← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

70700: JBA magic bowls

Click on a word for lexical analysis
Click on a red-colored coordinate for comments and/or translations of the line

previous chapter


018_1:01 אסותא מן שמיא לדדבה בר אסמנדוך
018_1:02 ולשרקוי בת דאדא איתתיה ולהוניק וליסמין
018_1:03 ולכופיתי ולמהדוך ולפנוי ולאברהם ולשילי בני שרקוי
018_1:04 ולביתיהון ולקיניניהון ודיהון להון בנין ויחון ויתקימון ולא יגע
018_1:05 בהון כל מזיק דאית בעלמא ובישמיה רבה דיקרא אלהא קדישא דחד שמיה
018_1:06 דכביש חשוכה תחות נהורא מחתא תחות אסותא סיתרא תחות בינינא חבלתא
018_1:07 תחות שויתא רוגזא תחות ניחא כבישין כולהון בני חשוכה תחות כורסיה דאלהא דחד
018_1:08 שמיה אסירין כבישין דיוי נקיטן כדנא רוחי בישתא וחומרי זידניתא וטומאתא
018_1:09 ורברבי דחשוכה ורוח סרי ונאלי ומבכלתא דליליה ודיממא ולוטתא ואנקתא וקיבלי ומללתא ומומתא
018_1:10 ואישתקופתא ואשלמתא פגעא ופגעיתא ובת קלא דקריה ואסרה דמיסכינותא ושידי ודיוי וסטני
018_1:11 ופתכרי וליליתא וחרשי בישי ועובדי תקיפי ושבע מבכלתא דליליה ודיממא אסירן כבישן ומשכבןע!א
018_1:12 מן דדבה בר אסמנדוך ומן שרקוי בת דאדא איתתיה ומן הוניק ומן יסמין ומן כופיתא ומן מהדוך ומן פנוי
018_1:13 ומן אברהם ומן שילי בני שרקוי ומן ביתיהון כוליה ומן קינינהון ומן דירתיהון כולה מן יומא דנן "ולעולם אמן"
018_1:14 "אמן סלה ויאמר יהוה אל הסטן יגער יהוה בך הסטןיגער יהוה בך הבוחיר בירושלים הלא זה אוד מצל מיאש"

next chapter