The Comprehensive Aramaic Lexicon

27:01	ܒܗ݀ ܕܝܢ ܒܗܕܐ ܫܢܬܐ ܒܐܪܚ ܚܙܝܪܢ܃ ܒܝܘܡ
27:02	ܚܡܫܐ܃ ܢܦ݂ܩ ܡܢ ܥܠܡܐ ܗܢܐ ܡܪܝ ܩܘܪܐ ܐܦܝܣܩܦܐ ܘܗܘ݂ܐ
27:03	ܚܠܦܘܗܝ ܦܛܪܐ܂ ܘܐܘܣܦ ܥܠ ܥ̈ܐܕܝܗ݀ ܕܫܢܬܐ ܥܐܕܐ ܕܐܘܫ̈ܥܢܐ܂
27:04	ܘܣ݂ܡ ܥܝ݁ܕܐ ܕܢܬܩ݁ܕܫܘܢ ܡܝ̈ܐ ܒܠܠܝܐ ܡܓܗ̈ܝ ܥܐܕܐ ܕܒܝܬ
27:05	ܕܢ݂ܚܐ܂ ܘܥܠ ܡܫܚܐ ܕܡܫܝܚܘܬܐ ܒܚ̈ܡܫܐ ܒܫܒܐ ‍{‍‍[‍܂܂܂݁‍]‍‍}‍‍<‍ܨ̇݁̇ܠ̇ܝ̇‍>‍
27:06	ܠܥܝܢ ܟܠܗ ܥܡܐ܃ ܥܡ ܫܪܟܐ ܕܥ̈ܐܕܐ ܐܚܪ̈ܢܐ܂܂ ܐܫܬ݂ܪܝ ܕܝܢ
27:07	ܐܠܟܣܢܕܪܐ ܗܓܡܘܢܐ܃ ܘܗ݂ܘܐ ܚܠܦܘܗܝ ܕܝܡܣܬܢ܂ ܘܒܦܘܩܕܢܗ
27:08	ܐܬܚ݁ܘܪܘ ܟܠܗܘܢ ܐܣ̈ܛܘܐ ܕܡܕܝܢܬܢ܂ ܐܝܠܝܢ ܕܝܢ ܕܡܢ݁ܣܝܢ ܗܘ̈ܝ
27:09	ܠܗܘܢ ܨܒܘ̈ܬܐ݂܂ ܐܬܬܥܝܩܘ ܗܘܘ ܣܘܓܐܐ ܒܗܕܐ܂ ܐܡ݁ܪܝܢ ܗܘܘ
27:10	ܓܝܪ ܕܐܬܐ ܗܝ ‍[‍܂܂܂݁݁‍]‍ ܥܠ ܩܪ̈ܝܒܬܐ ܕܒ̈̇ܡܬܐ ܗ݀ܘܝܢ܂
27:11	ܫܢܬ ܬܡܢ̈ܡܐܐ ܘܥܣܪ܂ ܬܚܘܝܬܐ ܕܝܢ ܕܟܐܢܘܬܐ
27:12	ܕܐܠܗܐ ܐܬܓ݂ܠܝܬ݁ ܥܠܝܢ ܒܙܒܢܐ ܗܢܐ ܠܡܒ݁ܛܠܘ ܕܘܒܪ̈ܝܢ ܒܝ̈ܫܐ܂
27:13	ܘܒܐܪܚ ܐܝܪ ܕܫܢܬܐ ܗܕܐ܃ ܕܡ݂ܛܐ ܝܘܡܐ ܕܢܬܥ݂ܒܕ ܒܗ ܥܐܕܐ ܗ݀ܘ
27:14	ܒܝ݂ܫܐ ܕܚܢܦܘܬܐ܃ ܢܦ݂ܩ ܩܡܨܐ ܣ݁ܓܝܐܐ ܠܐܬܪܢ ܡܢ ܬܝܡܢܐ܂
27:15	ܘܡܕܡ ܒܗ݀ ܒܫܢܬܐ ܠܘܬܢ܃ ܠܐ ܣ݁ܪܚ ܘܠܐ ܐܟܝ݂܂ ܐܠܐ ܒܠܚܘܕ

27:16	ܕܢ݂ܨܒ ܒܗ ܒܐܬܪܢ ܕܠܐ ܒܙܥܘܪ܂ ܘܟܕ ܢܨܒܬܐ ܕܙܪܥܗ ܒܐܪܥܐ ܢܨܝܒܐ

27:17	ܗܘܬ܃ ܙܘ̈ܥܐ ܕܚܝ̈ܠܐ ܥܠ ܐܪܥܐ ܗܘ݁ܝܢ ܗܘܘ܂ ܘܗܕܐ ܓܠܝܐ ܗ݂ܝ܃
27:18	ܕܡܛܠ ܕܢܥܝܪܘܢܗ݀ ܠܐܢܫܘܬܐ ܡܢ ܛܘܒܥܐ ܕܚܛܝܬܐ ܗܘ݁ܝܢ ܗܘܘ܃
27:19	ܕܠܐ ܬܬ݂ܪܕܐ ܒܟܦܢܐ ܘܒܡܘܬܢܐ܂