The Comprehensive Aramaic Lexicon

click on the file description for more information

Click on a word for lexical analysis
Click on a red-colored coordinate for comments and/or translations of the line

000a	marai mšaba
000b	kušṭa asinkun
001	bšumaihun ḏhiia rbia qadmaiia nukraiia mn almia ḏnhura iatiria ḏˁlauia kulhun ˁubadia asuta uzakuta uhaila ušrara
002	uˁmra ušima uhaduat liba ušabiq haṭaiia nihuilia ldilia baian brhauatum iaditun ia ahan ḏatitun mn abatran kḏ
003	ansaitẖ lhazin diuan mn diuan ḏiahia iuhana br šarat mamania {{uhia}}uiahia iuhana ansa mn diuan ḏrbai mhatam briahia
004	uaška ḏkdablẖ bgauẖ uamar ḏhazin diuan lahualẖ riša udinba ktab amud ḏhzat ainai ulahua lbr mn hazin diuan bšarša
005	ḏhiia bhalin dukta uana ansit mn ansatẖ uhiia malaiia hinun bhailẖ ḏiauar ziua usimat hiia
006	hazin ˁtibiun hanatun ˁutria luatẖ ḏhanatẖ niṭubta ˁmaihun ḏmalkia ˁštaiun mina šuta braita ḏtaqna mn
007	kulhun mimria ulibaiun haqilun usahaqlun lhazin parṣupa šbiha hazin⊚ uhaizak malil uamarlẖ mitia atina umasguiia
008	saginin lšaba šaiia atin lmihzia ziuia šaliia uˁlai dilia lšaminin ḏˁudnaian lašuma ubaiinin mamlalia iahbatlan
009	ḏlabahatan kulhun masqata udukrania mapraš ḏˁuṣraian mistmik ulibaian hadia uhailaian ṭapia lhad trin
010	uˁniš mn ˁutria paršigna lanitilan {{urazak}} urazak kasia naṭarlẖ lhad mn ruban iahbinalẖ hanatẖ ḏmšalam ulaiit
011	bgauẖ hargta iahbalan hazin raza ḏmasguiia baiinin ˁuhran rahiqa kḏ ḏglilak uanin bšgandia luguṭainin mahu
012	paršigna lanitilan iahbatlan kḏ haizin amar trin ˁutria nihia ḏhinun šurba rba mitqiriia malalat uamralun
013	ia bnai bukraiia šitlia ^ḏ^biaminai šitlit ziuaikun luatai iaqir unhuraikun luatai laˁstaiak hazin šuiala ḏanatun
014	šaialtun ˁlẖ ana laiadana ubsipria lˁdai ladar hinila qum asgun ˁzil lalma hazin ḏliaminai ḏhu almia ḏiauar
015	rba malkaihun ḏnaṣuraiia maria ˁumqia ḏkulẖ naṣiruta ˁul ˁzil baba ḏˁndruna luat naṭra ḏalma ˁul atutia
016	sradqa uazal mizlẖ ḏˁutria sqilia uˁštaiun luat hanatẖ malka malalia šbihia unṭiria usgudlẖ ḏrba udnulẖ
017	umraurab anat hibilziua kadpak ušul šulta ltrin draiak šabẖ anat iaqrẖ uqaimẖ lhazin iauar ziua ubziuẖ nilgaṭ
018	atutia margnia nitkarak ḏhu iahablkun malalia usamiklẖ lˁuṣraikun mn riš briš ⊚uhaizak qam hibil ziua
019	uiauar ziua {{ḏ}} mn qudamẖ ḏniṭupta rabtia kasita qadmaita luat iauar rba mizlun atun ual luat hanatẖ alma uˁl
020	hilbuna kasia asgun ukbiš qumtaihun usigudta sgid qumtaihun ušabatẖ umidnilia dnuta rabtia uhu rba luataihun
021	lamalil ḏalma ḏsaiik šanin rahmẖ kušṭa pšaṭ uˁštaṭia luat abahatẖ uhaizak karsauata traṣlun lˁutria atutaiun
022	uˁuṣṭlia ḏziua albišinun uaṭpilun bˁqara kul had minaiun alip ruban kḏ ḏˁtlẖ uamarlun malil ˁutria umamlalkun bˁqara
023	nitirṣun ukul mahu ḏbaiitun taškun ukul ḏšailitun nitnulkun anatun ainan dilan uiaqir minaikun luatan lanitaška uhaizak kḏ
024	amar iauar rba hazin mimra stahap ˁutria ˁl anpaihun npal uˁštaṭin uamrin anat malka ḏˁutria aba ḏmalkia
025	kulhun anat mida iadit ukasiata kulhin lqudamak mgalala glilan anin mahu ḏnimar ukḏ anat ṣarit zimta uiadit mahu
026	ḏbẖ hinila anin amarnin ḏšulta dilan hauia uanat bmaṭut ˁlauaian tihuia⊚ uhaizak malil hibilziua uliauar rba ḏnimarlẖ
027	atinin luatak malka ḏtaga utaprišinan lhalin ḏabahata ḏmasiqta uldukrania kulhun ˁu amrit ldilan anin arabigar dilak anˁn
028	uhaizak mihdar uhazia lˁiil uhazia unazia ltit uamar hazin raza lahzilẖ uhinila naṭar almia usipria ḏ naṣiruta saiarna
029	uhaizak qam uasgia lhilbuna gauaia ḏsabar bgauẖ nṭiria uarbin ušuba {{sa}} ṣapṭia pta uhazibun usipria hadtia
030	umindam ḏˁutria šaiil ˁlẖ pšaṭ ṭupsia hadtia uhatiqia uraza hanatẖ lahza uhaizak qam uata luataiun ḏtrin
031	ˁutria uamarlun ia bnai ušitlai rbuta bdaria latinisbun ˁumqia ḏnaṣiruta napša usaka litlun kulman ḏrbuta
032	bnaṣiruta nasib mnata lnhura bgauẖ litlẖ uhaizak asgia iauar {{zuṭa}} ziua ulgaṭ bˁuṣṭlia ḏiauar rba uhibil ziua
033	šaiil ˁlẖ uamarlẖ hapas mahu nibad ˁutria ḏalmia lamahpia ˁlan iadia ḏatainia luataikun ušaialia šalnin aiak
034	rba uašualania mahu paršigna nihuia luataikun {{ḏain}} ḏainan mn ˁutria lasaipin šgandia anin masguiia baiinin ˁuhran
035	glilak mahu damia uhaizak malil uamarlun lˁutria ḏana ˁiaprišinkun ˁu anin raza nitilkun ˁzil luat šahrat
036	anana ˁmẖ ḏnhura qadmaita ḏhˁ zaua ḏmara ḏrabuta mitqiria ˁzil luata bsigudta udnuta hazin raza kasia
037	amarulẖ ḏmn luat adinqia [] ugauaia lmihdiritun uhazak npaq ˁutria mn qudamẖ ḏmalka kḏ abda umarẖ
038	qurqlẖ damin lgabra qribaia ḏˁtbẖ ḏmn atutia habrẖ uzainẖ minẖ šiqlẖ uatun umṭun alma ḏšahrat anana
039	naṭria ušlihia alanpaihun npaq ulgaṭunun biaminun uziuia unhurẖ ltrin draiia d{q}<r>un uhaizak ailinun lqudamẖ ḏhanatẖ
040	anana kḏ hzun hanatẖ ziua lašar ligraihun lmiqam stuarun naqšia lhandamun ulakainia npal ˁutria ˁl anpaihun
041	uhaizak amrabun uamria ṭabia uˁda asimat ˁlauaihun urtitia unqišia minaihun zhun uqam lligraihun usagdia
042	umištaṭia kḏ abda lmarẖ ukḏ šualia ṭaba lrbẖ uamarlun lau bnia bnaian kaš{u}<i>ria bnata ḏniṭupta ḏanania hziuia
043	balmia hanik ḏpalugnin uhaizak malil hibil ziua uamarlẖ ˁin anin ḏhalin ḏanat šumaiin dkart uamarlun lmahu
044	damia manda ḏhiia uhaizak lziua ḏˁlẖ šria hazin gabra ḏšumẖ luatan triṣ uhanatẖ anania damian ḏiušamin
045	šaria hazin damian nbaṭ ziua ˁlai hu ḏhauia dauraian uhaizak malil iauar ziua unbaṭ ziua gabra ḏšaiil hazin
046	{{šuiala}} ˁutra ḏliaminai šitlẖ ḏmanda ḏhiia hu ana hu ^ḏ^ iauar uhaizak brẖ ḏmanda ḏhiia hu hibil ziua nbaṭ ziua
047	šumẖ uhaizak qamat lligra uhbaqtinun bhbaqa lˁutria uanhitinun bkanpa umnašqalun udima bˁumba {{natran}} ašdan
048	uamralun anatun šitlai ubnai bukrai dilia ḏšumaikun bkulhun almia zria kulman ḏmn šumaikun ladakar butẖ utušbihtẖ
049	latitqabal uhaizak {{qam}} atun patura ulahua ṣaiṭa uakal mn birkta ḏiardna hinun uštun hamra ṭaba ḏlahua
050	mn riuta ˁtiqria ḏhˁ ruha bišta bgauẖ ˁtkabšat ltlata malil ˁutria uamrilẖ baiinin lmizal lalman
051	hinila šulta minik nišaiil baiinin raza ḏṭabahata udukrania ḏhiia šauun uzuharia šauun masqata udukrania
052	halin šuba qinia ḏrabata kḏ klila lmasiqta tarṣit baiinin ḏnibašqar hazin raza uanat minẖ latagzar ˁlan
053	⊚ uhaizak malalat šahrat anana lˁutria ḏtimarlun bhaiaikun malkia ḏalmia ṭabia ḏhazin raza ḏšaiiltun ˁlẖ ana
054	laiadana hinila {{bˁuṣrai}} npilia bˁuṣrai ḏnišailẖ lˁmaian kanat rabtia ḏkulhun bziua ḏlbuša lamašria hašta ḏanatun
055	bitulẖ lhazin šulta ˁzil luata ḏdmuta zgigta ḏkul mahu ḏšailitun minẖ lamagzrẖ ˁlauaikun ulibaikun hadilkun
056	bgiuat aminṭul ḏbˁumqa ḏnaṣiruta kulẖ atutia hiṣra ḏiaminẖ nṭir uhaizak qam ˁutria umasgin luat kanat rabtia
057	ḏkulhun almia ḏnhura uhšuka minẖ praš ual uazal luatẖ kbar ziua ḏhanata dmuta ˁlauaihun alma ḏlanida ḏnimalalun
058	luatẖ ušlama uṭabuta laiahbia unṭar unpal qudamẖ alma ḏmia ḏiardnia hiuaria rmun ˁlauaihun uaqmunun lligraihun
059	uhaizak dmun lqaina rsisa alma lṣṭipra uhaizak atun luatẖ ḏdmuta uiahbulẖ sigudta ušabata uamrilẖ atinin ḏnihuiẖ
060	{{arqa}} ^ra^bigar ḏmalkia uabu ḏanania ukušṭa atin lhazin dmuta ḏmišal minaikun šulta lika ḏiahbilun ḏlibun bṭapia rmia
061	ḏlaiadinin ˁlia azlinin uˁlia hu hauia mizlan hinila huin luat šahrat anana uanat hˁ luatik šadirtinan ḏnitrapraš mn
062	luatik ulibaian nitab lsamkia mahu paršigna iahbatlan ṭubẖ lman ḏlibẖ galilẖ ḏmahu ḏmn ṣṭipra ṣṭarar umahu
063	ḏhiia iahbilẖ umahu ḏlibẖ samik ˁlẖ⊚ kḏ haza šimat ˁmaihun ḏˁutria ˁtbasmat uhdat uˁtgaiat uamra lika
064	ṭura gzira ulika ḏmarẖ agzar ˁlẖ ulika abda kšira ḏmarẖ bzida ragiz ˁlẖ ulika ḏbaiia dahba uhadar ukaspa maška
065	ia bnai lbušaikun dra ṭuna ḏkabir hašta sumkia anatun haslẖ ḏniqum bplugta haslinan ldilan ulatihasrinan šultaikun
066	hinila kulmahu ḏbaiitun luatan triṣ uqaiim unaṭarlkun mn qudam ḏabahatkun nihuilkun uhaizak qarialẖ lšahariala zuṭa
067	ḏqaiim lqudamẖ ḏiusmir ˁutra ulšilmai ṭaba ulbhaq uhanaiil usamandarˁil sdira urbẖ šinglan ˁutra ahuia ḏ
068	šinglan ulhaiašum qašiša ulzihrun ginzaia ulguhran madrana uamralun nsibunun lhalin ˁutria bnihuta ubˁqara uaqmunun
069	qudam abahatan umalkaian umaran umqablana ḏbutan utušbihtan ḏkulium anin midninalẖ ḏhu mara ḏrabuta šumẖ ḏziuẖ
070	dilẖ mrabilan aiak pira ḏbšamša ḏšulta lhalin ˁutria nitilun ḏlibaiun lˁtib ulahadar aminṭul ḏbnaian iaqiria
071	hinun ⊚ uhaizak nsabunun uazal lqudamẖ ḏmalka rama ḏnhura bkulhin bar^a^kata ḏnapša usaka litlaiin ⊚ ukulhun naṭria ˁutria
072	sgid ušaba uˁštaṭia lmaraihun ukḏ sa^ii^kiun rahmaiun malil malka ḏnhura ḏnimarlun ltrin ˁutria anat hu hibil ziua
073	msadrana brẖ ḏmanda ḏhiia uhaizak hu iauar ziua br nbaṭ ziua gabra ḏṣautẖ šrˁia ˁlan anatun trin msadrania
074	⊚ baiitun ḏtisadrun kulhun almia ḏhšuka unhura lˁdaikun dilkun nistadar hazin šulta ḏbaiitun minaian iamitun ḏkasitun razaian
075	laiahbitun lˁutria blilia ḏrbuta sriqta nasbin umaprišnalkun ḏhauia ˁuṣraikun ḏlhad mn alpa iahbitulẖ uhaizak iamun ˁutria
076	mumata ḏkahua ukadra uˁqara lamgalalinin ˁlẖ lhad mn alpa iahbinalẖ ultrin mn ruban gubria kšiṭia umhaimnia ḏsina qina
077	uplugia binataihun lahauia⊚ uhaizak malil mara ḏrabuta lˁutria nihia ḏnimarlun baiitun ḏtidun hazin raza lˁutria ḏriša
078	malala baraiia galil lsrin uarba iahria arhunun uaqmunun mn libaikun lraza dilkun kasia uṭabuta dilkun mqablin uminilkun kḏ
079	abda lmarẖ ukḏ rabigar niha lmartẖ natnun ḏrazaikun blibaikun aminṭul ḏlbušaikun aiak mia bhamra ˁtarab ˁu razaikun
080	baraiia lakasin gauaiia dilkun lguṭ latatnun ˁdulun aminṭul ḏrabuta nasib baiin ḏ^la^ˁdinun lˁutria ḏginzaia ḏmalka anin šuhba
081	abdia ˁl anpaihun lhanatun lnhura lasalqia ⊚ uhaiman ˁutria mimrẖ ḏmalka bkul mindam ḏšminun hzun kḏ haizin hua malil
082	mara ḏrabuta ḏnimarlun uˁniana rmalun uamarlun ⊚ kma šanai ziuaikun malkia ukma dmutaikun taqna ainia ḏˁutria pahtitun
083	umdabrana ḏmalkia kulhun qlidia ḏziua bˁdaikun ulṣapṭia ḏziua gamritun ˁsiqtan urušuman ukušṭan blibaikun dilkun nitnaṭar
084	tana ḏiaqid bziua upasimka ḏbẖ pihta nṭir dmutaikun ukulhun almia umalkia uniṭupiata lmimra dilkun našrun mn riš briš⊚ uhaizak
085	pašiqtẖ kanat rabtia lhazin ˁniana iaqira ḏrmalun mara ḏrabuta lˁutria uamar ⊚ hazin ḏamar malkaian kma šainai
086	ziuaikun malkia kma dma hu šanai mirta hˁ ziuaikun balgam hu malkia ziua hu ⊚ kma dmutaikun taqna ruha unišimta upagra
087	hinun ⊚ ainia ḏˁutria pahtitun maṣbuta hˁ umamla ḏnṭar blišana hu ḏlapahtan ainia ḏrazia ˁlẖ bmamla hu maṣbuta šumẖ
088	umdabra<<na>> ḏlkulhun malkia hu ḏlˁṣṭuna kulẖ mdabarlẖ hu trin razia ḏminẖ iaqiria ḏhu zma ḏtartin ainia šumẖ aqlidia
089	ḏziua bˁdaikun tlata rušumia hinun sapṭia ginzia gamritun dilkun ˁuṣra utirata uandašata hinun ˁsiqta urušuma ukušṭa
090	riša uhalṣa ḏˁuṣṭuna hinun ḏlˁdaikun dilkun nitnaṭrun urušuma ḏšuba rušumia ḏiahṭaṭa urušuma ḏˁlaia ḏriša ḏhinun
091	tlata gaunia mitrišmia bisiqta had bparzla bmiša tana ḏiaqid bziua balgma ḏbzma rmia ⊚ pasimka ḏbpihta
092	nṭir ainia ḏbriša iaqda niniṭrun dmauatkun iamina usmala hinun almia umalkia uniṭupiata kabda uhašaša ukuliata hinun
093	ḏhinun malkia ḏbiniania kulhun lmimra dilkun našrun nišimta ugirmia hinun ⊚ mn riš briš ḏmn riša uligrẖ hu⊚ kḏ rmalun
094	hazin ˁniana lˁutria lahualun pasuk ḏnatunun lbr mn mahu qam hibilziua ulgaṭ ligrẖ ḏiaminẖ ḏmara ḏrabuta umnašiqlẖ
095	umbaraklẖ uhu iauar ziua laṭmẖ ḏmara ḏrabuta uligṭẖ bˁdẖ umnašiqlẖ uainẖ bdimihta ˁṣṭararat umbarkilẖ

096	umraurbilẖ umqaimilẖ lmara ḏrabuta uamarlẖ bmaṭut tihuia ˁlauaian uhaizak aṭpilun ziua lˁutria unhura rama ˁlauaihun

097	pras⊚ uhaizak malil mara ḏrabuta lˁutria msadrania ḏnimarlun ia bnai ušitlai hzun ubašqar napšaikun
098	utidun ḏhšuka ˁtbẖ haila bˁnpiš unhura ˁmra ušima bgaua nṭir ukḏ nhura ramin bhšuka uhšuka
099	banhura ˁtimlia hazin ˁuṣṭuna kulẖ uhšuka haška hu ruha qarilẖ almia udaria hazin nhura nišimta