← Back
The Comprehensive Aramaic Lexicon
← Return to the Text Browser
click on the file description for more information

64500: JoshStyl

Click on a word for lexical analysis
Click on a red-colored coordinate for comments and/or translations of the line

previous chapter


42:01 ܒܗ ܕܝܢ ܒܝܪܚܐ ܗܢܐ܃ ܟܕ ܡ݂ܛܐ ܝܘܡܐ ܕܡܬܥ݂ܒܕ
42:02 ܒܗ ܥܐܕܐ ܗ݀ܘ ܒܝ݂ܫܐ ܕܬܫ̈ܥܝܬܐ ܕܝܘ̈ܢܝܐ܃ ܕܡ݁ܘܕܥ ܠܢ ܥܠܘܗܝ
42:03 ܡܢ ܠܥܠ܃ ܐܬ݂ܐ ܦܘܩܕܢܐ ܡܢ ܡܠܟܐ ܐܢܣܛܘܣ܃ ܕܬܘܒ݂ ܠܐ
42:04 ܢܪܩܕܘܢ ܐܪ̈ܟܝܣܛܐ܂ ܐܦܠܐ ܒܚܕܐ ܡܢ ܡܕܝ̈ܢܬܐ ܕܐܘܚܕܢܐ ܕܡܠܟܘܬܗ܂
42:05 ܡ݁ܢ ܕܚ݁ܐܪ ܗܟܝܠ ܒܡܦܩܢܐ ܕܨܒܘ̈ܬܐ܃ ܠܐ ܥ݁ܕܠ ܠܢ ܥܠ ܗ݀ܝ
42:06 ܕܐܡ݂ܪܢ܃ ܕܡܢ ܥܠܬ ܪܘܫܥܐ ܕܦܠܚܝܢ ܗܘܘ ܒܢ̈ܝ ܡܕܝܢܬܐ

42:07 ܒܥܐܕܐ ܗ݀ܘ܃ ܐܬܕ݁ܪܓܝ ܘܐܬ݂ܝ̈ ܥܠܝܢ ܡܪ̈ܕܘܬܐ ܕܟܦܢܐ ܘܕܡܘܬܢܐ܂

42:08 ܗܐ ܓܝܪ ܥܕ ܡܠ݂ܝܢ ܬܠ̈ܬܝܢ ܝܘ̈ܡܝܢ ܡܢ ܒܬܪ ܕܐܬܒ݁ܛܠ܃
42:09 ܚ̈ܛܐ ܕܡܙܕܒܢܢ ܗܘ̈ܝ ܐܪ̈ܒܥܐ ܡܕܝ̈ܐ ܒܕܝܢܪܐ܃ ܐܙܕ݁ܒܢ ܬܪܥܣܪ̈܂
42:10 ܘܣܥܪ̈ܐ ܕܡܙܕܒܢܢ ܗܘ̈ܝ ܫ̈ܬܐ ܡܕܝ݂̈ܢ܃ ܐܙܕ݁ܒܢ ܥܣܪܝܢ ܘܬܪܝܢ
42:11 ܘܐܬܝܕܥܬ݁ ܓܠܝܐܝܬ ܠܟܠܢܫ܃ ܕܡܫܟܚ ܗܘ ܨܒܝܢܗ ܕܐܠܗܐ܃
42:12 ܕܐܦ ܠܥܠ݁ܠܬܐ ܙܥܘܪܬܐ ܢܒܪܟ܃ ܘܢܬ݂ܠ ܣܒܥܐ ܠܐܝܠܝܢ ܕܬ݁ܝܒܝܢ
42:13 ܡܢ ܚܛܗ̈ܝܗܘܢ܂ ܟܕ ܛܒ ܓܝܪ ܟܠܗ ܥܒܘܪܐ ܫܒ ܗܘܐ ܐܝܟ
42:14 ܕܐܡ݁ܪܬ܂ ^ܘ^ܡܢ ܫܪܟܢܐ ܩܠܝܠ ܕܐܫܬܚ݂ܪ܃ ܗܕܐ ܟܠܗ݀ ܪܘܚܬܐ
42:15 ܗܘ݂ܬ ܒܓܘ ܬܠ̈ܬܝܢ ܝܘ̈ܡܝܢ܂ ܟܒܪ ܕܝܢ ܐܦ ܥܕܟܝܠ ܐܡ݁ܪ
42:16 ܐܢܫ܃ ܕܠܐ ܫܦܝܪ ܐܬܪܥ݁ܝܬ܂ ܗܕܐ ܓܝܪ ܬܝܒܘܬܐ ܠܐ ܗܘܐ
42:17 ܕܨܒܝܢܐ ܐܝܬܝܗ݀ ܗܘܬ܃ ܕܡܛܘܠܬܗ݀ ܢܗܘܘܢ ܪ̈ܚܡܐ܂ ܡ݁ܠܟܐ ܗܘ
42:18 ܓܝܪ ܒ݁ܛܠܗ ܠܥܐܕܐ ܒܩܛܝܪܐ܃ ܒܗ݀ܝ ܕܦܩ݂ܕ ܕܟܠ ܟܠܗ ܠܐ
42:19 ܢܪܩܕܘܢ ܐܪ̈ܟܝܣܛܐ܂ ܚܢܢ ܕܝܢ ܐܡ݁ܪܝܢܢ ܕܐܠܗܐ ܡܛܠ ܣܘܓܐܐ
42:20 ܕܛܝܒܘܬܗ܃ ܥܠܬܐ ܗܘ ܒ݁ܥܐ ܗܘܐ ܕܢܪܚ݁ܡ܃ ܐܦ ܥܠ ܐܝܠܝܢ
42:21 ܕܠܐ ܫ݁ܘܝܢ܂ ܘܐܝܬ ܠܢ ܬܚܘܝܬܐ ܡܢ ܗ݀ܝ ܕܐܬܪܚ݁ܡ ܥܠ ܐܚܒ
42:22 ܟܕ ܐܬܟ݁ܚܕ ܡܢ ܡܟܣܢܘܬܗ ܕܐܠܝܐ܃ ܘܠܐ ܐܝ݂ܬܝ ܒܝܘ̈ܡܘܗܝ܃
42:23 ܒܝܫܬܐ ܗ݀ܝ ܕܩܕܝܡܐ ܚܪܝܩܐ ܗܘܬ ܥܠ ܒܝܬܗ܂ ܠܐ ܗܘܐ

next chapter