The Comprehensive Aramaic Lexicon

87:01	ܗܟܢܐ܂ ܐܦܠܐ ܐܝܠܝܢ ܕܒܝܚܝܕܝܘܬܐ ܥ݁ܡܪܝܢ ܗܘܘ܃ ܐܫܬܒ݂ܩ^ܘ^
87:02	ܕܢܕ݁ܝܪܘܢ ܒܫܠܝܐ ܕܡ݁ܚܒܝܢ ܠܗ܂ ܡܛܠ ܕܐܦ ܥܠܝܗܘܢ݂ ܫ݂ܪܝܢ
87:03	ܗܘܘ ܒܕܝܪ̈ܬܗܘܢ܂
87:04	ܗܟܢܐ ܓܝܪ ܐܬܠ݁ܥܒܘ ܒܡܐܟܠܐ ܘܒܡܫܬܝܐ܃ ܒܗ݀ܝ
87:05	ܕܠܘ ܡܢ ܕܝܠܗܘܢ ܐܟܠܝܢ ܗܘܘ ܒܝܘܡܐ ܩܕܡܝܐ ܕܐܬ݂ܘ܃ ܐܝܟܢܐ
87:06	ܕܡܢܗܘܢ ܟܕ ܒܒ̈ܬܐ ܥܠ̈ܝܐ ܐܬܒܣܡ^ܘ^ ܢܦ݂ܩ^ܘ^ ܒܠܠܝܐ ܟܕ
87:07	ܡܬܒܘܪܪܝܢ ܡܢ ܚܡܪܐ ܣܓܝܐܐ܃ ܘܕܪܟ݂ܘ ܥܠ ܐܬܪܐ ܣܦܝܩܐ݂
87:08	ܘܠܥܘܡܩܐ ܐܣܬܚ݂ܦܘ܂ ܘܒܫܘܠܡܐ ܒܝ݂ܫܐ݂ ܡܢ ܚܝ̈ܐ ܫ݁ܢܝܘ܀

87:09	ܐܚܪ̈ܢܐ ܕܝܢ ܟܕ ܝ݁ܬܒܝܢ ܘܫ݁ܬܝܢ݂ ܐܬܛ݁ܒܥܘ ܒܫ݂ܢܬܐ ܘܢܦ݂ܠ^ܘ^ ܡܢ

87:10	ܒ̈ܬܐ ܥ̈ܠܝܐ ܘܡܝ݂ܬ^ܘ^ ܥܠ ܕܘܟ̈ܝܬܗܘܢ܀ ܐܚܪ̈ܢܐ ܕܝܢ ܥܠ ܥܪ̈ܣܬܗܘܢ
87:11	ܐܬܩܠ݂ܝܘ ܡܢ ܡܟܘܠܬܐ ܣ݁ܓܝܐܬܐ܀ ܐܚܪ̈ܢܐ ܕܝܢ ܫܚܝ̈ܢܐ ܕܪܬ݁ܚܝܢ
87:12	ܪܡ݁ܝܢ ܗܘܘ ܒܐܕܢ̈ܐ ܕܐܝܠܝܢ ܕܡܫ݁ܡܫܝܢ ܠܗܘܢ܃ ܡܛܠ ܣܘܪ̈ܚܢܐ
87:13	ܙܥܘܪ̈ܐ܀ ܐܚܪ̈ܢܐ ܕܝܢ ܕܥ݂ܠ^ܘ^ ܠܓܢܬܐ ܕܢܣ݂ܒܘܢ ܝܪܩܐ܃ ܘܩ݂ܡ
87:14	ܓ݁ܢܢܐ ܕܢܟ݂ܠܐ ܐܢܘܢ ܕܠܐ ܢܣ݂ܒܘܢ܃ ܡܘܬܐ ܒܝܕ ܓܐܪܐ ܐܘܫܛ ܠܗ܂
87:15	ܘܕܡܗ ܠܐ ܐܬܬ݂ܒܥ܀ ܐܚܪ̈ܢܐ ܕܝܢ ܟܕ ܡܬܪܒܝܐ ܒܝ݂ܫܬܗܘܢ܃ ܘܠܝܬ
87:16	ܐܢܫ ܕܬܟ݁ܣ ܠܗ݀܃ ܘܐܝܠܝܢ ܕܫ݂ܪܝܢ ܗܘܘ ܥܠܝܗܘܢ ܒܝܕܥܬܐ
87:17	ܣܓܝܐܬܐ ܡܬܕ݁ܒܪܝܢ ܗܘܘ ܥܡܗܘܢ܃ ܘܟܠܡܕܡ ܐܝܟ ܨܒܝܢܗܘܢ
87:18	ܣ݁ܥܪܝܢ ܗܘܘ܃ ܒܕܠܐ ܝ݁ܗܒܝܢ ܗܘܘ ܠܗܘܢ ܐܬܪܐ ܠܡ݁ܒܐܫܘ ܠܗܘܢ܃
87:19	ܐܙܕܟ݂ܢ^ܘ^ ܡܢ ܚܡܬܗܘܢ ܘܠܚܕ̈ܕܐ ܩ݁ܛ݂ܠ܂ ܕܐܝܬ ܗܘܐ ܒܗܘܢ ܕܝܢ
87:20	ܐܦ ܐܚܪ̈ܢܐ ܕܡܛ݁ܟܣܐܝܬ ܚ݁ܐܝܢ܃ ܠܐ ܟܣܝܐ ܡܢ ܝܕܥܬܟ܂ ܠܐ ܓܝܪ
87:21	ܡܫܟܚܐ ܕܒܚܝܠܐ ܣܓܝܐܐ ܕܐܝܟ ܗ݀ܘ܃ ܕܠܐ ܐܦ ܗܟܢܐ ‍{‍ܐܦ ܗܟܢܐ‍}‍ ܢܫܬܟܚܘܢ
87:22	ܒܗ܂ ܒܝ݂ܫܬܗܘܢ ܕܒܝ̈ܫܐ ܗܟܢܐ ܥܫܢ݂ܬ݁ ܠܡ݁ܒܐܫܘ܃ ܥܕܡܐ ܕܐܦ