The Comprehensive Aramaic Lexicon

014_1:01	אסותא מן שמיא לדדנה בר אסמנדוך ולשרקוי
014_1:02	בת דאדה איתתיה ולבניהון ולבנתהון ולביתהון
014_1:03	ולקינינהון דיהון להון בנין ויחון ויתקימון ויתנטרון
014_1:04	מן שידי ומן דיוי ומן שובטי ומן סטני ומן לוטתא ומן ליליתא ומן מבכלתא דמיתחזין
014_1:05	להון מומינא עלך מלאכה דנחית מן שמיא כד גביל בדמת קרן ליה זיף זליף
014_1:06	מלאכה דעביד רעותא דמרוהי ועל כיבשי מרוהי מסגי שאי ומישתבח בישמיא
014_1:07	שאי ותושבחתיה בארעא סמיוית מלא וציציה דקימ^ין^ ומטהרין מן יומי עלמא וניגריהון

014_1:08	לא מתחזין ברקדיהין ליה לעלמא כוליה ויתבין וקימין באתרהון נשפין כי זיקא ברקין כי ברקא

014_1:09	אינון יבטלון וישמתון כל גיסי וקיבלי ואנקי ולוטתא וקריתא ושיקופתא ואשלמתא וממלתא ושידי
014_1:10	ודיוי ושובטי וליליתא ופתכרי ומבכלתא וכל מידעם ביש דיזהון ויפקון מן דדבה בר אסמנדוך ומן שרקוי
014_1:11	בת דאדה איתתיה ומן חוניק ומן יסמין ומן כופיתי ומן מהדוך ומן אברהם ומן פנוי ומן שילי בני שרקוי ומן ביתהון ומן
014_1:12	קינינהון ומן דירתיהון כולה דשרן בה מן יומא דנן "ולעולם בשום יהוה צבאות אמן אמן סלה יהוה ישמורכה מכול רע ישמור את נפשך"
014_1:13	דאידרונא דאוספלידא