The Comprehensive Aramaic Lexicon

91:01	ܡܪܢܝܬܐ ܠܐܢܫ܂ ܘܗܘ݂ ܡܛ݁ܝܒܐܝܬ ܠܦܝ݁ܣܗ ܩ݁ܒ݂ܠ܂ ܘܐܦ
91:02	ܐܘܪ̈ܗܝܐ ܟܠܗܘܢ ܒܚܘܝܚܘܬܐ ܪܒܬܐ ܢܦ݂ܩ^ܘ^ ܠܩܘܒܠܗ݂ ܟܕ

91:03	ܛܥܝܢܝܢ ܩܪ̈ܝܘܢܐ ܡܢ ܪܒܐ ܘܥܕܡܐ ܠܙܥܘܪܐ܂ ܘܐܦ ܟܠܗܘܢ

91:04	ܩܠܝܪ̈ܝܩܘ ܘܒܢ̈ܝ ܩܝ݁ܡܐ ܘܕܝܪ̈ܝܐ݂ ܥܡܗܘܢ ܢܦ݂ܩܘ܂ ܘܥܠ݂ܘ
91:05	ܠܡܕܝܢܬܐ ܒܚܕܘܬܐ ܪܒܬܐ܂ ܘܠܚܝܠܐ ܟܠܗ ܫ݂ܪܝܗܝ݂ ܒܪ ܝܘܡܐ
91:06	ܠܡܚ݂ܙܩ܂ ܘܗܘ݂ ܩ݁ܘܝ ܝܘ̈ܡܬܐ ܬܠ̈ܬܐ ܘܝܗ݂ܒ ܠܗܓܡܘܢܐ݂ ܡ̈ܬܝܢ
91:07	ܕܝܢܪ̈ܝܢ ܕܢܦܠܓ ܡܘܗ̈ܒܬܐ܂ ܘܒܢ̈ܝ ܡܕܝܢܬܐ ܟܕ ܚ݁ܕܝܢ ܒܫܝܢܐ
91:08	ܕܗܘ݂ܐ܃ ܘܪܘ݁ܙܝܢ ܒܓܗܝܬܐ ܕܡܟܝܠ ܗ݀ܘܝܐ ܠܗܘܢ ܡܢ ܐܘܠܨܢܐ
91:09	ܕܩ݁ܝܡܝܢ ܒܗ܃ ܘܕ݁ܝܨܝܢ ܒܣܒܪܐ ܕܫܦܝܪ̈ܬܐ ܕܡܣ̈ܬ݁ܟܝܢ ܠܡܐ݂ܬܐ܃
91:10	ܘܡܘܕܝܢ ܠܐܠܗܐ ܕܒܛܝܒܘܬܗ ܘܒܪ̈ܚܡܘܗܝ ܐܪܡܝ ܫܝܢܗ
91:11	ܥܠ ܬܪ̈ܬܝܗܝܢ ܡܠ̈ܟܘܬܐ܃ ܒܬܫܒܚ̈ܬܐ ܕܙ݁ܕܩ̈ܢ ܠܗ ܘܠܡ݁ܢ ܕܫ݁ܕܪܗ݂
91:12	ܠ݁ܘܝܘܗܝ ܟܕ ܚܙܩ܀
91:13	ܐܢܗܘ݂ ܕܐܚܪܢܐܝܬ ܐܬܚܙ݂ܝ ܡܠܟܐ ܗܢܐ ܒܫܘܠܡܐ ܕܚܝ̈ܘܗܝ܃
91:14	ܠܐ ܐܢܫ ܢܬܥ݁ܣܩ ܥܠ ܩܘܠ̈ܣܘܗܝ܂ ܐܠܐ ܢܬܥ݂ܗܕ ܐܝܠܝܢ ܕܡܢ
91:15	ܫܠܝܡܘܢ ܐܣܬ݂ܥܪ ܒܙܒܢܐ ܕܫܘܠܡܐ ܕܚܝܘ̈ܗܝ܀^
91:16	ܩܠܝܠ ܡܢ ܣܓܝ ܐܝܟ ܕܐܬܡ݁ܨܝܬ ܟܬܒܐ ܠܚܘܒܟ܂ ܟܕ ܠܐ ܨ݁ܒܐ
91:17	ܐܢܐ݂ ܘܟܕ ܨ݁ܒܐ ܐܢܐ܂ ܟܕ ܠܐ ܨ݁ܒܐ ܐܢܐ ܡ݁ܢ܃ ܡܛܠ ܕܠܐ ܐ݁ܠܐܐ ܗܘܝܬ
91:18	ܠܝ݁ܕܘܥܐ ܚܟܝܡܐ܂ ܕܝܬܝܪ ܡܢܝ ‍{‍ܡܦ݂ܣ‍}‍‍<‍ܡܦ݁ܣ‍>‍ ܒܗ̈ܝܢ ܒܗܠܝܢ܂ ܟܕ
91:19	ܨ݁ܒܐ ܐܢܐ ܕܝܢ܃ ܡܛܠ ܡܫܬ݂ܡܥܢܘܬܐ ܕܠܦܘܩܕܢܟ܂ ܘܡܟܝܠ
91:20	ܡܦܝܣ ܐܢܐ ܕܐܦ ܐܢܬ ܬܡ݁ܠܐ ܫܘܘܕܝܐ ܕܒܐܝܓܪܬܟ܃ ܕܨܠܘܬܐ
91:21	ܐܡܝܢܐܝܬ ܬܩ݁ܪܒ ܠܐܠܗܐ ܥܠ ܚܛܝܘܬܝ܂ ܗܘ݁ܝܐ ܠܝ ܓܝܪ