ ܐܦ ܡܢ ܕܠܡ݂ܐܙܠ ܠܨܠܘܬܐ܃
25:06	ܘܠܐ ܐܢܫ ܡ݁ܝܬܐ ܗܘܐ ܥܠ ܒܠܗ ܘ݁ܠܝܬܐ܂ ܐܠܐ ܒܚܬܝܪܘܬܐ ܡ݁ܗܠܝܢ
25:07	ܗܘܘ ܒܢܟܦܘܬܐ ܕܐܒܗ̈ܝܗܘܢ܃ ܕܠܐ ܠܡ ܝ݁ܕܥܝܢ ܗܘܘ ܠܡܥ݂ܒܕ
25:08	ܗܠܝܢ ܐܟܘܬܢ܂ ܘܐ݁ܡܪܝܢ ܗܘܘ܂ ܕܒܘܪ̈ܐ ܐܦ ܗܕܝ̈ܘܛܐ ܐܝܬܝܗܘܢ
25:09	ܗܘܘ ܥ݁ܡܘܪ̈ܝܗ ܕܡܕܝܢܬܐ܃ ܕܒܙܒ̈ܢܐ ܩܕܡ̈ܝܐ܂ ܘܗܟܢܐ ܣ݁ܥܝܢ
25:10	ܗܘܘ ܒܪܘܫܥܐ܃ ܘܠܝܬ ܗܘܐ ܐܢܫ ܕܡܟ݁ܘܢ ܘܠܐ ܕܡ݁ܟܣ ܘܠܐ
25:11	ܕܡ݁ܪܬܐ܂ ܘܟܕ ܛܒ݂ ܒܐܘܪܗܝ ܐܣܬܩܒܠ ܗܘܐ ܐܟܣܢܝܐ ܐܦܝܣܩܦܐ
25:12	ܕܡܒܘܓܝ܃ ܗ݀ܘ ܕܝܬܝܪ ܡܢ ܐܚܪ̈ܢܐ ܡܣܬ݂ܒܪ ܕܡܩ݁ܒܠܐ ܥܠܘܗܝ
25:13	ܕܢܐܠ݂ܐܐ ܒܡܠܦܢܘܬܐ܃ ^ܘ^ܠܐ ܡ݁ܠܠ ܥܡܗܘܢ ܥܠ ܗܢܐ ܫܪܒܐ ܝܬܝܪ
25:14	ܡܢ ܚܕ ܝܘܡ܂ ܐܠܐ ܐܠܗܐ ܒܡܪܚܡܢܘܬܗ܃ ܚ݁ܘܝ ܠܗܘܢ
25:15	ܓܠܝܐܝܬ܃ ܒܛܝܠܘܬܐ ܕܐܝܬ ܠܗ ܥܠܝܗܘܢ܃ ܕܢܬܟ݂ܠܘܢ ܡܢ
25:16	ܥܘܠܗܘܢ܂ ܒܣ̈ܠܝܩܘܣ ܓܝܪ ܬܪ̈ܬܝܢ ܘܒܝܬ ܦܫܘ‍{‍ܬ‍}‍ܪܬܐ ܕܕܡܣܝܢ
25:17	ܩܝܛܝܬܐ ܢܦ݂ܠ ܘܒܝܕ ܛܝܒܘܬܗ ܕܐܠܗܐ ܐܢܫ ܠܐ ܐܟܝ ܬܡܢ܂
25:18	ܒܕ ܛܒ݂ ܐܢܫ̈ܐ ܣܓܝ̈ܐܐ ܐܝܬ ܗܘܐ ܒܗ݀܃ ܕܦܠܚܝܢ ܠܓܘ ܘܠܒܪ܂
25:19	ܘܠܐ ܡܝ݂ܬܘ ܡܢܗܘܢ܃ ܐܠܐ ܐܢ ܬܪ̈ܝܢ ܐܢܫ̈ܝܢ ܕܐܬܪܒ݂ܨܘ ܟܕ ܥ݁ܪܩܝܢ
25:20	ܡܢ ܩܠܐ ܕܡܦܘܠܬܐ ܒܬܪܥܐ ܕܒܝܬ ܡܝ̈ܐ܂ ܘܟܕ ܡܬܬ݂ܠܝܢ ܒܗ

25:21	ܡܢ ܬܪ̈ܝܢ ܓܒ̈ܘܗܝ ܠܟܐ ܘܠܟܐ ܠܡ݁ܟܪܟܘܬܗ܃ ܐܬܬ݁ܗܝܘ ܒܗܢܐ