Click on a word for lexical analysis
Click on a red-colored coordinate for comments and/or translations of the line
| 054_1:01 | שידא נטיא טמיא קליא בתיא נוריאל צור קדיש |
| 054_1:02 | חתימין ומחתמין ומסגן אחת בת אימא רבי מלכי ודיפשי בני אחת ויניי |
| 054_1:03 | בת אחת ואחת בת אימא ואטיונא בר קרקוי וקרקוי בת שילתא ושילתא בת אימי |
| 054_1:04 | אינון וביתיהון ובניהון וקנינהון חתימין בעיזקתא דאלשדי בריך הוא ובעיזקתא דשלמוה |
| 054_1:05 | מלכא בר דויד דעבד עיבידתא בשידי דיכרי ובליליתא ניקבתא חתימין ומחתמין ומסגן מן שידא דיכרא |
| 054_1:06 | ומן ליליתא ניקבתא ומן עבדא ומן לוטתא ומן קריתא ומן אישתקופתא ומן עינא בישתא ומן חרשין בישין מן חרשי אימא |
| 054_1:07 | וברתא ומן חרשי כלתא וחמתא ומן חרשי איתתא זידניתא מחשכא עינין ומפחא נפש ומן חרשי בישי דעל ידי אינשא |
| 054_1:08 | מתעבדין ומן כל מידעם ביש בשום "יהוה יהוה צבאות שמו אמן אמן סלה" הדין קמיעה לבטלא שידא טיטינוס חתימין פגרי דעש |
| 054_1:09 | ופגרי דעש קל פגרי דעש קל מילי מילי אתיגלא |